الجرائد والجرائم

[لؤلؤة قسنطينة]

السّلام عليكم يا ناس اللمة الغاليين
ان شاء الله راكم لاباس؟
ربي يوفق الجميع ويهنيكم كامل
لي راهو بيناتنا رانا نتطمنو عليه ولي راهو بعيد علينا نتمناولو التوفيق ان شاء الله ^^
اما بعد رايحة ندخل في الموضوع مباشرة ولي عنوانو " الجرائد والجرائم " ولي كنت حابة نطرحو من مدة
ورايحة نتكلم فيه على ظاهرة غريبة محيرتني ونتوما اعطيوني رايكم فيها واذا هاد الظاهرة غير انا لي انتبهتلها
ولا راكم كامل مستغربين منها , مالا تبعوني نقولكم
يعني في كل بيت جزائري ماكانش لي مايشريش الجريدة ولا لي مايعرفش واش معناها جريدة
خاطر نسمعو منها آخر الأخبار , وغيرها من الأمور لي تفيدنا
وكاين بعض الأخبار تشوفهم في الجريدة وتتأكد من بعد من صحتهم على التلفاز , وكاين اخبار
تشوفهم على التلفاز وزيد تلقاهم كتأكيد على الجريدة وكاين اخبار ماكانش في التلفاز وتلقاهم في الجريدة فقط
درك المشكل ماش هنا , اكيد رانا عايشين في مجتمع كل يوم تسمع بحاجة جديدة وكل يوم يظهر خبر جديد
لكن الحاجة لي حيرتني يا خاوتي هي تهز الجريدة هاديك وبعد ما تعدي على كل الصفحات لي معمرة اخبار ومشاكل
تلحق للصفحة الأخيرة وتما الفاجعة , تلقى على الاقل 16 خبر ( وهادو حسبتهم بنفسي ) كلها اخبار مفزعة
يعني بعد ماتتفاجأ من محتوى الجريدة رايح في آخر صفحة تلقى مجموعة من الأخبار المفزعة
تلقى مكتوب : شيخ ضربتو سيارة وقطعتو ل 30 طرف
طفل رضيع مرمي في الزبالة حاشاكم
شاب يذبح والدته , كلب يقتل طفل ويقطعلو لحمو لقداه من طرف
فلان قتل فلانة , فلان اعتدى على فلانة , شيخ يضرب شخصا بفأس
امرأة عجوز تتاجر بالمخدرات , اطفال ثانوية يتاجرون بالمخدرات , طفل صاحب 17 سنة ينتحر
امام مسجد يقتل احد المصلين داخل المسجد , يعني غير القتل والذبح والجرائم البشعة والمتاجرة بالمخدرات وغيرها من الامور الأخرى
والمشكلة كل يوم 16 خبر جديد على الاقل وكل يوم قتل وذبح وشنق وانتحار وغيرها من الجرائم والأخبار الفضيعة
درك هل الجرائد قاعدة تنقل في كل شي صحيح والدنيا ولات فاسدة لدرجة اكثر من 112 جريمة بشعة تصرا في الاسبوع ؟
ولا هاد الجرائد باه تلفت القراء والانتباه قاعدة تزيد من عندها وتخلع فينا بجرائم بشعة كيما هكا ؟
ماعلاباليش اذا غير انا لي خلعتني هاد الظاهرة ولا كامل الناس تولهت
نخليلكم الخط ونتمنى ماتبخلوش عليا بآراءكم القيمة
تحياتي للجميع
​

 

[إلياس]

رد: الجرائد والجرائم

تسلم على الموضوع
كنت انتظر على أحر من الجمر لكن هناك مواضيع مبالغ فيها في الجرائد يعني الكلام زائد عن الحقيقة​

 

[Hakan]

رد: الجرائد والجرائم

ههه والله يااختي لسان حال موضوعك يختصر في قصة
قالك واحد جزاائري دار احصااء لعدد الجرائم المذكوورة في مختلف الجراائد الجزاائرية
وتوصل الى نتيجة مفادها انو الشعب الجزاائري كامل مات اما قتلا او دهزا او انتحارا ههههه
ربي يهنيك ختي والله مشكل كبير لكن كاين اخبار موثقة وكاين اللي فقط بااش يملاو الصفحات لانو جريدة تبااع ب 10 ديناار اكيد مافيهااش بزااف حقاائق
وفي الاخير تحية لكل امراة تشري الجرنال بااش تمسح بيه البوطاجي والكوافيز
سلاام ​

 

[لؤلؤة قسنطينة]

رد: الجرائد والجرائم

تسلم على الموضوع
كنت انتظر على أحر من الجمر لكن هناك مواضيع مبالغ فيها في الجرائد يعني الكلام زائد عن الحقيقة​

أهلا بأخي الكريم نورت الموضوع ^^
فعلا خويا وأكيد كاين وحايد مبالغ فيها
تقولي حوادث سيارة معليش نتقبلها , ناس تموت معليش
بصح الشعب كامل يذبح والشعب كامل ينتحر والشعب كامل يبيع المخدرات هادي ماتدخلش في المخ حتى الانسان يشك في نفسو
ويولي يقول راهو عايش مع المافيا
ربي يهديهم برك هادا مانقولو
بارك الله فيك اخي على المرور العطر
تحياتي الخالصة :regards01:​

 

[Skor m@k]

رد: الجرائد والجرائم

السلام عليكم
والله غير ضحكتني البداية تاع الموضوع
واش معنتها جريدة ههههه كي شغل منعرفوهاش ههههه
نgسر برك خخخخخ
صح كاينا منها أنا نشك بلي خرطي يعمرو بيها الصفحات برك
وشحال يهدرو على الحيونات
كلب عض طفل ثعبان هول دشرة
خنزير جرا مور التلاميذ
اوو خلي تاع سكير رشق سيارة شرطة
ومخمور قتل مرتو
مفهمتش منين يلقاو هذو الأخبار
زعما يخلعو بيها الناس برك اوو كل يوم ماشي قال يجمعو تاع سمانا

يعطيك الصحة ختي على المضوع
شكرا​

 

[لؤلؤة قسنطينة]

رد: الجرائد والجرائم

ههه والله يااختي لسان حال موضوعك يختصر في قصة
قالك واحد جزاائري دار احصااء لعدد الجرائم المذكوورة في مختلف الجراائد الجزاائرية
وتوصل الى نتيجة مفادها انو الشعب الجزاائري كامل مات اما قتلا او دهزا او انتحارا ههههه
ربي يهنيك ختي والله مشكل كبير لكن كاين اخبار موثقة وكاين اللي فقط بااش يملاو الصفحات لانو جريدة تبااع ب 10 ديناار اكيد مافيهااش بزااف حقاائق
وفي الاخير تحية لكل امراة تشري الجرنال بااش تمسح بيه البوطاجي والكوافيز
سلاام ​

اهلا بخويا حكيم نورت الموضوع ^^
والله يا خويا ولاو يخلعونا صح , تسمع خبر مفزع مرة على مرة تتقبلها شوي وتقول كاين ولاد وبنات حرام
بصح كل يوم 16 خبر على الاقل والله شي يخوف , كيفاه الشعب كامل خطفولهم ولادهم ؟ والعجائز كامل مروجين للمخدرات هههه
ولا الشعب كامل انتحر ؟؟ ولا الشعب كامل ذبحوه ؟ يعني هكا رانا عايشين في غابة ولا وسط المافيا
ولينا حتى نخافو من نفسنا ونشكو في رواحنا , بصح كيما قلتها لدرجة تتباع ب 10 دج اكيد تلقى فيها الخرطي
وكيما قلتها تحيا المرأة لي تمسح بالجرنان الطواقي ههههه
بارك الله فيك خويا حكيم على المرور العطر
تحياتي الخالصة لك :regards01:​

 

[لؤلؤة قسنطينة]

رد: الجرائد والجرائم

السلام عليكم
والله غير ضحكتني البداية تاع الموضوع
واش معنتها جريدة ههههه كي شغل منعرفوهاش ههههه
نgسر برك خخخخخ
صح كاينا منها أنا نشك بلي خرطي يعمرو بيها الصفحات برك
وشحال يهدرو على الحيونات
كلب عض طفل ثعبان هول دشرة
خنزير جرا مور التلاميذ
اوو خلي تاع سكير رشق سيارة شرطة
ومخمور قتل مرتو
مفهمتش منين يلقاو هذو الأخبار
زعما يخلعو بيها الناس برك اوو كل يوم ماشي قال يجمعو تاع سمانا

يعطيك الصحة ختي على المضوع
شكرا​

وعليكم السلام ورحمة الله وبركاته
اهلا بخويا مالك نورت الموضوع ^^
هههههههه لازم نديرلكم تعريفات , مزية مازدتش عرفت الأخبار ومقدم الأخبار :d
والله صح واش راك تقول هههه نسيت الحيوانات ماذكرتهمش
يجبدو الخنزير والكلاب حاشاك و الثعابين والاسود والنمور وحتى الديناصورات هههه
مايخليو رضيع وما يخليو شيخ وما يخليو شاب
رجعونا نشوفو في الجزائريين والجزائريات كامل فاسقين وكامل مهابل هههه
يعني ربي يهديهم برك هادا مانقولو
شكرا خويا مالك على مرورك العطر
تحياتي الخالصة لك :regards01:​

 

[أم محمد وأمين]

رد: الجرائد والجرائم

السلام عليكم نعم أختي جل هذه الأخبار لا أساس لها من الصحة رغم أنو الاعتداءات والفساد زاد بكثرة في الآونة الأخيرة

 

[Salam Fleur]

رد: الجرائد والجرائم

السلام عليكم

اسكتي برك .... مرة قلتلهم احنا عايشين في غابة ... يا جدك تقراها تحكمك القنطة ... نادرا وين تلقى موضوع يفرح صح ....

هيه راه الواقع بصح الواقع راه في الميلح و القبيح ... علاه مايكتبوش على ناس الملاح ... و لا يعرفوهم غير في رمضان ...

بفففففففففففففف

و الله ربي يهدي

​

 

[الزهرة الحمراء]

رد: الجرائد والجرائم

السلام عليكم
يعطيك الصحة مصيبة على الموضوع تاعك
والله انا الجرائد هادو عادوا يعيوني ويحرقولي مخي حريق
واحد الوقت تقدري تقولي كنت شبه مدمنة عليهم لازم نقراهم مبعدة وليت وين نقرا غير الحوادث لي يحبسولك مخك قتل تنكيل تعذيب تحسي روحك راكي تقراي على غوانتانامو ماشي على بلادك ايا مبعدة حبست وليت مانقراهم ماوالو قتلهم هوما يكتبو ويحرشو بينا ويجيبو اخبار لا علاقة غير باه يجلبوا القراء وانا نحرق مخي وزيد عفسة خلاف ديما تلقايهم من الحبة يديروا قبة مثلا تلقاي مقابضة بين زوج بالكلام برك يرجعوها شجار بين شخصين الاول استعمل في ذلك الشجار مختلف الاسلحة البيضاء والثاني فقد يده وعينه هههه حتى مساكن هادوك لي تقابضو لوكان يقراو الخبر يحيروا
ربي يهدينا
دمتي في رعاية الله وحفظه

 

[مريم.]

رد: الجرائد والجرائم

صراحة قليل وين داك نقراهم لكن كي تقراي تكرهي وتقولي رانا في غابة كي قالت سلام فلور ربي يلطف بينا برك​

ك

 

[لؤلؤة قسنطينة]

رد: الجرائد والجرائم

السلام عليكم نعم أختي جل هذه الأخبار لا أساس لها من الصحة رغم أنو الاعتداءات والفساد زاد بكثرة في الآونة الأخيرة

و عليكم السّلام ورحمة الله وبركاته
اهلا بأختي الغالية نورتِ الموضوع :love01:
فعلاً أختي اخبار نصها او نقول معظمها كذب
صح بلادنا فيها ناس فاسدين وكاين فساد بصح ماش لدرجة كتر من 100 جريمة في الاسبوع
وماش جريمة عادية , يعني ابشع انواع الجرائم تسمعي بيهم
وهادا كامل باه يتمسخرو بالعباد
بارك الله فيك حبيبتي على المرور العطر
تحياتي الخالصة لكِ :regards01:​

 

[لؤلؤة قسنطينة]

رد: الجرائد والجرائم

السلام عليكم

اسكتي برك .... مرة قلتلهم احنا عايشين في غابة ... يا جدك تقراها تحكمك القنطة ... نادرا وين تلقى موضوع يفرح صح ....

هيه راه الواقع بصح الواقع راه في الميلح و القبيح ... علاه مايكتبوش على ناس الملاح ... و لا يعرفوهم غير في رمضان ...

بفففففففففففففف

و الله ربي يهدي

​

وعليكم السلام ورحمة الله وبركاته
اهلا خولتي نورتِ الموضوع غاليتي :love01:
هيه صح كي تقراي الجرنان تولي تحسي روحك عايشة في ايطاليا مع المافيا هههههه
وكيما قلتيها ماكانش حتى موضوع يفرح وحتى في رمضان المشكل
تلقاي واحد من الصيام ضرب يماه, وواحد قتل مرتو خاطر مادارتلوش البوراك في الفطور ههههه
يعني جاهزين لاختلاق القصص في اي مكان وزمان ومايحبسهم والو
نقولو ربي يهديهم برك
بارك الله فيك غاليتي على المرور العطر
تحياتي الخالصة لك :regards01:​

 

[لؤلؤة قسنطينة]

رد: الجرائد والجرائم

السلام عليكم
يعطيك الصحة مصيبة على الموضوع تاعك
والله انا الجرائد هادو عادوا يعيوني ويحرقولي مخي حريق
واحد الوقت تقدري تقولي كنت شبه مدمنة عليهم لازم نقراهم مبعدة وليت وين نقرا غير الحوادث لي يحبسولك مخك قتل تنكيل تعذيب تحسي روحك راكي تقراي على غوانتانامو ماشي على بلادك ايا مبعدة حبست وليت مانقراهم ماوالو قتلهم هوما يكتبو ويحرشو بينا ويجيبو اخبار لا علاقة غير باه يجلبوا القراء وانا نحرق مخي وزيد عفسة خلاف ديما تلقايهم من الحبة يديروا قبة مثلا تلقاي مقابضة بين زوج بالكلام برك يرجعوها شجار بين شخصين الاول استعمل في ذلك الشجار مختلف الاسلحة البيضاء والثاني فقد يده وعينه هههه حتى مساكن هادوك لي تقابضو لوكان يقراو الخبر يحيروا
ربي يهدينا
دمتي في رعاية الله وحفظه

وعليكم السّلام ورحمة الله وبركاته
اهلا بزهرتي الجميلة نورتِ الموضوع :love01:
صار انا مصيبة ههههه , استناي نحكمك في الكواليس وتشوفي :sport02:
شفتي كيفاه يجهلوك ؟ الكذب تقول حاطينا دراري ومانفهموش , يعني تشوف خبر واحد معليش
بصح الجرنان كامل معمر اخبار وزيد في الاخير تلقاي كتر من 16 جريمة حتى تتوسوسي تولي تحطي روحك في غابة كيما قالتها خولة
وعجبتيني واش قلتي في الاخير ههههههه صح يتقابدو زوج بالكلام يقولك واحد راهو في الجبانة وواحد في الانعاش ههههههه
يعني يكدبو على الموتى ماش على الحيين :p
ربي يهديهم برك هادا مانقولو
شكرا حبيبتي على المرور العطر
تحياتي الخالصة لكِ :regards01:​

 

[لؤلؤة قسنطينة]

رد: الجرائد والجرائم

صراحة قليل وين داك نقراهم لكن كي تقراي تكرهي وتقولي رانا في غابة كي قالت سلام فلور ربي يلطف بينا برك​

ك

اهلا بحبيبتي نورتِ الموضوع :love01:
والله هكا خير كي ماتقرايهمش خير , انا ساعات يطيحو في يدي برك نقراهم اما باقي الايام ماعندي ماندير بيهم
خاطر يشبعوك خرطي وتمسخير
ربي يهديهم برك
شكرا حبيبتي على مرورك العطر
تحياتي الخالصة لك :regards01:​

 

[ديسق]

رد: الجرائد والجرائم

السلام عليكم ورحمة الله وبركاته

صراحة أخت الطيبة نحييك على هذا الموضوع ^^

هذا الموضوع في حد ذاته راني كتبت عليه مقالة قصيرة نوعا ما في أحد المنتديات ولكن تناولت في هذا الموضوع الأخبار السلبية بصفة عامة، يعني نلقاوها في النت والتلفاز والجرائد،..

هذا الموضوع في حد ذاتو علبالكم سواء بقصد أو بدون قصد راهو يشجع على مثل تلك الجرائم، واحنا نعرفو وممكن ما كناش نعرفو وانما سمعنا على الناس نتاع بكري كيفاه كانت عايشة لما ما كانتش فيه وسائل نتاع الاعلام منتشرة في هذاك الوقت ..

نعطيلكم مثال فقط، كامل رانا سمعنا بالقصة نتاع بوعزيزي في تونس الي حرق روحو، ونتيجة للشهرة نتاعو الي بلغت أرجاء العالم والتهويل نتاع الموضوع وتضخيمه حتى انه احتل صفحات في الجرائد، بسبب تلك القصة ولينا نسمعو عن اشخاص عندهم مشاكل يحكمو ويقلدو الشخص الأول بوعزيزي، مثلا راهو بطال وماكانش خدمة يروح يكب على روحو بنزين ويشعل روحو !! او انه يوقف توال البلدية او الدايرة ويشعل روحو !! هاذي الظاهرة في هذاك الوقت ولات منتشرة بزاااف وكنا نسمعوا عليها كثيير من الحالات، هذا أوكل منين ؟!! هذا أوكل من التلفاز والجرائد والنت وو الي قاعدة تنشر !!

ذرك انا في هذاك الوقت كنت طرحت سؤال وقلت واش أصلا من الفائدة من نشر هكذا الأخبار؟!! تحير سبحان الله يجي يحكيلك بالتفصيل الممل على الجريمة :-o ، الله أعلم أنت واش راح تستفيد من الخبر كما تعرفو !! زعما راح تبعثلهم تحقيق وتكشف عن الشخص المتهم، ولا أنك وهذا الشيء الخطير تبرمج الشخص المتلقي وتعمر راسو بحوايج بشجعة وممكن تسول نفسو وترتكب جريمة !! هذا لانو اصابه اشباع !! وبالتالي راح تبقى ديما تلقى واش راح تكتب يا صحفي ويا كاتب !!

في علم النفس الايجابي وعلم النفس بصفة عامة، يحذرون جدا من تتبع الأخبار السلبية هذا لأنها راهي تساهم في نشر الجريمة بطريقة غير مباشرة، لأن عقل اللاواعي للانسان كما تعطيلو حاجة وانت تقراها هو أصلا ما راهوش يفرق اذا كانت صحيحة أو غير صحيحة، وتخليك ديما تجذب أخبار سلبية في حياتك وممكن أيضا اذا واحد ما عندوش مناعة فكرية تحدث مثل تلك أخبار قدام عينيه، حتى بعض من الاقسام مثل القسم نتاع مشكلتي حطيت عليه علامة ( x ) لما لقيتو يؤثر عليا نفسيا ووليت ما ندخلش ليه نهائيا، حتى وان كان الغرض تقديم المساعدة، لأنو كما نقراه نحس روحي حزين، اذا كان موضوع عن الخيانة نولي نشك، وموضوع عن فضيحة تولي تشك، واحد الموضوع قريتو واحد النهار جبت ثلاث ايام ما قدرتش نرقد ووليت نشك في المحيط نتاعي!! بسيف باش تخلصت من هذيك الحالة والحمد لله .

الأخبار السلبية أو القصص وبمختلف الوقائع نتاعها راهي تأثر علينا سلبيا وعلى الحياة نتاعنا، وخاصة اذا قريناها في الوقت مع العشية لحتى وقت نتاع الرقاد، اي انك كما تنوض صباح تلقى روحك مش نورمال وحزين وتعيس وانت حاير في روحك ومش عارف السبب!! هاوا باينة بالامس عمرت روحك بالاخبار مش مليحة وكما جيت ترقد خليت العقل نتاعك يشتغل على واش عمرتو وخاصة قبل 6 ساعات او بالتحديد هناك من يقول ساعتين قبل النوم وهذه راهي دراسة غربية، العقل نتاع الانسان ما راهوش يرقد طبعا ^^

ههه مازال راني حاب نحكي امم بصح مش راح تخلاص هكذا وراني نشوف بلي حكيت بزاف، سمحولنا برك :$

نسيت نجاوب على السؤال نتاعك اخت الكريمة، راني بخير والحمد لله، ههه هذا وين باش تفكرت :d .. ان شاء الله احوالك بخير ^^

شكرا مرة أخرى على الموضوع، كما أعتذر مرة أخرى على الاطالة

دمتم بخير :graduation:




​

 

[ثَسْكُورْثْ نَثْدُوكْلِي]

رد: الجرائد والجرائم

سلام عليكم الزينة هههه ضحتيني يا المهبولة كي بديتي تحسبي ف الجرايم فكرتيني ف روحي ^^ ونقول ليما وش راه صاري ف الدزاير تعنا خلاص الله يرحمها ..
والله يا لعزيزة الجرايد هذو نص الاخبار صحيحة ونص الاخر باه يعمرو الجريدة تعهم وباش ويعمروها بالاكشن ..
ولــ نقولك بكل بساطة ماهي الا قضية تنافس بين الجرائد ( الخبر ..النهار..و....) في جلب اكبر عدد ممكن من القراء...

ربي يحمي بلادنا على كل حال وربي يفرج على كل مصاب ..

شكرااا مجددااا ع الموضوع

بالتوفيق لك وللجميع

تحياتي
​

 

[لؤلؤة قسنطينة]

رد: الجرائد والجرائم

السلام عليكم ورحمة الله وبركاته

صراحة أخت الطيبة نحييك على هذا الموضوع ^^

هذا الموضوع في حد ذاته راني كتبت عليه مقالة قصيرة نوعا ما في أحد المنتديات ولكن تناولت في هذا الموضوع الأخبار السلبية بصفة عامة، يعني نلقاوها في النت والتلفاز والجرائد،..

هذا الموضوع في حد ذاتو علبالكم سواء بقصد أو بدون قصد راهو يشجع على مثل تلك الجرائم، واحنا نعرفو وممكن ما كناش نعرفو وانما سمعنا على الناس نتاع بكري كيفاه كانت عايشة لما ما كانتش فيه وسائل نتاع الاعلام منتشرة في هذاك الوقت ..

نعطيلكم مثال فقط، كامل رانا سمعنا بالقصة نتاع بوعزيزي في تونس الي حرق روحو، ونتيجة للشهرة نتاعو الي بلغت أرجاء العالم والتهويل نتاع الموضوع وتضخيمه حتى انه احتل صفحات في الجرائد، بسبب تلك القصة ولينا نسمعو عن اشخاص عندهم مشاكل يحكمو ويقلدو الشخص الأول بوعزيزي، مثلا راهو بطال وماكانش خدمة يروح يكب على روحو بنزين ويشعل روحو !! او انه يوقف توال البلدية او الدايرة ويشعل روحو !! هاذي الظاهرة في هذاك الوقت ولات منتشرة بزاااف وكنا نسمعوا عليها كثيير من الحالات، هذا أوكل منين ؟!! هذا أوكل من التلفاز والجرائد والنت وو الي قاعدة تنشر !!

ذرك انا في هذاك الوقت كنت طرحت سؤال وقلت واش أصلا من الفائدة من نشر هكذا الأخبار؟!! تحير سبحان الله يجي يحكيلك بالتفصيل الممل على الجريمة :-o ، الله أعلم أنت واش راح تستفيد من الخبر كما تعرفو !! زعما راح تبعثلهم تحقيق وتكشف عن الشخص المتهم، ولا أنك وهذا الشيء الخطير تبرمج الشخص المتلقي وتعمر راسو بحوايج بشجعة وممكن تسول نفسو وترتكب جريمة !! هذا لانو اصابه اشباع !! وبالتالي راح تبقى ديما تلقى واش راح تكتب يا صحفي ويا كاتب !!

في علم النفس الايجابي وعلم النفس بصفة عامة، يحذرون جدا من تتبع الأخبار السلبية هذا لأنها راهي تساهم في نشر الجريمة بطريقة غير مباشرة، لأن عقل اللاواعي للانسان كما تعطيلو حاجة وانت تقراها هو أصلا ما راهوش يفرق اذا كانت صحيحة أو غير صحيحة، وتخليك ديما تجذب أخبار سلبية في حياتك وممكن أيضا اذا واحد ما عندوش مناعة فكرية تحدث مثل تلك أخبار قدام عينيه، حتى بعض من الاقسام مثل القسم نتاع مشكلتي حطيت عليه علامة ( x ) لما لقيتو يؤثر عليا نفسيا ووليت ما ندخلش ليه نهائيا، حتى وان كان الغرض تقديم المساعدة، لأنو كما نقراه نحس روحي حزين، اذا كان موضوع عن الخيانة نولي نشك، وموضوع عن فضيحة تولي تشك، واحد الموضوع قريتو واحد النهار جبت ثلاث ايام ما قدرتش نرقد ووليت نشك في المحيط نتاعي!! بسيف باش تخلصت من هذيك الحالة والحمد لله .

الأخبار السلبية أو القصص وبمختلف الوقائع نتاعها راهي تأثر علينا سلبيا وعلى الحياة نتاعنا، وخاصة اذا قريناها في الوقت مع العشية لحتى وقت نتاع الرقاد، اي انك كما تنوض صباح تلقى روحك مش نورمال وحزين وتعيس وانت حاير في روحك ومش عارف السبب!! هاوا باينة بالامس عمرت روحك بالاخبار مش مليحة وكما جيت ترقد خليت العقل نتاعك يشتغل على واش عمرتو وخاصة قبل 6 ساعات او بالتحديد هناك من يقول ساعتين قبل النوم وهذه راهي دراسة غربية، العقل نتاع الانسان ما راهوش يرقد طبعا ^^

ههه مازال راني حاب نحكي امم بصح مش راح تخلاص هكذا وراني نشوف بلي حكيت بزاف، سمحولنا برك :$

نسيت نجاوب على السؤال نتاعك اخت الكريمة، راني بخير والحمد لله، ههه هذا وين باش تفكرت :d .. ان شاء الله احوالك بخير ^^

شكرا مرة أخرى على الموضوع، كما أعتذر مرة أخرى على الاطالة

دمتم بخير :graduation:




​

وعليكم السّلام ورحمة الله وبركاته
اهلا بأخي سيف نورت الموضوع ^^
والله يا أخي نرفعلك القبعة :regards01: ردودك دائما ماشاء الله
وسبق وقلتلك اني من المعجبين بردودك لأنك ماتخليش ولا نقطة الا وتحكي عليها
وانا نقرا في كلامك راك درتلي غسيل الدماغ هههههه حسيت روحي مع طبيب نفسي :d
يعني ماشاء الله , ربي يوفقك خويا ويزيدك علم وتنفع بيه غيرك
وواش قلتو كامل صح وخاصة التأثير النفسي, ونشفى عليها قبل عامين بالاك نهار صرات حكاية هارون وابراهيم تاع قسنطينة
لي خطفوهم وقتلوهم , صدقني جبتها شهر او اكثر وانا في حالة اكتئاب , ماناكل و مانشرب وما نرقد وغير هم وبكا هههه
لدرجة الكارثة هاديك اثرت في نفسي بزااااااف وهنا نستنتج صحة كلامك
يعني بدل ماتسمع اخبار ترهق النفس نشوف اخبار مفرحة خير
واش نقولو غير ربي يهديهم برك
وبالعكس خويا مادبيا لو تتكلم كيما تحب حتى ولو تطلب ذلك صفحات عديدة ^^
لأنو رانا نستفادو من ردودكم القيمة الله يبارك
وشكرا كي تفكرت السؤال ههههه ربي يدومها ان شاء الله ( ودرك لخرين نخرجلهم عينيهم كي نساو السؤال :sport01: )
بارك الله فيك خويا على المرور العطر
تحياتي الخالصة لك :regards01:​

 

[لؤلؤة قسنطينة]

رد: الجرائد والجرائم

سلام عليكم الزينة هههه ضحتيني يا المهبولة كي بديتي تحسبي ف الجرايم فكرتيني ف روحي ^^ ونقول ليما وش راه صاري ف الدزاير تعنا خلاص الله يرحمها ..
والله يا لعزيزة الجرايد هذو نص الاخبار صحيحة ونص الاخر باه يعمرو الجريدة تعهم وباش ويعمروها بالاكشن ..
ولــ نقولك بكل بساطة ماهي الا قضية تنافس بين الجرائد ( الخبر ..النهار..و....) في جلب اكبر عدد ممكن من القراء...

ربي يحمي بلادنا على كل حال وربي يفرج على كل مصاب ..

شكرااا مجددااا ع الموضوع

بالتوفيق لك وللجميع

تحياتي
​

وعليكم السلام ورحمة الله وبركاته
اهلا حبيبتي سارة نورتِ الموضوع :love01:
هيه والله وليت نحسب فيهم لدرجة هبلوني وحيروني حتى تولي تقولي الجزائر راحت فيها كيما قلتي
وصح واش قلتي نصها كذب اذا ماش كلها كذب غير باه يجبدو القراء بالخرافات تاعهم
وتاني تنافس كيما قلتي , قادرين يقتلو العباد ويعذبو لعباد غير باه يربحو الشهر
ربي يهدينا وربي يحفظلنا بلادنا برك
بارك الله فيك غاليتي على المرور العطر
ربي يوفقك حتى نتي ويهنيك
تحياتي الخالصة لك :regards01:​

 

[الورد الأحمر]

رد: الجرائد والجرائم

السلام عليكم ورحمة الله
المزعج في الجرائد مؤخرا ما تلقاي ولا خبر يفرح كلش مآسي من سياسة لرياضة لمجتمع لكلش شغل والو مليح ما صاير في لبلاد هذي ؟ تاع الواحد ديجا راه عايش في ضغط وعارف الوضع يزيد يجي يقرا في الجرنان على حاجة تفرح يلقى غير لي يزيد يبشعلو نهارو كي شغل الخير في بلادنا عاد ماكانش كاين غير الشر ؟ يزيدو يحطمولك النفسية وأنا شخصيا كي نقولك عوام ما عبيتش جريدة ما تحيريش وما تحطيش بلي عام ولا عامين برك لا راهم فوق السبع سنين ما مسيتش جرنان من غير كي نمسح بيه لمراية :p ... علاه أصلا نقراه يوجعلي قلبي برك ويحطك النفسية ... في أمريكا زمان الضربة تاع 11 سبتمبر والخلعة هذيك لي صراتلهم وكلش عاد إعلامهم يبث غير لحوايج لملاح باه ما يحطموش النفسيات مي عند لعرب غير ما تصرا حاجة مش مليحة ولا حرب ولا تلقاي القنوات الكل تحكي عليها والجرائد كيف ويجرو يعملو مسلسلات بعد عليهم حتى تعياي منين تدوري تلقاي هذيك الحاجة المش مليحة لي صرات تسركل وتحبي تنسايها يفكروك فيها ... تاع ما يرحموش نفسيتك خلاص ... أنا جابلي ربي هذو الأخبار تاع الجرائد غير باه يعمرو الصفحات واقيل يمدو لولادهم يدير تعبير كتابي على كاش جريمة ومن بعد يحطوهم في الجرنان بتصرف تجي تطلي على أصل لحكاية تلقايها من خيال ولد الصحفي ولا جارو !! ... ربي يهديهم برك