لك يا فتاتي

[Salam Fleur]

السلام عليكم

هذه قصة حقيقية لانسانة عزيزة على قلبي

كنت حكيت مرة على فتاة من عائلة امي كانت مخطوبة لمدة 8 سنوات و لكن فسخت خطوبتها قبل ايام من الزواج و خطيبها عاود خطب و تزوج و دار الاولاد و هي مرت عليها سنوات و سنوات

و لكن ... ان الله على كل شيء قدير .... و عسى ان تكرهوا شيئا وهو خير لكم

اليوم و هي في 37 من عمرها جاء مكتوبها و الحمد لله .... استاذ جامعي .. انسان ماشاء الله عليه .....

لكل واحدة راهي فاتت الثلاثين و راهي تتحسر .... الانسان يسعى لكن الزواج قدر و مكتوب .... ماتقوليش فات عليا قطار الزواج ... اصلا ماكانش منها .... ربي اخر زواجك لامر لا يعلمه الا هو .... ربما راه

يختبر صبرك او راه بعد عليك زوج غير صالح كنت رايحة تشقاي معاه ...و ربي ما فيه غير الخير ....

هذي الانسانة تعذبت بزاااف بعد ما فسخت خطوبتها و خصوصا كلام الناس كان قاسي عليها و كاين لي تجرا و طعن في شرفها و لكن كانت صابرة صبر ايوب و الحمد لله ربي جزاها خيرا ........


اختي .... ماتخليش كلام الناس يهزك حطي في بالك بلي كاين ربي سبحانه كوني معاه يكون لك خير ماتريدين ...... لكن اذا اتاكم من ترضون دينه و خلقه فزوجوه ... ماشي تبداي تشرطي و تجي تقوميلي

مندبة هنا .... و ماتسرعيش ماشي اول واحد يجي يطرطب بابك تروحي تجري ماتحوسي تسقسي عليه ماوالوا طول تشيري روحك و من بعد تولي تقولي يا وخذي .... الزواج راه عمر

المهم ربي يرزق كل واحدة زوج صالح .... و حطوا في بالكم الطيبون للطيبات .... ماشي قلبك كحل و تحوسي عليه ان يكون لك زوج صالح ... سالي نفسك هل انت زوجة صالحة ؟؟؟ ........

و ربي يهني سعيد بسعيدة

سلام​

​

 

[sahiko hamza]

رد: لك يا فتاتي

بارك الله فيك .
​

 

[Salam Fleur]

رد: لك يا فتاتي

بارك الله فيك .
​

و فيك بركة

شكرا على الاعتماد​

 

[مريم.]

رد: لك يا فتاتي

عندك الحق ممكن يتاخر الزواج لكن فيه حكمة وربي عارف علاه وربي سببحانه يعوض عبده بحاجات يمكن ينخلعو فيها الناس رب كريم ​

 

[لؤلؤة قسنطينة]

رد: لك يا فتاتي

السلام عليكم
حبيبة قلبي خولة, توحشت مواضيعك ^^
والموضوع هادا جا على قلبي والله, خاطر فيه عبرة ماشاء الله
بارك الله فيك على التوعية لي قدمتيها, لأنو فعلاً الزواج ماش قطار يعدي ويهز معاه لي يلقاها في الطريق
كيما يعتبروها البعض, لأنو إذا ماجهزتيش نفسك لهاداك القطارا لقادم وما وجدتيش أمتعة تناسب الرحلة هاديك
رايح تولي الرحلة من نعمة لنقمة , وعلى هادي نفضل نبدل مقولة يفوتني القطار بمقولة وين رايح يديني هاد القطار؟؟
على هادي لكل أخت نصيحة , اصبري وخلي امرك لله, إذا تزوجتي ونتي صغيرة الحمد لله ربي يهنيك في حياتك الزوجية
ولي زعما كبرت وفقدت الأمل نقولها مازال رحمة ربي واسعة، ربما راهو يختبر في الصبر تاعك وإلا لدرجة راكي انسانة طيبة
مازال ما بعتلكش النفس الطيبة لي تناسبك, لأنو ساعات الزواج يكون سببب للتعاسة ماش دايما يكون سعادة وحياة وردية
وهادا يرجع للإختيار الصحيح, مالا يا أختي ماتخليش البحث على زوج هو هدفك في الحياة, نتي ديري واش قالك ربي
وخلي نفسك مثال للبنت المسلمة والطاهرة والنقية, ورايح ربي يبعتلك النصف الطيب والصالح لباب دارك بلا ماتحوسي عليه
يعني ارضي ربي سبحانو وهو يبعتلك النفسا لمومنة لي تساعدك على عبادتو ونيل رضاه
وفي الأخير ربي يوفق كل بنت ويرزقها بالزوج الصالح والذرية الصالحة ويخلي حياتها سعادة ان شاء الله
شكرا مجددا حبيبتي على الموضوع وربي يوفقك حتى نتي ويهنيك
تقبلي مروري
​

 

[بنقابي افتخر]

رد: لك يا فتاتي

كلام يا ليت الفتياة يأخذنه بعين الاعتبار
بارك الله فيكي

 

[Salam Fleur]

رد: لك يا فتاتي

عندك الحق ممكن يتاخر الزواج لكن فيه حكمة وربي عارف علاه وربي سببحانه يعوض عبده بحاجات يمكن ينخلعو فيها الناس رب كريم ​

اهلا مريومة

اي وي ربي مافيه غير الخير .... ان شاء الله كلامي يوصل و يفهموه مليح ....

شكرا لمرورك العطر

:regards01:​

 

[Salam Fleur]

رد: لك يا فتاتي

السلام عليكم
حبيبة قلبي خولة, توحشت مواضيعك ^^
والموضوع هادا جا على قلبي والله, خاطر فيه عبرة ماشاء الله
بارك الله فيك على التوعية لي قدمتيها, لأنو فعلاً الزواج ماش قطار يعدي ويهز معاه لي يلقاها في الطريق
كيما يعتبروها البعض, لأنو إذا ماجهزتيش نفسك لهاداك القطارا لقادم وما وجدتيش أمتعة تناسب الرحلة هاديك
رايح تولي الرحلة من نعمة لنقمة , وعلى هادي نفضل نبدل مقولة يفوتني القطار بمقولة وين رايح يديني هاد القطار؟؟
على هادي لكل أخت نصيحة , اصبري وخلي امرك لله, إذا تزوجتي ونتي صغيرة الحمد لله ربي يهنيك في حياتك الزوجية
ولي زعما كبرت وفقدت الأمل نقولها مازال رحمة ربي واسعة، ربما راهو يختبر في الصبر تاعك وإلا لدرجة راكي انسانة طيبة
مازال ما بعتلكش النفس الطيبة لي تناسبك, لأنو ساعات الزواج يكون سببب للتعاسة ماش دايما يكون سعادة وحياة وردية
وهادا يرجع للإختيار الصحيح, مالا يا أختي ماتخليش البحث على زوج هو هدفك في الحياة, نتي ديري واش قالك ربي
وخلي نفسك مثال للبنت المسلمة والطاهرة والنقية, ورايح ربي يبعتلك النصف الطيب والصالح لباب دارك بلا ماتحوسي عليه
يعني ارضي ربي سبحانو وهو يبعتلك النفسا لمومنة لي تساعدك على عبادتو ونيل رضاه
وفي الأخير ربي يوفق كل بنت ويرزقها بالزوج الصالح والذرية الصالحة ويخلي حياتها سعادة ان شاء الله
شكرا مجددا حبيبتي على الموضوع وربي يوفقك حتى نتي ويهنيك
تقبلي مروري
​

اهلا مريومة توحشتك يا المصيبة وين راكي غايبة

بارك الله فيك على كلامك القيم .. و ان شاء الله رسالتنا توصل للبنات هاذوما

شكرا لمرورك القيم

:regards01:​

 

[Salam Fleur]

رد: لك يا فتاتي

كلام يا ليت الفتياة يأخذنه بعين الاعتبار
بارك الله فيكي

اهلا اسوم

ان شاء الله ... وفيك بركة

:regards01::regards01: ​

 

[جيهان جوجو]

رد: لك يا فتاتي

كالعادة ابداع رائع
وطرح يستحق المتابعة
شكراً لك فالزواج رزق كسائر أرزاق العبد، يأتيه ما كتب له منه لا يخطئه، ولو أنه أيقن بهذه الحقيقة لاستراح باله، ولكن العبد يستعجل. قال ابن القيم في الفوائد: والعبد لجهله بمصالح نفسه، وجهله بكرم ربه، وحكمته ولطفه، لا يعرف التفاوت بين ما منع منه وبين ما ذخر له، بل هو مولع بحب العاجل وإن كان دنيئا، وبقلة الرغبة في الآجل وإن كان عليّا.

وعن الحكمة من تأخير الزواج نقول : يجب على العبد أن يوقن بأن الله عز وجل حكيم في فعله وفي أمره، فلا يفعل شيئا إلا لحكمة، ولا يأمر بشيء إلا لحكمة كذلك، وهذا مقتضى وصفه بالحكمة جل وعلا في آيات كثيرة، لكنه ليس كل حكمة تدرك العقول كنهها، فقد يرى العبد بعض القدر شرا وفي طياته من الحكمة الشيء العجيب.

يقول ابن عثيمين في اللقاء الشهري: أما القدر الذي هو فعل الله فليس فيه شر؛ لأن الله لا يفعل شيئاً إلا لحكمة، حتى وإن كان شراً بالنسبة للناس فهو حكمة. {ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ} الفساد خير أم شر؟ شر، لكن الله قدره لمصلحة عظيمة: {لِيُذِيقَهُمْ بَعْضَ الَّذِي عَمِلُوا لَعَلَّهُمْ يَرْجِعُونَ}. فقدر الله الذي هو تقديره ليس فيه شر، والمقدور الذي هو المخلوق هذا فيه خير وشر.

 

[Salam Fleur]

رد: لك يا فتاتي

كالعادة ابداع رائع
وطرح يستحق المتابعة
شكراً لك فالزواج رزق كسائر أرزاق العبد، يأتيه ما كتب له منه لا يخطئه، ولو أنه أيقن بهذه الحقيقة لاستراح باله، ولكن العبد يستعجل. قال ابن القيم في الفوائد: والعبد لجهله بمصالح نفسه، وجهله بكرم ربه، وحكمته ولطفه، لا يعرف التفاوت بين ما منع منه وبين ما ذخر له، بل هو مولع بحب العاجل وإن كان دنيئا، وبقلة الرغبة في الآجل وإن كان عليّا.

وعن الحكمة من تأخير الزواج نقول : يجب على العبد أن يوقن بأن الله عز وجل حكيم في فعله وفي أمره، فلا يفعل شيئا إلا لحكمة، ولا يأمر بشيء إلا لحكمة كذلك، وهذا مقتضى وصفه بالحكمة جل وعلا في آيات كثيرة، لكنه ليس كل حكمة تدرك العقول كنهها، فقد يرى العبد بعض القدر شرا وفي طياته من الحكمة الشيء العجيب.

يقول ابن عثيمين في اللقاء الشهري: أما القدر الذي هو فعل الله فليس فيه شر؛ لأن الله لا يفعل شيئاً إلا لحكمة، حتى وإن كان شراً بالنسبة للناس فهو حكمة. {ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ} الفساد خير أم شر؟ شر، لكن الله قدره لمصلحة عظيمة: {لِيُذِيقَهُمْ بَعْضَ الَّذِي عَمِلُوا لَعَلَّهُمْ يَرْجِعُونَ}. فقدر الله الذي هو تقديره ليس فيه شر، والمقدور الذي هو المخلوق هذا فيه خير وشر.

اهلا اختي

بارك الله فيك على الاضافة القيمة

جزاك الله خيرا​

 

[Hakan]

رد: لك يا فتاتي

شكراا على هاته القصة المعبرة
مشكلتناا اننا في عصر الحمقى
في عصر لا يعيش فيه المرئ الا ليتزوج وان لم يتزوج دفنوه حياا
تحي العزوبية وربي يعطي كل وااحد على قدر قلبو والابتلاء درجات بارك الله فيك .​

 

[wissam 47]

رد: لك يا فتاتي

والله عجزت عن التعبير موضوع رائع وكلام جمييل من احلى اخت حفظك الله
يارب ارزق كل فتاة برجل صالح يقدرها يا رب

بارك الله فيك غاليتي على الطرح الرائع جعله الله في ميزان حسناتك

تقبلي مروري وخالص ودي
دمتي بخير
​

 

[Salam Fleur]

رد: لك يا فتاتي

شكراا على هاته القصة المعبرة
مشكلتناا اننا في عصر الحمقى
في عصر لا يعيش فيه المرئ الا ليتزوج وان لم يتزوج دفنوه حياا
تحي العزوبية وربي يعطي كل وااحد على قدر قلبو والابتلاء درجات بارك الله فيك .​

اهلا حكيم

للاسف الشديد ... عصر ربي يستر

شكرا لمرورك

تحياتي​

 

[Salam Fleur]

رد: لك يا فتاتي

والله عجزت عن التعبير موضوع رائع وكلام جمييل من احلى اخت حفظك الله
يارب ارزق كل فتاة برجل صالح يقدرها يا رب

بارك الله فيك غاليتي على الطرح الرائع جعله الله في ميزان حسناتك

تقبلي مروري وخالص ودي
دمتي بخير
​

اهلا اختي

بارك الله فيك شكرا

امين يارب ... كل واحدة تدي واش مكتبلها ربي ...

لا شكر على واجب

اسعدني مرورك العطر​