ارجو المساعده من فضلكن

[بنقابي افتخر]

السلام عليكم حبيباتي
حبيت نطرح مشكيلتي هنا لعل وعسى نلقى الحل
لأنو راح نهبل من شعري
بون انا ماكنتش نصبغو وحتى في عرسي مادرتلوش ليماش لأني عارفا التلف اللي راح يصرالو
المده الاخيره تجرأت وصبغتو اصفر وبما انو اسود ضطرت الحلاقه تديرلو ديكاباج
وماتشوفوش واش صرالو .......تحرق ....الكلمه المناسبه له
وانا من فهامتي كي شفت شعري هاك زدت وخضتها ودرتلو ديف خيساج وهذت مازاد الطين بله
لأنو اصلا انا شعري حريري ولما صبغتو وعالجتو بالكيميائي ولا خشين من التحت اي مكان وجود الصبغه والفوق حريري
والله حترت من خلطات زيوت لأي حلفت على الكيميائي
هدي تجربتي ومعاناني في نفس الوقت
نتمنى تستفيدو منها لي مزال ماخربش في شعرها
ولي تعرف تفيدني وجزاها عند الله خير ان شاء الله ......

 

[السلطانة]

رد: ارجو المساعده من فضلكن

وعليكم السلام

والله يااختي انا صراتلي نهار درت لشعري ليماش اول مرة في عرسي
شعري كان طويل بزاف وكي دارتهملي الحفافة جاو ملاح وكلش بصح بعد سمانة شعري رجع في حالة خشانت شعرتو
ورجع يطيحلي
المهم الحل لي درتهولو اني قصيتو بعد العرس المرة اللولة
ومباعد خليتو مزدتش صبغتو
خليتو هاكاك 4شهور
زدت رحت نقصت منو شوي لقيتو لاباس الشعرة تاعو بدات ترتاح
بعدها دارتلي الحفافة صبغة
حكمتلي لمدة شهر رجع كيما راه حرير
كي هبطتلي الصبغة عاودت درت ليماش
وخرجولي عادي مزدتش عانيت من حتى مشكل

 

[بنقابي افتخر]

رد: ارجو المساعده من فضلكن

شكرا على النصيحه
لكن انا مانزيدش نديرلو الدكباج
اما على القص الشعر الاصلي راه تقريبا 8 سم
والمصبوغ المتضرر قريب 40 سم
ومانيش حابا نفقصو. حاباتو يطوال خخخخخ
على العموم شكرا مره اخرى

 

[أم محمد وأمين]

رد: ارجو المساعده من فضلكن

السلام عليكم أختي
صح عندك الحق أسبيغة تفسد الشعر ننصحك تغذيه بالزيوت الطبيعية أديريلو حمام زيتي أو ماسكات الشعر الطبيعية حتى يرجع ألطبيعتو أو نشاء الله إلى الأحسن
تحياتي لك

 

[الحلم الوردي]

رد: ارجو المساعده من فضلكن

وعليكي السلآم والرحمة
وعلى حساب تانيك الشعر
بلاك انتي كي درتيلو الديفغيساج على هديك باسكو مع الاول يرطب الشعر مي من بعد تولي الشعرة خشينة وتحراش
صرات الوحدة نعرفها الحل نتاعها الى راكي حابة يولي نوغمال فاصيه برك دورك يولي نوغمال
هدا هو الحال لوكان تفاصيه بلوغيات رقم خمسة
وخليه باش ترتاح الضعرة نتاعو
باسكو دوركا راهو متضرر وتقريب الشعرة نتاعو تلفت باسكو درتيلو خطرتين
​

 

[السلطانة]

رد: ارجو المساعده من فضلكن

شكرا على النصيحه
لكن انا مانزيدش نديرلو الدكباج
اما على القص الشعر الاصلي راه تقريبا 8 سم
والمصبوغ المتضرر قريب 40 سم
ومانيش حابا نفقصو. حاباتو يطوال خخخخخ
على العموم شكرا مره اخرى

او ميتعدللكش كون متقصيهش لازم يروح الشعر التاالف
+ في الفترة هادي ريحيه من السيشوار

وديريلو الزيوت برك واغسلي

معندكش الحل لازم هك

 

[الحلم الوردي]

رد: ارجو المساعده من فضلكن

شوفي يا اختي كاين السيروم هدايا مليح
باسكو فيه الكيراتين باش ينعم الشعر
راهو يتباع في الكوسميتيك
راني نديرو توجور كي راني دايرة ليماش
دوركا راني ندير خطرتين في النهار

السعر نتاعو خمسة وعشرين الف دج
​

 

[مريم.]

رد: ارجو المساعده من فضلكن

ادا متعالجش شعرك جربي زي زيتون وصفار بيضة خلطييهم وديريه ماسك للشعر 3 ساعات مرتين في اسبوع وكي تغسليه دهني ب la belle ياربي يرجع شعرك كما كان​

 

[Salam Fleur]

رد: ارجو المساعده من فضلكن

السلام عليكم

صابري عليا نفهم ههه ....... او مازال يديروها انا نهار سقسيت الحفافة تاعي قلتلها مانيش حابة ديري ديكاباج قالتلي ولينا مانديروهش ولاو يصبغوا طول سما ديرلك لون فاتح بزاااف ومن بعد تزيد تعاود تصبغلك واش راكي حابة .... لانه ديكاباج بزااف شفتهم داروه رجع شعرهم قاسي و شايح بزاااف ..... بصح كاين معلومة شفتها مرة على التليفيزيون يقولك ديري زبدة تاع البقر لانه هي تحتوي على كمية كبيرة من الدهون و خليها تبات في شعرك و ولي كل اسبوع ديريها حتى تحسي شعرك ولا طري ..... و ديفريساج يا اسوم عن تجربة حتى ولو يكون مليح مع الاول بعد ما تخلص مدته يولي شعرك حباكة تاع حديد .. و لازمك تديروا علاج مكثف .. حمامات الزيت ... و حوسي على شامبو و ماسك تاع الافوكادو و اذا تقدري تشريها و ديريها ماسك لشعرك طول افضل و افضل لانه هي افضل مغذي للشعر التالف

ربي يعينك و شكرا على النصيحة ​

​

 

[wissam 47]

رد: ارجو المساعده من فضلكن

وعليكم السلام والرحمة

ان شاء الله يرجع شعرك كيما كان ننصحك بزيت فاتيكا نتاع الزيتون و الصبار راه يتباع بسعر على ما اظن خمسة وثلاثون دج و استخدام السيروم كما قالت الاخت حتى حمامات الزيت طبيعيا ورااائعة

تحياتي
تقبلي مروري
​

 

[بنقابي افتخر]

رد: ارجو المساعده من فضلكن

شكرا لكن حبيباتي على النصائح راح نبدى العلاج ونوافيكم بالنتيجه ان شاء الله