طارْط بالشُوكُولاَ خًطوة بخطوة مِن مَطبخِي ^^

[بنت الـ25]

وشراكم يا لحلوات ، ان شاء الله تكونو بألف خير :thumb_up02:
دخصت ليامات هادي على الكوزينة (قالك الدخاصة تبدا من صباح الخير :d ههههههه)
وكنت وعدت أختي أميرته (منمن) نخدم طارط اخرى في موضوع
http://4algeria.com/forum/threads/435085/#post6040208
اللي كي شكرتوني فيه طلعتولي الموغال ودرتولي القلب باش نزيد نتعلم أكثر :sport02:
احم دوكا وليت بخوفيصيونال :p هههههههههههه زعما وخدمت طارط ثانية بالشوكولا :bravo01:
والمناسبة : عيد ميلاد أخي الآخر :bravo01:
والنتيجة امممممممممم جات بنينة بزاف :thumb_up02:، كيف لا وهي مكللة بذاك الرداء الأسود الحلو اللذيذ :d
:p:p:p
نبدا على بركة الله

مقادير لجينواز
6 بيض بحرارة الغرفة
كاس سكر
فاني
كيس خميرة كيميائية
نص كاس نشاء
ملعقتين كاكاو
وكاس ناقص منو ملعقتين فرينة

تحضير الجينواز
أول خطوة نشعل الفرن تاعي
ثم نبدا في التحضير كالآتي:
نفصل البياض عن الصفار ، ونخفق الصفار مع كمية السكر والفاني لمدة ما بين 10 دقائق إلى ربع ساعة

حتى يرجع مثل المايونيز

نطلع البياض مثل الثلج مع رشة ملح

نغربل الفرينة والنشاء والكاكاو والخميرة مرتين باش يدخلها الهواء وتجي خفيفة ^^

دوكا عندي خليط الصفار وبياض وخليط الفرينة
نبدا نضيف لخليط الصفار الفرينة على دفعات

وكي نحسو ثخين نخففو ببياض البيض

ثم خليط الفرينة ثم البياض ثم الخليط المتبقي ثم البياض المتبقي
مع مراعاة الخلط بالسباتولا من أسفل لأعلى باش ما يطيحليش البياض
حتى نتحصل في الأخير على هاد الخليط

نفرش المول تاعي 25سم × 25 سم بورق الطهي وندهن الجوانب بالزبدة ونرش عليهم الفرينة
باش ما تلصقليش الجينواز تاعي كي نجي نحيها من المول

نفرغها في القالب وندخلها للفرن على درجة حرارة متوسطة باش طيب في عقلها

أهم حاجة ما نفتحش عليها الفرن وإلا تهبط وما تنجحش
وكي تبدا تفوح رائحة الكيك نولي مرة على مرة نطل عليها وندخل سكين إذا خرج ناشف معناها طابت
وإذا خرج رطب نزيدلها شوية

وهنا بعد ما طابت نحيتها من المول وحطيتها فوق مشبك الفرن

بيتها ليلة كاملة فالثلاجة باش تشد روحها وما تفسدليش كي نكون نقطع فيها

المرحلة الثانية وهي مرحلة التزيين
طبعا كل وحدة وكيفاش تحب تزين الطارط تعها ، هادي متعلقة بالأذواق وكل واحد كيفاش يحب
بالنسبة لمراحل التزيين اللي اتبعتها أنا فكانت من اختراعي ههههههه
وهي كالتالي

طلعت الشانتي بالحليب البارد ، اي كيلت كاس شانتي بكاس حليب وعينك ميزانك

ممبعد نقصت هاد الكمية على جنب نحتاجها ممبعد في التزين النهائي

والكمية الأخرى ضفتلها ملعقتين كبار ديكوجال ذوق شوكولا ، اللي عطاها لون وطعم مميزين

نخلط بالسباتولا حتى يدخل الديكوجال فالكريمة وتصبح بهاذ الشكل

نحطها فالثلاجة
ودوكا نرجع للجينواز تاعي اللي كنت خرجتها من الثلاجة ، ونقطعها بواسطة سكينة تكون مسننة وطويلة شوية

المرة هادي قطعتها إلى قطعتين فقط

القطعة السفلى شربتها بالسيرو اللي كنت حضرتو من قبل كالآتي:
كاس سكر + 2 كيسان ماء حطيتهم على النار كي بدا يغلي انتظرت 5 دقائق وطفيت عليه
واضفتلو ملعقة نيسكافيه امممممممممم خليتو يبرد وسقيت بيه

نخرج الكريمة تاعي من الثلاجة ونبدا نطلي في وجه القطعة السفلية بكمية وفيرة

نحط القطعة العلوية وبنفس الطريقة نشربها بالسيرو ونطليها بالكريمة ، كمية وفيرة
وأيضا الجوانب

نتحصل على هاد النتيجة

نحطها فالمجمد باش تشد روحها قبل ما نكمللها التزيين النهائي
وفهاد الوقت نحضر قلاصاج الشوكولا
عندي 100 غ شوكولا سوداء و100 غ شوكولا بالحليب

نحطها فوق حمام مائي وكي تذوب نضيفلها 100 غ مرغرين طرية و فنجان سكر وقليل من الحليب

ونحرك بالمضرب اليديوي حتى تذوب الزبدة والسكر وتصبح سائلة مي مش خفيفة تكون شوية ثقيلة
وهذا طبعا متعلق بكمية الحليب يعني لازمنا كي نضيفو لحليب نضيفو بالشوية برك وفالأخير نتحصلو على هاد القلاصاج

نخرج الكعكة تاعي من المجمد ونحطها فوق مشبك الفرن ونفرش تحتها ورق الطهي
ونصب هداك القلاصاج

نحرك المشبك بدون لمس الشوكولا باش يهبط القلاصاج ويغطي كافة الجوانب
وتتغلف الطارط بالشوكولا

نرجعها للمجمد من جديد ونخليها حتى الشوكولا هديك تجمد شوية وتشد روحها
فهاد الوقت نجبد الكريمة اللي كنت احتفظت بيها من قبل ونفرغ القليل في بوش صغيرة جوتابل
والكمية المتبقية في بوش آدوي

وبعدما نطل على الكيكة ونلقاها شدت روحها شوية نجبدها ونبدا فالتزيين النهائي
وكيما قلت من قبل كل وحدة تزين بطريقتها الخاصة وذوقها
أنا درت تزيين بسيط

وكتب لأخي عيد ميلاد سعيد خخخخخخخخخخ وهذا شكلها النهائي

وهاد المورصو في خاطر سوسو

زوووووووووم

وهنا كليت منها أنا اااامممممممممم والله جات بنينة تهبل
خصوصا هديك الشوكولا ذايبة خلاااااااااااااااااص

وأخيرا نتمنى نكون وفقت في الشرح
وإلى اللقاء في وصفات أخرى إن شاء الله

تحت شعار
طبقي أطباق اللمة كولي واحمدي ربي
في امان الله
​

​

 

[Malika Tlm]

رد: طارْط بالشُوكُولاَ خًطوة بخطوة مِن مَطبخِي ^^


تعرفي تمنيت لوكان مورصو قدامي نموت علي الشكلاطة
يعطيك الصحة وعيد ميلاد سعيد

 

[نبض الحياة]

رد: طارْط بالشُوكُولاَ خًطوة بخطوة مِن مَطبخِي ^^

:bravo01::bravo01::bravo01:
يااا عمري يااا عمري على البروفيسيووونالة نتاع ليتااارت
اممممممن ذوق الشوكولاااا يهبل
يعطيك الصحة غاليتي والله يسلم دياااااتك
عندك لمسة خااااصة في المطبخ منووووووتة :thumb_up02:
ربييي يبااارك
(ها حتى العنوان سرقتولي طريقة كتابته درك يشكو فينا عندنا نفس العضوية :p :p )
واااصلي وااااصلي الحب

 

[الحلم الوردي]

رد: طارْط بالشُوكُولاَ خًطوة بخطوة مِن مَطبخِي ^^

حالياً الأعضاء النشيطين الذين يشاهدون هذا الموضوع: 22 (2 عضو و 20 ضيف) ‏:$
ملكة زمــآني, ‏بنت الـ:love01:25
​

 

[الحلم الوردي]

رد: طارْط بالشُوكُولاَ خًطوة بخطوة مِن مَطبخِي ^^

ممممممممممم
الله يبارك اختي مينات
ما عندي منقول
ماشاء الله تارت جاتك رووووعة
سيغتو الشوكولا
مدابيك تبعتيلي مورسو نتاع لتارت
شهيتيني فيها بالبزااااااااف
بصحتك حنونة
​

 

[بنت الـ25]

رد: طارْط بالشُوكُولاَ خًطوة بخطوة مِن مَطبخِي ^^

تعرفي تمنيت لوكان مورصو قدامي نموت علي الشكلاطة
يعطيك الصحة وعيد ميلاد سعيد

أهلين مليكة اختي ، وشكون ما يموتش على الشوكولاطة
يقلك الجميلات فقط من يعشقن الشكلاتة ههههههههه
مرسي حبيبتي الله يسلمك ، مرورك أسعدني :bravo01:
​

 

[AmiR@RoRo]

رد: طارْط بالشُوكُولاَ خًطوة بخطوة مِن مَطبخِي ^^

السلام عليكم
مممممم شهيتيني
اسمعي راه قرب عيد ميلادي وجدي روحك باش تخدميلي وحدة
وعمريــــــها شوكولا هههه
يعطيك الصحة راكي زهيتي المطبخ
وكل عام وعبدو بخير ^^

 

[بنت الـ25]

رد: طارْط بالشُوكُولاَ خًطوة بخطوة مِن مَطبخِي ^^

:bravo01::bravo01::bravo01:
يااا عمري يااا عمري على البروفيسيووونالة نتاع ليتااارت
اممممممن ذوق الشوكولاااا يهبل
أهلين بحبيبة قلبي ، احممم قلتي بروفيسيونالة وسكتي
او رح ندير دوموند لقناة سميرة من درك هههههههههههههه :p
يعطيك الصحة غاليتي والله يسلم دياااااتك
عندك لمسة خااااصة في المطبخ منووووووتة :thumb_up02:
ربييي يبااارك
يا عمرييييييي ربي يبارك في عمرك حبيبة والله طلعتيلي المورال :love01: حشمت :$
ههههههههههه ربي يخليك
(ها حتى العنوان سرقتولي طريقة كتابته درك يشكو فينا عندنا نفس العضوية :p :p )
واااصلي وااااصلي الحب

ايه اني قتلك راني ماشية تحت شعار عاند ما تحسدش، نحب نسرق الأفكار النيرة هههههههههه
ربي يخليكي ليا حبيبة والله مرورك يخلي تراس مميزة في مواضيعي
ألف شكر ليك
​

 

[بنت الـ25]

رد: طارْط بالشُوكُولاَ خًطوة بخطوة مِن مَطبخِي ^^

حالياً الأعضاء النشيطين الذين يشاهدون هذا الموضوع: 22 (2 عضو و 20 ضيف) ‏:$
ملكة زمــآني, ‏بنت الـ:love01:25
​

22 مشاهد ، جمهور عريض متابع ووفي لقناة اللمة للطبخ الرفيع :thumb_up02:
هههههههههه فوطو باهية ملاك :bravo01:

​

ممممممممممم
الله يبارك اختي مينات
ما عندي منقول
ماشاء الله تارت جاتك رووووعة
سيغتو الشوكولا
مدابيك تبعتيلي مورسو نتاع لتارت
شهيتيني فيها بالبزااااااااف
بصحتك حنونة
​

اهلين حبيبتي ربي يبارك فيك
ايا بيا كي يقولولي الشيفات روووعة معنتها رووووعة صح
وفالحقيقة ذوقها أروووع ، كون جيتي قريبة نبعتلك مورصو والله مش خسارة
مرسي عليك الحووووب الله يسلمك
​

 

[لؤلؤة قسنطينة]

رد: طارْط بالشُوكُولاَ خًطوة بخطوة مِن مَطبخِي ^^

السلام عليكم
استناي نبدل لاشان، حطيت روحي في قناة سميرة ههههه
والله راكي طوp الله يبارك ، تبعت معاك المراحل الدقيقة والمنظمة
وخرجت نتيجة أكثر من رائعة، خرجتلك تهبل ماشاء الله وتشهي ، بصحتكم
هاد الأيام راكي منورة الكوزينة، استناي يلحق عيد ميلادي وديريلي وحدة خير من هكا هههه
بارك الله فيك حبيبتي على الوصفة المميزة، ننتظر باقي ابداعاتك
تقبلي مروري​

 

[بنت الـ25]

رد: طارْط بالشُوكُولاَ خًطوة بخطوة مِن مَطبخِي ^^

السلام عليكم
مممممم شهيتيني
اسمعي راه قرب عيد ميلادي وجدي روحك باش تخدميلي وحدة
وعمريــــــها شوكولا هههه
يعطيك الصحة راكي زهيتي المطبخ
وكل عام وعبدو بخير ^^

وعليكم السلام ميراااااااااا
منورة كوزينتي المتواضعة
ايه نخدملك يا عمري شحال من ميرا عندي :yahoo01: ونديرلك فيها كل أنواع الشوكولا :bravo01:
هههههههههههه
ربي يخليك حبيبتي مكانش موضوع ليا إلا ونلقاك انتي وردودك المميزة ربي يطول في عمرك وعيد سعيد مسبقا قبل الجميع
​

 

[بنت الـ25]

رد: طارْط بالشُوكُولاَ خًطوة بخطوة مِن مَطبخِي ^^

السلام عليكم
استناي نبدل لاشان، حطيت روحي في قناة سميرة ههههه
والله راكي طوp الله يبارك ، تبعت معاك المراحل الدقيقة والمنظمة
وخرجت نتيجة أكثر من رائعة، خرجتلك تهبل ماشاء الله وتشهي ، بصحتكم
هاد الأيام راكي منورة الكوزينة، استناي يلحق عيد ميلادي وديريلي وحدة خير من هكا هههه
بارك الله فيك حبيبتي على الوصفة المميزة، ننتظر باقي ابداعاتك
تقبلي مروري​

وعليكم السلام مريومتي
بدلي لا شان وديري لاشان باش تلحقك الدالة ام قريب يخلاصو لي مورصو ههههههه
يا عمري والله انتي الطوp ديما والدليل جاك المرسول ^^
بالنسبة للمراحل ، راني حطيت روحي في مكان المشاهد باش ما يفوتني حتى تفصيل
باش أونكا كاشمن تحب تطبق الوصفة وتراطي مرحلة تحصل في جرتي ههههههههه
مرسي حبيبتي والله كل زووووووووووووء والنور نورك انتي وكي يلحق عيد ميلادك قوليلي برك نتهلى فيك
انتي اختي الصغيرونة ، ربي يبارك فيك
موآآآآآآآآآآآآآحات بزااااف
​

 

[السلطانة]

رد: طارْط بالشُوكُولاَ خًطوة بخطوة مِن مَطبخِي ^^

وعليكم السلام

هبلني الموزيلا مع جيت نشوف لاطارت
تبلوكا :p
يعطيك الصحة مينا :bravo01:خرجتلك تهبل
تسلم يديك وكل عام وخوك بألف خير
او انتي وسوسو ورقية تشبهو لبعضاكم في التصوير والطياب خخخخ
شكتلي انتم وحدة :tongue02::tongue02::love01:
''تحت شعار وسوس شعب :s:d)

 

[بنت الـ25]

رد: طارْط بالشُوكُولاَ خًطوة بخطوة مِن مَطبخِي ^^

وعليكم السلام

عليكي السلام حبيبتي

هبلني الموزيلا مع جيت نشوف لاطارت
تبلوكا :p
انا تاني راني درت فيه 35 فوطو باش يكون في علمك هههههههه
مش برك الموزيلا لي يبلوكي ، ياو الكابل تع النت يزيد يتقطع فالبحر هههههه
يعطيك الصحة مينا :bravo01:خرجتلك تهبل
تسلم يديك وكل عام وخوك بألف خير
والله انتي لي تهبلي شوشا ربي يخليك حبيبة ويطول في عمرك
او انتي وسوسو ورقية تشبهو لبعضاكم في التصوير والطياب خخخخ
شكتلي انتم وحدة :tongue02::tongue02::love01:
''تحت شعار وسوس شعب :s:d)​

ممكن نوع لاباغاي أو الفايونص تع الكوزينة يشبه لبعضاه
أما انا اماعني مش كيما تعهم :p
ههههههههههههههههههههههههه
وزيد انتي بنت الشرق نورمالمو تعرفي هدرة ناس الشرق
احنا نقولو كيلت وسوسو تقول عبرت ههههههه مع تحياتي الخالصة لناس الغرب الطيبين :regards01:
مرسي حبيبتي نورتي الموضوع كالعادة :bravo01:
​

 

[مطبخ الأحلام]

رد: طارْط بالشُوكُولاَ خًطوة بخطوة مِن مَطبخِي ^^

السلام عليكم

بسم الله ماشاء الله البنت صارت طييير قلتهالك شويا وطيرينا هههه

يعطيك الصحة ختيتو ماعندي مانقول كي الطر كي التصوير واكيييييد كي البنة بصحتكم

وعيد ميلاد سعيد للاخ ^^


​

 

[بنت الـ25]

رد: طارْط بالشُوكُولاَ خًطوة بخطوة مِن مَطبخِي ^^

السلام عليكم

بسم الله ماشاء الله البنت صارت طييير قلتهالك شويا وطيرينا هههه

يعطيك الصحة ختيتو ماعندي مانقول كي الطر كي التصوير واكيييييد كي البنة بصحتكم

وعيد ميلاد سعيد للاخ ^^


​

وعليكم السلام سوسو
احم هذا مديح ولا خليني ، هههههههههه حشمتيني حبيبة :love01:
هذا من بعض ما عندكم سوسو انتوما الأصل
ربي يخليك حبيبة ويطول في عمرك :regards01:
​

 

[حكاية قمر]

رد: طارْط بالشُوكُولاَ خًطوة بخطوة مِن مَطبخِي ^^

بدون مجاملة
الله يبارك راكي شاطرة

 

[¬Đỉaмơŋđ ✿]

رد: طارْط بالشُوكُولاَ خًطوة بخطوة مِن مَطبخِي ^^

وعَليكُم السّلَامَ وَرحمةَ اللَّهِ تَعَالَى وبركاته


يآلهويييي قُلَّبي الصَّغِيرِ لآيحتمل :cray02:
أَنَا مِنْ عُشَّاقِ وَمُدْمِنِي الشوكولآ :love01:
عَجَّبْتِنِي جات هايِلَةٌ
تَسْلَمُ الأيآدي عَلَى الطورطة اللَّيَّ بايِنَةُ مِنْ شَكْلِهَا بِنِينَةٍ :bravo01:
كُلُّ عَامّ وَأَخُوكَ بِألْفِ عَافِيَةٍ إِنْ شَاءَ اللَّهُ تَكَوُّن سَنَة خَيْر عَلَيهِ وَسَنَةَ تتحق فِيهَا كُلُّ الْأَمَانِي




​

 

[rose09000]

رد: طارْط بالشُوكُولاَ خًطوة بخطوة مِن مَطبخِي ^^

سلام عليكم
حبيبتي خرجنلك هايلة تارت ديكورها باهي و بيان البنة أممممم
يعطيك الصحة و عيد ميلاد سعيد عبدو​

 

[مريم.]

رد: طارْط بالشُوكُولاَ خًطوة بخطوة مِن مَطبخِي ^^

يعطيك الف صحة وعاففية جات روووووووووعة وانا من عشاق شوكولا والله تهبل​