صحيتو يا لفحلات ، توحشوني؟ ولا لا :smile02:
أنا توحشتكم بزاااااااف :love01: صافي يومين ما دخلتش اللمة :-h
بالجمعة كان عندي عرس ازدك اردك اردحااااااااااا :yahoo01:
و البارح رحت مع ماما نقدي شوية شورة أو الجهاز :bravo01:
وليوم ما قدرتش على فراقكم قلت ندخل وما نجيش بيديا فارغين :smile02:
جبت معايا لي شوصون :bravo01: لي تحب تاكل تبع من اللول للخر :bravo01: ههههههههه
بصراحة لذيذين جدااا مهما كان الحشو لي لداخل وهاد الحشو اختياري
كل واحدة وش تحب هي وعايلتها :-r
هي كيفية مقاديرها بسيطة وفي نفس الوقت لذيذة ، وتقدر اي وحدة مهما كانت مبتدئة تعملها في البيت :thumb_up02:
نبداو على بركة الله
مقادير العجينة
2 كيسان ونصف فرينة تقريبا 500 غ
ملعقة كبيرة سكر
ملعقة كبيرة خميرة
ملعقة صغيرة ملح
3 ملاعق كبار زيت
ملعقة كبيرة زبدة تذوبيها
بيضة
ماء دافئ للعجن
طريقة التحضير
نضع في إناء المكونات الجافة أي الفرينة والسكر والملح والخميرة
ندخلها في بعض بيديا وممبعد نضيف الزبدة والزيت
ندعكها بيديا حتى يدخل البسوس أو ليدام فيها
ثم نضيف البيضة
ونخلط بيديا
ثم نضيف الماء الدافي بالتدريج ، باش ما تجراش العجينة حتى تتلم تولي بهاد الشكل
نغطيها بورق شفاف ونخليها تخمر براحتها
كي تختمر نهبطلها الطلوع أو نكسرلها التخمار ونلوزها إلى كويرات ونغطيها
نجيب الحشو تاعي اللي اخترت انو يكون صوص طماطم حضرتها من قبل وطون وجبن أبيض
ونبدا نحل فالعجينة بسمك متوسط ، لا هو رقيق ولا هو خشن
نطبع العجينة دوائر
كل دائرة نعاود نطرحها بيديا إذا لقيتها شوية خشينة ، ونعمرلها بكمية من الحشو
نغلقها بيديا بهاد الشكل
ونزيد نعاودها بالشوكة ، اللي تغلقها وفي نفس الوقت تعطيها شكل جميل
نحطها في بلاتو وندهنها بالبيض باش تعطيني لون شباب بعد الطياب
نذري عليها شوية سانوج ، أنا شخصيا أعشق رائحة السانوج لما يطيب تقولشي خبز الدار يمممممممممم :p ههههههه
وندخلها للفرن على درجة حرارة 180° وكل وحدة والفرن تعها
أنا ما نعتمدش الوقت وإنما نعسها كي تبدا تحمار ندورها مرة ونزيد شوية ونخرجها
وهنا بعدما طابو
شوفو كيفاش لونهم باهي وذوقهم أبهى وألذ :yahoo01:
ومن الداخل مياااااااامممممممممممممممم ولا أحلى :bravo01:
نتمنى تجربوهم وتدعولي
وفالأخير أرجو أن أكون وفقت في الشرح وإلى الملتقي
في وصفات أخرى كثيرة إن شاء الله
في أمان الله:thumb_up02:
آخر تعديل:
