الكذب مداير الظل

[بنت الـ25]

وشراكم يا ناس الهدرة ، وجعوكم افامكم من الهدرة ولا لالا؟ ههههههههههه
لي يوجعو فمو يروح للدونتيست :p
ليوم جيت باش نحكي على وحد الظاهرة هك راها مدايرة رايها فالمجتمع تعنا
وهي ظاهرة : الكذب أو بلان بيبليك ولا الكذب والناس تسمع وبدون حشمة ولا حياء

كاين ناس تنحى الحياء من وجوهها وحل محله قزديرة مصدة

يمشي فالطريق ويكذب الناس تسمع، فالبيس ، فالحوانت... باغتو
وما يتبهدل ما يتكاكا ما يحط روحو دار حاجة مش مليحة .. عادي

نعطيكم أمثلة صرات قدامي وانا نسمع ونشوف
قبل ما نبدا نخدم في خدمتي الحالية كنت حاكمة مكتب إعلام آلي، يعني كل أصناف الناس تجيني
وحد نهار دخل عندي client مالف ديما يجي ، راجل كبير قد بابا ، ونشفالها كنا في رمضان

وانا حاكمتني النعسة، صونالو التلفون
ألو
وي وينك
راني فالدخلة تع بوصوف
قول والله
تكذب فيا؟ ما نحلفش اني صايم

طيرلي النعسة هديك ورجعت هك

عيب والله ،، هاااا راك كبير
يعني الكذب فرمضان حلال والحلف بصح حرام ؟ امشي روح تسركل على روحك

ومرة انا قاعدة في رحمة ربي فالبيرو تاعي ، حتى نلقى واحد خرج مالريسطورون لي حدانا يهدر فالتلفون ويعيط
وشبيك أني قتلك راني في سطيف

والله غير راني في سطيف

، وشبيك ماكيش مآنتني

ومبعد حبس وحد السيد برا قالو: خويا انا وين راني؟ السيد ما لقاش وش يقولو

وهو يهدرلو بين شواربو يوقولو قول سطيف

قالو السيد سطيف

قالو اهدرها بصوت عالي: قالو: راك في سطيف

قالها هاه سمعتي ؟

كي نجي للدار نتفاهم معاك لي تكذبيني

هههههههههههههههههههههه والله مليحة قالك ضربني وبكا وسبقني واشتكى
قعدت بلا راس

، نص ساعة وانا تايهة ونتخايل في خشمو يطواااال ويطوال

ههههههههههههههههه

وقبيل انا قاعدة وحدي نش فالدبان نسمع في واحد يهدر فالتلفون برا : اني منقدرش نهدر معاك راني نسوق يحكموني لابوليس

انا قلت بالاك طوموبيل تعو مقارية دوك يركب فيها ويبقط

ممكن
مي السيد باقي يمشي ويقول: اني قتلك منقدرش نحكي معاك راني نسوق ديجا هاو باراج دك يحبسوني لابوليس

هو صح باراج مي تع اللي راكبين مش تع الراجلين يا حوجي

هههههههههههههههههه والله غير كارثة

واللي حيرتني وفتاجأت ودارتلي الدوخة في رجليا

، هداك نهار رحت وانا وماما للبلاد (قسنطينة صونطر فيل نقولولها لبلاد)
مالا وقت الظهر هكداك كنت انا وماما فحانوت تع لماعن نلقاو وحد الطفلة قاعدة تاكل فهديك البيتزا تع خامج وبنين

ايا صونالها التلفون
وين راكي
راني نتغدا

(وتمسح فالعرق تالمو البيتزا حارة شفت فيها الفلفل

)
وين تتغداي؟
وين يعني ؟ كيما مالفة فالبهجة

وش تاكلي؟
والله دومونديت بلا شاورما مزال موجدش

شو صحانيت الوج ههههههه
وهي فالحقيقة قاعدة تهوشر فالزقاق والرايح والجاي يتفرج
والبائع يعيط : بيتزا سخونة حارة يا لونجااااات

هههههههههههههه

والله ماينة

فكرتني فالحكاية تع هديك الطفلة اللي عيطلها حنونها قالها : ألو وين راكي

قالتو: راني فالأودي تع papa طالعة لافاك

، وانت؟
قالها: راني راكب موراك فالبيس، متخلصيش بلاصتك راهي خالصة

ههههههههههههههههههههه

وفالأخير قولولي وشمن طينة هاد العباد؟ ووشمن وجه صحيح مقزدر مركبين؟

باش نشري واحد

ولا كون يسلفوهولي نقابل بيه برك
ويا ترى صادفوكم بزاف هاد الناس؟
وكيفاش ردة فعلكم ؟

 

[Hakan]

رد: الكذب مداير الظل

هههههههههههههههههههههههه نرجع من بعد ان شااء الله​

 

[لؤلؤة قسنطينة]

رد: الكذب مداير الظل

السلام عليكم
تم الاعتماد منمونتي، وسامحيني على التأخير راهم مشنشفيني في كرسي التعارف هههه
والله يا حبيبتي واش هاد الموضوع الطوووp قتلتيني ضحك صح وزيد الشي لي تحكي فيه واقعي صح
يكدبو قدام عينك وبلا حشمة وبلا حيا، نتا راك تمشي وراهم وهوما راهم يكدبو عليك
ومرة كي كنت نقرا في المتوسط رحت مع خالتي للجامعة المركزية راكي تعرفيها ، نسمع في واحد يهدر في التيليفون ماعلاباليش مع من
ويقول: راني في la nouvelle ville نقضي وكي نخلص نجيك ، سبحان الله ؟ السيد هادا رجليه طوال ويصوطي ولا كيفاه هههه
وكيما قلتي في رمضان ويكدبو ، يخافو من العبد ومايخافوش من ربي سبحانو
وانا الوحيد لي شفتو مايديش ذنب الكذب هو بابا هههه، لدرجة مرة قاعد يقضي وواحد وراه عيطلو حب يجربو، قالو وينك؟
قالو بابا والله راني نقضي ورايح نشري شوي بطاطا ههه ،ولا هاداك الراجل بعدما حكا معاه كوبا
وجا من وراه وحكمو وقالو والله نستعرف بيك :d
يعني واحد الناس واش تحبي نقولو عليهم ، يصوطي من ولاية لولاية ومن منطقة لمنطقة بالكلام فقط
ربي يهديهم هادا مانقولو
بارك الله فيك منمونة، هادا واش تفكرت وكاشما يجيوني افكار جدد راني نولي
راكي تعرفيني نخرج في اي لحظة :d
تحياتي غاليتي​

 

[Hakan]

رد: الكذب مداير الظل

السلاام عليكم راني رجعت يااختي وزميلتي
المهم مع الكذب هذا كاين قصص خخخ مام انا كنت نكذب لكن ماش بالدرجة هادي هههه
كنت نستعمل مصطلح الكذبة البيضااء بزااف لكن الحمد لله ريحت من هذا المرض
دركا يااختي وااش نقلك الكذب هذا ماشي غير مداير ظل ياي هو الظل في روحو
تلقى شي عباد محترفين مثلا كاين شي نااس سبيسيفيك في الكذب حتى انت تبقى داايخ مع روحك في الكذب نتاعو
كاين واحد صاحبي كنت نحتاجو في صالحة وكل يوم يعقدلي حتى نهار
شفتو في وحد البلاصة ومن بعد عيطتلو في التيليفون وانا نشوف فيه ههه وهو دخل عليها مسلسلات
غاضني ما حبيتش نفضحو خليت حتى عدات عليها تقريبا 3 اشهر قتلو راني كنت نشوف فيك نهار كنت تخرط علياا ياي والله غير
حشم حشمة كبيرة وضحكنا عليها
وما نحكيلكش على الخرطي اللي كانو يفيقولي فيه واكبر من تعرض على الخرطي نتاعي هو الاب والام بااسكو كنت
ما نحبش ينوضوني نقضي او نشري حااجة نهار يكون عندي صالحة نليكيديهم باكبر خرطي ههه
ربي يغفرلنا برك مالغري ماهوش مليح بصح ساعات الواحد يريح مع روحو ويتفكر كيفااش كان يكذب
وكيفااش كان يدير اخرااج للمسلسل نتاعو بكل حنكة وبكل سرعة هههه يبقى حااير في روحو
يقول هادي الموهبة نتاع الكذب لوكان كانت مليحة لوكان الوااحد راهو مداير سكنة في كوكب المريخ
سلاام وشكراا ...​

 

[fifty shades]

رد: الكذب مداير الظل

السلام عليكم و رحمة الله و بركاته
موضوع يستحق كل الاعجاب بارسكو موضوع من مواضيع الساعة و اللي كيما قولتي في العنوان راه داير ظل في المجتمع آآه ... غلطت في لالجيري كاملة
الكذب و ما ادراك ما الكذب .... خي حقيقة الحاجة لي نكرها في الكذب تاع لي زالجيريان يكدبوا في كلش من القنت للقنت ... هي اغلبية الناس "الطبيعين " يكذبوا نادرا و غي كي يكونوا في موقف فريمون محرج .... كيما مرة كنت انا و ماما في الطرام مريحين ايا واحط لغاوله في التيليفون ايا كي ربندا قال لهاداك اللي كان يهدر معاه " واه ... راني في اللوطو انا و صاحبي راهي السيركولاسيون تقتل " و انا كنت مشوكية
الكذب مشي مليح و جامي ما غادي يولي مليح ... في الواقع هو حرام و البنادم كي يكذب كي شغل راه يتجرأ على ربي خاتش راه يدير حاجة هو محرمها
عموما اختي موضوع جميل و يستحق كل الشكر ... يعطيك الصحة و ربي يحفظك
في انتظار مواضيعك القادمة في امان الله =-O

 

[oussama9694]

رد: الكذب مداير الظل

بخصوص الحوادث حدث و لا حرج

مرة كنت في عرس ولد خالتي رحت انا و صاحبو نشريو حوايج و كان الليل و الحوانيت مبلعين و طولنا عيطلو ولد خالتي قالو وش بيك طولت قالو راني جاي طريق و هو ما زال ما شرا قاع ---ايا شفت فيه قالي وش حبيتني ندير كان ما تكذبش ما تسلكش معاهم

هنايا عرفت بأنو سبب الكذب الخوف من النتيجة الدنيوية و عدم مراعاة النتيجة و العاقبة الاخروية

حسبينها سلكت و خلاص مي عند ربي نتحاسبو على كل صغيرة و كبيرة

وش نقولو ربي يهدينا

 

[السلطانة]

رد: الكذب مداير الظل

وعليكم السلام ورحمة الله وبركاته

ههههههههههههههههه يعطيك كيلو عسل


موضوعك top كالعادة


الكذب داير حالة في هاد العباد

فكرتيني في وحد نعرفها الكذب عندها ميفضش وعايشة وعندها راجل وولاد وكل وحياتها كاملة فوتتها خرطي في خرطي
هيا من الخرطي تاعها
انها نهار تزوجت هي متعرفش تطيب لبراج والاكلات التقليدية ولعبتها تعرف
مالا راحت عند أمها قاتلها طيبيلي لبراج وخليها نية وفي الليل نجي نديها :bravo01:
مالا في الليل داها راجلها جابتها وجات
خباتها غدوة الصباح ناضت دار شيخها راقدين دخلت للكوزينة خلطت في الدقيق والقصعة
ولعبتها طيبت البراج
هيا ناضت عجوزتها قاتلها الله يبارك على عروستنا الشاطرة براج وعليه الكلام:-o

وفاتت حياتها كيما هك
مرات يجيوها الضياف متحلش عليهم يعيطولها في التيليفون تقولهم راني خرجت
وهي بعد لي تحكيلنا بفمها
كي تعود ماش حابة واحد يجيها توصي ولادها وراجلها يقفلو لي بورتابل وتخرط كاش كذبة

وكذب بزاف تكذبو شبعتنا بقلاوة

وحدة تاني كانت تقرا معايا لعبتها مخطوبة
وهي لامخطوبة لازوج تضال تحكي على خطيبها الخيالي وحد النهار
خططت انا وصحاباتي نفضحوها
مالا كانت لاعبتها تحكي بالبورتابل عيطنالها بالماسكي صونا في وذنها :bravo01:


ولاهاذوك الناس لي تدير معاه موعد ويقولك اسنى على الساعة لفلانية نعيطلك ولانتلاقاو
من تم ذهب ولم يعد
كيما يقولو يديرلك الجنة فيها ذراع

وعلى كيما لي حكيتي عليهم في موضوعك
ميحشموش خلاص

راني في بلاصة وهو في بلاصة
والحلوف بربي عندهم كعبة حلوة
والمشكل يقنعو العباد
والعباد تصدقهم

هيا صحيتي مينا قلبتيلي المواجع ههههههه
تفكرت ناس بزاف
​

 

[السلطانة]

رد: الكذب مداير الظل

السلاام عليكم راني رجعت يااختي وزميلتي
المهم مع الكذب هذا كاين قصص خخخ مام انا كنت نكذب لكن ماش بالدرجة هادي هههه
كنت نستعمل مصطلح الكذبة البيضااء بزااف لكن الحمد لله ريحت من هذا المرض
دركا يااختي وااش نقلك الكذب هذا ماشي غير مداير ظل ياي هو الظل في روحو
تلقى شي عباد محترفين مثلا كاين شي نااس سبيسيفيك في الكذب حتى انت تبقى داايخ مع روحك في الكذب نتاعو
كاين واحد صاحبي كنت نحتاجو في صالحة وكل يوم يعقدلي حتى نهار
شفتو في وحد البلاصة ومن بعد عيطتلو في التيليفون وانا نشوف فيه ههه وهو دخل عليها مسلسلات
غاضني ما حبيتش نفضحو خليت حتى عدات عليها تقريبا 3 اشهر قتلو راني كنت نشوف فيك نهار كنت تخرط علياا ياي والله غير
حشم حشمة كبيرة وضحكنا عليها
وما نحكيلكش على الخرطي اللي كانو يفيقولي فيه واكبر من تعرض على الخرطي نتاعي هو الاب والام بااسكو كنت
ما نحبش ينوضوني نقضي او نشري حااجة نهار يكون عندي صالحة نليكيديهم باكبر خرطي ههه
ربي يغفرلنا برك مالغري ماهوش مليح بصح ساعات الواحد يريح مع روحو ويتفكر كيفااش كان يكذب
وكيفااش كان يدير اخرااج للمسلسل نتاعو بكل حنكة وبكل سرعة هههه يبقى حااير في روحو
يقول هادي الموهبة نتاع الكذب لوكان كانت مليحة لوكان الوااحد راهو مداير سكنة في كوكب المريخ
سلاام وشكراا ...​

 

[Hakan]

رد: الكذب مداير الظل

ههههه
والله يالكذب هادا مليح بصح وااش كنت نكذب
مثلا يعيطلي الاب ويقلي وين رااك
نقلو بقاتلي خمس دقايق ونوصل للدار
وانا بيني وبين الدار مساافة 30 سنة ضوئية خخخخ
والام نتاعي نظل نخرط عليها نشريلك كذا ونصنعلك كذاا
يالقصوور وبينتهم ديجا مازالي قصر ما بنيتووش ههه
ربي يهنيك وسللام ودرك الحمد لله نخرطو غير في قضية المرااجعة نتاع القراياا
بااسكو كاين عباد كيما هاك يبات شااعل الضو يقرى ويجيك الصباح لا حيااء لاحشمة ويقلك والله غير بايت راقد ما ريفيزيت والو
وانا نورمال نقلو ياي بقاولي 4 بوليات ما ريفيزتهمش ومن بعد يلقاني من جماعت 13 و14
والحمد لله ...

 

[بنت الـ25]

رد: الكذب مداير الظل

السلام عليكم
وعليكم السلام مريومة
تم الاعتماد منمونتي، وسامحيني على التأخير راهم مشنشفيني في كرسي التعارف هههه
مرسي على الاعتماد وعلى الكاشي الباهي
ومعليش ما نلومكش ممجربة كرسي التعارف أكثر من مرة وعلابالي الميزاجور تعو تشتنشف
ههههههههههههههه
والله يا حبيبتي واش هاد الموضوع الطوووp قتلتيني ضحك صح وزيد الشي لي تحكي فيه واقعي صح
يكدبو قدام عينك وبلا حشمة وبلا حيا، نتا راك تمشي وراهم وهوما راهم يكدبو عليك
ومرة كي كنت نقرا في المتوسط رحت مع خالتي للجامعة المركزية راكي تعرفيها ، نسمع في واحد يهدر في التيليفون ماعلاباليش مع من
ويقول: راني في la nouvelle ville نقضي وكي نخلص نجيك ، سبحان الله ؟ السيد هادا رجليه طوال ويصوطي ولا كيفاه هههه
ههههههههههههههههههه شفتي ، عندو في رجليه tgv بالاك
لي محيرني يهدرو نورمال والشعب يسمع؟
وكيما قلتي في رمضان ويكدبو ، يخافو من العبد ومايخافوش من ربي سبحانو
هادي درت عليها مرة موضوع الجنايز ، لي ميصليوش بصح يمشيو مع لجنازة
خخخخخخخخخ راهم تيف تيف :down:
وانا الوحيد لي شفتو مايديش ذنب الكذب هو بابا هههه، لدرجة مرة قاعد يقضي وواحد وراه عيطلو حب يجربو، قالو وينك؟
قالو بابا والله راني نقضي ورايح نشري شوي بطاطا ههه ،ولا هاداك الراجل بعدما حكا معاه كوبا
وجا من وراه وحكمو وقالو والله نستعرف بيك :d
أنا تاني نستعرف بيه
مهما كانت هديك الكذبة رايحة تنجيك من غضب العباد من معليش نتحمل غضب العباد ومنتحمل غضب رب العباد
يعني واحد الناس واش تحبي نقولو عليهم ، يصوطي من ولاية لولاية ومن منطقة لمنطقة بالكلام فقط
ربي يهديهم هادا مانقولو
آمين يا رب ويهدين الكل
بارك الله فيك منمونة، هادا واش تفكرت وكاشما يجيوني افكار جدد راني نولي
راكي تعرفيني نخرج في اي لحظة :d
تحياتي غاليتي​

وفيكي بركة مريومة ، نورتي موضوعي
وراني في انتظارك ، حكايات الكذب هادو ما يخلاصوش للأبد
تحياتي الخالصة ليك
​

 

[بنت الـ25]

رد: الكذب مداير الظل

السلاام عليكم راني رجعت يااختي وزميلتي
أهلا وسهلا :bravo01:
المهم مع الكذب هذا كاين قصص خخخ مام انا كنت نكذب لكن ماش بالدرجة هادي هههه
يا حصرا عليك يا الدنيا فيك حكاية وكايات ساميني واقعدي معايا واحكيهملي بثبات ههههههه
كنت نستعمل مصطلح الكذبة البيضااء بزااف لكن الحمد لله ريحت من هذا المرض
دركا يااختي وااش نقلك الكذب هذا ماشي غير مداير ظل ياي هو الظل في روحو
تلقى شي عباد محترفين مثلا كاين شي نااس سبيسيفيك في الكذب حتى انت تبقى داايخ مع روحك في الكذب نتاعو
كاين واحد صاحبي كنت نحتاجو في صالحة وكل يوم يعقدلي حتى نهار
شفتو في وحد البلاصة ومن بعد عيطتلو في التيليفون وانا نشوف فيه ههه وهو دخل عليها مسلسلات
غاضني ما حبيتش نفضحو خليت حتى عدات عليها تقريبا 3 اشهر قتلو راني كنت نشوف فيك نهار كنت تخرط علياا ياي والله غير
حشم حشمة كبيرة وضحكنا عليها
كون جيت أنا نفضح سيغبلاص ما نبيتهاش، نشتي نشوف وجوه العباد كي نكشفهم هههههههه
نشفالها مين كنت نخدم فالشركة ، كانت طفلة تخدم معايا ضل مع المدير (السيد مزوج وعندو 2 ولاد)
وحد نهار نسمع فيها قاتلو شرالي papa طوموبيل وخفت نسوقها برمي تعي جديد
قالها نديك نعلمك، مالا كي جى خارج لعبها زعما نسى المفتاح فالبيرو عيطلها قالها جيبيلي المفتاح
وخرجو ، شفتها فالكاميرا كي ركبت معاه
يحكيلي خطيبي قالي واحنا فالطريق تكروازينا معاه (خطيبي كان يخدم معايا وعلاقتو بالمدير شوية مش رسمية) ،
قالي : عيطتلو سيربلاص قلتلو وينك؟ قالو: راني هدا وين مشيت من سطيف جاي لقسنطينة
قالو: سطيف تع لوناما (لوناما هادي بلاصة في قسنطينة)
قالي تكاكا وتبهدل وكاموفلاها بضحكة
وش مليحة كي تحكمهم في la grande ويفيقو بيك بلي فقت بيهم ، احساس رايع هههههههه
وما نحكيلكش على الخرطي اللي كانو يفيقولي فيه واكبر من تعرض على الخرطي نتاعي هو الاب والام بااسكو كنت
ما نحبش ينوضوني نقضي او نشري حااجة نهار يكون عندي صالحة نليكيديهم باكبر خرطي ههه
ربي يغفرلنا برك مالغري ماهوش مليح بصح ساعات الواحد يريح مع روحو ويتفكر كيفااش كان يكذب
وكيفااش كان يدير اخرااج للمسلسل نتاعو بكل حنكة وبكل سرعة هههه يبقى حااير في روحو
يقول هادي الموهبة نتاع الكذب لوكان كانت مليحة لوكان الوااحد راهو مداير سكنة في كوكب المريخ
سلاام وشكراا ...​

الكذب يبقى كذب وربي يهدينا ، مكانش فينا لي ما كذبش
كاينة كذبة بيضا وكاينة كذبة كحلا كي الظلمة ههههههههه
المهم ما تأذيش الناس برك ولو قليلا
كيما قلت لوكان الكذب مليح كون رانا فالمريخ هههههههه
شكرا لك على المرور اخي حكيم :thumb_up02:
​

 

[¬Đỉaмơŋđ ✿]

رد: الكذب مداير الظل

وعليكم السلآم ورحمة الله وبركآته

هههههههههه الله يعطيك الربَح ي القسنطينيّة ضحكتيني والله
أنآ صرآحة نكره هذآ النوع من النآس لدرجة مش ممكن تتصوريهآ يطيحو من عيني ونحب ديمآ نتفاداهم العبآد اللي هكذآ بآرسكو يبآنولي مرآض في رآسهم ومش طبيعيين ..
صرآلي مرة موقف مع وحدة تخدم معايا كنا معولين نشآركو في مسآبقة توظيف وشحآل وحنآ نجريو من بلآصة لبلآصة فالتوجآد تاع الملف وتفآهمنآ كي نكملو نروحو نجطو الملف مع بعض،كآنت خآصتني أنا الإستمآرة بآش نعمرهآ وماكآنش بقآلي الوقت بزآف على الموعد قلتلها تعطيني ندير نسخة عليهآ إذا عندها بدات تحلف وتعآود بلي حتى هي ماعندهآش ...إلخ وبعد أيامات عرفت بلي كملت الملف ودفعآتو وأنا زي الأطرش فالزفّة،المهم من هاذاك النهآر حطيتهآ فالقآئمة الحمرآء هههههه


كيمآ يقولو نآس بكري حبل الكذب ديمآ قصير ونهآر يبآن الصح الكذب يفضح نآسو
الإنسآن الكذآب ديمآ ينقلب الكذب عليه وتطفر غير فيه
على كل حآل ربي يهديهم ويشفيهم .. !

صحيتِ على الموضوع البآهي كيفك
سلآم ~


​

 

[بنت الـ25]

رد: الكذب مداير الظل

السلام عليكم و رحمة الله و بركاته
وعليكم السلام ورحمة الله وبركاته
موضوع يستحق كل الاعجاب بارسكو موضوع من مواضيع الساعة و اللي كيما قولتي في العنوان راه داير ظل في المجتمع آآه ... غلطت في لالجيري كاملة
لالجيري أصلا الكل راهي كذبة ههههههههههههه
الكذب و ما ادراك ما الكذب .... خي حقيقة الحاجة لي نكرها في الكذب تاع لي زالجيريان يكدبوا في كلش من القنت للقنت ... هي اغلبية الناس "الطبيعين " يكذبوا نادرا و غي كي يكونوا في موقف فريمون محرج ....
ايه والله ، نعرف وحدة قالتهالي بالحرف الواحد
أنا كذابة والكذب ماشي في دمي
هداك نهار جات عندي للدار ، عيطلها راجلها قالها وين راكي
قاتلو معليش مبعد تعاودلي راهي جارتي عندي؟:s
قالها وينا جارتك هادي؟
قاتلو : هديك لي مالفة ديما تجي لعندي:s
(وهي والله ديما لي تطلع عندي انا منروحش عندها خلاااااااص)
كي كوبات قاتلي ايه والله يقولي مين تخرجي لاشتا عند جارتك قوليلي
قتلها ايه ارضيلو فضولو قوليلو ماخي ماراكيش ديري في حاجة عيب
قاتلي : ايييييه كي شغل متعرفينيش كون يعيطلي يقولي وين راكي وانا فالكوزينة نقولو راني فشمبرتي
هههههههههههههههه غريبة كرة الكذب
كيما مرة كنت انا و ماما في الطرام مريحين ايا واحط لغاوله في التيليفون ايا كي ربندا قال لهاداك اللي كان يهدر معاه " واه ... راني في اللوطو انا و صاحبي راهي السيركولاسيون تقتل " و انا كنت مشوكية
نورماااااال متشوكاي موالو ، تكبري وتنساي بنتي هههههههههه
الكذب مشي مليح و جامي ما غادي يولي مليح ... في الواقع هو حرام و البنادم كي يكذب كي شغل راه يتجرأ على ربي خاتش راه يدير حاجة هو محرمها
صح ربي يسلم فمك
عموما اختي موضوع جميل و يستحق كل الشكر ... يعطيك الصحة و ربي يحفظك
في انتظار مواضيعك القادمة في امان الله =-O

شكرا ليك على المرور اختي ، زدتي موضوعي جمالا بمرورك :bravo01:

 

[بنت الـ25]

رد: الكذب مداير الظل

بخصوص الحوادث حدث و لا حرج
أهلا أخي السلام عليكم
مرة كنت في عرس ولد خالتي رحت انا و صاحبو نشريو حوايج و كان الليل و الحوانيت مبلعين و طولنا عيطلو ولد خالتي قالو وش بيك طولت قالو راني جاي طريق و هو ما زال ما شرا قاع ---ايا شفت فيه قالي وش حبيتني ندير كان ما تكذبش ما تسلكش معاهم
تصرا بزاااف هادي تاني
ومام تع " منقولوش يكدب عليك " مي يتمسخر بيك ، هادي دارهالي خويا مرة خلاني نغلي
وصيتو يشريلي بلاتو ، بدا يعيط عليا ويقولي ما نشريش ونتوما تقلقو وكداااا
ايا لبست حوايجي الله غالب محتمة ، وجيت خارجة رايحة نشري
نلقى مرتو عيطتلو قاتلو انت منك صح ما تشريلهاش اي خارجة؟
قالها امالا راني شريت وخلصت كنت غير نضحك معاها:p
كي جى للدار تناشعت معاه ، قتلو سما كون ما عيطتش مرتك كون راني خرجت وشقيت وزيد نلقاك شريت
هي صح تمسخيرة مي مش هك بعد؟
هنايا عرفت بأنو سبب الكذب الخوف من النتيجة الدنيوية و عدم مراعاة النتيجة و العاقبة الاخروية
ايه صح أغلب الناس هكدا ، باش ما يغضبش الناس يغضب ربي
ياخي منطق ياخي
حسبينها سلكت و خلاص مي عند ربي نتحاسبو على كل صغيرة و كبيرة

وش نقولو ربي يهدينا

آمين يا رب
شكرا لك على المرور أخي

 

[الورد الأحمر]

رد: الكذب مداير الظل

السلام عليكم
خخخخ ضحكتيني والله وراني نقرا بعد وفي راسي وحد العيباد هك عياوني بلكذب تاعها يكذبو لا حشمة لا هم يحزنون ويشوفو في وجهك ونوغمال ويفرحو برواحهم وكلش انا ما يحيرونيش هذو لي يكذبو واحنا نشوفو يحيروني لي يكذبو ويحسبو الناس غافلة وما تفيقش بيهم !! هذو لي نعافهم ... الكاليتي لي حكيتي عليها أكيد منها بزاف ومصادفتهم بزاف بعد جابلي ربي غير الحشمة برك كي خطات وجوههم عادو هكذا ... تجيني تاع الواحد يكذب وين راه دومي مال انا نديرها مرات كي نتفاهم مع صاحبتي نتلاقاو في بلاصة ونتعطل وتعيطلي باه نطلعلها الموغال نقوللها بلاصة خلاف مانيش فيها باه تبانلها هي بلي قريب نوصل ويوليو الناس يشوفو فيا تاع هاي كذابة ماشية هههه بصح تاع راني ناكل في بلا شوارما والناس تشوف فيا نرعى في بيتزا لااااااااااااا تسلل واضح سيدي الحكم هههه ولا راكبة في الأودي تاع PaPaـيا لاااا توجع هذي كي يطلع راكب ورايا خخخ ... المهم ربي يهدي العيباد برك هذا ما نقولو ... او عجبني الموضوع فكرتيني بالمواضيع تاع التمهبيل ;p ... سلام

 

[بنت الـ25]

رد: الكذب مداير الظل

وعليكم السلام ورحمة الله وبركاته
الله يخليك شوشو اهلا بيك
ههههههههههههههههه يعطيك كيلو عسل
الحمد لله عطاني ربي كتر من كيلو ، جديد من الشهدة ماما لبارح عصراتو هههه

موضوعك top كالعادة
ووجودك أتوَp خخخخخخخخخ :thumb_up02:

الكذب داير حالة في هاد العباد

فكرتيني في وحد نعرفها الكذب عندها ميفضش وعايشة وعندها راجل وولاد وكل وحياتها كاملة فوتتها خرطي في خرطي
هيا من الخرطي تاعها
انها نهار تزوجت هي متعرفش تطيب لبراج والاكلات التقليدية ولعبتها تعرف
مالا راحت عند أمها قاتلها طيبيلي لبراج وخليها نية وفي الليل نجي نديها :bravo01:
مالا في الليل داها راجلها جابتها وجات
خباتها غدوة الصباح ناضت دار شيخها راقدين دخلت للكوزينة خلطت في الدقيق والقصعة
ولعبتها طيبت البراج
هيا ناضت عجوزتها قاتلها الله يبارك على عروستنا الشاطرة براج وعليه الكلام:-o
هااااااااا خلايا؟ هادي كذبة سودة ومنيلة بستين نيلة ، جاتها نيلة
ناس تكذب مي مش هك، هادي بروفيصيونال هههههههه
والله طيرتها للغاشي كامل
وفاتت حياتها كيما هك
مرات يجيوها الضياف متحلش عليهم يعيطولها في التيليفون تقولهم راني خرجت
وهي بعد لي تحكيلنا بفمها
كي تعود ماش حابة واحد يجيها توصي ولادها وراجلها يقفلو لي بورتابل وتخرط كاش كذبة

وكذب بزاف تكذبو شبعتنا بقلاوة
هادي كيما قال ربي " أخذتهم العزة بالإثم"
يعني تكذب وفرحانة بالكذب تعها
مي وش ربحت بهاد الكذب؟ انا كذبة كي لعباد منعرفش نكذبها
مرة عيطت لراجلي لقيتو occupé قتلو معامن كنت تهدر؟
قالي مع فلان (ولد اختو)
قتلو هاتلي نيمرو تعو نعيطلو (وانا غير نتمسخر ههه)
عطاني ، درت روحي فورميت ومبعد حطيتو أوناطونط مامبا 5 ثواني ريكيبريتو
وقتلو : اني حكيت معاه وقالي مكانش يحكي معايا
تعرفي فسخ عليا بالضحك ، قالي وين قريتي برك ههههههههه ياو متعرفيش تكذبي
مام كون نكذب يفيقولي نورمال
أما الطياب ، قتلو من اللول منعرفش نطيب وراني غير نتعلم
راح لامو قالها كنتك تعرف طيب كلش
ايا تحتمت عليا نتعلم كلش باش ما يخرجش كذاب قدام امو ههههههههه
مي فكرة تع نخدملي ماما لبراج ونديه ني ونطيبو ونعشي فرحانة وهوما يشكرو احم هههههه
تباااااااااا
وحدة تاني كانت تقرا معايا لعبتها مخطوبة
وهي لامخطوبة لازوج تضال تحكي على خطيبها الخيالي وحد النهار
خططت انا وصحاباتي نفضحوها
مالا كانت لاعبتها تحكي بالبورتابل عيطنالها بالماسكي صونا في وذنها :bravo01:
يعجبوني ناس لي عايشين فالخيال ، فاتو عليا بزااااف
مي عجبتني تع عيطتولها بالماسكي هههههه دي فضيحتها بجلاجل هههههه
مسكينة تشف ، باينة خاصتها حنانة

ولاهاذوك الناس لي تدير معاه موعد ويقولك اسنى على الساعة لفلانية نعيطلك ولانتلاقاو
من تم ذهب ولم يعد
كيما يقولو يديرلك الجنة فيها ذراع
كاين وكاين وكاين يا شوشو
مرة صحبتي تغشت مني ، تفاهنا نتلاقاو فالمكتبة تع الجامعة المركزية وانا طولت عليها
كي وصلت لقيتها مشنفة وما جات ترضى عليا بالسيف قاتلي تمسخرتي بيا
وانا فالحقيقة غلطت فالبيس ، جيت نركب في تع الجامعة ركبت في تع المستشفى
هههههههه وغلطتني بنت خالي لقيتها فباب البيس قتلها تع لافاك ، حسبتني قتلها تع لوبيتال هههههه

وعلى كيما لي حكيتي عليهم في موضوعك
ميحشموش خلاص

راني في بلاصة وهو في بلاصة
والحلوف بربي عندهم كعبة حلوة
والمشكل يقنعو العباد
والعباد تصدقهم
انا وحدة من الناس كي يفوت ويحلفلي عبد نامنو صايي ما بقاتش
حاطة الغاشي كيفي ، مي هوما يتمسخرو بالحلفان ويمين الغموس من الكبائر
مي قوليلي شكون يعرف؟ جات في هادي وحدت
هيا صحيتي مينا قلبتيلي المواجع ههههههه
تفكرت ناس بزاف
​

علاه نقلبلك المواجع هدا تحسبي فيا نطيب فالشواء هههههههههه
فكرتيني في وحددة جارتي الكذابة هديك نفسها لي حكيت عليها في ردي السابق
كذبت مرة على خطيبيها كذبة كون جيت انا في بلاصتو نبطل عليها
وحكاتهالي نورمال
مالا عيطلها قالها وين راكي؟ قاتلو راني فالمرشي ، وصدف انو هو تاني كان فالمرشي
وهي ماجاش في بالها انو تما بارسكو يسكن بعيد
قالها وينك بعد نجيك
هي من البخصة استعرفتلو قاتلو: راني مع صحبتي فالكدية رايحين للحبس تزور (صاحبها) آسفة على المصطلح
قاتلي من الصدمة ما لقاش وش يقول:s
والكذبات اللاحقين أشد ، منعرف كيفاش كمل وتزوج بيها وهو فايق بيها بلي كذابة نمبر وان؟
تبقاي حايرة :s

ايا مرسي عليك شوشو والله ما وجعتني يدي وانا نرد هههههههههههه :thumb_up02:
​

 

[بنت الـ25]

رد: الكذب مداير الظل

وعليكم السلآم ورحمة الله وبركآته
أهلا جارتي الجيجيلية ويحياو ناس 18 من حدادة لحدادة :thumb_up02:
هههههههههه الله يعطيك الربَح ي القسنطينيّة ضحكتيني والله
هاذي دعوة ولا خليني
وليكي وحدة كيفها ، ربي يخليك ويدومها ضحكة :thumb_up02:
أنآ صرآحة نكره هذآ النوع من النآس لدرجة مش ممكن تتصوريهآ يطيحو من عيني ونحب ديمآ نتفاداهم العبآد اللي هكذآ بآرسكو يبآنولي مرآض في رآسهم ومش طبيعيين ..
صرآلي مرة موقف مع وحدة تخدم معايا كنا معولين نشآركو في مسآبقة توظيف وشحآل وحنآ نجريو من بلآصة لبلآصة فالتوجآد تاع الملف وتفآهمنآ كي نكملو نروحو نجطو الملف مع بعض،كآنت خآصتني أنا الإستمآرة بآش نعمرهآ وماكآنش بقآلي الوقت بزآف على الموعد قلتلها تعطيني ندير نسخة عليهآ إذا عندها بدات تحلف وتعآود بلي حتى هي ماعندهآش ...إلخ وبعد أيامات عرفت بلي كملت الملف ودفعآتو وأنا زي الأطرش فالزفّة،المهم من هاذاك النهآر حطيتهآ فالقآئمة الحمرآء هههههه
ايواااااااااا هادو هوما ناس لي نكرهم
ما يتمناولكش الخير وهاد الشي ليه تبعاتو والكذب من هاد التبعات
يعني وش فيها كي تمدلك الاستمارة؟ راكي جابتها من عندها ولا من بلاصة خلاف
يعني حبت ربحت العيب ، وربي كشفهالك على حقيقتها باش ما تبقاش خادعاتك

كيمآ يقولو نآس بكري حبل الكذب ديمآ قصير ونهآر يبآن الصح الكذب يفضح نآسو
الإنسآن الكذآب ديمآ ينقلب الكذب عليه وتطفر غير فيه
على كل حآل ربي يهديهم ويشفيهم .. !
آآآآآه الكذب يتكشف يتكشف ولو بعد حين
والواحد لاكان كذب عليك مرة سي بون ما بقيتيش ديري فيه لامان
كيما حكاية شهاب الكذاب تع طيور الجنة خخخخخخخخ
صحيتِ على الموضوع البآهي كيفك
سلآم ~


​

يعطيك صحيتو حبيبة
وشكرا على المرور الجميل :regards01:
​

 

[آمِيْرَتُه]

رد: الكذب مداير الظل

السلام عليك مينات
راكي درتي موضوع في وقته يعطيك الصحة
فكرتيني بوحد المحامي كنت عنده ندير ستاج كانو كي يعيطوله في البورطابل يخرج راسه من تاقة و يقولهم راني جاي راني في الطريق ههه و هو فالبيرو طالق روحه كنت نشبع نضحك و عندي صحبتي هذي مهبولة مش تكذب بنية توري روحها و لا حاجة اخرى لالا مثلا ديتي موعد معها هي عاداك نايضة من النعاس تقولك اني جاية في طاكسي متقلقيش و هو مازال متنوض تغسل وجها ههه طبيعة فيها تكلخ وحد نص ساعة حتى تكرهي و تروحيلها تشقاي حتى لدراهم تخرجيها بسيف هه

 

[بنت الـ25]

رد: الكذب مداير الظل

السلام عليكم
وعليكم السلام نونوغا، مبروك علينا اللبسة لجديدة ، خارجة عليك يا محاينك نونو
خخخخ ضحكتيني والله وراني نقرا بعد وفي راسي وحد العيباد هك عياوني بلكذب تاعها يكذبو لا حشمة لا هم يحزنون ويشوفو في وجهك ونوغمال ويفرحو برواحهم وكلش انا ما يحيرونيش هذو لي يكذبو واحنا نشوفو يحيروني لي يكذبو ويحسبو الناس غافلة وما تفيقش بيهم !! هذو لي نعافهم ... الكاليتي لي حكيتي عليها أكيد منها بزاف ومصادفتهم بزاف بعد جابلي ربي غير الحشمة برك كي خطات وجوههم عادو هكذا ... تجيني تاع الواحد يكذب وين راه دومي مال انا نديرها مرات كي نتفاهم مع صاحبتي نتلاقاو في بلاصة ونتعطل وتعيطلي باه نطلعلها الموغال نقوللها بلاصة خلاف مانيش فيها باه تبانلها هي بلي قريب نوصل ويوليو الناس يشوفو فيا تاع هاي كذابة ماشية هههه بصح تاع راني ناكل في بلا شوارما والناس تشوف فيا نرعى في بيتزا لااااااااااااا تسلل واضح سيدي الحكم هههه ولا راكبة في الأودي تاع PaPaـيا لاااا توجع هذي كي يطلع راكب ورايا خخخ ... المهم ربي يهدي العيباد برك هذا ما نقولو ... او عجبني الموضوع فكرتيني بالمواضيع تاع التمهبيل ;p ... سلام

نتي تاني مالفة ديريها؟ بخصتي بينا ههههههههههههههههههه
مي مش كيما السيد لي تحلف في مرتو وقالها تكذبي فيا هداك زاد شويا فلادوز ههههههههه
وتع البيتزا هديك ديجا راكي مخبية باش ما يشوفوهاش لي يعرفوها وزيد كملتها بكذبة كيما هديك
ماينة هههههههههههههه
كيما قلتي ربي يهديهم ويهدينا ، وان شاء الله ترجعيلنا بقوة ونرجعو ايامات التمهبيل من جديد
نورتي باللبسة الجديدة خرجت عليك لاغوب الغوووج:thumb_up02:

 

[بنت الـ25]

رد: الكذب مداير الظل

السلام عليك مينات
وعليك السلام منيني
راكي درتي موضوع في وقته يعطيك الصحة
الله يسلمك ربي يعطيك صحيحتك :sport02:
فكرتيني بوحد المحامي كنت عنده ندير ستاج كانو كي يعيطوله في البورطابل يخرج راسه من تاقة و يقولهم راني جاي راني في الطريق ههه و هو فالبيرو طالق روحه كنت نشبع نضحك و عندي صحبتي هذي مهبولة مش تكذب بنية توري روحها و لا حاجة اخرى لالا مثلا ديتي موعد معها هي عاداك نايضة من النعاس تقولك اني جاية في طاكسي متقلقيش و هو مازال متنوض تغسل وجها ههه طبيعة فيها تكلخ وحد نص ساعة حتى تكرهي و تروحيلها تشقاي حتى لدراهم تخرجيها بسيف هه

تصرا نورمال سيرتو المحامين شابعين كذب ، مش الكل طبعا ههههههههههه
كيما مرة كان عندي محامي عيطلو موكلو : يحلفلو ويقولو القضية تاعك مضمونة
كي كوبا قالي: والله ماهي مضمونة خلاااااص مي كون نقولو هك يمرضني وانا منيش قادر نمرض بيه وبمشالكو؟
كارثة
اما صحبتك هادي صاريتلها كيما وحدة صحبتي كنت مع اللول قبل ما يخرج التلفون نروحلها قبل بنص ساعة نقلها البسي ونرجع لدارنا نوجد روحي ونريح مين تخلص تجي
وممبعد وليت نعيطلها فاللتفون تقولي راني واجدة نروح نلقاها هداك وين تمشط في شعرها ههههههههههه ومزال ما لبستش تهبلني
مرسي منمن على مرورك الجميل :thumb_up02: