أرشدوني

[انفال مخربش]

انا انفال من باتنة فتاة متوسطة الجمال طويلة لدي جسم جميل عمري 17 سنة ........... المهم....... انا معجبة او بالأحرى أحب مدربي ( مدرب الرياضة :sport01: ) و هو أكبر مني ب10 سنوات و هو ليس متزوجا بعد و لا يعلم بأنني احبه لكن يمكن انه لاحظ انني نشوف معاه بزاف و نظرات مش عادية هو ايضا يشوف عندي نظرات يبانو نتاع اعجاب و مايعاملنيش كيما البنات الباقيين و منعرف منيش متأكدة ............... قولولي اذا القصة عادية او مش عادية و اذا مش عادية وش تنصحوني ندير اني دايخة و خايفة من المستقبل كشما يصرا ...... ما حبيت نحكي لحتى واحد الحكاية هاذي انصحوني وش ندير خاوتي

 

[sahiko hamza]

رد: أرشدوني

احذري يا الاخت
الحب يديك الى نهاية غير سارة
ننصحك احكمي سابعك او بالاحرى نحي عليك هاد الافكار ...
​

 

[Salam Fleur]

رد: أرشدوني

السلام عليكم

اسمحيلي راني رايحة نكون قاسية عليك و هذا في مصلحتك ووسعي قلبك و فتحي مخك معايا الله يسترك

اولا علاه وصفتي نفسك جسمانيا ؟؟؟؟ ... عمرك ولا توصفي روحك بحاجة مدهالك ربي سبحانه وصفي بحاجة درتيها انتي طبعا بعونه سبحانه ..... الانسان مننا يعرف نفسه ..مثلا لماذا لم تقولي انسانة خلوقة و متدينة ؟؟؟؟؟ .............. اتمنى ان تفكري في هذه الملاحظة لان جمال المظهر لن يدوم و جمال الاخلاق هو الاساس

انت في عمرك 17 سنة ... يعني راكي مراهقة ... وراكي تتعرفي على مشاعر الاعجاب و الحب ... راهي مشاعر مؤقتة يتحكم فيها المظهر .... واش عجبك فيه ؟؟؟ باهي بوبون يعرف يلبس حطيطة ظريف يعرف يحكي ... احساس جميل و خصوصا انه حسب كلامك يعاملك بطريقة خاصة و هذا لي زاد عجبك ...... اختي شي هذا كامل نحيه من بالك ... هدفك حاليا هو قرايتك ..... علاقتك بيه تدي الهاوية .....

تدي لمكان تندمي عليه حياتك كامل ......

نحيه من بالك و تهلاي في قرايتك ... و التزمي بصلاتك و دينك .... و بعدي على رفيقات السوء ...لي تقول نورمال واش فيها ... لالا ماشي نورمال هي ماخاسرة والوا انتيا الخاسرة ......

نتمنى انه تتقبلي نصيحتي ليك و ربي يعينك​

​

 

[لؤلؤة قسنطينة]

رد: أرشدوني

السلام عليكم ختي الغالية أنفال ان شاء الله راكي لاباس؟
أولا نحييك على شجاعتك لطرح الموضوع وثانيا مزية لي جيتي شاورتينا قبل ماديري اي خطوة، لأنو كاين ناس مثقفين
وواعيين ومرو بمثل هاد التجارب وعندهم خبرة ويقدرو ينصحوك، ولكن بشرط تسمعي للنصيحة حتى الأخير
خاطر نتي راكي جيتي باه تسمعي لراينا وتبعيه، ماش تسمعيه وكي تخرجي من هنا تنسايه يعني طبقي واش رايحين نقولوك
المهم لا علينا، أولا حبيبتي راكي في سن ال 17 وهو سن حساس عند الانثى ، وأكثر المشاكل لي يواجهو الانثى في هاد السن هي مشاكل الحب والعلاقات وغيرها، ولكن فقط باه نصححلك إحدى الكلمات لي قلتيها في أول موضوعك وهي "انا معجبة او بالأحرى أحب مدربي"
هنا نصححلك نتي معجبة فقط وماشي تحبيه أي حالة عابرة فقط ،لأنو الحب غاليتي مرحلة طاهرة ونظيفة لدرجة ماتستحيش ولا تخافي لما تعبري عليها،وهادي وكتاه تكون؟؟ لما المرأة تكون في بيت زوجها، ربي صح خلق محبة وانجذاب بين الرجل والمرأة وهادي حاجة طبيعية
في الانسان ولكن ماخلاهاش بطريقة عشوائية لدرجة الانسان يطلق مصطلح الحب على اي شخص يعجبو شكلو أو لباسو
يعني ربي ينظملنا معنى الحب في مصطلح الزواج، والدليل قوله سبحانه وتعالى: { وَمِنْ آَيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً} [الآية 21 من سورة الروم ]، ربي خلق المودة والرحمة بين الرجل والمرأة ولكن هاد المصطلح لمن يكون ؟
للزوج لزوجتو وللزوجة لزوجها، هادا ربي سبحانو لي يقول ماش أنا، يعني كلام ربي خير ولا كلامنا خير؟، ربي مامنعناش من الحب
بصح حددهولنا وبينلنا بلي كاين حب يدي للهلاك وحب مسموح بيه ويديك للجنة ، مثل الزواج ربي سمح لكل رجل يتزوج بأي مرأة تعجبو
ولكن هل مسموح ليه يدي اختو ولا أمو؟؟ يعني لازم حدود تنظملنا حياتنا باه نوصلو للصح ومانعيشوش عشوائيا
ودرك نعطيك مثال وقوليلي ، اتخيلي نتي اعترفتي للمدرب تاعك تاع الرياضة وهو كان عندو نفس المشاعر واش رايح يصرا من بعد؟
رايح يتزوج بيك؟؟ يدي وحدة مازالت تقرا وفي عمر 17 سنة ؟؟ حبيبتي الرجل اذا حب مرأة دقيقة انتظار مايضيعهاش ويروح مباشرة يخطبها
خاطر يخاف لي متمنيها شريكة حياتو يديها شخص آخر هادي خوديها من عندي، اما لي يقبل يتفرج على بنات الناس كل يوم
ويتمسخر على غيرو بإسم الحب فهذا رايح يجبلك ليك الضرر ماش ليه، هو يلعب معاك وغدوة نتي تروحي من الثانوية وتجيه وحدة خلاف نفس الشي يدير معاها، يعني اتخيلي معايا كاين شخص مستقبلا راهو رايح يتزوج بيك ويعيشك معنى الحب الحقيقي وين تكون عندكم دار
وولاد ومايقبلش الريح يقيشك هل هاد الشخص يستاهل تخدعيه في مثل هاد المرحلة من عمرك؟؟ ترضاي شخص حاب يشوفك بالفستان الابيض تخدعيه درك مع شخص تربطك بيه حالة عابرة؟ ، اكيد مايستاهلش، وحطيها في بالك نتي قبل ما تجي للدنيا هادي كتبلك ربي على جبينك
انفال بنت فلانة مكتوبها فلان ولد فلانة ، يعني راجلك راهو موجدهولك ربي قبل حتى ما تجي للدنيا، يعني ربي لدرجة كرمك وحبك
تكوني اميرة ومعززة خلا مكتوبك يجي وحدو وبلا ما تتعبي، مالا علاه تمرضي في روحك وتبني في احلام تسببلك التعاسة كتر ما تسببلك
السعادة، حبيبتي نحي هاد الانسان من حياتك خاطر الحب راهو اجمل من هاد الحالة لي راكي تعيشي فيها بألف مرة
خلي روحك عطشانة واستناي نهار يجيك كاس ماء صافي احسن ما تشربي من ماء ملوث وماتحسيش بطعم الماء العذب نهار يجبك
ان شاء الله تكوني فهمتيني واتهلاي في روحك وفي قرايتك وفي والديك وفي صلاتك هادا هو الاهم
تقبلي مروري​

 

[حكاية قمر]

رد: أرشدوني

عمرك 17 سنة يعني صغيرة وأتقبل تفكيرك هذا وأحيي فيك كونك طرحتِ الموضوع وسألت
حبيبتي أدري انت في فترة تكون فيها المشاعر صاخبة تحكمي بها ودعي عنك كل هذا التفكير
وتقين ِعلم اليقين أن الحب أسمى من نظرات بينك وبينه
فطلقِ ذاك الوسواس وقولك كان معجبة فاصرف عنك الاعجاب لأنه هناك في المستقبل القريب باذن الله رجل يستحق كل ذاك الحب برباط مقدس

 

[قوية بربي]

رد: أرشدوني

السلام عليكم
كيف حالك ..
عمرك 17 سنة لا زلت في مرحلة التكوين التفسي
يعني ممكن اليوم حاسة إنك معجبه بالمدرب بكرة بتعجبي بشخص آخر
لأن مشاعرك حبيبتي ليست ناضجة لدرجة أنك تسمينها حب نهائي !
لماذا ذكرتي الفرق بين عمرك وعمره لانك اعتقدتي أن شعورك حقيقي ونهائي
غاية الحب الزواج صح ؟
فإذن .. أنت لم تصلي لهذا السن وهذا النضج ..
ركزي في دراستك واتركي هذا الموضوع إلى أن يحين وقته
و سيأتي يوم تتذكري فيه هذه المشاعر و ستضحكين كثيرا وتقولي الحمد لله أني ما تبعت هواي
واني تركت التفكير في هذا الموضوع
اعجبني حرصك على أخذ المشورة ولكن هذا لا يكفي بل تأخذين بالمشورة
وتركزي على دراستك وحافظي على نفسك وقلبك وعقلك
فهذا كنزك الثمين .. فلا تفقديه .. وادعي الله أن يساعدك في حفظك وحفظ كنزك غلاتي

كل الود لقلبك النقي
​

 

[السلطانة]

رد: أرشدوني

وعليكم السلام كيما قالو لي قبلي 17 سنة مازالك صغيرة الهاي بقرايتك وانساي الامور هادي

كي تكبري وتوصلي لوقت الزواج يجيك مكتوبك

 

[oussama9694]

رد: أرشدوني

الاخوة لي قبلي كفاو و وفاو و ما نزيدش عليهم

و هناك مشكل عظيم في ما يخص مدرب او استاذ الراياضة المفروض انو تكون مدربة للبنات و مدرب للبنين

لانو لا قدر الله تتغاشا كاش فتاة و تسقط جراء الاعياء هنا يستلزم من المسؤول الاول عليها و هو مدرب او استاذ الرياضة انو يحاول افاقتها عن طريق الرش بالماء او الصفع الخفيف على الوجه و الا تستلزم خطوات بعدها اولا يفتح الخمار تاعها و ثانيا يقوم بالتنفس الاصطناعي / فهمتوني ؟ / .............

و لن اتكلم اكثر من هذا و الفكرة السابقة من طرح استاذ للتربية البدنية صديق لي تذكرتها هنا و وضعتها

وفقكم الله​

 

[ديسق]

رد: أرشدوني

السلام عليكم ورحمة الله وبركاته

رأيي من رأي كل من أعطى رأيه هنا، وخاصة النقطة التي تطرقت إليها الأخت سلام فلور وذلك في وصفك لنفسك !!
متى تستفيقين من الأمر الذي أنت فيه ؟ عندما يتم صفعك بكلمة جد قاسية، والقسوة ( الكلامية ) مفيدة وخاصة
في مرحلة المراهقة، كما أنه لا يوجد هناك شيء اسمه الحب، الحب أطهر من أن يتم اختزاله في كلمة ( نخاف )
عندما نحب شخص ما نقولها وبصوت مدوي: أنا أحب فلان أو فلانة وأنا زوجها، حالتك الآن هي حالة إعجاب فقط
ليس إلا، لا تقومي بتغذية ( الاعجاب ) الذي أنت فيه وإلباسه لباس ( الحب ) لأنه وبكل بساطة وأكررها مرة أخرى
ذاك ليس ( الحب ) ، فقط انسي الأمر وإلا ستصبحين تبحثين عن ( الحب ) في المكان الخطأ وتصبحين في مشاكل
أنت وعائلتك في غنى عنها.

الله يصلح أحوالك ان شاء الله، وكوني تقية وصاحبي فقط التقيات العابدات،.. وتجنبي رفيقات السوء وكل من تحشر
نفسها في مواضيع هي أكبر منها ( الزواج، الحب،.. ) .

دمت بسلام


​

 

[مهدي الثعالبي]

رد: أرشدوني

أحسنت فعلا لانك تطلبين الإستشارة كما اني رأيت فيك صفة عدم التهور و هذه تحسب لك و لا عليك ، لكن يجب ان تعلمي يا بنيتي ان للعمر مراحل يمر بها الانسان و انت في مرحلة جد حساسة تتطلب منك عدم الاندفاع و الحذر ، اما حالتك فليس لها علاقة مع الحب اضنه اعجاب فقط و اتمنى ان يبقى كذلك حتى تتجاوزين هذه المرحلة (حتى و ان كان حبا فمن واجبه هو ان يتقدم و يدخل الدار من بابها ) وفقك الله يابنيتي

 

[red rose]

رد: أرشدوني

ناس تروح لليكول تقرا مش تتمعشق اكي فاهمة حنونة
دوريها فراسك مليح دك تلقي الحل روحك بروحك
سلامي​

 

[أم أحمــــد يــسّ]

رد: أرشدوني

هي فترة مراهقة فقط وقلبك كعقلك يحمل من اللاوعي والحساسية الكثيييير
فهلا انتظرتي القطار قليلا حتى تكملي دراستك؟
ستتذكرين يوما ما ان الحب مختلف عما تتوهمين الآن فالحب ليس نظرات وابتسامات و.....
حين يمر زمن ستضحكين عن مشاعرك الآن ..مع اننا لا نلومك ونحن نحيي فيكي شجاعةالسؤال لانها تقول ان للعقل بقية ....
وفقك الله

 

[بنفسج]

رد: أرشدوني

السلام عليكم
اختي متزعفيش من كلامي راني مع الاخت سلام فلور واشنو غرضك من وصف جسمك هادي التفاصيل معندها حتى علاقة بمشكلتك ثانيا بما اننا في نفس العمر تقريبا فاهكماتك والله راكي غير تعلقي روحك في اوهام الهاي بقرايتك ومتنسايش هدفك الاساسي اللي جيتي علاجالو للمدرسة و الحب راه مزال وقتو وكما قال الاخ سيف \ديسق اخطيك من صحبة بنات السوء راهم غير يسمولك افكارك ويدخلو في راسك هادى الامور خلي مشاعر الحب هادي لزوجك في المستقبل انشاء الله واسمحيلي لجرحتك لكن هادي الحقيقة
سلام

 

[la lune rose]

رد: أرشدوني

ما راحش نهدرلك على الدين وهديك الهدرة في بالي تعرفيها كامل
فكري بعقلك رايحة تعرفي بلي راكي تعيشي مرحلة مراهقة لا اكثر
ولي ماهو ليك غير يعييك
طريق هدي طويلة وماتوصلش
قادر الشيطان نعلة الله عليه راهو يوسوسلك وهو يعامل فيك كاي تلميدة عادية وانتي راكي تبالغي
نصيحة اخت خطيك
واتقي الله ربي يرزقك زوج صالح بالحلال
اصعب شيء هو خيانة ثقة الله والوالدين لي حطينك امانة عند المدرب
احيانا الفراغ العاطفي يخليك تشوفي بمنظورك الخاص
وما تهدريش
تلهاي بقرايتك احسن ومع الوقت كلش يفوت ويرجع عادي
والي كاتبها ربي نلحقوها

 

[غانميان]

رد: أرشدوني

17 سنة نتي مازالك صغيرة لا انصحك بخوض اي علاقة حكمي عقلك قبل من قلبك

 

[Hakan]

رد: أرشدوني

بنت اقل مني ب 10 سنوات نعتبرها بنتي
يابنتي اقرايلك على روحك واخطيك من لعب الاطفال ..​

 

[houcine2306]

رد: أرشدوني

اخطيك فانه لا يراى معك من جانب اعجاب

 

[ريحـان]

رد: أرشدوني

اختي انفال يوما ما ستعرفين اننا نتعلق باشياء عابرة في حياتنا وليس لها معنا
اتعلمين قد تكون بداية حبك ..فقط عندما يحكى عليه بكلام جميل او انه قد تصرف معك بلطف
وقد تكون عدة اشياء ......وقد يكون هذا اعجاب لاغير وانت تحسين انكي تحبيه....فقط لاحتياجك للحب او تحبين ان تعيشي هذا الاحساس
كلنا قد تعلقنا بجيراننا او زملائنا..........ولكن هذا لا يعني انه حب خاصة في هذه المرحلة ويوما ما تتذكرين هذا الحب وتنظرين على انه في ذالك الوقت حبك كان طفولي ............وحتى تقولي حب لا يكفي ان تحبي فقط بل الكثير من الاشياء
وسترين اذا كان حبك حقيقي ستجدين نفسك تضحي الكثير من الامور وستفضلين سعادة الغير على سعادتك وهذا كله ضمن نطاق الحب
اتمنى ان اكون قد افدتك..........ويسريها تيسر

 

[خفيفة الروح]

رد: أرشدوني

احذري من التهور

 

[حنان المستغالمية]

رد: أرشدوني

حتيتو مازالكي صغيرة شويا راكي في سن المراهقة و خاصة هادا السن صعيب بزااااف كي تكبري شويا ديري لي يقولهلك قلبك و انا نقولك عيشي حياتك كيما تحبي