راني ضايعة

[مشكلتي]

السلام عليكم ورحمة الله وبركاته





مشكلتي انني ماكثة بالبيت ترشحت عدة مرات فالباكالوريا ورسبت خفت نسجل هاد المرة ولكنني ترددت خوفا من الخسارة ولان هاد العام يكون ف شهر رمضان وانا وحيدة امي راكم تعرفو الحالة ولاني ساجتاز الامتحان في غير بلديتي ومن جهة اخرى خايفة نضيع فرصة ونندم تخلطت عليا مادرت والو في حياتي غير القعاد نتاع الدار والحمد لله راضية ولكن خايفة مالمستقبل خايفة يجي نهار نحوس على خدمة ومانلقاش لانني ماعنديش مستوى ..ماعرفتش واش ندير شورو عليا ..وادعولي بالتيسير

 

[السلطانة]

رد: راني ضايعة

وعليكم السلام

ماتضيعيش الفرصة لأنها متجيش بزاف في العمر

سجلي واقراي وان شاء الله تجيبي الباك وتقراي في الجامعة وتجيبي الشهادة وان شاء الله تلقاي خدمة

وتاع تخمي على الباك في رمضان ووو

زمان كانو يفوتوه في رمضان وعادي جدا

يعني ماش راح تكونو انتم اول وحايد يفوتوه في رمضان

لي حاب ينجح لازم يتحدى

وكلها 4 ايام وتفوت

المهم العزيمة على النجاح

ربي يوفقك ان شاء الله

 

[بنفسج]

رد: راني ضايعة

السلام عليكم
اختي انتي سجلي في البكالوريا السنة هادي ومتياسيش ومتنسايش بلي بعد كل فشل نجاح والله قعدة الدار ماتفيدك كاين بزاف ندمو الي تهاونو وما قراوش ويتمناو يكونو في بلاصتك مالا ليها انواي برك وانا متاكدة بلي انشاء الله تجيبيه تحياتي لك
سلام

 

[Salam Fleur]

رد: راني ضايعة

السلام عليكم

اختي ... راهي فرصة ليك ..... توكلي على ربي .... و ربي راه معاك .........بالتوفيق و ماتنسايش تجيبيلنا الغرايف :d​

 

[AmiR@RoRo]

رد: راني ضايعة

السلآم عليكم
اختي اتوكلي على ربي وروحي كملي قرايتك
ما عندك ما خسرتي انتي عاوديه وشوفي
تفشلي مرة وزوج وثلاثة وعشرة ومعليش المهم توصلي لهدفك
ربي يوفقك ويسرلك امورك
وان شا الله كي ليوم تحطيلنا موضوع تبشرينا بنجاحك
موفقة

 

[رابح66]

رد: راني ضايعة

السلام عليكم

النصيحة الأولى : إلا راك تحوسي على الباك اي الشهادة من أجل كسب العلم والتقدم الرقي*الله يوفقك ويسرلك أمرك* وتجعليش من صيام رمضان عقبة في مشوارك العلمي 03أيام يفوتو والشهادة تبقى وكذالك الندم يبقى
النصيحة الثانية: إلا راك تحوسي على الشهادة باش تخدمي*أنا نشور عليك أختاصري المسافة من درك *حوسي على خدام وتهناي به وعمري دارك*​

تقبلوا تحياتي

 

[لؤلؤة قسنطينة]

رد: راني ضايعة

السلام عليكم
أختي الغالية ماش رايحة نزيد على الكلام لي قالوه الاخوة قبلي
نتي اتوكلي على ربي ولي فيه الخير يلحقك
بالاك ربي مكتبلك بعد عدة محاولات هاد المحاولة تصدق
وماتقويش رمضان وغيرها، الجزائر كاملة فيها آلاف المترشحين لي رايحين يجوزو الباك في رمضان
يعني الامر على الجميع
حطي ربي في قلبك ومايكون غير الخير، وحتى ولو مانجحتيش ماش معناها نهاية العالم
ربما ربي مكتبلك خير من بلاصة خلااف خلاص
ربي يوفقك ختي ان شاء الله
تقبلي مروري​

 

[Hakan]

رد: راني ضايعة

كنت يا اختي لو كنت مكانك قلت انني في خير لكن ؟

اختي في الله البكالوريا او الدرااسة لا تحجز لك مقعد شغل وهذا اصبح من يوميات المتخرجين واسئلي من احببت
الاخفااق في البااكالوريا ليس شيئا يندب من اجله الحظ او يسب فيه الدهر او يلعن فيه المرئ نفسه
قضية رمضاان يااختي تجهيز الفطوور ان قلنا ذالك لن يستغرق ساعات ثلاث
والنااس لا تأكل في رمضاان اذن لن تتعبي كثيراا
لديك في العاام كاملاا 5 اياام على الاكثر لن تموت فيها امك لو تركتيهاا فمابالك ان كنت لن تستغرقي وقتا طويلا بين روحة ومجيء
اتكلي على الله وهو حسبك وسوف يغنيك الله من فضلك
ولا تدعي اي شيء يحبط عزيمتك
بالتوفيق ان شااء الله ..​

 

[titaf2008]

رد: راني ضايعة

لا سهل الا ما جعلته سهلا سهل امر اختنا و اجل السعادة و النجاح و التوفيق حليفها

 

[شمس الاصيل2]

رد: راني ضايعة

انعلي بليس و توكلي على الله و سجلي للبكالوريا نحي فكرة الخسارة خاطر راهي معششة في راسك كوني قوية عى الاقل ديري ليعليك وانشاء الله تجيبي الباك امين يارب

 

[بقايا إنسان]

رد: راني ضايعة

سلام الله عليكم:بنتي الغالية اول ما تنتبهي له هو سنك هل هو مناسب من أن تكملي مشوارك الدراسي أم لا؟
لأن السن أصبح الميزة الاولى الي يطلبها الخاطب ,فتخيلي حالك في سن 27 مثلا وانتي مزالك تقراي
متى تجدين وظيفة؟ومتى تستعدين للزواج؟
الحصرة الوحيدة التي آلمتني هي:أنو المرأة اليوم هي التي تبحث عن عمل بجدية وليس الرجل
تخدم هي وهو بطال الله المستعان راحت القوامة وضاعوا الشبان