علاه دولتنا نتاع ...(!؟!)

[عاشقة الكرة]

السلام عليكم ورحمة الله
وش حوالكم حبابي الغاليين حاكمة شوي طالقة يادرا وش دايرة فيكم الدنيا ولا وش دايرين فيها أنتم المسكينة:s
اليوم جيتكم بواحد الموضوع يا خاوتي دارلي الاعصاب دارلي لي نار دارلي السكر القهوة الملح وخلي وخلي
الدزاير نتاعنا حيركم الموضوع علبالي
الدزاير نتاعنا نتاع . ......)هاذي بلاك تعرفوها نمشيو بالتسلسل
تلقا ارهاب دخل لولاية في الجزائر
في الاخبار (العثور على ارهابيين حاولا تفجير...وامساكهما)ومبعد كويتك لا ريتك ماتزيد تسمع والو
مي لوكان جات في فرنسا ولا كذا قالك هاو وش صرا يجيبولك التفاصيل الصور اخر الاخبار ميسكتوش خلاص يديرو حداد ...تخلى وتَجْلَّى
كي تعود هزة أرضية بقوة 5درجات مش بالساهلة يجيبولك ذيك الخريطة (موقع الهزة الارضية)
زيد صرا حادث مرور بالطريق الوطني مما أدى إلى مقتل العشرات ومبعد صايي ينساو يعني مادام ماتت روح وفي حادث مرور اوموا احكيو جيبو الصور ترحمو عليهم
بصح لوكان جات في بلاد واحد أخرى تلقا دولتنا اول المتضامنين
وخلي والله القلب معمر من القوادة نتاعهم هاذي وين رايحة وزيد ديما الدزاير تكون أول من يقدم المساعدات للدول غير مسلمة وناسيين بلي كاين دول مسلمة ميتة بالشر لوكان تخلا الدزاير يحكيو عليها مرة زوج ويسكرو الموضوع وأبسط مثال ديرو الشروق ولا النهار راهم متحيرين على فرنسا..بصح فرنسا دوكا واحد اليومين ولا تلقا اخبارهم(الارهابيون الذين تسببو في مقتل العشرات اثناء مباراة الديكة كانو مسلمين جزائريين:thumb_up02
معارف وكتاه تفوقو ياعرب ويا جزائرنا ويا دولتنا ويا حكومتنا العوجة
اسمحولي اذا غلطت في التعبير ..هاذي هي حالة بلادنا وش ندير مي لوكتاه؟!؟؟؟
بلاك تقولو التضامن والتعاون من شيم المسلمين مي التضامن مع لي يستاهل ماشي مع بلاد احتلاتك 132 عام وماشي مع أمريكا المنافقة
لكم الخط ...
دمتم بودٍ​

 

[Salam Fleur]

رد: علاه دولتنا نتاع ...(!؟!)

اهلا عاشقة الكرة

رانا لاباس حمد لله ...يسقسي عليك الخير

واش درتي نهار الماتش ..هههه

نروح لموضوعك...

يعني تقارني بين اعلامنا الهادف الله يبارك و بين اعلامهم الذبانة كي تزغد يكون معاها

لعبة الاعلام سيطر عليها الغرب برعاية الصهيو ماسونية .... و اعلام العرب و بيناتهم حنا طبعا ... راه يطبل لفلان و يشطح مع فلانة ...

ربي يجازي لي راه السبب فواش راه يعاني منه المسلمون في مختلف بقاع العالم

تقبلي مروري ..... ​

 

[حكاية قمر]

رد: علاه دولتنا نتاع ...(!؟!)

السلام عليكم

هدرتي الصح بلادنا تصرا لحاجة وتكمل بلخف كي شغل عادي ماكان واالو
والغرب يهز العرب وغيرالعرب باخباره واحداثه وتلقاي التحليل والنقاش وغيرو
ربي يجيب الخير​

 

[Ønlÿ Mę]

رد: علاه دولتنا نتاع ...(!؟!)

هههه دزاير خلي برك انا روحت لفرنسا ماعنديش ايام فرق بعيد في العقلية وفي كل شيء
الناس عايشة صح في عقولها

 

[عاشقة الكرة]

رد: علاه دولتنا نتاع ...(!؟!)

اهلا عاشقة الكرة

رانا لاباس حمد لله ...يسقسي عليك الخير

واش درتي نهار الماتش ..هههه

نروح لموضوعك...

يعني تقارني بين اعلامنا الهادف الله يبارك و بين اعلامهم الذبانة كي تزغد يكون معاها

لعبة الاعلام سيطر عليها الغرب برعاية الصهيو ماسونية .... و اعلام العرب و بيناتهم حنا طبعا ... راه يطبل لفلان و يشطح مع فلانة ...

ربي يجازي لي راه السبب فواش راه يعاني منه المسلمون في مختلف بقاع العالم

تقبلي مروري ..... ​

• اهلا بيك خوليتا
  [*]الحمد لله على كل حال
  [*]هههه منك بالصح تسقسي على الماتش والله ماشفاو وماعلابالي بيهم...باينة آخرتها
  [*]بارك الله فيك هدرتك صحيحة مي حنا دولتنا تحب تجيب أخبار اليهود ويشفوهم مي كي يعود الامر يتعلق بينا معلبالهمش خلاص عايشين للناس مش لرواحهم
  [*]مشكورة على الاضافة حبيبتي...نورتي​

​

 

[عاشقة الكرة]

رد: علاه دولتنا نتاع ...(!؟!)

السلام عليكم

هدرتي الصح بلادنا تصرا لحاجة وتكمل بلخف كي شغل عادي ماكان واالو
والغرب يهز العرب وغيرالعرب باخباره واحداثه وتلقاي التحليل والنقاش وغيرو
ربي يجيب الخير​

وعليكم السلام
بارك الله فيك على التوضيح..هاذي هي بلادنا وش نديرولهم...لوكان جاو عدنا أشكال العباد نتاع الوقت هذا في وقت فرنسا..راها مزالت محتلتنا
ربي يجيب الخير كما قلتي
مشكورة عالمرور​

 

[عاشقة الكرة]

رد: علاه دولتنا نتاع ...(!؟!)

هههه دزاير خلي برك انا روحت لفرنسا ماعنديش ايام فرق بعيد في العقلية وفي كل شيء
الناس عايشة صح في عقولها

مرحبا اخي
اكيد فرق كبير عايشين لرواحهم ماشي للناس كي حالنا حنا
الله يصلح بلادنا وخلاص
باركك الله على المرور العطر..نورت

 

[بنفسج]

رد: علاه دولتنا نتاع ...(!؟!)

السلام عليكم اختي
شوفي ياختي كان جا الي مات واحد من اباء الرءساء او اصحاب النفوذ راكي تلقاي القنوات تحكي وتعيد لكن الشعب عادي يموت يحرق ميهمش الدنيا ولات تمشي فيها قالمصلحة والمعريفة ربي يبعث ايامات احسن وينتقم من اللى راه السبة تحياتي لك حنونة وانشاء الله تزيدي تنورينا عاشقة الكرة رانا نستناو في جديدك

 

[Salam Fleur]

رد: علاه دولتنا نتاع ...(!؟!)

• اهلا بيك خوليتا
  [*]الحمد لله على كل حال
  [*]هههه منك بالصح تسقسي على الماتش والله ماشفاو وماعلابالي بيهم...باينة آخرتها
  [*]بارك الله فيك هدرتك صحيحة مي حنا دولتنا تحب تجيب أخبار اليهود ويشفوهم مي كي يعود الامر يتعلق بينا معلبالهمش خلاص عايشين للناس مش لرواحهم
  [*]مشكورة على الاضافة حبيبتي...نورتي​

​

اهلا حبيبتي

لانه بالمختصر المفيد الفساد راه داير حالة .... و مسؤولينا راهم يطبلوا للغاشي لي برا و الناس لي هنا يقولولهم موتوا و ريحونا منكم

و نزيدك حاجة الاعلام الخاص تاني راه ماشي في نفس الطريق .....

​

​

 

[عاشقة الكرة]

رد: علاه دولتنا نتاع ...(!؟!)

السلام عليكم اختي
شوفي ياختي كان جا الي مات واحد من اباء الرءساء او اصحاب النفوذ راكي تلقاي القنوات تحكي وتعيد لكن الشعب عادي يموت يحرق ميهمش الدنيا ولات تمشي فيها قالمصلحة والمعريفة ربي يبعث ايامات احسن وينتقم من اللى راه السبة تحياتي لك حنونة وانشاء الله تزيدي تنورينا عاشقة الكرة رانا نستناو في جديدك

وعليكم السلام الغالية
بارك الله فيك على الهدرة الزينة
ربي يجيب الخير للبلاد وينورها
وانت نورتي بمرورك العطر حبيبتي شرفتي

 

[zagane]

رد: علاه دولتنا نتاع ...(!؟!)

السلام عليكم ورحمة الله
وش حوالكم حبابي الغاليين حاكمة شوي طالقة يادرا وش دايرة فيكم الدنيا ولا وش دايرين فيها أنتم المسكينة:s
اليوم جيتكم بواحد الموضوع يا خاوتي دارلي الاعصاب دارلي لي نار دارلي السكر القهوة الملح وخلي وخلي
الدزاير نتاعنا حيركم الموضوع علبالي
الدزاير نتاعنا نتاع . ......)هاذي بلاك تعرفوها نمشيو بالتسلسل
تلقا ارهاب دخل لولاية في الجزائر
في الاخبار (العثور على ارهابيين حاولا تفجير...وامساكهما)ومبعد كويتك لا ريتك ماتزيد تسمع والو
مي لوكان جات في فرنسا ولا كذا قالك هاو وش صرا يجيبولك التفاصيل الصور اخر الاخبار ميسكتوش خلاص يديرو حداد ...تخلى وتَجْلَّى
كي تعود هزة أرضية بقوة 5درجات مش بالساهلة يجيبولك ذيك الخريطة (موقع الهزة الارضية)
زيد صرا حادث مرور بالطريق الوطني مما أدى إلى مقتل العشرات ومبعد صايي ينساو يعني مادام ماتت روح وفي حادث مرور اوموا احكيو جيبو الصور ترحمو عليهم
بصح لوكان جات في بلاد واحد أخرى تلقا دولتنا اول المتضامنين
وخلي والله القلب معمر من القوادة نتاعهم هاذي وين رايحة وزيد ديما الدزاير تكون أول من يقدم المساعدات للدول غير مسلمة وناسيين بلي كاين دول مسلمة ميتة بالشر لوكان تخلا الدزاير يحكيو عليها مرة زوج ويسكرو الموضوع وأبسط مثال ديرو الشروق ولا النهار راهم متحيرين على فرنسا..بصح فرنسا دوكا واحد اليومين ولا تلقا اخبارهم(الارهابيون الذين تسببو في مقتل العشرات اثناء مباراة الديكة كانو مسلمين جزائريين:thumb_up02
معارف وكتاه تفوقو ياعرب ويا جزائرنا ويا دولتنا ويا حكومتنا العوجة
اسمحولي اذا غلطت في التعبير ..هاذي هي حالة بلادنا وش ندير مي لوكتاه؟!؟؟؟
بلاك تقولو التضامن والتعاون من شيم المسلمين مي التضامن مع لي يستاهل ماشي مع بلاد احتلاتك 132 عام وماشي مع أمريكا المنافقة
لكم الخط ...
دمتم بودٍ​

السلام عليكم
احنا عندنا نشرة الاخبار مشي نشرة الاخبار المصورة يخبروك ويهولوك وخلاص ما تعرف لا كدب ولا صح .