- إنضم
- 13 أفريل 2013
- المشاركات
- 14,618
- نقاط التفاعل
- 54,537
- النقاط
- 1,756
- العمر
- 31
- محل الإقامة
- قسنطينة
- الجنس
- أنثى
السلام عليكم يا ناس لمتي الغاليين ان شاء الله راكم لاباس؟
ربي يفرح كل واحد ان شاء الله ويبعد عليكم الحزن والهم، بصراحة عندي بزااف ماكتبتش هنا في قسم فرغ واش كاين في قلبك
لكن اليوم راني جيت محرشة هههه، والله قلبي راهو معمر ومالقيت لمن نحكي، ان شاء الله تسمعولي لأنو ماعنديش من غيركم
بصراحة مشكلتي هي كي نجحت وسجلت في الماستر، أولا حنا في السنة الأولى من الجامعة نكونو كامل مخلطين تحت شعبة مشتركة هي العلوم الاقتصادية والتجارية
وعلوم التسيير، وفي السنة الثانية يبعتونا نص لكلية التسيير ونص لكلية التجارة ونص لكلية الاقتصاد وهي لي خيرتها انا، قريت السنة الثانية اقتصاد والحمد لله كانت اروع مايمكن
والعام لي فات ليسانس بنوك وتأمينات ( وهي تابعة للاقتصاد ) تاني روعة، لكن هاد العام في الماستر بعتوني ادارة مالية والمشكل انها تابعة لكلية التسيير، يعني تقرا عامين
في مجال الاقتصاد ومن بعد تلقى روحك بدلت الكلية، هي اكيد ماش رايحة تكون بعيدة على الاقتصاد وتكون قريبة ليه لكن منهجية التدريس تكون مختلفة ، وخاصة انو هاد العام
50 شخص في الشعبة هادي كامل كانو تسيير الا انا كنت تابعة للاقتصاد في نص 49 شخص ، يعني كامل يعرفوهم الاستاذة وقراوهم خلال العامين لي فاتو إلا انا وحدي
وهكاك قلت معليش وراني قاعدة بالشوي نتأقلم والحمد لله، يعني راني لاقية روحي، درك المشكل لي ماقدرتش نتأقلم معاه يا خاوتي هو الطلبة لي يقراو معايا، رايحة نهبل صح
ماتقول عليهم واعيين وماتقول عليهم تاع ماستر، تقول تاع ابتدائي ولا حضانة اطفال، تلقاهم يحقدو على بعضاهم يغيرو من بعضاهم، غير ينوض واحد للسبورة يبداو يبخصو فيه
ويسبو فيه ، واذا الاستاذ طلب من واحد فيهم ينوض للسبورة يولي ينفخ في روحو ويصوطي كلي عطاوه فيزا لإسبانيا ولا معرف واش، تقولهم نعتولي نشوف واش عطاونا الاساتذة كواجب يقولولك ماكاين والو غير باه يبخصك الاستاذ ويبانو هوما المتفوقين، لدرجة نهار دخلت نقرا بعد سمانة من لي بدات القراية قعدت قدام وحدة وغير جا الاستاذ نشوف فيها جبدت ورقة تاع تحضير والاستاذ قاعد يدور على الطاولات، قلتلها الاستاذ علاه قاعد يدور؟ قاتلي راهو يمشي برك وورقتي راهي باه نتبع بيها برك، وهو الاستاذ قاعد يراقب
يعني كن قاتلي رايحة نخطفلها ورقتها ولا واش؟؟ واحد العباد يالطيف، ناس الاقتصاد لي قريت معاهم اروع مايكون، متعاونين في بعضانا ونحبو بعضانا ونص وقتنا مع بعضنا تقول
خاوا، واي واحد يحصل نتلمو كامل نفهموه غير باه ننجحو كامل بصح هادو كن تقول لواحد فيهم فهمني يحس كلي بالاعتزاز والفخر ويحتاقرك، تلقاهم يحكيو عادي مع بعضاهم غير يتفرقو على بعضاهمم يبداو يمنشرو في بعضاهم منافقين لابعد الحدود ، لدرجة كرهت منهم وليت نقعد وحدي، غير باه نبعد عليهم،درك ياخاوتي كن جاو يمنشرو ولا بينهم وبين مولاهم بصح باه يوصلو يبخصوك ويمعونيو عليك هنا صدقوني انا ورايحة نولي عنيفة، ورايحة نحكيلكم بعض المواقف صراولي مع هادي لي قعدت قدامها ونتوما احكمو بنفسكم،الموقف الأول جا دوري لتقديم بحث ( وحنا جماعة الاقتصاد كي نقولكم نقدمو بحث معناها بحث على اصولو، اولا البحث يتعرض على داطاشو، والشي لي يظهر على الداطاشو ماش لي تقولو نتا لازم شرح من عندك وزيد البحث فيه جزء نظري وجزء تطبيقي النظري من الكتب والتطبيقي نروحو دراسة ميدانية للبنوك ونجيبو اوراق العمل تاعهم ونسألوهم ونجيبو المحادثة لي صرات معاهم والبحث لازم لمدة ساعة ونص ونتا تحكي وتشرح وتتقبل الاسئلة ومعرف لاكان يرضى عليك الاستاذ والمشكل 5 بحوث في السداسي يعني 10 في العام كامل ،بصح تاع التسيير يديرو بحث او بحثين عام كامل على الاكثر وزيد يجيبوه واجد من النت ويقراوه في نص ساعة وخلاص ) المهم لا علينا انا درت البحث وشرحت مليح باه يفهمو كامل، وكي خلصت تجيني المخلوقة هادي وتقولي البحث تاعك طويل بصح تافه فيه حوايج ماعندهم حتى معنى وزيد طولتي بزاف وهي من الغيرة كي شرحت كلشي، وليت قلتلها حنا جماعة الاقتصاد ماش كيفكم نتوما جماعة التسيير ولات صاحبتها قاتلي علاه نتي كنتي اقتصاد؟؟ في رايكم واش قاتلها المخلوقة هادي؟ قاتلها كانت اقتصاد برك واش تحبيها تكون يعني، بقيت نشوف انا، يعني راني دخلت لكلية التسيير وراني نشوف في المستوى المتدني مالا ماعندكم لا تنفخو رواحكم، حتى المقاييس وتافهين وماعندهم حتى معنى، وينهم مقاييس الاقتصاد المهمين كيما التأمينات وتقنيات بنكية وتسيير مالي ومحاسبة البنوك، المهم لا علينا الموقف الثاني، اليوم الصباح سمعت بلي لي كارت تاعنا راهم عند الادارة مالا جيت رايحة لحقتني الطفلة هادي ومعاها زوج بنات قالولي نجيو معاك، المهم حنا هابطين وهوما يحكيو على الاستراتيجية ويتمسخرو مالا قلتلهم وين رايحين؟ الطاج لي لتحت هو لي فيه الادارة تاعنا، ولات الطفلة هادي نفسها قالت لصاحبتها عليا: هادي هيا نقطة الضعف لي لازم نمحيوها من طريقنا خاطر المؤسسة تاعنا رايحة تخسر كن تبقى معانا مالا لازم نتجاهلوها، سكت ساع انا وخليتهم واعتبرتها ضحكة
ومن بعد اكتاشفو بلي صح الطاج غالط ولي لتحت هو تاعنا، تما قلتلهم شكون لي فينا درك يمثل نقطة ضعف ولازم نتجاهلوه، وجهم طلع صفر، ولاو يضحكو ويقولو رانا حطيناك تهدري على البلوك ماش الطاج، يا خاوتي صدقوني قد مانحكيلكم قليل واحد الحقد وواحد الغيرة وواحد العقلية، لدرجة استاذة الانجليزية كي نشارك معاها يعودو يشوفو فيا ندور ويمعنيو يقولو كن ماش العباد لي يشاركو معاها ويقيموها ماتنفخش روحها،
وهوما خاطر مايفهموش الانجليزية وفي بالهم راني نخطف في التميز، وانا الانجليزية نحبها كمادة ونعتبرها ترفيه ومتنفس نخرج بيه من المواد الاخرى التقيلة، وهوما في بالهم نبين روحي، وانا والله كن نحب نبين روحي صح ونشارك والله العظيم وحدة فيهم ماتدي بلاصتي، خاطر راني نشوف في المستوى تاعهم لكن لدرجة الجو لي راني نشوف فيه وليت نكتفي بالحضور وكتابة الدروس فقط
يا خاوتي قلبي راهو معمر وحابة نكتب منا لغدوة لكن ماش حابة نكتر عليكم، انا علابالي بنصيحتكم رايحة تكون باه نتبع قرايتي ومانهتمش بيهم وهادا علابالي بيه
لكن حبيت برك نفرغ خاطر قلبي معمر على الآخر
شكرا لقراءتكم كامل الموضوع وربي يهنيكم جميعا
سلام
ربي يفرح كل واحد ان شاء الله ويبعد عليكم الحزن والهم، بصراحة عندي بزااف ماكتبتش هنا في قسم فرغ واش كاين في قلبك
لكن اليوم راني جيت محرشة هههه، والله قلبي راهو معمر ومالقيت لمن نحكي، ان شاء الله تسمعولي لأنو ماعنديش من غيركم
بصراحة مشكلتي هي كي نجحت وسجلت في الماستر، أولا حنا في السنة الأولى من الجامعة نكونو كامل مخلطين تحت شعبة مشتركة هي العلوم الاقتصادية والتجارية
وعلوم التسيير، وفي السنة الثانية يبعتونا نص لكلية التسيير ونص لكلية التجارة ونص لكلية الاقتصاد وهي لي خيرتها انا، قريت السنة الثانية اقتصاد والحمد لله كانت اروع مايمكن
والعام لي فات ليسانس بنوك وتأمينات ( وهي تابعة للاقتصاد ) تاني روعة، لكن هاد العام في الماستر بعتوني ادارة مالية والمشكل انها تابعة لكلية التسيير، يعني تقرا عامين
في مجال الاقتصاد ومن بعد تلقى روحك بدلت الكلية، هي اكيد ماش رايحة تكون بعيدة على الاقتصاد وتكون قريبة ليه لكن منهجية التدريس تكون مختلفة ، وخاصة انو هاد العام
50 شخص في الشعبة هادي كامل كانو تسيير الا انا كنت تابعة للاقتصاد في نص 49 شخص ، يعني كامل يعرفوهم الاستاذة وقراوهم خلال العامين لي فاتو إلا انا وحدي
وهكاك قلت معليش وراني قاعدة بالشوي نتأقلم والحمد لله، يعني راني لاقية روحي، درك المشكل لي ماقدرتش نتأقلم معاه يا خاوتي هو الطلبة لي يقراو معايا، رايحة نهبل صح
ماتقول عليهم واعيين وماتقول عليهم تاع ماستر، تقول تاع ابتدائي ولا حضانة اطفال، تلقاهم يحقدو على بعضاهم يغيرو من بعضاهم، غير ينوض واحد للسبورة يبداو يبخصو فيه
ويسبو فيه ، واذا الاستاذ طلب من واحد فيهم ينوض للسبورة يولي ينفخ في روحو ويصوطي كلي عطاوه فيزا لإسبانيا ولا معرف واش، تقولهم نعتولي نشوف واش عطاونا الاساتذة كواجب يقولولك ماكاين والو غير باه يبخصك الاستاذ ويبانو هوما المتفوقين، لدرجة نهار دخلت نقرا بعد سمانة من لي بدات القراية قعدت قدام وحدة وغير جا الاستاذ نشوف فيها جبدت ورقة تاع تحضير والاستاذ قاعد يدور على الطاولات، قلتلها الاستاذ علاه قاعد يدور؟ قاتلي راهو يمشي برك وورقتي راهي باه نتبع بيها برك، وهو الاستاذ قاعد يراقب
يعني كن قاتلي رايحة نخطفلها ورقتها ولا واش؟؟ واحد العباد يالطيف، ناس الاقتصاد لي قريت معاهم اروع مايكون، متعاونين في بعضانا ونحبو بعضانا ونص وقتنا مع بعضنا تقول
خاوا، واي واحد يحصل نتلمو كامل نفهموه غير باه ننجحو كامل بصح هادو كن تقول لواحد فيهم فهمني يحس كلي بالاعتزاز والفخر ويحتاقرك، تلقاهم يحكيو عادي مع بعضاهم غير يتفرقو على بعضاهمم يبداو يمنشرو في بعضاهم منافقين لابعد الحدود ، لدرجة كرهت منهم وليت نقعد وحدي، غير باه نبعد عليهم،درك ياخاوتي كن جاو يمنشرو ولا بينهم وبين مولاهم بصح باه يوصلو يبخصوك ويمعونيو عليك هنا صدقوني انا ورايحة نولي عنيفة، ورايحة نحكيلكم بعض المواقف صراولي مع هادي لي قعدت قدامها ونتوما احكمو بنفسكم،الموقف الأول جا دوري لتقديم بحث ( وحنا جماعة الاقتصاد كي نقولكم نقدمو بحث معناها بحث على اصولو، اولا البحث يتعرض على داطاشو، والشي لي يظهر على الداطاشو ماش لي تقولو نتا لازم شرح من عندك وزيد البحث فيه جزء نظري وجزء تطبيقي النظري من الكتب والتطبيقي نروحو دراسة ميدانية للبنوك ونجيبو اوراق العمل تاعهم ونسألوهم ونجيبو المحادثة لي صرات معاهم والبحث لازم لمدة ساعة ونص ونتا تحكي وتشرح وتتقبل الاسئلة ومعرف لاكان يرضى عليك الاستاذ والمشكل 5 بحوث في السداسي يعني 10 في العام كامل ،بصح تاع التسيير يديرو بحث او بحثين عام كامل على الاكثر وزيد يجيبوه واجد من النت ويقراوه في نص ساعة وخلاص ) المهم لا علينا انا درت البحث وشرحت مليح باه يفهمو كامل، وكي خلصت تجيني المخلوقة هادي وتقولي البحث تاعك طويل بصح تافه فيه حوايج ماعندهم حتى معنى وزيد طولتي بزاف وهي من الغيرة كي شرحت كلشي، وليت قلتلها حنا جماعة الاقتصاد ماش كيفكم نتوما جماعة التسيير ولات صاحبتها قاتلي علاه نتي كنتي اقتصاد؟؟ في رايكم واش قاتلها المخلوقة هادي؟ قاتلها كانت اقتصاد برك واش تحبيها تكون يعني، بقيت نشوف انا، يعني راني دخلت لكلية التسيير وراني نشوف في المستوى المتدني مالا ماعندكم لا تنفخو رواحكم، حتى المقاييس وتافهين وماعندهم حتى معنى، وينهم مقاييس الاقتصاد المهمين كيما التأمينات وتقنيات بنكية وتسيير مالي ومحاسبة البنوك، المهم لا علينا الموقف الثاني، اليوم الصباح سمعت بلي لي كارت تاعنا راهم عند الادارة مالا جيت رايحة لحقتني الطفلة هادي ومعاها زوج بنات قالولي نجيو معاك، المهم حنا هابطين وهوما يحكيو على الاستراتيجية ويتمسخرو مالا قلتلهم وين رايحين؟ الطاج لي لتحت هو لي فيه الادارة تاعنا، ولات الطفلة هادي نفسها قالت لصاحبتها عليا: هادي هيا نقطة الضعف لي لازم نمحيوها من طريقنا خاطر المؤسسة تاعنا رايحة تخسر كن تبقى معانا مالا لازم نتجاهلوها، سكت ساع انا وخليتهم واعتبرتها ضحكة
ومن بعد اكتاشفو بلي صح الطاج غالط ولي لتحت هو تاعنا، تما قلتلهم شكون لي فينا درك يمثل نقطة ضعف ولازم نتجاهلوه، وجهم طلع صفر، ولاو يضحكو ويقولو رانا حطيناك تهدري على البلوك ماش الطاج، يا خاوتي صدقوني قد مانحكيلكم قليل واحد الحقد وواحد الغيرة وواحد العقلية، لدرجة استاذة الانجليزية كي نشارك معاها يعودو يشوفو فيا ندور ويمعنيو يقولو كن ماش العباد لي يشاركو معاها ويقيموها ماتنفخش روحها،
وهوما خاطر مايفهموش الانجليزية وفي بالهم راني نخطف في التميز، وانا الانجليزية نحبها كمادة ونعتبرها ترفيه ومتنفس نخرج بيه من المواد الاخرى التقيلة، وهوما في بالهم نبين روحي، وانا والله كن نحب نبين روحي صح ونشارك والله العظيم وحدة فيهم ماتدي بلاصتي، خاطر راني نشوف في المستوى تاعهم لكن لدرجة الجو لي راني نشوف فيه وليت نكتفي بالحضور وكتابة الدروس فقط
يا خاوتي قلبي راهو معمر وحابة نكتب منا لغدوة لكن ماش حابة نكتر عليكم، انا علابالي بنصيحتكم رايحة تكون باه نتبع قرايتي ومانهتمش بيهم وهادا علابالي بيه
لكن حبيت برك نفرغ خاطر قلبي معمر على الآخر
شكرا لقراءتكم كامل الموضوع وربي يهنيكم جميعا
سلام
وبارك الله فيك لقراءة كامل الموضوع
