- إنضم
- 15 نوفمبر 2012
- المشاركات
- 7,170
- نقاط التفاعل
- 23,474
- النقاط
- 351
السلام عليكم ورحمة الله تعالى وبركاته
هاذ العام ماما اشتهت زيت اليد قلتلها نخدمهولك تعانين لتتحصلي على لتر زيت زيتون ولكن ما ألذه يم يم خصوصا مع تعبه
هذي طريقة جدودنا الله يرحمهم وتعلمتها من أمي بعد ماتعلمتها أم من عجوزتها اي جدتي الله يرحمها :$
هنا يقولو زيت يخدموها القبائل مش قصدي تيزي وزو اي بالمعنى القرى بناتهم برك الي مزال محافضين على هاذ العادات لكن أقول انا بنت حضرية ومازالني على طريقة جدودي ^^ وأفتخر رغم انو يديا تقبو :d
نبدأ على بركة الله
عاده 8 كيلو يعطينا لتر ولكن لما الزيتون مايكونش فيه زيت توصلي حتى ل 13 كيلو باش يعطيك لتر
في البداية ندق الزيتون في المهراس
ثم نسخن الماء الى درجة الغليان ونصب فوقه خليه يطلق فالماء ثم خلطي معاه شويا ماء بارد وبيديك شغل تفتحي بيه مادابيك تستعملي قفازات مطبخ انا ماكانوش عندي تسما يدي راحو فيها ^^ بصح ماعليش على جال ماميتا :$
تحكمي حفنة وتعصريها مليح حتى وين تكملي الزيتون الي عندك
وتصفيه فالكسكاس والي بقى فالكسكاس تزيدي تعصريه
من بعد الي عصرتيه يكون في بسينة او قصعة اخرى ونفس الطريقة الاولى تعاوديها على 3 مرات
اي ضيفيله الماء الساخر وتعصريه وتصفيه 3 مرات وكل ماتعصريه ضفيه للقدرة الي راكي مصفية فيها
من بعد ديريه فوق النار يطبخ
وتحركي فيه بالمغرف مالازمش يفيض
وكي يقرب يفيض تقلعيه من النار وضيفيلو الماء حتى تتعمر القدرة
سني عليه 5 دقائق يبدي يصفي الزيت من فوق
وتسحبيه بهاد الطريقة
ثم تصفيه بالصفاية وهي هي النتيجة
تم بعون الله
آخر تعديل:
