لكل استفسارات العرائس...لنتشارك ونتساعد

[صبرا جميلا]

السلام عليكم ورحمة الله وبركاته

الحقيقة عندي كثييير استفسارات تخص العروس وأيضا أهل العريس

استفسارات بخصوص التجهيزات والتحضيرات وكل تفاصيل العرس


ابتداءا من العرس الى غاااااية الدخلة
الخطبة....الحنة...مناسبات { العيد المولد واش يجيبوا للعروس.....} واشياء اخرى

الموضوع فتحته لتضع كل وحدة استفساراتها حول أي شي يخطر ببالها
والاخوات يبادروا ونساعدوا بعضنا بعض

أتمنى تتفاعلوا مع الصفحة

وأول سؤال ليا هو:
يوم الخطبة هل يجيب أن نعطوا لأهل العريس هدايا { كيما يقولوا نزوروهم }
مثلا بطرف كتان وقرعة برفان أو لا...لأنو كاين بزاف قالونا لازم تزوروهم

اشيرو علي
او اطرحوا أي سؤال لديكم بخصوص أي تفاصيل أو حيرة صادفتكم
وربي يتمم لكل عروس ويهنيها

 

[صبرا جميلا]

رد: لكل استفسارات العرائس...لنتشارك ونتساعد

سؤالي الثاني

مناسبة المولد

ماهي اللوازم التي ياخذها أهل العريس للعروس وشكرا
بانتزار تفاعلاتكم

 

[صبرا جميلا]

رد: لكل استفسارات العرائس...لنتشارك ونتساعد

السلام عليكم

النجدااااااااااااااا،،،،،،،،

هربت ليكم باش تشاورو عليا خليتوني وحدي

نتمنى نلقا تفاعل منكم لانو اكيد الموضوع راح يفيد الكثيرات باذن الله

 

[Salam Fleur]

رد: لكل استفسارات العرائس...لنتشارك ونتساعد

السلام عليكم اختي

كل منطقة وعاداتها

كيما حنا ماعندناش انه نمدوا لاهل العريس هدايا يوم الخطبة عندنا فقط التكبيرات تاع نهار العرس

اما فيما يخص المولد ايضا ماعندناش عندنا مناسبة عيد الفطرو عيد الاضحة فقط وين العريس يروح يعيد لعروسته

ان شاء الله يفيدوك البنات لوخرين

وربي يتمملك على خير

و يا اختي الصح راه في الهنا ... و التفاهم لي بيناتكم ...اما شي للاخر تقدروا بيناتكم تتفاهموا مش محتمة تمشي على العادات

تحياتي
​

 

[صبرا جميلا]

رد: لكل استفسارات العرائس...لنتشارك ونتساعد

السلام عليكم اختي

كل منطقة وعاداتها

كيما حنا ماعندناش انه نمدوا لاهل العريس هدايا يوم الخطبة عندنا فقط التكبيرات تاع نهار العرس

اما فيما يخص المولد ايضا ماعندناش عندنا مناسبة عيد الفطرو عيد الاضحة فقط وين العريس يروح يعيد لعروسته

ان شاء الله يفيدوك البنات لوخرين

وربي يتمملك على خير

و يا اختي الصح راه في الهنا ... و التفاهم لي بيناتكم ...اما شي للاخر تقدروا بيناتكم تتفاهموا مش محتمة تمشي على العادات

تحياتي
​

جزاك الله خيرا على تفاعلك معاي
ورأيك ناخذو بعين الاعتبار
شكرا

 

[شمس الاصيل2]

رد: لكل استفسارات العرائس...لنتشارك ونتساعد

احنا في منطقتنا اهل العروسة مايعطو والو لاهل العريس يقولو مش مليح واهل العريس مثلا الحماة تعطي مبلغ للعروسة مخضت خاطر اما الحق في مولود احنا اهل العريس يديو سنيوة تع طمينة مقسمة وهدايا وكل واحد على حساب مقدورو

 

[صبرا جميلا]

رد: لكل استفسارات العرائس...لنتشارك ونتساعد

احنا في منطقتنا اهل العروسة مايعطو والو لاهل العريس يقولو مش مليح واهل العريس مثلا الحماة تعطي مبلغ للعروسة مخضت خاطر اما الحق في مولود احنا اهل العريس يديو سنيوة تع طمينة مقسمة وهدايا وكل واحد على حساب مقدورو

ممممم صدقيني اختي حتى انا جاتني خاطية يهدو لاهل العريس يوم الخطبة
لانو الموضوع يبان كأنو اهل العروس كارهين من بنتهم
انا سمعت بالعفسة هذه ومادخلتش راسي وخاااااصه يوم الخطبة
بالنسبة للمولد ياااااريت تكون كيما قلتي اختي
لانو ناس قالو لازم يكسيو لعروس من لبسة ومكياج و....
والله اعلم

 

[imane horra]

رد: لكل استفسارات العرائس...لنتشارك ونتساعد

ياجماعة ناس كل واحد وتقاليد تاعوا و كل واحد و مقدروا و هدية واش تكون مرحبا بها متبداواش تتعاندوا عاي هدايا صح في هنا ليجيك ورا عرس

 

[صبرا جميلا]

رد: لكل استفسارات العرائس...لنتشارك ونتساعد

ياجماعة ناس كل واحد وتقاليد تاعوا و كل واحد و مقدروا و هدية واش تكون مرحبا بها متبداواش تتعاندوا عاي هدايا صح في هنا ليجيك ورا عرس

عندك حق لهنا والصح مورا العرس

ولكن مينمعش نتشاورو

شكرا علي المرور

 

[marielys]

رد: لكل استفسارات العرائس...لنتشارك ونتساعد

السلام عليكم بنااااااات عجبني الموضوع

أنا شخصيا لما جاو أهل خطيبي أهديناهم هدايا رمزية و لم نعتبر الأمر على أننا نلصقو أو أي شيء و لكن ترحيبا بضيف أول مرة يعتب الدار و باش نقولولم بلي حنا ناس تع الجود و الطبع و فرحنا بيكم يعني ترحيب لا أكثر
بالمقابل يوم الفاتحة نتاعي جابولي كسوتي و اشتراو كسوة لأمي و لجدتي يعني قادرونا كيما قادرناهم
و تبقى الحرية لكل واحدة يعني قدر ماشي لازم
أما في المولد حنا ما درنا والو الحق في لعيد صح جاوني

 

[بنت الـ25]

رد: لكل استفسارات العرائس...لنتشارك ونتساعد

السلام عليكم ورحمة الله وبركاته


وأول سؤال ليا هو:
يوم الخطبة هل يجيب أن نعطوا لأهل العريس هدايا { كيما يقولوا نزوروهم }
مثلا بطرف كتان وقرعة برفان أو لا...لأنو كاين بزاف قالونا لازم تزوروهم

وعليكم السلام
موضوع جميل
بون احنا ما عندناش هاد العادة تع الزيارة ، الزيارة عندنا يوم سابع تع العرس
العريس يكرم ام العروسة ويعطيها مبلغ مالي وهدايا مثلا حنة وعطر وقماش ...
أما أهل العروس ما يديرو حتى هدية لأهل العريس ، يقومو بيهم يوم الخطبة ويتولولهم الحالا هادي ديجا راها تكريمك
بينما الهدايا اللي هدرتي عليهم تمدهم العروس لأهل الزوج لما ترجع من شهر العسل مثلا كيما قلتي قماش وبارفان ، مناشف للرجال وسجادات وصابون ومحرمة
والذي منه

سؤالي الثاني

مناسبة المولد

ماهي اللوازم التي ياخذها أهل العريس للعروس وشكرا
بانتزار تفاعلاتكم

احنا تاني ما عندناش هاد المناسبة
ربما في حالات نادرة لما تكون فترة الخطبة بين عيد الأضحي وعيد الفطر يعني ما يجيبولهاش المهيبات تع الأعياد
يفضلو يكبروها في مناسبات أخرى كيما الربيع ولا المولد أو عاشراء
لكن احنا ما فاتتش هاد العادة في عايلتنا ولا منطقتنا

كيما قاتلك الخت خولة هاد الشي كامل زايد يعني مش محتم ومجرد شكليات ما تهمش دركا
اللي يهم انك تحسني ليهم وتعامليهم مليح كي تروحي عندهم

 

[iman-dz4ever]

رد: لكل استفسارات العرائس...لنتشارك ونتساعد

حنا في الجلفة نهار الخطبة اعل العريس هما الي يمدو للعروس هدايا رمزية قرعة ريحة ومبلغ مالي
كدليل انو الطفلة عجبتهم وموافقين عليها
وثاني اهل الطفلة كي يجو خارجين اهل العريس يمدولهم سنيوة نتاع القاطو وقرعة ريحة وصابون
ولا خمار و لا كل واحد وقدورو ثاني كدليل على ان اهل العروس قبل طلبهم
وكل عائلة وعاداتها
​

 

[خفيفة الروح]

رد: لكل استفسارات العرائس...لنتشارك ونتساعد

والله ما علابلي