- إنضم
- 20 جويلية 2015
- المشاركات
- 2,173
- نقاط التفاعل
- 5,956
- النقاط
- 111
سلسة من حكايات العالم الآخر ¤¤الموضوع الرابع¤¤
اهلا و سهلا بناس اللمة و زوارها الاعزاء
ان شاء الله تكونوا بخير
انا الحمد لله شكرا على السؤال
لي جاوب ماشي انا راه الجني لي معايا
اليوم رايحة نكمل بإذن الله سلسلة الاخت ساندريلا زماني لي عنوانها
== حكايات من العالم الآخر ==
طفيوا الضواوي ... و غطيوا بالزور مليح راه البرد
.
.
.
حكايتنا لنهار اليوم يا جماعة الخير ماصراتليش ليا صرات لخويا لي تحتي
الحمد لله كيما صراتليش لانه 100000 في المئة لو راني درك في القبر تقراو عليا الفاتحة
الحكاية صراتلوا عندها حوالي عامين
مكانها كان احدى الاقامات الجامعية ... مانذكرش واش من اقامة باه مايقولوناش ديروا بنا تشهير
بون هذاك العام خويا كان عندوا كونكور و قالوا وليد خالي يروح يبات عنده اليومين هاذوك لانه الولاية بعيدة علينا ما يقدرش يروح ويولي في نهار
راح نهار الاول وصل مع العشية
في الليل الغاشي راقد (ميتين ماشي غير راقدين)
سمع هو اشخاص يحكيوا في الكولوار شوية ولاو يطرطبوا في الباب
ناض هو كي الفحل فتح الباب
ماكان والوا
قفل
كيما حط روحوا فوق السرير عاودوا طرطبوا في الباب بصح المرة هاذي الطرطيب كان قوي
ناض هو فتح الباب و حاجة خبطتوا لوجهوا
شفتوا الريح فشتاء كي تولي تمشي وهو يضرب لوجهك هكاك
هو تخلع نوض وليد خالي و حكالوا
ولا قالوا تاشي مايديرولك والوا
الليلة هاذيك مارقدش خلاص
غذاذاك فوت نهاروا و مااتصوروش مرعود بالخوف
في الليل صلى العشاء تاعوا و هو طالع في الدروج
حكموا واحد من لور
هو يجبد و هذاك شي يجبد فيه
حوس يقرا القران ماقدرش
كانه بكم خلاص
بصح الداخل راه يقرا فيه
و ماقدرش يدور كانه يبس
بصح قعد يحوس يجبد روحه و هذاك يجبد فيه الى درجة قالنا قلت خلاص ...... عيا كيما رايح يطلق روحوا
حتى صاب الشي هذاك دزوا للقدام
و لا خويا طلع جاري مادورش لوراه خلاص
كي وصل للشومبرا غشا من الخوف ولى وليد خالي و صحابوا جراو فطنوه و جابوا واحد صاحبهم خلاف معروف بالتزامه ولى رقالوا و قرالوا القران
كي هدن شوية ولى حكالهم الحكاية
قالوا السيد لي رقالوا
راك سور بلي ما دورتش
قالوا خويا مادورتش
قالوا لو دورت لو وليت اعمى
غذاذاك هز روحوا و جا ماعدا ني كونكور ني بن عموا .........و حلف مازاد راح لتم ....
و على حساب ما قالنا وليد خالي من بعد انه البلوك هذاك مسكون صح لانه الاقامة مبنية على جزء من مقبرة جماعية و البلوك هذاك هو لابارتي تاع المقبرة هاذيك
هيا واش رايكم فيها؟
خافتوا ولا ماخفتوش ؟؟؟
لي خاف نمدلوا جائزة
تحياتي الجنية
اهلا و سهلا بناس اللمة و زوارها الاعزاء
ان شاء الله تكونوا بخير
انا الحمد لله شكرا على السؤال
لي جاوب ماشي انا راه الجني لي معايا
اليوم رايحة نكمل بإذن الله سلسلة الاخت ساندريلا زماني لي عنوانها
== حكايات من العالم الآخر ==
طفيوا الضواوي ... و غطيوا بالزور مليح راه البرد
.
.
.
حكايتنا لنهار اليوم يا جماعة الخير ماصراتليش ليا صرات لخويا لي تحتي
الحمد لله كيما صراتليش لانه 100000 في المئة لو راني درك في القبر تقراو عليا الفاتحة
الحكاية صراتلوا عندها حوالي عامين
مكانها كان احدى الاقامات الجامعية ... مانذكرش واش من اقامة باه مايقولوناش ديروا بنا تشهير
بون هذاك العام خويا كان عندوا كونكور و قالوا وليد خالي يروح يبات عنده اليومين هاذوك لانه الولاية بعيدة علينا ما يقدرش يروح ويولي في نهار
راح نهار الاول وصل مع العشية
في الليل الغاشي راقد (ميتين ماشي غير راقدين)
سمع هو اشخاص يحكيوا في الكولوار شوية ولاو يطرطبوا في الباب
ناض هو كي الفحل فتح الباب
ماكان والوا
قفل
كيما حط روحوا فوق السرير عاودوا طرطبوا في الباب بصح المرة هاذي الطرطيب كان قوي
ناض هو فتح الباب و حاجة خبطتوا لوجهوا
شفتوا الريح فشتاء كي تولي تمشي وهو يضرب لوجهك هكاك
هو تخلع نوض وليد خالي و حكالوا
ولا قالوا تاشي مايديرولك والوا
الليلة هاذيك مارقدش خلاص
غذاذاك فوت نهاروا و مااتصوروش مرعود بالخوف
في الليل صلى العشاء تاعوا و هو طالع في الدروج
حكموا واحد من لور
هو يجبد و هذاك شي يجبد فيه
حوس يقرا القران ماقدرش
كانه بكم خلاص
بصح الداخل راه يقرا فيه
و ماقدرش يدور كانه يبس
بصح قعد يحوس يجبد روحه و هذاك يجبد فيه الى درجة قالنا قلت خلاص ...... عيا كيما رايح يطلق روحوا
حتى صاب الشي هذاك دزوا للقدام
و لا خويا طلع جاري مادورش لوراه خلاص
كي وصل للشومبرا غشا من الخوف ولى وليد خالي و صحابوا جراو فطنوه و جابوا واحد صاحبهم خلاف معروف بالتزامه ولى رقالوا و قرالوا القران
كي هدن شوية ولى حكالهم الحكاية
قالوا السيد لي رقالوا
راك سور بلي ما دورتش
قالوا خويا مادورتش
قالوا لو دورت لو وليت اعمى
غذاذاك هز روحوا و جا ماعدا ني كونكور ني بن عموا .........و حلف مازاد راح لتم ....
و على حساب ما قالنا وليد خالي من بعد انه البلوك هذاك مسكون صح لانه الاقامة مبنية على جزء من مقبرة جماعية و البلوك هذاك هو لابارتي تاع المقبرة هاذيك
هيا واش رايكم فيها؟
خافتوا ولا ماخفتوش ؟؟؟
لي خاف نمدلوا جائزة
تحياتي الجنية
الى الملتقى
في حلقات اخرى
من سلسلة حكايات العالم الاخر
في حلقات اخرى
من سلسلة حكايات العالم الاخر
آخر تعديل:
