- إنضم
- 20 جويلية 2015
- المشاركات
- 2,173
- نقاط التفاعل
- 5,956
- النقاط
- 111
مرحبا سيدات و فتيات اللمة
الموضوع هذا كان في راسي نديروا عندي بزااااف ولكن مكتوب ربي اني نديروا اليوم فكرتني فيه طبيبتنا :d :thumb_up02: :yahoo01:
== ماكينة براون سيلك ابيل 7 ==
الماكينة شريتها عندي حوالي 8 اشهر
تقدري تستعمليها في الماء او على بشرة جافة ... روعة ... و تنحي اصغر الشعيرات
يعني تقدري كيما يبدا ينبت تنحي بيها
درك نروح نحوس بيكم لداخل في العلبة
اولا
كيما تلاحظوا عندنا لاباراي براون + فرشاة تنظيف البشرة
الفرشاة ... تمشي ب l'épiles ... و تستعمليها كمنظف لبشرة الوجه او الجسم .... الصراحة ما نستعملهاش بزااف مرات وين تنفحلي عليها
لاباراي ... فيها زوج سرعات ... انا دايما نستعمل السرعة الثانية ... في الاول توجع تولي تبكي نورمال بصح مع مرور الوقت توالفيها
و هاذي لاباري مفككة ... لي في الوسط راه الملاقط ... و جهة اليسار راس للجسم وانا مرات نستعملوا للوجه
دركة نشوفوا واش كاين تاني معاها ....
اولا عندنا لا بوشات تاعها
و هنا لابوشات معمرة
ثانيا تلقاو تاني لي لانجات من شركة olay ... هاذوا تستعمليهم قبل ما تنحي ... طبعا اذا كانت بشرتك جافة هاذوا لي لانجيت يرطبوها ... و اذا نحيتي بيها في الماء سيبالابيل تستعمليهم
ثالثا الرؤوس ....
اولا عندنا راس خاص بالمناطق الحساسة
ثانيا .. راس خاص بالوجه
ثالثا راس خاص بالساقين .... جامي استعملته ههه دايما نستعمل الراس لي فيها بعد لي راه في الصورة 4 و 5
رابعا الجزء الخاص بالحلاقة .... تركبوا في بلاصة الملاقط ... و فيه جزئين الجزء الامامي للحلق و الجزء العلوي للتنعيم
و هنا كي يتركب في لاباراي
كاين تاني راس تستعمليه مع ماكينة الحلاقة ... و العمل تاعه انه يقص الشعر الطويل ... اذا كان شعر المنطقة لي رايحة تنحيها طويل في بلاصة ما تستعملي مقص تستعملي الراس هذا
و هاذي صورة ليه وهو مركب على جزء الخاص بالحلاقة
في الاخير بقاو عندنا شارجور تاعها
و فرشاة التنظيف ... و زيدي معها برك كحول او غاسول ديتول ... و نظفيها ....
بالنسبة للسعر تاعها انا شريتها ب 2 ملايين .....
و اخيرا خلصت :sport01::sport01:
نتمنى انه الريفيوا يكون عجبكم
و اي استفسارات راني هنا
تحياتي
:regards01::regards01:
آخر تعديل:
