- إنضم
- 20 جويلية 2015
- المشاركات
- 2,173
- نقاط التفاعل
- 5,956
- النقاط
- 111
اهلا بنات اللمة
اليوم جبتلكم
&& تجربتي مع خلطة التنحيف &&
بون انا طبيعة جسمي مرات نزيد و مرات ننقص ماعنديش وزن ثابت لكن الزيادة ماتكونش كبيرة على الاكثر 5 كيلو
و الزيادة هاذي تكون في رمضان
مانعرف علاه انا ورمضان نتفاهموا
و تعرفوا ورا رمضان الاعراس
و بما انوا ماعنديش وقت باه نتبع حمية و ليت طلبت من وليد خالتي لي عنده حانوت اعشاب طبية انه يبعثلي شاي تنحيف و كان الاسبوع الاخير تاع رمضان
و بعثلي هذا
الخلطة هاذي واش فيها
فيها عشبة سن الاسد + الليمون فقط
عشبة سن الاسد لي مايعرفهاش هذي هي
و هذا هو شكل الخلطة
و حسب الشركة المنتجة انه في شهر تقدري تهبطي بين 3 الى 6 كيلو
طريقة استعمالها
تغلي الماء مليح
و تجيبي قييمة ملعقة كبيرة من الخلطة و تحطي في الكاس و تعمري الكاس بالماء المغلي و تغطيه مليح باه الزيوت لي فيها ماتروحش مع البخار و بعد 15 دقيقة شربيها
طبعا يكون قبل نص ساعة من الوجبة
بعد شهر هبطت 3 كيلو و هذاك هو الهدف تاعي
و لكن حبستها من بعد
و مارجعتش الكيلوات لي هبطت بالعكس حسيت اني زيدت نقصت لكن انا طبيعة اكلي و في الدار تاني مانكلوش الشحوم و العجائن و الحلويات بزاااف و العشاء يكون خفيف سلاطة او شربة فقط ....
نتمنى انه تجربتي تكون مفيدة للي راهم كي حالتي :d:-h
تحياتي
