- إنضم
- 2 أكتوبر 2007
- المشاركات
- 6,767
- نقاط التفاعل
- 8,893
- النقاط
- 351
كيف الحال لماويات
اليوم جبتكم طريقة قلب اللوز باللبن شفتها في قناة سميرة بطريقة فارس عجبتني بزاف وسهلة في الخدمة نتاعها وبنينة روووعة
وطلبت مني مريم الطريقة ان شاء الله تجربوها وتعجبكم
نبداو على بركة الله
المقادير:
العجينة:
6 كيات سمين لازم يكون خشين
4 كيلات سكر
كيلة زيت + كية ماء الزهر + كيلة لبن
الشاربات:
3 كيلات سكر
6 كيلات ماء
التحضير:
نخلطو السميد مع السكر مليح
ومن بعد نضيفو كيلة الزت + ماء الزهر + لبن ونخلطو كلش مع بعض
بعد ما نكون وجدت الصينية نتاعي حسب الكمية ندهنا شوية زيت ولا زبدة نضع نصف الخليط
ونضيف فوقه نواد كوكو ونكمل باقي الخليط في الصينية
ونساويها مليح ونديرها تطيب بعدما كنا سخنا الفرن مليح
وهذاك الوقت نوجدو الشاربات 3 كيلا سكر و 6 كيلات ماء ونديرهم يطيبو لمدة 15 من بعد غليان الخليط ونطفي ونخليها تبرد
نتفقد ق اللوز نتاعنا في الفرن لما نحسها من الأسفل طابت يعني الجوانب أخذت اللون البني
نحطلها شوية زبدة من الفوق باه ما تبيسلكش ونشعل الفرن من الفوق ونخليها تحمار مليح
هو قال مدة 25 دقيقة حسب الفرن لكن انا قعدت مدة 45 دقيقية
وهذا شكلها النهائي وغير تخرجيها ساقيها بالشربات وعينك ميزانك قادر
ما تكمليش الشاربات كامل على حسب السميد اذا يشرب
واذا شفتيها ما شربتش عاودي اشعلي الفرن وديريها مدة 2 دقايق وخرجيها
علابالي راكم حايريين على هذوك النقط البيضاء ما تحيروش
هذيك بقع الزبدة ما عرفتش علاة يمكن الزبدة فيها الماء هاذو مرتين تصرالي عادي
بصحة والهنا
تحياتي
