من فضلكم يا لبنات عاونوني

[مسك وعنبر]

السلام عليكم يا لبنات واش حوالكم إن شاء الله لاباس
يا لبنات راهي عندي مشكلة وهي أنو البشرة ديالي جافة وحساسة بالزاف وتسببلي الحكة وبعض الحبوب خاصة في منطقة الضقن بالإضافة إلى تقصف وجفاف في الشعر
ما هي أفضل طريقة لعلاج هذه المشاكل اللي عندها أي حاجة يا لوكان بسيطة تتفضل بيها تعيشو يا لبنات وزيدولي من فضلكن تجاربكن الخاصة في طريقة نزع الشعر من الوجه في منطقة الشاربين ومن جميع الجسم خاصة تحت الإبط ومنطقة العانة بالنسبة للبشرة الحساسة وجزاكم الله ألف ألف خير مع تحياتي

 

[مريم.]

رد: من فضلكم يا لبنات عاونوني

خولة داويك هي تعطيك الصح تواصلي مع دكتورتنا في التجميل ​

 

[Salam Fleur]

رد: من فضلكم يا لبنات عاونوني

السلام عليكم

اهلا اختي

الله يبارك درك واحدة واحدة

اولا بالنسبة للبشرة نتاعك

بالاك الغسول لي تستعمليه مش خارج عليك

حوسي على غسول للبشرة الحساسة مثل ماركة Bioderma

اما مشكل الجفاف الحل هو ترطيب البشرة حوسي على كريم ترطيب للبشرة الحساسة

ثانيا

مشكلة جفاف الشعر و التقصف نتاعه ... عليك بحمامات الزيت و كريمات الترطيب للشعر ووحوسي لي يوالم شعرك .... كيما انا حاليا نستعمل كريم dop روعة و حمامات الزيت استعملي زيت جوز الهند و زيت اللوز و زيت الزيتون روعة

ثالثا

نزع الشعر من الوجه هنا نخلي الاخوات يجاوبوك فيها لاني انا نستعمل الة براون


ان شاء الله نكون عاونتك واي استفسار راني في الخدمة

:regards01::regards01:
​

 

[الزهرة الحمراء]

رد: من فضلكم يا لبنات عاونوني

السلام عليكم اختي
الاخت خولة ربي يحفظها جاوباتك في كل شيء
بقاتلك طريقة نزع الشعر انا ايضا نقولك الاخوات يفيدوك لاني انا نستعمل آلة الحلاقة وهي مفيدة وعملية
ربي يحفظك اختي

 

[Salam Fleur]

رد: من فضلكم يا لبنات عاونوني

السلام عليكم اختي
الاخت خولة ربي يحفظها جاوباتك في كل شيء
بقاتلك طريقة نزع الشعر انا ايضا نقولك الاخوات يفيدوك لاني انا نستعمل آلة الحلاقة وهي مفيدة وعملية
ربي يحفظك اختي

اهلا زهرة

شكرا بارك الله فيك

بصح قوليلي تستعملي الة الحلاقة لوجهك ؟؟؟؟ :s:d​

 

[الزهرة الحمراء]

رد: من فضلكم يا لبنات عاونوني

اهلا زهرة

شكرا بارك الله فيك

بصح قوليلي تستعملي الة الحلاقة لوجهك ؟؟؟؟ :s:d​

وفيك بارك الرحمان
ايه نستعملها لمنطقة الشارب ونستعملها ايضا لمنطقة تحت الابط ولليدين والرجلين والنتيجة تاعها مليحة تخفف نمو تع الشعر
ماتخلعينيش برك وتقوليلي ماشي مليحة للوجه ههههه

 

[Salam Fleur]

رد: من فضلكم يا لبنات عاونوني

وفيك بارك الرحمان
ايه نستعملها لمنطقة الشارب ونستعملها ايضا لمنطقة تحت الابط ولليدين والرجلين والنتيجة تاعها مليحة تخفف نمو تع الشعر
ماتخلعينيش برك وتقوليلي ماشي مليحة للوجه ههههه

الة حلاقة و تخفف نمو الشعر هاذي جديدة ...الة الحلاقة تقصدي بيها لي ترازي بيها مش تنحي من الجذور ... لانه لي ترازي بيها متخففوش تخشنوا​

 

[*أوراق أمل *]

رد: من فضلكم يا لبنات عاونوني

واش من ماشينه تستعمليها ؟
و لاكان عندها تاثيرات جانبيه و لا لا

 

[الزهرة الحمراء]

رد: من فضلكم يا لبنات عاونوني

واش من ماشينه تستعمليها ؟
و لاكان عندها تاثيرات جانبيه و لا لا

نستعمل نوعية philips
وماعندها حتى اثار جانبية لي نستعملها انا تنحي الشعرة من الجذرة صح توجع شوية برك مبعدة خلاص

الة حلاقة و تخفف نمو الشعر هاذي جديدة ...الة الحلاقة تقصدي بيها لي ترازي بيها مش تنحي من الجذور ... لانه لي ترازي بيها متخففوش تخشنوا​

آخاااه لالا ماشي لي ترازي هعهع نستعمل لي تنحي من الجذورانا علاش واش يقولولها بالاك انا خربطت فالاسامي
ولاحظت الامر في يديا يطول نمو الشعر

 

[*أوراق أمل *]

رد: من فضلكم يا لبنات عاونوني

اوكي مرسي مي نسقسيك شحال تدير هادي الماشينه ؟

 

[الزهرة الحمراء]

رد: من فضلكم يا لبنات عاونوني

اوكي مرسي مي نسقسيك شحال تدير هادي الماشينه ؟

انا كي شريتها ...شريتها من الانترنت والسعر تاعها 400 الف وزيد المصاريف تع باه يلحقوهالك للدار وكامل لحقتلي 500 الف
ونظن تاني نفس السعر على برا فالحوانت والله اعلم

 

[Salam Fleur]

رد: من فضلكم يا لبنات عاونوني

آخاااه لالا ماشي لي ترازي هعهع نستعمل لي تنحي من الجذورانا علاش واش يقولولها بالاك انا خربطت فالاسامي
ولاحظت الامر في يديا يطول نمو الشعر

اهلا

اااا اوكي ..الة نزع الشعر ماشي الة حلاقة سما كيما تاعي براون مي انا شريتها ب 2 ملايين ​

 

[مسك وعنبر]

رد: من فضلكم يا لبنات عاونوني

السلام عليكم بارك الله فيكن يا حبيباتي وجعلها الله في ميزان حسناتكن إن شاء الله وألف شكر للأخت خولة بوركتي أختي :up: بالصح ردو بالكم يا لبنات آلة براون للوجه راهي ماشي مليحة تخلي الشعر ينمو تحت الجلد والمنظر يكون :down: راكو عارفين هههه أفظل طريقة على ما أعتقد هي الحلاوة والله أعلم مع تحياتي :thumb_up02:

 

[Salam Fleur]

رد: من فضلكم يا لبنات عاونوني

السلام عليكم بارك الله فيكن يا حبيباتي وجعلها الله في ميزان حسناتكن إن شاء الله وألف شكر للأخت خولة بوركتي أختي :up: بالصح ردو بالكم يا لبنات آلة براون للوجه راهي ماشي مليحة تخلي الشعر ينمو تحت الجلد والمنظر يكون :down: راكو عارفين هههه أفظل طريقة على ما أعتقد هي الحلاوة والله أعلم مع تحياتي :thumb_up02:

اهلا اختي مسك

لا شكر على واجب

مشكل الشعر تحت الجلد راه موجود حتى و تستعملي الحلاوة و نزيدك الحلاوة تكمش الوجه ومن الافضل تستعملي الشمع ...... بون المشكل تاع الشعر تحت الجلد تتخلصي منه بالتقشير

:regards01::regards01:​

​