نحيتو على جال ------

[بنفسج]

السلام عليكم
​

واش راكم اهل اللمة واش حوالكم انشاء الله تعودو بخير

راني مش مامنة اللي صرا معايا اليوموالله عجب
رح نحكيلكم وادعولها بالهداية
درك تعرفو شكون
انا عندي وحدة صحبتي نعرفها في الليسي يعني تبان ماشاء الله لابسة الحجاب الشرعي
لكن اليوم صدمتنا اشد صدمة :-o:-o:-o

جات اليوم لابسة الفيزو تصدقو يعني حنا كي شفناها كدبنا عينينا نحت الحجاب الشرعي وسترة ربي وبدلتهم بفيزو

ها دا غريب لكن اللي اغرب منو انو كي سقسيناها علاه درتي هاك قالتنا بالحرف الواحد

"حنوني قالي نحيه حاب نشوفك بالسروال" يعني الرخص لهادي الدرجة

والله طاحت من عينينا ما لقينا منقولولها نحت الحجاب الشرعي على جال دكر يلعب بيها :s

هوا اصلا كان جا ناويها ويحبها راه ميقلهاش هاك حسبي الله فيه
واهلها مخلييلها الحرية تلبس واش تحب وها اللي يغيض كثر يعني بعض اشباه الرجال توصل بيه وين يخلي بنتو تتحول من السترة للتبرج عادي وتلعب بحجاب ربي عادي
انا متاكدة بلي ماهيش الوحيدة اللي صرالها هاك
وها دي الضاهرة راها عند بزاف بنات
درك قولولي
واش رايكم في طفلة كيما هاك
واش رايكم في اهلها
رسالة تحبو تقولوهالها

انتضر ردودكم
تحياتي لكم :regards01:
سلام

 

[الہٰوردة الہٰسہٰوداء]

رد: نحيتو على جال ------

ربي يبقي الستر احنا تاني هاكااااااا فليسي و الهدرة تمشي علينا كامل بلي رانا بنات مش ملاح هوما لي فسدو المجتمع ربي يبعدهم علينا شكرا اختي

 

[لؤلؤة قسنطينة]

رد: نحيتو على جال ------

السلام عليكم
اهلا حبيبتي كارلا ان شاء الله راكي لاباس؟
والله يا اختي هاد الامور عادت تجيني عادية خلااااااص ، هادي نحات الحجاب الشرعي على جال صديقها
ووحدة خلاف تنحيه على البرد وهي رايحة، أنا نعرف وحدة تقرا معايا هاد العام قبل شهر تقريبا لبست حجاب طويل
من بعد غير طاحت النو جات بالسروال، وكي سقسيتها قاتلي بردت ، مافهمتش واش علاقة الحجاب و السروال بالبرد
انا صدقيني ماش باه نعت روحي، بصح راني للآن في البرد بحجاب تاع صيف، دبرو علي البنات قالولي درك البرد نحي
الحجاب والبسي تريكو وسروال، قلتلهم لالا مارانيش عايشة في سيبيريا باه نموت من البرد، يعني هادي بين قوسين
اما حكاية البنت هادي لي حيرني فيها والديها عايشين ولا حجرة فوق الارض؟ يعني بنتهم تخرج نهار بفيزو ونهار بحجاب وهوما يتفرجو يعني عرض ازياء مثلا؟؟ صدقيني البنات هادو ولاو مرخسين رواحهم لدرجة لا يتصورها العقل
يعرضو في رواحهم طول ، لما ندخل لصفحات الفايس بوك ونلقى وحدة كاتبة " علاه توسوسو في رواحكم ياك كي تخيري شخص وديريه صديق تحكيلو همومك مافيها والو" و نلقى وحدة كاتبة " نحوس على رقم الشاب لي شكلو كذا وكذا وعاونوني خاطر راهو عاجبني " ونلقى وحدة كاتبة " اليوم سهرت حتى 1 تاع الليل في حفلة الروك "تما نعرف الرخس تاع البنات وين وصل
وحدة تطيش حجابها على ولد الحرام ووحدة تطيش شرفها على ولد الحرام ووحدة ترمي اسم باباها تحت التراب على جال ولد حرام، دارو الزواج هدف في الحياة لازم يجريو وراه، الزواج او يجيك وحدو رخسي روحك ولا اقعدي
واصلا هاداك لي ترخسي روحك على جالو وترمي لباس الاسلام على جالو مراهوش راجل، الراجل عمرو لا يتبع أعراض بنات الناس، يعني واش نزيد نقول؟ او قلبي معمر كتر عليك
نقولو ربي يهدينا ويهديهم ويستر علينا وعلى خواتاتنا وبناتنا
بارك الله فيك غاليتي
تحياتي
​

 

[إلياس]

رد: نحيتو على جال ------

حسبي الله ونعم الوكيل لهذا الشخص

 

[Salam Fleur]

رد: نحيتو على جال ------

السلام عليكم

اوكي نكذب عليك انه لما قريت الموضوع ضحكت .. اعتبريني مهبولة بصح و الله غير ضحكت

وين والديها وين امها بوها وين ؟؟؟؟

هذا اذا قلنا عليها راهي جايحة و طاحت على راسها ...والديها وين ... ؟؟؟؟؟؟؟؟؟؟؟؟

نفس السؤال يجي على بالي لما نسمع حكاية هكذا .... مقطوعين من شجرة ؟؟؟؟

ربي يهديها و تفيق قبل ما تتهدم حياتها و تندم .......

لا حول و لا قوة الا بالله

ربي يثبت علينا العقل و الدين

​

 

[Hakan]

رد: نحيتو على جال ------

وكم من شبيهة خولة سقطت من العين الى وحل الدناءة
لا تهتمي اخيتي بهن لكن حاولي ان تمثلي نفسك وفقط ..​

 

[بنفسج]

رد: نحيتو على جال ------

ربي يبقي الستر احنا تاني هاكااااااا فليسي و الهدرة تمشي علينا كامل بلي رانا بنات مش ملاح هوما لي فسدو المجتمع ربي يبعدهم علينا شكرا اختي

اهلا عفاف
ايه عندك الحق شوهو صورة البنات ولا دايرينا كامل رخاص بسة هادو البنات
ربي يهديهم
تحياتي ليك وشكرا على الرد
سلام

 

[همس الوُرود]

رد: نحيتو على جال ------

السلآم عليكم ~

الله يهديهآ على كل حآل ويهدينآ كلنآ ويهدي الفتيآت الي يلبسو الفيزوآت ..رآهي معمرة الدنيآ بيهم ~ ..

~وعآفآنآ الله

بصح مننسآوش مزآلو بنآت الفآميلية في هذي الدنيآ ...


​

 

[بنفسج]

رد: نحيتو على جال ------

السلام عليكم


اهلا حبيبتي كارلا ان شاء الله راكي لاباس؟
والله يا اختي هاد الامور عادت تجيني عادية خلااااااص ، هادي نحات الحجاب الشرعي على جال صديقها
ووحدة خلاف تنحيه على البرد وهي رايحة، أنا نعرف وحدة تقرا معايا هاد العام قبل شهر تقريبا لبست حجاب طويل
من بعد غير طاحت النو جات بالسروال، وكي سقسيتها قاتلي بردت ، مافهمتش واش علاقة الحجاب و السروال بالبرد
انا صدقيني ماش باه نعت روحي، بصح راني للآن في البرد بحجاب تاع صيف، دبرو علي البنات قالولي درك البرد نحي
الحجاب والبسي تريكو وسروال، قلتلهم لالا مارانيش عايشة في سيبيريا باه نموت من البرد، يعني هادي بين قوسين
اما حكاية البنت هادي لي حيرني فيها والديها عايشين ولا حجرة فوق الارض؟ يعني بنتهم تخرج نهار بفيزو ونهار بحجاب وهوما يتفرجو يعني عرض ازياء مثلا؟؟ صدقيني البنات هادو ولاو مرخسين رواحهم لدرجة لا يتصورها العقل
يعرضو في رواحهم طول ، لما ندخل لصفحات الفايس بوك ونلقى وحدة كاتبة " علاه توسوسو في رواحكم ياك كي تخيري شخص وديريه صديق تحكيلو همومك مافيها والو" و نلقى وحدة كاتبة " نحوس على رقم الشاب لي شكلو كذا وكذا وعاونوني خاطر راهو عاجبني " ونلقى وحدة كاتبة " اليوم سهرت حتى 1 تاع الليل في حفلة الروك "تما نعرف الرخس تاع البنات وين وصل
وحدة تطيش حجابها على ولد الحرام ووحدة تطيش شرفها على ولد الحرام ووحدة ترمي اسم باباها تحت التراب على جال ولد حرام، دارو الزواج هدف في الحياة لازم يجريو وراه، الزواج او يجيك وحدو رخسي روحك ولا اقعدي
واصلا هاداك لي ترخسي روحك على جالو وترمي لباس الاسلام على جالو مراهوش راجل، الراجل عمرو لا يتبع أعراض بنات الناس، يعني واش نزيد نقول؟ او قلبي معمر كتر عليك
نقولو ربي يهدينا ويهديهم ويستر علينا وعلى خواتاتنا وبناتنا
بارك الله فيك غاليتي
تحياتي
​

وعليكم السلام
يا اهلا بمريومة :yahoo01:انا الحمد لله السوال عليك
ربي يثبت عليك الحجاب وهادوك خليهم يعوو ما يهمك فيهم
انا ثاني قالولي نحي الحجاب راه البرد نتاع سروال لكن انا مقتنعة بيه تماما
ايه والديها تحيري فيهم صح عندك الحق بعض البنات رخصو بزاف ربي يهديهم ويهدينا
تحياتي ليك غاليتي
اسعدني مرورك
سلام

 

[بنفسج]

رد: نحيتو على جال ------

حسبي الله ونعم الوكيل لهذا الشخص

اشكرك اخي على المرور
ونعم ماقلت فلن يقدر على هده الدئاب البشرية سوى الله
تحياتي لك اخي
سلام

 

[بنفسج]

رد: نحيتو على جال ------

السلام عليكم

اوكي نكذب عليك انه لما قريت الموضوع ضحكت .. اعتبريني مهبولة بصح و الله غير ضحكت

وين والديها وين امها بوها وين ؟؟؟؟

هذا اذا قلنا عليها راهي جايحة و طاحت على راسها ...والديها وين ... ؟؟؟؟؟؟؟؟؟؟؟؟

نفس السؤال يجي على بالي لما نسمع حكاية هكذا .... مقطوعين من شجرة ؟؟؟؟

ربي يهديها و تفيق قبل ما تتهدم حياتها و تندم .......

لا حول و لا قوة الا بالله

ربي يثبت علينا العقل و الدين

​

وعليكم السلام
اهلا غاليتي خولة
لا ابدا اختي لك الحق ان تضحكي فهناك هموم تضحك
ايه وهادا اللي خلاني نكتب الموضوع والديها وين راحو ربي يهديهم
انشاء الله تفيق قبل مايفوت الاوان
تحياتي لك:regards01:
سلام

 

[Skor m@k]

رد: نحيتو على جال ------

السلام عليكم
ملقيتش واش نقول قريب نولو كي الروس نعبدو المال والناس والدين ننساوح
ربي يبعدنا على هذا الناس
ان شاء الله ربي يهدينا ويهديهم
ملاحظة برك كلمة انشاء الله متكتبش هكا وهذا غلط
اكتبيها ان شاء الله
شكرا ختي على هذه المواضيع
واصلي على المنوال
سلام​

 

[بنفسج]

رد: نحيتو على جال ------

وكم من شبيهة خولة سقطت من العين الى وحل الدناءة
لا تهتمي اخيتي بهن لكن حاولي ان تمثلي نفسك وفقط ..​

اهلا اخي حكيم
ربي يهديها ويهدي خولة ويهدينا حنا
شكرا على النصيحة وهو كدلك
تحياتي لك
سلام

 

[بنفسج]

رد: نحيتو على جال ------

السلآم عليكم ~

الله يهديهآ على كل حآل ويهدينآ كلنآ ويهدي الفتيآت الي يلبسو الفيزوآت ..رآهي معمرة الدنيآ بيهم ~ ..

~وعآفآنآ الله

بصح مننسآوش مزآلو بنآت الفآميلية في هذي الدنيآ ...


​

وعليكم السلام
اهلا بك اختي انرتي
امين واكيد مزال بنات الفميليا هدا شيء مفروغ منه
شكرا على المرور
تحياتي لك
سلام

 

[بنفسج]

رد: نحيتو على جال ------

السلام عليكم
ملقيتش واش نقول قريب نولو كي الروس نعبدو المال والناس والدين ننساوح
ربي يبعدنا على هذا الناس
ان شاء الله ربي يهدينا ويهديهم
ملاحظة برك كلمة انشاء الله متكتبش هكا وهذا غلط
اكتبيها ان شاء الله
شكرا ختي على هذه المواضيع
واصلي على المنوال
سلام​

وعليكم السلام
اهلا بك اخي مالك
عندك الحق هادا كامل سبابو البعد عن الدين
امين
جزاك الله خيرا على النصيحة وبارك فيك لم اكن اعلم
وشكرا لك لك على هادا المرور الطيب
تحياتي
سلام

 

[الحلوة أمينة]

رد: نحيتو على جال ------

السلــــآـــ م عليـــ،ـــكم
يعني العجب .. السؤال اللي حيرني والديها واهلها وينهم ؟ يعني تلبس واش تحب
ومادام مدايرة حجاب شرعي والعلاقات علآه ... شوهو صورة اللي تلبس الحجاب الشرعي في نظر الناس
ربي يهدينآ
مشكورة على الموضوع .. تحياتي لكي :regards01:
سلآم​

 

[بنفسج]

رد: نحيتو على جال ------

السلــــآـــ م عليـــ،ـــكم
يعني العجب .. السؤال اللي حيرني والديها واهلها وينهم ؟ يعني تلبس واش تحب
ومادام مدايرة حجاب شرعي والعلاقات علآه ... شوهو صورة اللي تلبس الحجاب الشرعي في نظر الناس
ربي يهدينآ
مشكورة على الموضوع .. تحياتي لكي :regards01:
سلآم​

و عليكم السلام
يااهلا بك امونة:yahoo01:
مام انا حيروني والديها حبسولي راسي
عندك الحق شوهو صورة اللي تلبس الحجاب الشرعي هيا عارفة روحها ماهيش قد مسؤوليتو علاش تلبس فيه
ربي يهدي برك
تحياتي ليك حنونة وشكرا على المرور العطر
سلام

 

[ديسق]

رد: نحيتو على جال ------

وعليكم السلام ورحمة الله وبركاته

الحمد لله بخير أخت الكريمة، ان شاء الله أحوالك بخير ^^

أممممـ ما لقيت واش راح نقول على هذيك البنت، الله يهديها للطريق المستقيم ويصلح أحوالها
بما أنها راهي صديقتكم حاولوا تنصحوها وما تفقدوش الأمل، وبعدوها على هذاك الشاب على اعتبار
ان العلاقة محرمة، واذكروها بالجوانب السلبية نتاع العلاقات غير الشرعية وخوفوها بالقصص
نتاع البنات الي لعبوا عليهم الشباب، وذكروها بالشباب الي لبسوا أقنعة (انسان طيب) وهو في الداخل
ماكر ويلعب ببنت الناس، ذكروها بالعقاب بسبب اللباس غير المحتشم الي لبساتو،..

الله يوفقكم ان شاء الله
​

 

[بنفسج]

رد: نحيتو على جال ------

وعليكم السلام ورحمة الله وبركاته

الحمد لله بخير أخت الكريمة، ان شاء الله أحوالك بخير ^^

أممممـ ما لقيت واش راح نقول على هذيك البنت، الله يهديها للطريق المستقيم ويصلح أحوالها
بما أنها راهي صديقتكم حاولوا تنصحوها وما تفقدوش الأمل، وبعدوها على هذاك الشاب على اعتبار
ان العلاقة محرمة، واذكروها بالجوانب السلبية نتاع العلاقات غير الشرعية وخوفوها بالقصص
نتاع البنات الي لعبوا عليهم الشباب، وذكروها بالشباب الي لبسوا أقنعة (انسان طيب) وهو في الداخل
ماكر ويلعب ببنت الناس، ذكروها بالعقاب بسبب اللباس غير المحتشم الي لبساتو،..

الله يوفقكم ان شاء الله
​

اهلا بك اخي سيف
امين ان شاء الله
الاخوات فالليسي مقصروش حاولو وفهموها بدون جدوى بقا غير ندعولها بالهداية
انا نضنها عارفة باللي راه يلعب بيها لكن الشيطان مزينلها فعلتها نتمنى تفيق قبل ما يفوت الوقت
شكرا خي على المرور والنصائح الثمينة
تحياتي لك
سلام

 

[¬Đỉaмơŋđ ✿]

رد: نحيتو على جال ------

وعليكم السلام ورحمة الله وبركاته

بخير الحمد لله إن شاء الله نتي تاني تكوني في أحسن حال
لآحول ولآقوة إلا بالله
هاذ الأشكال من البنات اللي فسدو على بنات الفامليا
اللي مش مقتنعة بالحجاب علاش تلبسو من الأول حتى توصل للحالة هاذي
إذا الطفلة دارت هذا الجاست وين دور الوالدين؟وين الرقابة؟ للأسف الوالدين ماعادوش يلعبو الدور تاعهم مع أولادهم ولآو كيما نقولو خضرة فوق عشآ زايدين ناقصين ..
تحير والله كيفاش طيحت بقيمتها وترخص في روحها على جال شبه رجل
أصلا كون جا فيه الصلاح مايطلبش منها حاجة هكذا
هبلو البنات وطيحو بقيمتهم وقيمة والديهم على جال الزواج،ياو كي مايكتبلكش ربي حاجة ألبسي الفيزو ولا أقعدي تطلعي للسما وتهبطي ماتتزوجيش .. !


واش نقولو غير ربي يهدي ماخلق وربي يثبتنا ويسترنا
​