زواج لانام

[Salam Fleur]

السلام عليكم

اهلا بناس اللمة و زوارها الكرام

اليوم جيت نحكيلكم على ظاهرة راهي بدات تنتشر

و صراحة

مرات نقول راهي مليحة

ومرات نقول راهي نص نص

نحكيلكم

تلقى شاب يخدم ضمن عقود ما قبل التشغيل و تعرفوا اكبر اجر راهو 15000 يعني قيس ما تشري صباط تاع دراري و قيس ما تشري حجاب بالنسبة لينا البنات

لكن تلقاهم يزوجوا

بون عندهم الحق و حلالهم

و ديجا في وقتنا هذا مع انتشار الفتن اصبح لزاما انهم يزوجوا ( ما نحكيش على الفئة لي عينيها زايغة)

لكن 15000 تفتح دار ؟؟؟؟

علابالي الرزق بيد ربي سبحانه و ممكن انه بعد زواجه يتفتحولوا ابواب الخير

مممم

نحكيلكم حكاية

هاذا جارنا خدام تاع لانام تزوج و راه ساكن وحده و مع امه ... نفهمهالكم .... دار العائلة وهو عنده طاج وحده .... ماعندوش باباه .... امه هي كل شي ... هي تسلك لي فاكتور هي تقضي هي تكسي هي كل شي

و هي ماعندهاش شهريتها تاع التقاعد مع شهرية راجلها ربي يرحمه يا ربي 6 ملايين و زيد ماراهيش وحداها عندها 3 اولادها ذكورا اخرين سما راهي معيشة في زوج ديار و زيد الديون لي عليها لانه لما

زوجتوا عندها ماسلفت و لي زاد الطين بلة العروسة ... مامخلياش من روحها تحسب فيها بانكة تمشي :-o

قالتنا زوجته باه نتهنى منه وليت تبليت بيه كثر و كثر :d



اها

دركة كيما تخمملها تحصل

و زيد لو يزدادوا الدراري كيفاه تولي ؟؟؟

و امه ماراهيش دائمة ...ربي يعطيها طولت العمر بصح لواكتاه و هي تقعد تصرف عليهم

واش رايكم ؟؟؟؟

و انتم يا شباب تديروها ؟؟؟؟

لكم الكلمة

:regards01:​

 

[Salam Fleur]

رد: زواج لانام

شكرا على الاعتماد ​

 

[بنقابي افتخر]

رد: زواج لانام

اهلا خوله
امممم موضوع في القمه
بصراحه هدا الزواج قاع مايدهلش البال كيفاه
لوكان تحسبي لروحك برك متقدكش 20000
وين حتى 15000
ايا وزيد الدراري.
انا نقول المعيشه هيا اللي خلاة العبد محتاج
ربي يستر برك

 

[لؤلؤة قسنطينة]

رد: زواج لانام

السلام عليكم خولتي
ان شاء الله راكي لاباس؟
والله نظن أنّو موضوعك يخص الشباب كتر من البنات ورايحة تلقاي عندهم الإجابة الأمثل
لكن هكاك ونخلي رد تعرفيني في كل محضر نحضر :d
المهم، والله يا خولة ختي أولا المعيشة غلات بزااااف يعني باه تفتح اسرة لازمك دير حسابك
وتوجّد ما توّجد ويا ربي، ماش معناها نقطعو في الامل على الرجال ، يعني قادر يطيح الرجل
في مرأة لي تصبر معاه وكلشي ، بصح باه راجل يتزوج ويماه تسلك عليه كلشي نفضل يبقى عازب خير
مايدخل روحو في دوامة مايقدرش يخرج منها
يعني اذا راجل وحدو مع مرتو وماش قادر كيما قلتي فمابالك نهار يجيوه ولاد ، هاديك 15000 دج ما تشريلو والو
وماديرلو والو، صح لقمة حلال خير من ماكانش، بصح الانسان لازم يخمم شوي بعقلو وقبل مايتزوج
يكون واجد ، ماش شرط يكون عندو كنوز الدنيا لكن على الاقل يوفر طرف خبز
نتي علابالك العيد لي فات خالتي راحت تكسي ولادها ذكور وصغار اتخيلي تريكو وسروال يلحقو ل 900 ألف ؟
يعني زوج ولاد ب 2 ملاين ، درك قوليلي اذا 15000 دج تكفي وإلا لا؟؟
انا من رايي الرجل يوجد روحو مليح ومن بعد يقدم، خير ما يتزوج صغير ومن بعد يحصل
ويولي يماه تصرف عليه ويولي يسلف وغيرها من الامور
ربما انا ماش قاعدة نهدر بواقعية لأنو الامر ماينحسلوش بما أني مرأة
مالا نخلي فرصة للشباب خير يجاوبوك
شكرا خوليتا على موضوعك
تقبلي مروري غاليتي
​

 

[Salam Fleur]

رد: زواج لانام

اهلا خوله
امممم موضوع في القمه
بصراحه هدا الزواج قاع مايدهلش البال كيفاه
لوكان تحسبي لروحك برك متقدكش 20000
وين حتى 15000
ايا وزيد الدراري.
انا نقول المعيشه هيا اللي خلاة العبد محتاج
ربي يستر برك

اهلا اسوم

شكراااا ربي يعيشك

ياو هاذي لي خلاتني نحط عقلي في كفي كيفاه هو هبلها نزوج نزوج و كي تزوج حصلت دهيا

و الله كيما نجي نخمملها نبلوكي

:regards01:​

 

[Salam Fleur]

رد: زواج لانام

السلام عليكم خولتي
ان شاء الله راكي لاباس؟
والله نظن أنّو موضوعك يخص الشباب كتر من البنات ورايحة تلقاي عندهم الإجابة الأمثل
لكن هكاك ونخلي رد تعرفيني في كل محضر نحضر :d
المهم، والله يا خولة ختي أولا المعيشة غلات بزااااف يعني باه تفتح اسرة لازمك دير حسابك
وتوجّد ما توّجد ويا ربي، ماش معناها نقطعو في الامل على الرجال ، يعني قادر يطيح الرجل
في مرأة لي تصبر معاه وكلشي ، بصح باه راجل يتزوج ويماه تسلك عليه كلشي نفضل يبقى عازب خير
مايدخل روحو في دوامة مايقدرش يخرج منها
يعني اذا راجل وحدو مع مرتو وماش قادر كيما قلتي فمابالك نهار يجيوه ولاد ، هاديك 15000 دج ما تشريلو والو
وماديرلو والو، صح لقمة حلال خير من ماكانش، بصح الانسان لازم يخمم شوي بعقلو وقبل مايتزوج
يكون واجد ، ماش شرط يكون عندو كنوز الدنيا لكن على الاقل يوفر طرف خبز
نتي علابالك العيد لي فات خالتي راحت تكسي ولادها ذكور وصغار اتخيلي تريكو وسروال يلحقو ل 900 ألف ؟
يعني زوج ولاد ب 2 ملاين ، درك قوليلي اذا 15000 دج تكفي وإلا لا؟؟
انا من رايي الرجل يوجد روحو مليح ومن بعد يقدم، خير ما يتزوج صغير ومن بعد يحصل
ويولي يماه تصرف عليه ويولي يسلف وغيرها من الامور
ربما انا ماش قاعدة نهدر بواقعية لأنو الامر ماينحسلوش بما أني مرأة
مالا نخلي فرصة للشباب خير يجاوبوك
شكرا خوليتا على موضوعك
تقبلي مروري غاليتي
​

اهلا مريومتي :d

لاباس الحمد لله يسقسي عليك الخير

ان شاء الله نلقاو الاجابة باه نقدروا نحكموا على هاذ الظاهرة هل هي ايجابية ام سلبية

ايوة صحيتي راكي جبتيها

انه لازم يوجد روحوا راهي مسؤولية مش تمسخير تاع شوفوني راني زوجت و سلام لالا راه مصاريف و دراري وووووو

ربي يستر برك المعيشة راهي جاية و تغلا برك تولي 10 ملايين و مانعرف لا تكفي فما بالك مليون و نص

شكرا على مرورك القيم

نورتينا :regards01:
​

 

[Hakan]

رد: زواج لانام

السلاام عليكم
يعني هنا نسقسيو سؤال اسكو الخدمة هاذي دايمة يعني تشغيل الشباب
مانيش فاهمها يعني هو من الجماعة نتاع الديبلوم ودارو الادمااج
او من الجماعة البطالة اللي لا ديبلوم لا والو وقااعد يسترزق من هذي الشهرية اللي ما تتبدلش كامل
اذا كان من الاول شحال من نعرفهم بداو بالادماج ومن بعد ترسمو
اذا على الثاني نضن اذا كان راجل ما يكتفيش بهاذ الشهرية ويروح يخدم خدمة خلااف


لكن الحاجة اللي غاضتني علاش تتزوج اذا كنت عارف انو يماك هي اللي تخلص عليك
يعني رايح تموت لوكان ما تتزوجش سبحان الله غاشي مخلوع في الزواج
ويتحمل مسؤولية كبر منو
انت عارف بلي زوجتك مصروفها من 3 ملاين وطلع ومصروف الغاز والكهرباء من مليون وطلع يعني 4 ملاين هاذي بدون اولاد
علاش تتحمل مسؤوليت ك على الاقل جيب طفلة بسيطة في حياتها تقنع بالقليل تلبس مرة في العام وما تقولش علاش
ماشي تجيبلي عارضة وكل دقيقة دخلات وخرجات ومن بعد تقلي الشهرية ما كفاتنيش



الشي اللي خاطيك يعييك ..

قادر على الزواج تزوج ماكش قادر ريحلك عااقل ماراكش رايح تموت اذا ما تزوجتش والطفلة اللي ماش قادرة على 15000 من الاول ما تقبليش
بااش ما تكونيش عالة على النااس .. سلام.​

 

[Skor m@k]

رد: زواج لانام

السلام عليكم
في رايي تتزوج وتكون عندك شهرية قليلة اذا كانت عندك اوو عند مرتك القناعة بلقليل
والله غير تكفي قال الله تعالى
﴿وَأَنْكِحُوا الْأَيَامَى مِنْكُمْ وَالصَّالِحِينَ مِنْ عِبَادِكُمْ وَإِمَائِكُمْ إِنْ يَكُونُوا فُقَرَاءَ يُغْنِهِمُ اللَّهُ مِنْ فَضْلِهِ وَاللَّهُ وَاسِعٌ عَلِيمٌ (32)﴾

خاطرش متعرفش منين يرزقك ربي
اوو هذا لي هدرتي عليه يقدر ربي لي سخرلو يماه تصرف عليه اوو كي تموت يجي كاش واحد يعاونو لحياة هكذا
تانيت كاين بزاف لي يتكل على يماه ولا باباه فالزواج
لوكان ميزوجوش بباه ميتزوجش
كاين وليد عمتي مزوج بصح حنى نقولو عليه يماه لي مزوجة بمرتو هههه
ما يقضي ما يخدم ما يشري حتى حاجا
يماه كلش اوو هو نها كامل وين يحوس ميروحش يشوف ولادو بالشهرين
ميخممش كامل عليهم
يماه تخمم عليهم كثرمنو

أنا مشكيتش نستنى والديا لي يزوجوني ولا هوما لي يبقاو يصرفو عليا
ب مليون ونص تقدر تعيش بيهم
بصح الواحد ميخاطرش على جالهم اوو يتزوج ويلي فالكريدي حاصل
شكرا ليك ختي ربي يهنيك
سلام​

 

[Salam Fleur]

رد: زواج لانام

السلاام عليكم
يعني هنا نسقسيو سؤال اسكو الخدمة هاذي دايمة يعني تشغيل الشباب
مانيش فاهمها يعني هو من الجماعة نتاع الديبلوم ودارو الادمااج
او من الجماعة البطالة اللي لا ديبلوم لا والو وقااعد يسترزق من هذي الشهرية اللي ما تتبدلش كامل
اذا كان من الاول شحال من نعرفهم بداو بالادماج ومن بعد ترسمو
اذا على الثاني نضن اذا كان راجل ما يكتفيش بهاذ الشهرية ويروح يخدم خدمة خلااف


لكن الحاجة اللي غاضتني علاش تتزوج اذا كنت عارف انو يماك هي اللي تخلص عليك
يعني رايح تموت لوكان ما تتزوجش سبحان الله غاشي مخلوع في الزواج
ويتحمل مسؤولية كبر منو
انت عارف بلي زوجتك مصروفها من 3 ملاين وطلع ومصروف الغاز والكهرباء من مليون وطلع يعني 4 ملاين هاذي بدون اولاد
علاش تتحمل مسؤوليت ك على الاقل جيب طفلة بسيطة في حياتها تقنع بالقليل تلبس مرة في العام وما تقولش علاش
ماشي تجيبلي عارضة ومن مدينة الرسول ... ومنذ لحظة الوصول
آسمي عدّي ف المكآن ... آسمي محفور من زمآن


الشي اللي خاطيك يعييك ..

قادر على الزواج تزوج ماكش قادر ريحلك عااقل ماراكش رايح تموت اذا ما تزوجتش والطفلة اللي ماش قادرة على 15000 من الاول ما تقبليش
بااش ما تكونيش عالة على النااس .. سلام.​

اهلا اخي

اسنا
لانام لازم يكون عندك ديبلوم و سلاكها راه بين 9000 و 15000 و هاذي الاخيرة تاع صحاب الجامعات وهو راه منهم لكن يخدم في مؤسسة تاع خواص يعني ما يحلمش بالادماج خصوصا مع دارولها عقود دائمة مش محددة كيما كانت بكريي عامين و خلاص

نرجع لرايك

الحمد لله سما تفكيري في محله لانه كيما جيت نخمملها حصلت

للاسف كاين بزاااف مخلوعين في الزواج و نساو بلي ماشي بالورد يعيشها

شكرا لمرورك القيم

:regards01:​

 

[Salam Fleur]

رد: زواج لانام

السلام عليكم
في رايي تتزوج وتكون عندك شهرية قليلة اذا كانت عندك اوو عند مرتك القناعة بلقليل
والله غير تكفي قال الله تعالى
﴿وَأَنْكِحُوا الْأَيَامَى مِنْكُمْ وَالصَّالِحِينَ مِنْ عِبَادِكُمْ وَإِمَائِكُمْ إِنْ يَكُونُوا فُقَرَاءَ يُغْنِهِمُ اللَّهُ مِنْ فَضْلِهِ وَاللَّهُ وَاسِعٌ عَلِيمٌ (32)﴾

خاطرش متعرفش منين يرزقك ربي
اوو هذا لي هدرتي عليه يقدر ربي لي سخرلو يماه تصرف عليه اوو كي تموت يجي كاش واحد يعاونو لحياة هكذا
تانيت كاين بزاف لي يتكل على يماه ولا باباه فالزواج
لوكان ميزوجوش بباه ميتزوجش
كاين وليد عمتي مزوج بصح حنى نقولو عليه يماه لي مزوجة بمرتو هههه
ما يقضي ما يخدم ما يشري حتى حاجا
يماه كلش اوو هو نها كامل وين يحوس ميروحش يشوف ولادو بالشهرين
ميخممش كامل عليهم
يماه تخمم عليهم كثرمنو

أنا مشكيتش نستنى والديا لي يزوجوني ولا هوما لي يبقاو يصرفو عليا
ب مليون ونص تقدر تعيش بيهم
بصح الواحد ميخاطرش على جالهم اوو يتزوج ويلي فالكريدي حاصل
شكرا ليك ختي ربي يهنيك
سلام​

اهلا خويا مالك

و هذا راه زواج ؟؟؟؟ يعني هاذي لمراة راهي مرتاحة مع راجل هكا ؟؟؟؟

و صح كاين بزاااف لو ما والديه زوجوه لو راه قاعد

بصح اذا كان انسان راه متحمل المسؤولية و علابالوا بلي راهي خطوة صعيبة و لازم تدير المستحيل باه تقدر تفتح دار ماشي زوج و خلي والديك كل شيء وعلاه تزوج ؟؟؟؟

ياو مخي بلوكا

ربي يجيب الخير

شكرا لمرورك اخي

:regards01:
​

 

[zohor kfz]

رد: زواج لانام

kima 9olti okhti tjibana 7ijab brak
ida kant chayfato rajal t3sa7 w ra7 yabda bhadik elchahriya w man ba3d ytawar ro7o machi mochkil bassa7 li yabdaha min el2awal takal 3la waldih hda assam tadi fih ??? wala brk bach y9o nas bali tzawjat?? ana manlomch elrajal nlom lbant li ta9bal
a9al 7aja hiya t3awno ida chafto ellah ghalab dar fo9 ta9to w hadak li 3ta allah
elmohim matkonch 7ata hiya 3ib2 3la el3ayla ta3o

 

[خفيفة الروح]

رد: زواج لانام

شكرا اختي موضوع مميز

 

[salah.f]

رد: زواج لانام

رب يفرج على كل واحد ان شاء الله وينتقم من كان سبب في بؤس وضياع شبابنا

 

[Salam Fleur]

رد: زواج لانام

kima 9olti okhti tjibana 7ijab brak
ida kant chayfato rajal t3sa7 w ra7 yabda bhadik elchahriya w man ba3d ytawar ro7o machi mochkil bassa7 li yabdaha min el2awal takal 3la waldih hda assam tadi fih ??? wala brk bach y9o nas bali tzawjat?? ana manlomch elrajal nlom lbant li ta9bal
a9al 7aja hiya t3awno ida chafto ellah ghalab dar fo9 ta9to w hadak li 3ta allah
elmohim matkonch 7ata hiya 3ib2 3la el3ayla ta3o

اهلا اختي زهور

ايوة صح مادام قبلت بيه لازم تقدم تنازلات مش تقبل و من بعد تولي عبء عليهم

شكرا لمرورك القيم

:regards01:​

 

[Salam Fleur]

رد: زواج لانام

شكرا اختي موضوع مميز

لا شكر على واجب مرحبا بيك

نورتي
​

رب يفرج على كل واحد ان شاء الله وينتقم من كان سبب في بؤس وضياع شبابنا

اهلا اخي

امين يا رب

نورت :regards01:​

 

[salah.f]

رد: زواج لانام

لا شكر على واجب مرحبا بيك

نورتي
​

اهلا اخي

امين يا رب

نورت :regards01:​

الشكر لك اخي

 

[Just Hope]

رد: زواج لانام

السلام عليكم

شفت ناس اتزوجو بلانام و عايشين نورمال
صح الشهرية قليلة بزااااف بصح كاين ناس قنوعة و في نفس الوقت تصيبي الراجل يحاول يخدم خدمة زيادة و يجري على روحو
المشكلة مش في الشهرية المشكلة في الي يتكل علي والديه يصرفو عليه و يزيد على مرتو
عيب كبير و الله
هذا لي نورمالمو ما يتزوجش
الله يفرج علينا كامل

 

[Salam Fleur]

رد: زواج لانام

السلام عليكم

شفت ناس اتزوجو بلانام و عايشين نورمال
صح الشهرية قليلة بزااااف بصح كاين ناس قنوعة و في نفس الوقت تصيبي الراجل يحاول يخدم خدمة زيادة و يجري على روحو
المشكلة مش في الشهرية المشكلة في الي يتكل علي والديه يصرفو عليه و يزيد على مرتو
عيب كبير و الله
هذا لي نورمالمو ما يتزوجش
الله يفرج علينا كامل

اهلا اختي الكريمة

شكرا لمداخلتك

امين يار ب

نورتينا​

 

[بنفسج]

رد: زواج لانام

السلام عليكم
التفاتة مهمة اختي خولة وموضوع مميز كما اعتدنا منك
انا نضن 15000متفتحش دار ولمعيشة راها زايدة غير تغلا ومولاها اكيد ملازمش يعتمد عليها يشوف حاجة اخرى يسترزق منها
مي كاين ناس كيما قالو الاخوة قنوعين بزاف ممكن تكفيهم والله اعلم
تحياتي ليك حنونة
سلام

 

[Salam Fleur]

رد: زواج لانام

السلام عليكم
التفاتة مهمة اختي خولة وموضوع مميز كما اعتدنا منك
انا نضن 15000متفتحش دار ولمعيشة راها زايدة غير تغلا ومولاها اكيد ملازمش يعتمد عليها يشوف حاجة اخرى يسترزق منها
مي كاين ناس كيما قالو الاخوة قنوعين بزاف ممكن تكفيهم والله اعلم
تحياتي ليك حنونة
سلام

اهلا كارليتا

شكرا :regards01:

ربي يرزق كل واحد من الحلال

شكرا لمرورك غاليتي

:regards01::regards01:​