متقدرش

[بنفسج]

السلام عليكم

واش راكم اهل اللمة ان شاء الله تكونو بخير

كاين عباد بزاف مهمتهم انهم يطيحو المورال معرف والفو هادي العادة والا يحوسو ينشرو التعاسة
يشوفوك فرحان يقولولك قمتفرحش ويجبدولك الحوايج اللي تحزن
يشوفوك نجحت يقولولك عن حوايج انت فشلت فيهم من قبل
وادا شافوك ناوي على حاجة يقولولك متقدرش

اليوم استادة الانجليزية تحاورنا معاها وقلنالها رانا حابين نجيبو الباك بمعدلات مليحة يعني رانا متحمسين واش قالت
قالتلنا بالحرف الواحد متقدروش الباك صعيب عليكم بزاف طيحتلنا المورال للخر
يا شيخة حكينالك باه تشجعينا ماشي باه تقولينا متقدروش
يعني ارواحو وفهموني
علاش منقدرش
واش يستفادو هادو الاشخاص ادا طيحولك المرال :s
في البلدان المتطورة يشجعو الاجيال ويحمسوهم ويخلوهم يبنو احلام وطموحات
وحنا يشوفو عندك حلم ولا حماس يقتلوهلك
قولولي واش رايكم اهل اللمة
في انتضار ردودكم






سلام​

 

[Skor m@k]

رد: متقدرش

السلام عليكم
أهلا بيك ختي
والله غير صح منذاك تنوض صباح ربي تخدم ولا تقرا
تتلاقى بكاش واحد يفشلك
تقول لوكان غير كملتها برقدة ههههه
نشفا كي عام الباك وحد الشيخة تاع الشريعة كل يوم جوز للكلاصة
تقولنا ان شاء الله جيبوه وتشجعنا وطلعنا المورال
حتى تقول خلاص جبتو
مي كاين لي تقولو كيفاه هذيك الحاجا يرجعها جبل حتى تخاف تقرب منها
الله غالب كاين لي يحسد اوو كاين لي ميبغيش يدير الخير
لا بغا بالكلام
شكرا ليك ختي على المواضيع الجميلة
سلام​

 

[zohor kfz]

رد: متقدرش

لي يديرلك كيما هكذا معلبلكش كااااامل به ديري لنتي حابتو و سمع لي حبتونتي
و الي يهدر راه العام طوييييييييييييل

 

[حروف تائهة]

رد: متقدرش

و عليكم السلام
سبحان الله اختي كاين ناسات
ربي باليهم بالتشاؤم ما يتهنو
غير اذا قتلو للواحد موراله
اختي وسعي بالك و الكلام لي
ما يعجبكش اسمعيه من الاذن اليمنى
خرجيه من اليسرى
و مرسي على الموضوع.

 

[بنفسج]

رد: متقدرش

السلام عليكم
أهلا بيك ختي
والله غير صح منذاك تنوض صباح ربي تخدم ولا تقرا
تتلاقى بكاش واحد يفشلك
تقول لوكان غير كملتها برقدة ههههه
نشفا كي عام الباك وحد الشيخة تاع الشريعة كل يوم جوز للكلاصة
تقولنا ان شاء الله جيبوه وتشجعنا وطلعنا المورال
حتى تقول خلاص جبتو
مي كاين لي تقولو كيفاه هذيك الحاجا يرجعها جبل حتى تخاف تقرب منها
الله غالب كاين لي يحسد اوو كاين لي ميبغيش يدير الخير
لا بغا بالكلام
شكرا ليك ختي على المواضيع الجميلة
سلام​

وعليكم السلام
يا اهلا بك اخي مالك :yahoo01:
هههههه صح تكره حياتك منهم يفشلو كيما قلت
وين راه الاستاد اللي كيما نتاع الشريعة اللي حكيت عليه
ولينا نتمناو يخطونا برك ميطلعو ميهبطو المورال
تحياتي ليك اخي وشكرا على المرور العطر
سلام

 

[بنفسج]

رد: متقدرش

لي يديرلك كيما هكذا معلبلكش كااااامل به ديري لنتي حابتو و سمع لي حبتونتي
و الي يهدر راه العام طوييييييييييييل

اهلا بك غالتي زهور
شكرا على النصيحة واكيد مش رح ياثرو فيا
مي علاش يديرو هاك
تحياتي ليك :regards01:
سلام

 

[بنفسج]

رد: متقدرش

و عليكم السلام
سبحان الله اختي كاين ناسات
ربي باليهم بالتشاؤم ما يتهنو
غير اذا قتلو للواحد موراله
اختي وسعي بالك و الكلام لي
ما يعجبكش اسمعيه من الاذن اليمنى
خرجيه من اليسرى
و مرسي على الموضوع.

اهلا بالجميلة سوزي :regards01:
عندك الحق اختي ربي باليهم بالتشاؤم
شكرا على النصيحة انا عارفة غايتهم على هاك ميهمونيش
مي كنت حابة نعرف علتهم برك هه
تحياتي ليك حنونة
سلام

 

[رنيم الصمت]

رد: متقدرش

تقوليلي لافامي يقولو هاك وللا صحاباتك نقولك غايرين بالصح استاذة ؟؟ لاحول ولا قوة الا بالله
معناها هي اينشتاين لي جابت الباك ؟ بففف
انا على ها الكلمة ندير القلب و نجيب معدل كبير و ندير حفلة و نكبر البيلتان قد الحيط نعلقها و نديرها مع الدخلة و نعرضها نقولها الباك .. ماكان والو حتى حاجة حلوة صوف تحطيها في الفم تذوب وحدها ههههه
بالتوفيق ربي ينجحك ديري القلب و فرحينا في اللمة نديرولك حفلة زكارة اي
و النيفو طاح خلاص لا ثقافة لا دين ربي يجيبها زينة و خلاص

 

[بنفسج]

رد: متقدرش

تقوليلي لافامي يقولو هاك وللا صحاباتك نقولك غايرين بالصح استاذة ؟؟ لاحول ولا قوة الا بالله
معناها هي اينشتاين لي جابت الباك ؟ بففف
انا على ها الكلمة ندير القلب و نجيب معدل كبير و ندير حفلة و نكبر البيلتان قد الحيط نعلقها و نديرها مع الدخلة و نعرضها نقولها الباك .. ماكان والو حتى حاجة حلوة صوف تحطيها في الفم تذوب وحدها ههههه
بالتوفيق ربي ينجحك ديري القلب و فرحينا في اللمة نديرولك حفلة زكارة اي
و النيفو طاح خلاص لا ثقافة لا دين ربي يجيبها زينة و خلاص

اهلا اختي رنيم الصمت
ههه صح يمكن حاسبة روحها اينشتاين
ان شاء الله اختي ربي يفرحك كيما فرحتيني
ربي يحفضك حنونة امين
هادا العام الجاي باك وخوفتنا من درك
عندك الحق لا ثقافة لادين ربي يجيب الخير
شكرا غاليتي اسعدني ردك كثيرا
تحياتي لك

 

[¬Đỉaмơŋđ ✿]

رد: متقدرش

وعليكم السلام ورحمة الله وبركاته

تاع الصح كآين عبآد تقول مهمتهم فالدنيآ هاذي يهبطوا المورال للواحد يعني مآتحلالهمش يشوفو عبد مرتآح ومهنّي في رآسو لآزم ينكدّوا عليه !
الطآقة السلبيّة اللي فيهم يحبّوا ينشروها على النآس المحيطين بيهم وأكيد رآح يأثروا عليك ولو بنسبة 1%
ي أختي البآك ما صعيب ماوالو نتي ديري بالأسباب أقرآي وإجتهدي وديري واش يلزم عليك والباقي على ربي سبحانو،ربي يوفقك وإن شاء الله نفرحو بنجآحك هنا فاللمة ونديرولك زردة هههه
موفقة إن شاء الله
​

 

[بنفسج]

رد: متقدرش

وعليكم السلام ورحمة الله وبركاته

تاع الصح كآين عبآد تقول مهمتهم فالدنيآ هاذي يهبطوا المورال للواحد يعني مآتحلالهمش يشوفو عبد مرتآح ومهنّي في رآسو لآزم ينكدّوا عليه !
الطآقة السلبيّة اللي فيهم يحبّوا ينشروها على النآس المحيطين بيهم وأكيد رآح يأثروا عليك ولو بنسبة 1%
ي أختي البآك ما صعيب ماوالو نتي ديري بالأسباب أقرآي وإجتهدي وديري واش يلزم عليك والباقي على ربي سبحانو،ربي يوفقك وإن شاء الله نفرحو بنجآحك هنا فاللمة ونديرولك زردة هههه
موفقة إن شاء الله
​

اهلا بك اختي الغالية نورتي :regards01:
عندك الحق تقولي مهمتهم ينكدو على العبد ميهناوش يشوفو واحد مريح
شكرا غاليتي طلعتيلي المورال :$
انا العام الجاي باك مش السنة ربي يحفضك على النصائح ويجعلهم في ميزان حسناتك
امين
تحياتي لك حنونة :regards01:
سلام

 

[zohor kfz]

رد: متقدرش

اهلا بك غالتي زهور
شكرا على النصيحة واكيد مش رح ياثرو فيا
مي علاش يديرو هاك
تحياتي ليك :regards01:
سلام

كين لي يكونو عندهم عقد نفسية يخافو يجي يوم و توليو خير منهم من هذيك يحوسو يدمروكم بكلامهم
أما الانسان السوي لعادي اكيد انو يزرع الامل فلي قدامو

 

[بنفسج]

رد: متقدرش

كين لي يكونو عندهم عقد نفسية يخافو يجي يوم و توليو خير منهم من هذيك يحوسو يدمروكم بكلامهم
أما الانسان السوي لعادي اكيد انو يزرع الامل فلي قدامو

اهلا بك زهور
شكرا حنونة اقنعني كلامك :up:
بارك الله فيك غاليتي
تحياتي لك
سلام

 

[لؤلؤة قسنطينة]

رد: متقدرش

السلام عليكُم حبيبتي كارلا
ان شاء الله راكي لاباس؟
والله يا حبيبتي هادا واش يخلي نص احلامنا تروح غير من التشاؤم لي يبعتوهولك البشر
نشفى عليها قبل مدة شفت رسمة معبرة، تع شخص قاعد يبني والشعب تحتو يقولولو ماتبنيش راك تفشل
وماتطلعش درك تتأذى، وهو مكمل حتى بنى وحدو قداه من طاج ، وكي خلص حاطيني ملاحظة
بلي الانسان مايسمعش ^^، وهادا واش خلاه يوصل للهدف تاعو مادام ماش قاعد يستمع للناس
انا نقولك كي يكون عندك هدف ولا حلم عمرك لا تستسلمي، لازم تكملي حتى تحققيه
إلا اذا ربي ماش مكتبهولك، بصح تجربي وماتلحقيش احسن من ماديري والو و ماتلحقيش
اما هاد الاساتذة ربي يهديهم برك، من المفروض يديرو ربع ساعة توعوية يطلعو فيها المورال للطلبة
هوما لالا تلقايهم يقولوك عمرك ما تنجح ونتا ماش قادر والقراية صعيبة وووووو، انا نقولك
الباك مافيه والو اقراي تلقاي، كن وقت بكري كي كانت الجامعة مهجورة ومايدخلها حتى عبد والمخير يجيب
المعدل 11 و12 تما نقولك امل شوي ضعيف بصح درك ومع هاد المستوى، والله الباك ولا حاجة تافهة
اقراي برك وخلي الباقي على ربي سبحانو
بالتوفيق غاليتي
تقبلي مروري
​

 

[بنفسج]

رد: متقدرش

السلام عليكُم حبيبتي كارلا
ان شاء الله راكي لاباس؟
والله يا حبيبتي هادا واش يخلي نص احلامنا تروح غير من التشاؤم لي يبعتوهولك البشر
نشفى عليها قبل مدة شفت رسمة معبرة، تع شخص قاعد يبني والشعب تحتو يقولولو ماتبنيش راك تفشل
وماتطلعش درك تتأذى، وهو مكمل حتى بنى وحدو قداه من طاج ، وكي خلص حاطيني ملاحظة
بلي الانسان مايسمعش ^^، وهادا واش خلاه يوصل للهدف تاعو مادام ماش قاعد يستمع للناس
انا نقولك كي يكون عندك هدف ولا حلم عمرك لا تستسلمي، لازم تكملي حتى تحققيه
إلا اذا ربي ماش مكتبهولك، بصح تجربي وماتلحقيش احسن من ماديري والو و ماتلحقيش
اما هاد الاساتذة ربي يهديهم برك، من المفروض يديرو ربع ساعة توعوية يطلعو فيها المورال للطلبة
هوما لالا تلقايهم يقولوك عمرك ما تنجح ونتا ماش قادر والقراية صعيبة وووووو، انا نقولك
الباك مافيه والو اقراي تلقاي، كن وقت بكري كي كانت الجامعة مهجورة ومايدخلها حتى عبد والمخير يجيب
المعدل 11 و12 تما نقولك امل شوي ضعيف بصح درك ومع هاد المستوى، والله الباك ولا حاجة تافهة
اقراي برك وخلي الباقي على ربي سبحانو
بالتوفيق غاليتي
تقبلي مروري
​

وعليكم السلام
اهلا بالغالية والمبدعة مريم
انا الحمد لله السؤال عليك
يعطيك الصحة عجبني المثل للي قلتيه مع هادو العباد لازم تولي متسمعش باه توصل لهدفك
شكرا حنونة طلعتيلي المورال كعاد تك كلامك من دهب
تحياتي لك يا لؤلؤة المنتدى
سلام

 

[you crazy]

رد: متقدرش

اه واش راح نقلك
يا الحبيبة هادو الناس وين
تروحي تلقايهم ربي
يبعدهم علينا
:dunno01:

 

[خفيفة الروح]

رد: متقدرش

مشكوورة ختيتو

 

[عاشقة لندن]

رد: متقدرش

hhhhhh wllh ghiiir seh même ana darouhalii hed l 3em 9alouli lycée wa3ra 9reytou w surtout kii dertii science yaaay ana 9oulet 9 w manjibheche mais takhdii rayiii matassam3iiii l hâta wa7ed w kii tdiiri haja fii baleQ lazem toussli liiiha haka tanej7iii fi hyateQ w rebii ywaf9eQ fi l baQ dyaleQ w matkhafiiche rahou sahel raj3ii mliih w ad3ii rebii w koulii chiicola bzzzzzf :p w nchllh tjibih b 16 w njii nzagretleQ

 

[بنفسج]

رد: متقدرش

اه واش راح نقلك
يا الحبيبة هادو الناس وين
تروحي تلقايهم ربي
يبعدهم علينا
:dunno01:

عندك الحق حنونة
امين
شكرا لمرورك غاليتي :regards01:
تحياتي
سلام

 

[بنفسج]

رد: متقدرش

مشكوورة ختيتو

الشكر ليك غاليتي
نورتي
تحياتي لك
سلام