واش رايكم في المعدلات

[jiji la star]

السلام عليكم
مرحلا بكل الأولياء و الأساتذة عطلة سعيدة
بعد رحلة متعبة و فصل شاق اختُبر التلاميذ في دراستهم
كالعادة في الأخير تظهرالنتائج
أنت أيها الأب أنت أيتها الأم.أنتم الأساتذة ..هل أنتم راضون عنها ؟ ماهي أعلى المعدلات في قسمكم ؟ ماهو معدل أولادكم أيها الأولياء؟
كم هي نسبة المعدلات الجيدة؟ شاركونا بآرائكم
وإذا كان أولادكم سقطوا في هذه الفترة إلى ماذا يعود السبب في رأيكم؟؟؟
ماهي الطريقة التي تريدون تتبعها لتحسين مستواهم ؟؟؟
أريد أراءكم
موضوع للنقاش
والسلام عليكم ورحمة الله وبركاته​

 

[السلطانة]

رد: واش رايكم في المعدلات

وعليكم السلام
أهلا وسهلا بكِ أستاذة قبل كل شيء
أتمنى لكم عطلة سعيدة ان شاءالله ترتاحون فيها بعد تعب ثلاثي
بالنسبة لمعدلات البعض من عائلتي
لم تنل الرضا صراحة
والسبب يعود لترك الأولياء الحرية في استعمال النت
سواء بالحاسوب أو الهاتف
بالرغم من أنهم تلاميذ نجباء الا أن النت أثرت عليهم بشكل سلبي فقدوا تركيزهم

 

[jiji la star]

رد: واش رايكم في المعدلات

يعطيك الصحة ساندي هذي ظاهرة يليقلها موضوع وحده على خاطر مرات نكون نكونيكتي نلقاهم على2 تاع الصباح يكونكتو يقولو لوالديهم رانا نراجعو وغدوا عدهم فرض من وينتا كنا نراجعو بالنت نسحقوه صح مشي نحفظو بيه
شكرا لردك

 

[السلطانة]

رد: واش رايكم في المعدلات

يعطيك الصحة ساندي هذي ظاهرة يليقلها موضوع وحده على خاطر مرات نكون نكونيكتي نلقاهم على تاع الصباح يكونكتو يقولو لوالديهم رانا نراجعو وغدوا عدهم فرض من وينتا كنا نراجعو بالنت نسحقوه صح مشي نحفظو بيه
شكرا لردك

يتحججون بأعذار واهمة
هذا الفايس بووك حطّمهم
حتى الممتاز صار مدمن عليه
تصوري حتى أصحاب المعدل 17 و18
تذبذبو ل16 و15 بسبب هذا الفايس بووك والمشكل حين تقومين بالنصح والارشاد لايأبهون
وخاصة الأولياء يتساءلون عن سبب تدهور أولادهم لكن حين تنبه عليهم بمنعهم من استعمال الهاتف واللاب توب يتركونهم يسهرون للصباح

 

[الحلم الوردي]

رد: واش رايكم في المعدلات

الســـلآم عليكي
عطلة سعيدة اختي لكي
الثلاثي الاول بالنسبة للاختي تفوت البيام
معدلها 17
هو مليح بالنسبة للمستوى الرابعة متوسط
ولكنها ليست راضية
تقوللنا توجور نقرا وماتريحش خلاص
انا توجور نقوللها هو معدل مليح
باسكو موالفة تجيب فوق 18
مي الحمد لله اختي واعية على روحها
وراهي غير مع الفراية وعلبالها بلي مكاش قد الي يجتهد
ماشي غير تقعدي وتقولي علاش ماجبتش وتبدى تلوم في روحها
مام هي مقسمة وقتها بين القراية وحوايج اخرين
اتمنى لها كل التوفيق سيغتو في البيام
كل الشكر لكي اختي
وبارك الله فيكي
​

 

[آمِيْرَتُه]

رد: واش رايكم في المعدلات

السلام عليك
موضوع حقا يستحق النقاش
مشكورة على طرحه
راح نتكلملك عن عائلتي بنت آختي تراجعت بعض الشيء عندها هذا العام البيام العام لي فات باه انتقلت للسنة الرابعة متوسط جابت 19.50 و هو آعلى معدل وصلت ليه في مشوارها الدراسي كانت تجيب 19 بصح الفاصلة ناقصة و هذا العام جابت 18.25 و هي غير راضية بذلك المشكل مش في النت لان استعمالها ممنوع في البيت ليها إلا إذا حتاجت باه تقرا حوسنا عن السبب لي خلاها تتراجع قاتلنا الفوضى ديما في القسم و مستوى بعض الأساتذة حدث و لا حرج و الله أعلم و لكن عندها آختها تقرا شعبة رياضيات كانت تجيب 16 و هذا العام جابت 12 قاتلنا الشعبة موالمتنيش و صعيبة بزاف بصح حنا نشوفو العكس بانتلي النت هي لي لهتها على القراية
و ربي يوفق الجميع

 

[jiji la star]

رد: واش رايكم في المعدلات

ربي يوفقهم ويهديهم ونفيقو الأولياء بالرقابة اللازمة