افيدوني اخوتي...

[متواضع لله]

انا ادرس تانوي
عندي مشكلة الا وهي خجل زايد يعني انانحشم من الاساتذة حتى كعيطولي مننطقش
فالكلاسة منشاركش
ومنقدرش نهدر مع دراري وج فالوج
يعني كنعود نمشي نغطي. وجهي نحشم ناكل مطعم مقابل دراري نحشم نهدر مع طفل يدرس معايا نحشم نرد عطفل كيهدر معايا مثلا اليوم تلاقاني زميلي من الابتدائي قالي افلانة لاباس مقدرتش رد بقا يتعجب جاته نش
ونحشم نهدر مع جيرانا كنتلاقة نساء نحشم نهدر معاهم ولا نشاركهم كلام..وانا كبرت واش الحل...هنا راني نكتب علاه محشمتش...
اوسي نخاف عسمعتي بزاف ونكره دراري يخزرولي علاهيك يسموني معقدة
واش الحل يعني طبيب نفسي.....

 

[sahiko hamza]

رد: افيدوني اخوتي...

وعليكم السلام ورحمة الله


احسن شيء فالفتات هو الحشمة بصح ماشي المبالغة فيها
تحشمي تهدري مع الاولاد هذي طبيعة هايلة لكن باه ماتهدريش لانك تحشمي لا


تحشمي تهدري مع النساء هذي بزاف
الاساتذة تحشمي منهم هنا راح تعبي روحك


نصيحة في الله

حاولي تبعي صديقة ذات خلق حسن وتتكلمي معاها ومع صحباتها
ماننصحكش بالاولاد لكن حاولي تاع كلمة وقص

نتمنى اني راني افدتك ولو بالقليل لكن اكيد خواتاتي مارحش يبخلوا عليك عليك ..



​

 

[وسيم عقل و زين]

رد: افيدوني اخوتي...

كلامك خويا صحيح

 

[نبض الحياة]

رد: افيدوني اخوتي...

السلام عليكم ورحمة الله وبركاته
اختي الكريمة
والله حاجة مليحة الحشمة
لكن وفق حدود
لانو هاد الشي يخليك تنعزلي عن الناس
حاولي تتاقلمي مع المجتمع وتخالطي الناس
وتكون عندك شخصية لانو مستقبلا تضطري للتعامل وحدك مع افراد المجتمع
برك جربي بالشوية بالشوية وان شاء الله ينحلك المشكل
ربي يحميك حبووبتي

 

[متواضع لله]

رد: افيدوني اخوتي...

شكرا لردودكم

.....

 

[ÇhiiNouiia Chikola]

رد: افيدوني اخوتي...

صدقيني هكا احسن المجتمع لازملك ديما تحشمي و اذا نهار حكيتي معا واحد ولا وحدة و قدرتيها ضعتي لانو ميفهموش شعبنا مش راح يرتقي حاولي تقوي شخصيتك هذا ماكان تخيلي روحك غير نتي و الستاذ و قبل كلشي personne ni parfait
املا متحشمي من حتى استاذ اما التلاميذ متقيميش مش تحشمي اوكي bizouو متثيقي في حتى وحدة كوني عالمك لوحدك حد ميستاهل

 

[السلطانة]

رد: افيدوني اخوتي...

وعليكم السلام
ان شاء الله تبقاي محافظة على روحك الحشمة من الدراري مليحة

فقط حاولي تتخلصي منها وعودي تناقشي مع البنات وروحي مع امك للمناسبات وحاولي تندمجي مع النساء والبنات واحكي معاهم

 

[عابرة ألم]

رد: افيدوني اخوتي...

السلام عليك
وعلاش متروحيش لطبيب نفسي الاصحتلك روحي ورجعي ابثقة في نفسك
لكتبي نقاط ضعفك. وحاولي تتخلصي منها وركزي على نقاط الثوة
نصيحة متخليش روحك هكدا الدنيا. صعيبة يبليقلك دراع ولسان وما. نعرف لاتسلكيها.
راه جايك زواج ةدراري وخدمة والمجتمع الوان في التعامل
بالتوفيق

 

[خفيفة الروح]

رد: افيدوني اخوتي...

راكي مبالغة في الحشمة

 

[la lune rose]

رد: افيدوني اخوتي...

اختي الحشمة حاجة عادية لكن تخافي تتحولك للرهاب الاجتماعي وهنا المشكل حاولي تتحداي الخجل تاعك انتي الوحيدة الي تقدري تعالجي نفسك
انا مثلك خجولة وصوتي منخفض ودائما خدودي حمرا لدرجة كان استادي يناديني الحميراء
وما نتعاملش بزاف مع الجنس الاخر
لكن بالمقابل نتكلم مع الاساتدة عادي ونستفسر ونتعامل اجتماعيا مع الاخرين وما نسمحش في حقي ونعبر على رايي
كاين فرق بين الحياء الي هو صفة حسنة وبين انك تكون عندك مشكلة في الاندماج بمحيطك الخارجي
لازم تكون عندك ثقة في النفس وتحاولي تواجهي مخاوفك مثلا غدوا رفعي صوتك لما يناديك الاستاد في قائمة الحضور حتى ولو انحرجتي استفسري ادا ما فهمتيش كانك تدرسي وحدك في القسم ما دريش اعتبار للاخريين حسب ما فهمت فارضة على نفسك قيود ومعتبر ان الاخرين دايرينك تحت المراقبة بينما الواقع عكس دلك تماما
حاولي تندامجي مع قريباتك الي في مثل سنك
راح مع الوقت تتخلصي من هدا الخجل زايد على اللزوم خاصة لما تجبرك الضروف انك تتعتامدي على نفسك حضري المناسبات العائلية الي يكون فيها ناس بزاف وتصرفي عادي بمعنى حطي نفسك في مواقف تجبرك انك تفرضي نفسك حتى ولو انك انزعجتي مع الوقت راح تعتادي
لان المواجهة في حالتك احسن طريقة للعلاج
اما بالنسبة لتعاملك مع الجنس الاخر ما تحاوليش تبالغي فيه وتتخيلي روحك بلي معقدة وغير طبيعية بالعكس المراة لازم تكون شوية رسمية فتعاملها مع الدكور وما تزيدش بزاف معاهم في الهدرة
قال الله تعالى (فلا تخضعن بالقول فيطمع الذي في قلبه مرض)
وهو خطاب موجه لامهات المسلمين بان كلامهم في حضرة غير المحارم لا يكون لين ليطمع فيهن ضعيف الايمان
فمابالك بنحن لي التزامنا على قدنا
ديري في بالك بلي انتي افضل مخلوق خلقه الله تعالى ورزقك بعقل وسمع وبصر وجمال وشخصية وعندك هدف في هده الحياة وانك مش امعة ولا حاجة جات بش تعيش وتموت ولازم تكون عندك ثقة بنفسك وتقديرك الداتي يكون عالي هكا تقدري انك تتجاوزي الخجل الزايد اختي
ربي معاك

 

[قيس محمد]

رد: افيدوني اخوتي...

الحشمة مليحة لكن ليها حدود

 

[دعاء الجنات]

رد: افيدوني اخوتي...

حبيبتي مانطولش عليك نعطيك زوج نقاط برك وانت حليهوم وحدك
النقطة الأولى كاين فرق بين الحشمة والخجل ...الحشمة حاجة مليحة وطبيعية خاصة في الفتاة لكن الخجل كان يقولها استاذي بكري مازالت في راسي "إن الخجل في الشرع مذموم" يعني هاذيك الحشمة الزايدة لي ماتقدري تقراي ولا تعيشي
النقطة الثانية حافظي على الحياء وخطيك من الخجل الزايد وذلك ب...(إن الله لا يغير مابقوم حتى يغيروا ما بأنفسهم) انت تقدري تبدلي روحك
وفي النهاية ماتروحي لا طبيب لا والو انت طبيبة روحك.