مشكلتي كبيرة

I

inasinou

:: عضو منتسِب ::
إنضم
20 ديسمبر 2015
المشاركات
4
نقاط التفاعل
16
النقاط
3
حبيت نحكي حكايتي. حابتكوم تعاونوني
انا متزوجة وعندي 2اولاد صغار
كونت عايشا لابس عليا مع راجلي.بصح كي جبت ابني 1تبدلت حياتي. مشكلتي انو راجلي زاني كول مرة نحكم عليه حاجة ونسامحو بصح مع لوقت ولا مايحترمنيش ويقولي راني ندير فلحرام ونورمال.كرهت حياتي مالقيت واش ندير مع العلم انني مانقدرش نطلق دارنا مايقبلونيش لخاطر ديتو سيف عليهم
 
رد: مشكلتي كبيرة

وعليكم السلام ورحمة الله


يا الاخت كاين حرام من حرام وضحي ارجوك .
​
 
رد: مشكلتي كبيرة

حاولي تنصحيه
و حاولي تحسني طريقة تعامل تاعك معاه
لأنو لو كان جيتي مليحة معاه جامي يشوف غيرك
 
رد: مشكلتي كبيرة

السلام عليك
قولينا هذا الحرام لي راه يدير فيه باه يعرفو كيفاش ينصحوك لان كاين حرام تقدري تنصحيه و كاين حرام من سابع المستحيلات تكملي حياتك معاه حتى و داركم ميقبلوش وضحي اكثر
 
رد: مشكلتي كبيرة

السلام عليكم أختي وربي يفرج ان شاء الله وربي يعدل احوالك
اما بعد، ربما النصيحة في مثل هاد الامور تتطلب شخص عندو علم ويعرف للدين باه يقولك اذا تقدري
تقعدي مع شخص زاني وإلا لالا، يعني الامور هادي نخليوها لناسها
ولكن حبيت برك نقولك حاجة ونتمنى تسامحيني ولكن كن ماجيتيش غايضتني حالتك مانقولكش هكا،
صراحة هنا نتي لي غالطة، أولا علاه فضلتي تبعي شخص لي تعرفتي عليه من سنوات قليلة
ورميتي راي والديك لي كبروك وتعبو عليك، الحب صدقيني ماعندو وين يلحقك بلا رضاية الوالدين،
وحالتك خير دليل وهادي نصيحة للبنات لي ماتبعش راي والديها وتروح تخير شخص بالسيف عليهم،
صدقوني راي الوالدين عمرو لا ياذيك ولا يسببلك ضرر، نتزوج بواحد ماش راضية بيه وراضيين عليه والديا
خير ما نتزوج بواحد راضية عليه ووالديا لالا، خاطر الزواج الاول تلقى فيه البركة
يعني شوفي في الاخير لي رفضوه والديك واش خرج ولي خيرتيه واش خرج ، كن على الاقل تلقاي والديك
في جنبك ، على كل حال انا هاد الكلام ماش باه نقيسك انا من خوفي وغيرتي عليك وعلى باقي البنات
لي نقول هكا، المهم نتي حاولي بالدعاء باه ربي يصلحلك هاد الزوج لربما يبعد على طريق الحرام ويولي لطريق ربي
وحاولي تتكلمي مع والديك لأنو ماشكيتش الوالدين يخليو بنتهم في محنة، اما باه تقعدي مع زوجك وإلا لا
هادي مانقدرش نفتيلك فيها، ربي يفرج عليك حبيبتي وربي يوفقك في زواجك ويهنيك واتقربي لربي وما يكون غير
الخير ان شاء الله
تحياتي​
 
رد: مشكلتي كبيرة

السلام عليكم
والله ماني عارفة واش نقول هيا غلطتك في الاساس والديك اكيد كان شفولك فيه صلاح ميرفضوهش وانتي ديتيه بالسيف فلازم تتحملي نتائج غلطتك
مانيش رح نزيد نعاتبك كثر نقولك حاولي معاه انصحيه دكريه بعقاب ربي و الامراض المعدية اللي تجي من الزنى كالايدز او ادا كان عاقل خيريه ياهوا واولادو يالزنى اما ادا كان خاطي الطريق فاصبري على جال ولادك واحتسبي الاجر من الله ادا كانو والديك رافضينك قطعا او كيما قالت لؤلؤة حاولي تراسلي والديك لانهم في الاخير اهلك ومش رح يشوفوك هاك ويفرطو فيك والله يا اختي ربي يعينك ويسهلك امورك واسمحيلي لجرحتك و في الاخير لازم تشوفي امام يفتيلك فيها
تقبلي مروري
سلام
 
رد: مشكلتي كبيرة

شوفي اختي كان عندي نفس المشكل انتاعك كنت نبقى نبكى غير وحدي ونشكي غير لربي ونطلبله الهداية حتى جا النهار الي تاب فيه واصبح فيه من الذاكرين وحفضة كتاب الله اطلبيله الهداية برك ومن قلبك
 
رد: مشكلتي كبيرة

ربي يفرج عليك
اختي كيما قالولك الأعضاء قبلي لازمك تعرفي وش هو السبب اللي خلاه يتبع الطريق هادي
فإذا عرف السبب بطل العجب
احكي مع اهلو بما انو اهلك متقدريش تلجئي ليهم لأنهم أولا وأخيرا رايحين يقولك تخيارة يديك
ايضا رهبيه من مخاطر العلاقات غير الشرعية والأمراض اللي تنتج عنها والفضائح
وقبل كل شيء اتجهي لربي وادعيلو بالهداية والرجوع للطريق الصواب
 
رد: مشكلتي كبيرة

ربي يغفرلو يهديه ويسخرولك
وتفرج باذن الله
​
 
رد: مشكلتي كبيرة

كما ان هناك اشياء تنفر منهم الزوجة هناك اشياء ينفر منهم الزوج ، الفرق هو ان المرأة تستطيع التحمل و التعايش مع الحالة،اما الرجل فقدرته على التحمل اقل من المرأة في بعض الامور الحساسة ، اكثري من الصلاة و الدعاء ن و حاولي ان تغيري بعض الامور من حياتك لانالله يقول ( لا يغير الله ما بقوم حتى يغيرو ما بانفسهم ) و الله اعلم و اعانك الله علة ما انت فيه
 
رد: مشكلتي كبيرة

السلام عليكم اختي
..الزاني لا ينكح إلا زانية أو مشركة
وحُرم ذلك على المؤمنين
يا أختي لوكان جيت مكانك وقال لي راني زاني والله مانزيد معاه دقيقة... هل راكي في غرظك؟ وين راهي كرامتك؟
مارانيش نخرب في دارك لأنها أصلا مخروبة ؛ حاولي معاه واذا تأكدتي أنو ماراحش يبطل مايجوزش تكملي معاه الحياة وماتقوليش عايلتي مايقبلونيش..... وربي وين راه؟ يعني راح يظيعك؟ والله مايظعك ويبدلك زوج احسن منو
ننصحك اختي تكثري الإستغفار هاذ الأيام 1000 مرة في النهار والله فيها ثمار عجيبة ومجربة
وربي يفرج عليك
 
رد: مشكلتي كبيرة

أنا لوكان جيت بلاستك ولله نديرلو الرهج فالماكلة و نتهنّ منّو.
بقالك غير طلاق و والديك بسيف عليهم يقبلو ماشي في وجهك مي في وجه أولآدك
ربي وكيلو
 
رد: مشكلتي كبيرة

السلام عليكم أولا أختي ربي إن شاء الله يفرج عليك والأمور تولي خير ملي كانت و دوكا كي سرات المشكلة ماينفعش الندم ولا كلمة لو ولو على خاطر راهي تفتح باب للشيطان نحاولو نحلو المشكلة بطريقة عقلانية صح ممكن الإنسان يتخد قرارات غير صحيحة في حياتو في حالات معينة بدافع العاطفة وإعتمادا على الظروف اللي يكون عايش فيها بالصح رانا كامل بشر وكامل معرضين للخطأ وفي حالتك أختي حاولي تهدري مع الزوج ديالك بالحسنى وكثري من الدعاء والصلاة خاطر الله سبحانو هو اللي في يديه مفاتيح الفرج وخمي في وليدك قبل ما تطلبي الطلاق ممكن الأمور تتصلح بيناتكم وصبرا جميلا أختي إن شاء الله القادم أجمل تقبلي مروري مع تحياتي :regards01: ​
 
رد: مشكلتي كبيرة

ربي يفرج عليك
اختي كيما قالولك الأعضاء قبلي لازمك تعرفي وش هو السبب اللي خلاه يتبع الطريق هادي
فإذا عرف السبب بطل العجب
شكرا على الإجابة نعم اضن ان هناك سبب إن لم يكن اسباب
 
رد: مشكلتي كبيرة

السلام عليكم...
فرج الله همك اخيتي حبيت نقلك شئ واحد مايقدر يعطيك الحل غير نفسك لانك انتي اللي عايشة التجربة ومهما تشابهت التجارب راح تختلف باختلاف الاشخاص وقدرتهم على التحمل اوالصبر او حتى التصرف في الامور
اولا بعض الرجال في مجتمعاتنا تشوف باللي كاين شئ حلال للراجل حرام على المراة
ومنها اباحوا كل شئ ليهم فقط لانهم رجال والدليل ان زوجك اعترفلك بالامر واكثر من مرة فهناك انواع للخيانة ودرجات كاين اللي تلقايه يتكلم في الهاتف او الفايس ....وغيرهم لكن لا يتعدى الخيانة الكلامية وكاين اللي يتعداها لعلاقات غير شرعية وهنا لازم الزوجة تكون حكيمة وتخمم بعقلانية باه تحافظ على بيتها وتنظر للاسباب اللي خلاتوا يخونها لانوا مش دايما السبب في الرجل فقادر - واسمحيلي هنا - تكون الزوجة مقصرة في واجباتها و مش موفرتلوا الاهتمام او المتطلبات نتاعوا هنا لازم تراجع حساباتها و واش خلاه يشوف لغيرها ولا واش الشئ اللي ناقصها وموجود برا...
هذا كلوا باه تخلي مسؤوليتها وترضي ضميرها وتحافظ على بيتها لكن اذا تعدى الامر هذا الشئ ولقاتوا فيه طبع الخيانة يسري في دموا فمحال تعدلوا ةهنا لازمك تشوفي انتي وكرامتك تسمح للعشرة معاه ولا لا...
اكثري من الدعاء والصلاة وحاولي تغيري من طبعك وتعاملك معاه فالاكيد ان المعاملة الحسنى تكسب القلوب
ربي يهدي سرك ويسعدك انشالله
اسفة ع الاطالة
 
رد: مشكلتي كبيرة

الحل الوحيد هو ان تتجهي إلى الواحد الأحد هو الوحيد الذي سيحل مشكلتك أكثري من الدعاء لزوجك بالهداية خاصة في جوف الليل وسترين النتيجة
 
يجب عليك تسجيل الدخول أو التسجيل للرد هنا.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top