سيطرة زوجي

[الم الحياة]

يسيطر علي فانا لااحضر حفلات زفاف ولا ختان ولااي مناسبة الا الاعياد او الجنايز ووصل به الامر لمنعي من زيارة اهلي في العطلةمع العلم انه لا يمنعني من الخروج للتسوق

 

[بنت الـ25]

رد: سيطرة زوجي

السلام عليكم اختي
ابزاف رجال يحبو يبينو رجولتهم بهاد الطريقة وهي طريقة غلط
ولكن : هل قعدتي معاه وسقسيتيه علاش يمنعك من صلة الرحم؟ وضحيلو ان قطع الرحم من الكبائر وربي رح يحاسبو عليها
كيما قطعلك رحمك رح يجي نهار وينقطع عنو اهلو وابناؤو فكما تدين تدان
وربي يفرج عليك

 

[خفيفة الروح]

رد: سيطرة زوجي

بلاك حاب يبين رجوليتو كي راه يدير هكا سيي تعرفي علاه

 

[الم الحياة]

رد: سيطرة زوجي

هو يحتج بلي غادي نضيع وقت اولادي لانهم يدرسوا القران وكي يروحو معايا يخسروا

 

[louloulilou]

رد: سيطرة زوجي

ربي يكون معاك و يطوعهولك ان شاء الله

 

[عصام ابو عماد]

رد: سيطرة زوجي

لأنه يعرف المفاسد نتاع الاعراس و واش يكون فيها من تخلاط و يكونو فيها بزززاف ناس فاسدين
انا راهي صيرتلي كل ما تروح الزوجة للعرس و لا مناسبة عامة ترجع مبدلة و الاولاد يرجعوا مرضة يا لطيف
خاصة اذا كان فيه الغناء و الامور المحرمة
و نزيد نعطيلك معلومة المرأة المتزوجة كي تروح للعرس و لا مناسبة تتلاق مع بنات بزززاف يسبولها مشاكل خاصة مع زوجها
و أمر آخر رانا بزززززاف نشوفوا ناس يصوروا في لعراس خفية و بلا ما يحاشيوا الي ماهمش حابين يصورو ا

 

[الم الحياة]

رد: سيطرة زوجي

انا ما رانيش معتارضة على الاعراس والمزاسبات بصحانا نروح لدارنا غير في العطل لانهم بعاد شويا يعني لازم يحسن عوني وعلى فكرة عمري ما لمته ساكته وصاي لاني عارفي اجري عند ربي

 

[بنقابي افتخر]

رد: سيطرة زوجي

اختي في الله نرجع ونقولك
حاولي يكون عندك شخصيه
لان الشخصيه في المرأه هي كل شيء
انت سايريه بس لأشياء للتطلب المسايره
لان حالتك هادي تسمى بالعبوديه
والعبوديه تكون لله فقط
واما عن الاعراس والافراح
الا كان شيء يرضي الله اكيد معاه حق
ولا كان بامور دنياويه يعني تافهه وليس لها معنى سوى حب السيطرة على الشخص وكبس انفاسه فلا اوفقه على ذالك
ويتطلب الامر الوقوف للند
لذا حبيبتي حاولي انت يعني زوجك واكيد تعرفي نقاطو القويه والضعيفه
ربي معاك
الله المستعان

 

[الم الحياة]

رد: سيطرة زوجي

اناشخصيتي ملغاة معه واذا تكلمت يسمعني ما يجرحني ولا احب الشجار امام اولادي

 

[Salam Fleur]

رد: سيطرة زوجي

السلام عليكم

شخصيتك ملغاة

وين كنتي هذا سنين ...علاه خليتي روحك توصلي لهاذ المواصيل بحيث انه ماعندك حتى راي ؟؟؟ سمحيلي اختي نعاتبك لانه درتيها بيديك ... يعني هاذي رجولية هو انه يدير هكذا معاك ؟؟؟ .... راكي شريكة حياته ماراكيش حجرة ساكنة في الدار او راكي خديمة عنده .... راكي انسان ...وهو مادام وصل هكذا يعني انتي خليتيلوا الفرصة .......

الحل ::: اولا واهم حاجة انك تدعي ربي سبحانه يصلح امورك معاه و ثانيا حاولي تبني شخصيتك حوسي تعطي رايك و تفرضيه طبعا بالحسنى لانه لو تديري العكس رايحة ترجع عليك بالشوية بداي بامور بسيطة .... ثانيا انت راكي مادة حياتك كامل ليه ولاولادك و نسيتي روحك لازم تعاودي تهتمي بنفسك و بشكلك خصوصا ... حتى لو كنت ماديا مش مليحة تقدري بابسط الاشياء ترجعي اميرة ... رايحة تقولي شوفو المهبولة هاذي واش راهي تقول ... انا راني ننصحك في حاجة بزااف ماراهومش يتولهوا ليها ...الزمن راه اختلف ... و عقلية زمان تاع المراة راهي كائن ماعنده راي ماعنده شخصية تاني راهي راحت ... عقليات جابها العرف ماشي الدين ......

بدلي من روحك و حوسي تحسسيه انه ماراهوش هو مركز الكون و عطي قيمة لنفسك لانه اي واحد موحال يقيم انسان ماممقيمش روحو اصلا

و ناكدلك على الدعاء و الصدقة .... في كل حاجة تديريها ادعي ربي يوفقك فيها ... و ماتسنايش بزاااف غير بداي من دركة .. تو كلي على ربي و بداي و ربي يعينك ​

 

[الم الحياة]

رد: سيطرة زوجي

اليوم كي سقسا الاولاد وقالوله ماما بطلت ما غاديش تروح عيطلي وقالي ماشي وحدك ديسيدي لا تروحي ولا ما تروحيش والله ما فهمته مع انو عشرة15 عام

 

[نبض الحياة]

رد: سيطرة زوجي

السلام عليكم ورحمة الله وبركاته
ربي يفرج عليك غاليتي
برك حاولي تتناقشي معاه في الموضوع
وتفهمي منه علاه راه يعمل هاك
ربي يقوييك ختي وربي معااك

 

[الم الحياة]

رد: سيطرة زوجي

انا زوجي خشين وعنيد ما خصش انت الي تدي لديسيسون يليق هو الي يقولك شتا ديري والله لبعض المرات نبقي نضحك لانو في النهاية يوافق بلا ماناقشه

 

[anaskhiro]

يسيطر علي فانا لااحضر حفلات زفاف ولا ختان ولااي مناسبة الا الاعياد او الجنايز ووصل به الامر لمنعي من زيارة اهلي في العطلةمع العلم انه لا يمنعني من الخروج للتسوق

rajlek 3andou el haq ghir fi anou maykhalikche tchoufi ahlek hada machi normal.....mais hadi ta3 ikhalik trouhi souq wahdek hadi tani machi noraml

 

[محمد التبسي]

يبدولي زوجك متناقض كيف يتركك تذهبين للسوق بمفردك ولا ياخذك لزيارة اهلك؟؟
كم هي المدة التي لا ترين فيها أهلك؟؟​

 

[فيتامين سي]

موضوع في 2015 ........هههههههههه تكون حلت مشكلتها
3 سنوات