فارق السن

[مشكلتي]

اسمحولي معرفتش كيفاه ندخل لقسم مشكلتي ان شاء الله تقدروو تنقلوه للقسم المناسب
حبيت نستشريكم في حاجة الا ممكن انا في عمري 30 سنة وخطبني واحد 27 سنة
هو من ناحية الاخلاق مليح و كي سقسينا عليه تاني مليح
بقاتلي غير هاذي الحاجة
قولولي نقبل حتى الا كان فارق السن و لا مكان لاه
شكرا

 

[جيهان جوجو]

رد: فارق السن

السلام عليكم اختي ربي يتمم على خير اقبيلي بيه لان قلتي الاخلاق والاخلاق مهمة جدا في الحياة الزوجية واصلا فارق السن 3 سنين ماشي يااااااسر لهذا ننصحك تقبلي وربي يوفق
تقبلي مروري

في امان الله
​

 

[بقايا إنسان]

رد: فارق السن

سلام الله عليكم ورحمة الله وبركاته وبعد:أختي الكريمة لا أرى فارقا في السن بينكما حتى يغشيكي حرج منه
ألف مبارك لكما
توكلي على الله وكوني له زوجة وأما وأختا وصاحبة

 

[إلياس]

رد: فارق السن

ألف مبارك لكما
توكلي على الله وكوني له زوجة وأما وأختا وصاحبة

 

[لؤلؤة قسنطينة]

رد: فارق السن

السلام عليكم اختي
صراحة انا نوافق الاخوة قبلي الزواج اساسو مودة ومحبة وتفاهم وتعاون بين الزوجين
واصلا مادام الشاب خطبك يسمى من المفروض ماتسأليش على فارق السن، يعني مادام هو راضي باه زوجتو
تكون اكتر منو بـ 3 سنوات يعني نتي علاه تتقلقي؟ خاطر الرجل لي من المفروض موضوع السن يكون مشكلة بالنسبة ليه
لكن مادامو راضي بيك وحاب يتزوج بيك على سنة الله ورسوله ونتي عاجبك وراضية بيه وبأخلاقو مالا غير
اتوكلي على ربي سبحانو، الاخلاق هي كلشي حبيبتي ، لأنو لما يكون انسان صالح وطيب وحدو يعرف قيمة المرأة
لكن بالمقابل لازم تباني في عينو دائما الطفلة المدللة حتى ولو اكتر منو بالسن، خلي نفسك دائما منورة، اخطفيلو قلبو
بالمعاملة الحسنة ، عاملي والديه وعايلتو بمعاملة طيبة، كوني ليه سند ، تخليه يشوفك اجمل واروع نساء الارض وينسى
امر السن خلاص ، اصلا ماش السن هو اساس الزواج، كي تديه اكتر منك وهو مايصلي ما مربي ما يحترم والديه واش ديري بيه؟
وانا عندي واحد من العائلة متزوج بوحدة اكتر منو سنان صدقيني كل واحد في العائلة يسخف يعيش كيفهم، مع انهم قاريين
ومثقفين وعندهم افضل المراكز، وزواجهم دام عليه 20 سنة صدقيني تقول عدا عليهم عام فقط، خاطر متفاهمين وعايشين
حياتهم على اساس زوجين وعلى اساس راهم امام تكوين اسرة ماش باه يراقبو سن بعضاهم ولا يعايرو بعضاهم
مالا يا ختي زيدي صلي صلاة الاستخارة، واذا الانسان هادا انسان تاع خير اتوكلي على ربي وروحي لدارك وماتحطيش
في بالك، وربي يوفقك ان شاء الله ويهنيك ويتمملك على خير
تحياتي​

 

[الزهرة الحمراء]

رد: فارق السن

السلام عليكم اختي
مادامك قلتي صاحب اخلاق ومؤدب وماعندو مايخصو انا نقولك اتوكلي على ربي وصلي صلاة الاستخارة وربي بإذن الله رايح يوجهك للطريق الصحيح
مجرد راي فقط احتي هاذي تع فارق السن بين المرأة والرجل وانو المرأة مالزمش تكون كبيرة على الرجل تفاهة عقدها المجتمع تاعنا حتى رجعوها عيب وماتصحش والحقيقة عكس ذلك
لانو لوكان كانت ماتصحش هاذ الخطوة مايقدمش عليها احسن خلق الله محمد صلى الله عليه وسلم
وعفسة خلاف ماكانش بزاف فارق السن بيناتكم يعني اتوكلي واستخيري الله عزوجل
ان شاء الله نسمعو عليك غير الخير

 

[فارس الروح]

رد: فارق السن

نصيحة مني ليك اتوكلي على اتلله وتزوجي بيه
العمر يقاس بالعقول
تلقايهم عمرهم 50 س وصغار في عقلية وتلقايهم صغار في سن وكبار في عقلية
وانت قلت اخلاقو مليحة ولباس عليه
يعي رجل مناسب ليك........ والدليل رسولنا محمد صلى الله عليه وسلم تزوج خديجة وهي اكبر بكثثير

ربي يحققلك ما تتمني
وصلي صلاة الاستخارة لا تنسي ذلك

 

[rycerz]

رد: فارق السن

تحية ...

ليكن في علمك أن هناك بعض الرجال يفضلون المرأة التي تكبره في السن .. هكذا .. لأنه يركن و يستريح مع واحدة يحس أنها ناضجة .. فأن تكبره في السن فذلك لا يهمه أبدا .. أيضا عندما تعجبه و يكون إنجذاب و يرغب فيها ( ... ) إنتهى الأمر بالنسبة له فقد إختار و عموما تجده شخص فاهم و يقدر الأمور فيعرف أن تلك هي التي تصلح به .. في الغالب هذا شخص جاد (إن لم يكن سبب آخر ، فالبعض يكون طمعا في شيء كالمال .... ) .. لكن هنا أنت أعلم بحالك ... لا ترفضي إن رأيت فيه شخصا جادا لأن هناك فعلا من لا يريد الصغيرات لأنه يرى أنهن غالبا غير ناضجات و غير مستعدّات لتحمل المسؤولية .. هذا ممكن باغي وحدة تهنّيه من وجع الراس.

ملاحظة : في جانب الطبيعة الإنسانية (نفسيا) يقال أن المرأة عموما عندما تصل إلى عمر 30 سنة فإنها تصبح بكفاءة الرجل من ناحية الثقة بالنفس و النضج العقلي (و التحرر النفسي) .. و لهذا أنبهك أن لا تنسي أنه هو الرجل القوّام .. فإن كنت كما ذكرت (بمستوى رجل من الناحية العقلية و ..) عليك أن تقفي إلى جانبه حتّى يصبح عش الزوجية بقوة رجلين متحالفين ... و صدقيني أنه في الغالب يبحث على إمرأة تشجعه و تلهمه القوة و ليس فتاة مازالت عالقة في سراديب المراهقة و الدلال و ... إلخ

بالتوفيق إن شاء الله
​

 

[Salam Fleur]

رد: فارق السن

السلام عليكم

اهلا اختي

الاخوة و الاخوات راهم كفاو ووفاو ... ماعندي واش نزيد على واش قالوا

ربي يعينك

بالتوفيق ان شاء الله​

 

[إحســاس بــراءة]

رد: فارق السن

السلام عليكم
اختي الغالية ماتقلقيش كامل روحك
فارق السن ماهوش كامل مشكل
مادام الشخص هذا شفتي فيه انسان متربي وعندو اخلاق حسنة ومتدين هاذاك هوالصح
ومادام راكم متفاهمين هاذيك هي
ماتشوفيش كامل لفارق السن بيناتكم
توكلي على الله وقبلي بيه
وماتنسايش الاستخارة
كي تستخيري كلش راح يبانلك
وان شاء الله ربي يسهل بينكم
بالتوفيق اختي​

 

[{مُدَلَّلَتُهُ}]

رد: فارق السن

السلام عليكم و رحمة الله و بركاته

اختي فارق السن ما فيه حتى مشكل ماكيش الأولى ولا الأخيرة

االمهم يكون ذو دين و أخلاق و يكون رزين . . . استخيري و اتكلي على ربي

الله يرزقك الي فيها الخير ان شا الله
​

 

[راضية حامدة]

رد: فارق السن

استخيري ثم توكلي على الله

 

[السلطانة]

رد: فارق السن

وعليكم السلام كي تكوني انتي قابلة وهو قابل واحد مدخلو فيكم
استخيري والخيرة فيما اختاره الله
ربي يوفقك ان شاءلله اختي

 

[ام نجوى 16]

رد: فارق السن

انا نقلك صارحيه بعمرك وصلي استخارة وادا ارتحتيلو اتكلي على ربي وربي يسهل ويوفقك

 

[iman-dz4ever]

رد: فارق السن

اتكلي على ربي اختي وصلي استخارة
والي فيه الخير ربي يقدمولك
انا نعرف بزاف بنات من عائلتي متزوجين من رجال اصغر منهم
وعايشين الحمد لله
​

 

[خفيفة الروح]

رد: فارق السن

انا براي اذا رتحتيلو اقبلي بيه لانو الاخلاق قبل كل شيء

 

[محمد مم]

رد: فارق السن

نا شاب مصري ارغب في زيارة الجزائر لاسباب ملحة لكن احتاج دعوة من جزائري فعلى الراغب في مساعدي الاتصال بي وانا اعده بمكافئة مالية والله على ما اقول شهيد

 

[مهدي الثعالبي]

رد: فارق السن

و لنا في رسولنا الكريم قدوة ( توكلي على الله)

 

[دعاء الجنات]

رد: فارق السن

والله يا أختي أقبلت إليك الدنيا مهرولة وانت ترفضي هههههههه
انت ثلاثين وجاك لي اصغر احمدي ربي على هاذي النعمة مع اخلاقو والدين حسن... توكلي على ربي اختي ومبروك عليك

 

[فيتامين سي]

رد: فارق السن

أولا ننصحك بالاستخارة
و نقولك انتي خممتي يقولو مرته كبيره عليه صح :down لالالا :smile02: متحصريش تخمامك في هذا الموضوع و تنسي المواضيع المهمة قلتي اخلاقه مليحة و الله يبارك متخليش سبب تافه يفسدلك حياتك نعرف رجال من عائلة اختي كامل داوهم يا اما كبار او قدهم في السن كنت مخلوعة كيفك مي من بعد قالتلي ختي راهم حابين وحدة يكون تخمامها واعي ماشي نهار نهار و هي تخلقله في المشاكل 30 سنة راهي في سن تشوف كلش بطريقة مليحة حتى كلامها يكون موزون و هو ممكن خيرك لاسبابه كما قلتلك و ادا هما معترضوش عادي و متبقيش تقولي كبيرة عليه كبيرة عليه :down::down::down: تمرضي روحك باطل و ربي يتمملك بالخير اختي