بيسكوي غولي بكريمة الليمون
موالفة ندير وصفة الغالية ام ندى
لكن هاد المرة غيرت في المقادير والطريقة شوي،
نبدآو على بركة الله ~
المقــــآدير:
4 بيض، 120غ سكر، 120غ فرينة، 2 م ك ماء دافي، 1 م ص خميرة كيميائية.
طريقة التحضير:
نخفق بياض البيض الى ثلج ونضيفله نصف كمية السكر
نخفق الصفار مع باقي السكر لمدة 10د
ثم نضيف الماء ونواصل الخفق،
بالتناوب نضيف مرة بياض البيض مرة الفرينة والخميرة مغربلين،
ونخلط من تحت لفوق برفق
نفرش صينية الفرن 35 على 30 سم بورق الطبخ
نفرغ فيها الخليط
وندخله لفرن مسخن مسبقا مدة 10 حتى 12د
بعد ما ينضج مباشرة نحطوه فوق منشفة مبللة ومعصورة جيدا
خليتو حتى برد
سقيتو بقطر ( كاس سكر ، 2 كيسان ماء ،يغلو 5د نطفو عليهم ونضيفو شوية ماء الزهر)
طليتو بكريمة الشانتي، طلعتها بعصير ليمون،
نروليه برفق ونطليه من فوق بالكريمة،
كريمة الليمون: 1 كاس شاء عصير ليمون، 1 كاس شاي سكر، 1 بيض، 1 م ص نشاء
نخلط الكل ونضعهم فوق نار هادئة ونخلط حتى تثقال الكريمة
نصفيها ونضيفها برفق فوق الشانتي،
عملت خطوط بالشوكولا وديكوريتها
ودخلتو للثلاجة يبرد
اممممممم
ســـــــــــلآمي
آخر تعديل بواسطة المشرف:
