مآ هو الحل معاهم ؟؟ :

["Màrià"]

السلآم عليكم
وشراكم ؟ ان شآء الله تكونو لاباس

حتآ و غدوا لقرآية -_- ,, الوقت يجري ما نحسولوش gااااع
المهم !

اليوم حبيت ناخذ رايكم في حاجة __وآش هيَ ؟
معاملة الأساتذة مع التلآميذ __

Bon ::: نستعرف بلي كآين أساتذة ناطيهم :regards01:
الله يبآرك __الحابس يرجعوه يطير :bravo01:

بصح كآين وحدين _النآجح يرجعوه فاشل
Surtt أنا لي يغيضوني الصغار : Primaire
يضربوهم كفوف .. يعايروهم ... يعني إهانة بمعنى الكلمة
احتقار , مذلة ....
أنا في بالي الأستاذ ماشي غير يقري _راه يربي ثان و المشكل راهم صغآر
كآين مئات الآلاف من الطرق باش يتعاملو معاهم

Méme في المتوسطة و الثانوي !!
علآه الأستاذ يلقاها حلوة كي يقول لوآحد
نتا ماشي تاع قرآية ..نتا ما دير والو في حياتك ..نتا راني نشوف فيك تحكم الحيط برك
_________

والله حرآم .. Ils Sont malades

و في البآك __زعما وين لآزم يلقاو الدعم المعنوي أكثر من أي وقت
هوما واش يقولو ؟
نتوما و الله ما تربحوها __ نتوما ماشي كلاصة تاع بآك
..............


واش رآيكم في عباد كيما هاذي ؟
واش الحاجة لي خلاتهم يكونو كاينين ؟:s:s


و سلآم
تهلآو في رواحكم

^^
​

 

[بنفسج]

رد: مآ هو الحل معاهم ؟؟ :

السلام عليكم
والله انا ثاني قلبي تنفخ من بعض الاساتدة ديجا راني كتبت موضوع عن استادة قلنالها حابين نجيبو الباك يعني مستنيينها تشجعنا قاتلنا متقدروش راه صعيب عليكم

نحير واش يستفادو كي يقللو من قدرات التلميد عجب
نتا ماكش نتاع قراية وانت وانت تحكم الحيط شويا لكن درك راهم ولاو يقولو انت حمار

والله الفاظ متليق باساتدة مثقفين

نقولو ربي يهديهم وتبقا فئة ماشاء الله
شكرا على الموضوع اختي
تحياتي
سلام​

 

[loca]

رد: مآ هو الحل معاهم ؟؟ :

امممممممممممم موضوع قيم والله و مشكل لي راهم يعانو منو تلاميد و مام والديهم
استاد قبل لا يكون استاد راهو مربي قبل كل شي و دور استاد مش يدير درس و يخرج لالا يتعامل قبل لا يعلم و تلاميد هادو بشر و قاع في سن حساس يماه تعاير باباه يعاير جار يعاير و مع صحابو مدابز و يزيد يجي للقسم يعايروه
مش حالة هادي تلميد يحوس على واحد يحس بيه قبل و يتعامل معاه على خاطر استاد نحبو و نكرهو مادة بصح شا ديري كاين اساتدة و جلهم ربي يهديهم يجو ينتقامو من تلميد لي مزعفها راجلها لي عندها مشاكل تجي تفرغهم ف تلميد و العك ل استاد مشاكلو يفرغهم فيه و هي منطق يقول كاين نخبة تقرا مشاء الله انا نشكرهم و نحفزهم يزيدو و كاين فئة متوسطة ندعمها باه توصل و هادوك لي عندهم ضعف ماشي مبوشيين لالا عندهم ضعف نعاونهم لا بغا في نهار يتعلم كلمة مش فايدة كي يخرج قاري لالا يخرج مواطن صالح لا بغا مقراش واش ديري و من خلال موضوعك ندخل في موضوع اخر لي هو غادي نطرحوو بعد موضوعك شكرا غاليتي ربي يحفظك و ربي يهدي ان شاء الله​

 

["Màrià"]

رد: مآ هو الحل معاهم ؟؟ :

السلام عليكم
والله انا ثاني قلبي تنفخ من بعض الاساتدة ديجا راني كتبت موضوع عن استادة قلنالها حابين نجيبو الباك يعني مستنيينها تشجعنا قاتلنا متقدروش راه صعيب عليكم

نحير واش يستفادو كي يقللو من قدرات التلميد عجب
نتا ماكش نتاع قراية وانت وانت تحكم الحيط شويا لكن درك راهم ولاو يقولو انت حمار

والله الفاظ متليق باساتدة مثقفين

نقولو ربي يهديهم وتبقا فئة ماشاء الله
شكرا على الموضوع اختي
تحياتي
سلام​

اسم تاع أي حيوان يجيبوه
-___-
ربي يهديهم ___آمين يآ ربي


شكراً لكي
شرفتي
:regards01:
​

 

[abdellah gourari]

رد: مآ هو الحل معاهم ؟؟ :

و الله يا أخي هذه هي مشكلة النظام التدريسي في الجزائري يعني الأستاذ يفشلك و كاين لي مايخدمش خدمتو كل أنا مثلا الفرونسي كرهتها لحساب في المتوسطة درسني أستاذ بالإسم فقط أستاذ خخخخخخ المهم مي هذا مش معناها كل الأساتذة هك فيهم و عليهم كاين أساتذة و الله مهما نشكرهم مانوفيش قدرهم , منهم اللي تلاميذ الأخرين يعجبوهم و كاين لي ما يعجبوهمش , و هذا راجع لنوع التلاميذ أيضا
المهم شكرا على الموضوع الحلو . لي عودة إن شاء الله

 

[السلطانة]

رد: مآ هو الحل معاهم ؟؟ :

وعليكم
السلام
وقت كنت نقرى في الثانوي استاذنا تاع الفلسفة كان انسان معقد
كان يقولنا انتم متربحوش الباك وماش تاع وجوهكم
وفي النقاط يهلكنا ونهار الباك غير 6 لي ماجابوش وكي عاودو العام لوخر جابو
والمشكل خدمنا في الفلسفة لي كان يقولنا انتم متصلحوش ومتفهموش
وحنا كنا نديرو ليكور عند استاذ خلاف
فمة في التدريس والمعاملة
ملتيناش بيه :bravo01:
باه تنجحي اختي
لازم متلتايش بهدرة الاستاذ لي يجرح
استفيدي منو برك باه تنجحي
والعام راه يفوت

​

 

[zohor kfz]

رد: مآ هو الحل معاهم ؟؟ :

na39Al f bac kima raki ta7ki okhti makhawanach balhadra toma mat9rawch toma matarab7och kona 7na 26 tilmid
elmohim 93adna yamat w kona matfahmin m3a ba3dana li faham math yfaham lajma3A kaaaamal w li faham science kif kif w li faham ay 7aja yfahamha lalib9aw w kona no93do sa3a ta3 laftor nfahmo ba3dana
ndiro majmo3at 5 w wa7ad fiham yfaham walib9aw yasam3olo w fasa3at elfaragh kona nro7o lalmaktaba na7takroha w nkharjo ktob w n7olo tamarin
w naraj3o na9raw el2ostad yachra7 wa7na natfarjo fih manhacho manacho kona 7abin nbaynolhom fa ni9at bach mayzidoch yhadaro elmohim el2asatida ta3na 7obo ya7ma9o ma3arfoch achbina kona z3a9a wada7k wal2ostad yachra7 walina skaaaaaaaaaaaaaaaaaaaaaaaat
jaw el2ikhtibarat
eltali fina jab 11 elmo3adal kamal 7olo famhom fina w el7Amdo lillah rba3na 23 m la classe ta3na w lyom kamal rana tkharajna wael7amdo lillah