سلام
أنا فتاة عمري 19 سنة نقرا باك معاوده عام وكرررررررهوني تع العام هادا يكرهوني يحتاقروني وليت ذليللللله ماعاطيينيش قيمتي
اللي تجي ف lacour تمشي معايا تجيب بيا لوقت وكي تلقا صحبتها تخليني بكل وقاحه وتروح معنديش حتى صحبه والمشكل فيا ماش فيهم راني sur خاطر تبدلت بزاف ووليت سامطه
طاحت بيا وليت طايحه بيا تخيلوا واحد ماااا يحبني psq ماعنديش لجديد توجور ، ماعندي حتا حكايه ما نعرفش نقسر وهوما يحبو واحد امبيونس و تزعزعت ثيقتي في روحي كرهت جد روحي وجد حياتي كامل مخليينني يجيوني وقت المصلحه وما يحبونيش تخيلوا واااااااااااااحد وااحد ما يحبني يييييييي وينك يامات العز وقت لي كانوا العام لي فات صحباتي حدايا وينكم خليتوني ورحتوا
كرررررهت روحي كيفاش ندير الكونفيونس في روحي
انا ماش حابتهم يحبوني مي حابه نرجع كيما كنت اومبيونس وقساره و نعرف نحكي psq تخيلو كل يوم نفس الوجه ماعنديش حكايه دايما ساكته فيروتين واحد ووليت نخاف ملعباد tlment احتاقروني وعندهم الحق خاطر لوكان تشفوني تكرهوني مي ظروف خلاتني نتبدل حابه نقوي شخصيتي و نولي محبوبه اني كرررررررهت حابه نختاافي من الحاييات هاااااااذي بفففففف
عاونوي جيت فرغتلكم قلبي شوفولي حل قبل ما نهبل ماراكمش حاسين بيا والله فكرت نبطل لقرايا خاطر كل دقيقه تجي وحده طيح بيا وتروح وكي نجي نهدر ماعنديش الحق ما يخليونيييييش وليت بزاف ضعيفه علابيها قلت المشكل فيااا وا بسبب دوبليت عام
لالا اختي شوفي درك راكم في الثلاثي الثاني ديجا
شهر جانفي مابقالكمش على الباك
مالا متقلقيش روحك بهاد البنات مجرد زمالة وقت وراح تنتهي بانتهاء العام
انتي اقراي واجتهدي باه تحققي حلمك ومتخليهم يطيحولك المورال
لأنو الحياة راح تتفتحلك بقرايتك ماش بهاد البنات
حاولي تتأقلمي مع العقليات تاعهم من اجل راحتك وفقط
فوتي بيهم الوقت والعام كيما دايرين هوما ماشي شرط تصاحبيهم بالنية والقلب الصافي
حطي قرايتك هي في المرتبة الأولى
وربي يوفقك
زعما رح تتوقف الحياة . . . بالمنطق تعاك هذا انا اول واحد راح يسويسيدي
واش من قسارة و واش من امبيونس الجيل هذا تافه لابعد الحدود تلقايه 20 سنة بعقلية تاع واحد 4 سنين لا اخلاق لا علم ماكان والو الا من رحم رب
حاجة اخرى كي يقول الانسان صاحبي / صاحبتي راها كبييييييرة بزاااااااف يعني مش اي واحد نقول صاحبي - الصاحب اكثر من الاخ دايما بالقرب في الساء و الضراء و مهما كانت الظروف بالمختصر - الحب و الاهتمام ماش بالقسرة و الثرثرة بالاخلاق و التربية و الدين
هذي مرحلة و تعدي و اي واحد تصرالو الانسان لازم يكون عندو هدف فالحياة و لازم يحدد اولوياتو و اهم حاجة ليك انك تجيبي الباك هذي حطيها بين عينيك و كيما قلت ام ياسمين ما بقاش بزاااف ديري القلب و اهتمي بقرايتك و لازم تقتنعي بحاجة راح نقرا مش رايحة نلعب و اي استفسار رانا في الخدمة
اكبر خطا ارتكبته هو انك اعطيت الامور اكثر ما تستحقق
ان نقولك ركز على قرايتك افضل و اشغل نفسك بهواية. باه تنسهم. و استغفر ملاك وادعيه
انت جعلتني اتفكر احدى حكاياتي التي عشتها بالثانوية و انا كنت اكثر تالم.
سوق ارويها لكي حدث لي حادث بالبسيارة و خرجت من الحديث بعد رايت لناس ملطخة بالدم مريض. ان شكوك و كنت موسوس اخاف اركب السيارة الجميع كان ينادني بالمجنون و حتى ان جلست كل الوقت لوحدي باخر الطاويلات و بعد كثرة الاهانة لم اساتطيع اكمال الدراسة بالثانوية و عدت الى المنزل لا اخرج و احضر للبكالورية لوحدي قبل ثلاثة اشهر من بدايتها و الحمد لله كل شي كان افضل من المتوقع و اكثر من دالك حظيت بقبول جامعي من الخارج لا تياسي و لا تقنطي مم رحمة الله
السلام عليكم اختي
ماتقلقيش روحك بحاجة تاع والو و ماتخميش بزاف الحاجة اللولى زيري روحك في قرايتك هي تحلك كل الابواب صحاباتك ماغادي ينفعوك و الحاجة الثانية ماتلوميش نفسك الا نتي كنتي جاية نية و ناس ملاح و الناس لخرين غير تاع مصلحة و حيلة انا زمان كنت كيفك كي يديرلي كاش واحد صاحبي كاش عفسة نتقلق و نخمم فيها درك normal دوك بالعقل توالفي شوفي كتري صحاباتك و كيما يعطوك عطيهم ماشي ملولة تربي الكبدة و حاجة اخرى ماتديريش تنازلات و كيما يقولولك تقولي واه زعمة باش يرضو عليك و يبغوك deja اللي يدير هاد الشي يولي يبان ماعندهش شخصية
و هادي ماهيش سبة تاع منعرفش نgسر و مانعرفش نحكي انا عندي ثلاثة صحابي تنجمي تقولي خوتي و كي نتلاقو تلقانا ماعندنا ما نقولو كيراك cv كاش جديد ماكان والو يدرا كاش sport واه لبارح جريت شوية و هذا ماكان وكل واحد و شخصية تاعه انا تاني منهدرش بزاف ديري حاجة في بالك باش يطلعك المورال انا دايرا هاكا منهدرش بزاف و اللي يسمع يتعلم و يرفد في راسه و اللي يهدر بزاف راسه فارغ و ماشي انا الغلطانة الا لي عرفتهم ماكانوش كيفي ناس ملاح وكانو غير تاع مصلحة و فايدة وتاني الا راكي باغية تهدري و تفوتي الوقت ديري facebook و دخلي في les groupes وعبري على روحك وشراكي تخمي و هدري مع بنات متعرفيهم ميعرفوك و هدري و حكيلهم اللي تبغي
هاذي هي الدنيا ختي كلما تقبلتي هاد الشي كلما راسك يريح و تهني ماكانش علاقات مثالية et surtut بين لبنات
السلاام عليكم اهلا بيك اختي في المكان اللي ان شااء الله يساعدك
قريت مشكلتك وقريت ردود الاعضااء واكتشفت انو الجميع يحكي على صديقاتك في حين انو وحد الجملة تلخص الشيء اللي راكي قاعدة تحكي عليه الا وهي :
ووليت نخاف ملعباد tlment احتاقروني وعندهم الحق خاطر لوكان تشفوني تكرهوني مي
اختي العزيزة لما انسان يصرح لانسان غريب ويقلو لما تتلقاني رايح تكرهني اكيد نفهم هنا انو الانسان هذا مقصر بزااف في عديد امور واللي خلات النااس كاامل تكرهو كيما زملائك مثلا
في مشكلتك كاين عديد نقاط ذكرتيهم ومن بينهم :
الجديد
القصرة او لومبيونس
وزيدي واحد ما يحبني لانو ما عنديش الجديد
مشكلتك ختي تتحل بشيء واحد هو انو تريحي مع روحك وتشوفي التغيرات نتاعك واللي صراتلك حتى وصلتي لهاذ المشكل
واللي هو كبير في تاثيرو النفسي لكن ساهل في احتوائه صحا هنا راكي معايا ..
زيدي كملي معايا نحكيلك شويا :
اكتشفت من خلال حكايتك واشيائك شخصيتك اللي كنتي تتمتعي بيها مع زميلاتك اللي نجحو وخلاوك بعد ما رسبتي
وهي انو كنت تميلي بزااف للضحك واللعب والجماعات يعني نقدر نقل بنت فكاهية
لكن الحااجة اللي مااكتشفتيهااش او راكي علابالك بيها بصح ماراكيش حابة تصدقيها هي انو زميلاتك اللي كانو معاك العام اللي فات هوما زميلات سووء
بحيث كنت تفضفضي وتني على صحابتك وهوما بدورهم ماكانوش ينصحوك وحبو يقنعوك بلي انت فتاة مثالية وانت صديقتهم الزهوانية لكن في الحقيقة كانو يخدعو فيك
اختي في الله النااس في وقتنا ما يحكموش من خلال الانسان في حد ذاتو لكن يحكمو من خلال البيئة اللي كان عايش فيها
واكيد زميلاتك نتاع هذا العام كانو يشوفو فيك لما كنتي مع زميلاتك والضحك والتمسخير و شافو كيفاش صحاباتك كانو يستغلو فيك
اذن لازم تعذريهم نهار يجرحوك
نجيو للحلول :
انا اعتقد شخصيا انو اخلاقك تصنع منك تاج يشوفوه كامل النااس تخيلي فتاة كنت نعرفها بنت خلووقة ودائما ساكتة يعني ما تخالطش بزااف مع ذالك كانو كامل النااس يحبوها ويعزوها لاحظي هي ما جابتلهم الجديد مع دارتلهم لومبيونس مع ذالك حبوها كامل وبكل بساطة لانها انسانة
توازن بين اهدافها وتعرف وقتاش وقت الجد ووقتاش وقت اللعب اللي ما يجرح اي واحد ما ياذي اي وااحد
اختي في الله الحل الوحيد اللي نشوف فيه انك تنزعي هذيك النفس المحبة للظهور والمحبة للشهرة اللي كانت فيك العام اللي فات بحيث كنت تستعملي تلك التصرفات بااش تتحصلي على اصدقااء وبااش تكون عندك شهرة لكن هذا كلو راح في رمشة عين لما اعلنوك راسبة
لكن ربي سبحانو مافيه غير الخير خمي كيفاش ربي راهو يقلك ارواحي عندي وتبعيني وانا نخيرلك اصدقاائك اللي رايحين يكونو احسن من صديقااتك
ان شااء الله نشوف اختي في قائمة الناجحين وفي قائمة اعضاء اللمة عن قريب بااش تستفادي هنا ويكون عندك زملائك واصحاب مالغري بعاد عليك وما تعرفي والو عليهم الا انهم وعلى حسب ضني فيهم خيرة النااس
ونحي في بالك كلمة لوكان تشوفوني تكرهوني لانو هذا خطأ لانو لوكان ماحبيناكش ما نجيو ونردو على مشكلتك ....سلام
هههههه سبقتك و كملت هههه اعني هاذ المشكلة تاعك كانت معايا لعام ليفات تا انا لحق كنت كارها روحي و باغيا نبطل لقرايا و انا عاد ما وصلتش ...مي بدلت طريقة تفكيري ...لازمك تبغي و تقيمي نفسك باش يبغوك الناس و يقيموك ....جربي ان تبتسمي ..ارفعي رأسك بثقة ..و سترين الدنيا تتغير ...صدقيني والله ...انا ماكانوش يحوسو عليا كي درت هاكا هوما راهم يجو عندي ...مالازمش يحاسبك ضميرك على هاد لحاجا ...يحاسبك على امور اهم ...اخلاقك ..دينك ..قرايتك ...مي هاد المشكل لالا ...محيه من قائمة حياتك ...ثقي بنفسك ..انا والله تاني ماعلابالي بوالو الناس شايخين و انا منعزلة باسكو ماعنديش واش نهدر ما نعرف والو ...و لكن تكفيني ابتسامتي و ثقتي بنفسي ...وخريهم م طريقك دركا عندك رؤية و هي انك تدي الباك ...الامور الاخرى ماعندهاش اهمية ..واش غي قوليلي شكون لي غادي ينجحك في باقي حياتك شكون اللي غادي يبنيلك المستقبل القادم ...الهدرا و الشياخا و لا الباك ...قادر امهر البنات في هاذ الهدرا و الشياخا ماتديش الباك ..واش نتي تمشي عندها و لا هي تجي عندك ...راجعي نفسك و واش قلتيه بشويا عليك المشكل في الفكرة اللي راها في بالك ماشي فيك ..بدليها و خلصنا ...و كلي ثقة بك انك قادرة ..و كيما قالنا ربي (لا يغير الله ما بقوم حتى يغيروا ما بأنفسهم ) ..و ربي معاك و ان شاء الله تفرحينا بنجاحك ..
ana min nakrah nbadal kolch li na9dar nbadlo
9adra 9asat cha3r jdid tghayarlki 7yatki
jarbi wallahi matanadmi badli chwaya man chaklak w man tari9at libsik
badli sora li dayratha fal pc ta3ak wala portable
badli kooooooolch
raki fadakhla dj
dokhli 3a9liya wa7da okhra diri li yraya7ki anti w bach matasam3ich hadrat ennas diri kitman w tmachi w ma3labalki 7ata b3arbi
7aba tghasri w tada7ki dikhli lmontadana aw ay maw9i3 yfara7ki
ama f lcée 9ray w fahmi warafdi ro7ak w raw7i kharjihom man raski
w allah ywafa9ki
bla ma nansa khoya 7akim rah kafa w wafa
السلام عليكم
مازالك شابة في مقبل العمر والدنيا مازالت طويلة
وهذو الأفكار السلبية لي دخلتيهم راسك ما يفيدوك بحتى حاجة حتى قرايتك يمكن تتهاوني فيها
ركزي على الباك وكلشي يجي من بعد وانا مع كلام الأخ حكيم شوفي واش تبدل فيك وعلاه ومن هناك نقطة البداية
لا تحتقري ذاتك
بالتوفيق في حياتك نتمنالك كل خير
تقبلي مروري
السلام عليكم و رحمة الله تعالى و بركاته
كلمة نقولهالك أختي , - الدنيا ماش راح تحبس بلا بيهم -
يعني انتي حكيتي معاهم و لا لا كيف كيف , اللي يهمك هذا العام هو الباك نتاعك و ماكانش حاجة أخرى
أما من ناحية اللعب و غيرو قادرة تحكي معاهم في الدروس و غيرو و راكي عارفة حديث يجيب حديث تولو صحبات , هي في الأساس الأمر أنهم مش متعرفين عليك و أنت كذلك يعني هما يقولو مدوبلة _ عذرا على الكلمة ( رغم أني مدوبل هذا العام الباك خخخخ) أكبر منا و أنت تقولي بز عقليتهم ناقصة
المهم كيما قلت ألهاي بقرايتك خير
حنونة مازالك صغييييييييييييرة على هذا التشاؤم
هذو البنات ماهوش صحاباتك هذو زميلة برك ملي تكمل القرايا خلاص معندكش علاقة بيهم
صحابات الصح هوما ماماك وخواتاتك انت صلى واستغفري ربي في كل وقت
تلقاي الف باب تفتحلك رحمة ربي واسعة ودايما تفكري بلي كاين ناس حياتهم
اسواء منك الف مرة انت الحمد لله بصحتك وبعقلك وصغيرة وبوالديك
دير راسك في قرايتك وربي يفرحك ويهنيك
اما هذوك البنات الي بعاد عليك دايما تفكري بلي ماماك تدعيلك ربي يبعد عن ولاد الحرام
يمكن هذي دعوتها انهم بعاد عليك
وربي يغفرلي لذا ظلمتهم
yaaa wech bik matetathri b wallou w b hata wahed ça n'en vaut pas la peine, et bien ana 3akssek manhebech neb9a m3a lebnet w la kont nkoun m3a wahda chwia bark w jamais la "andi jdid ( ghir les recttes hihi ) w mayhebouch yeb9aw m"aya thani mais bon debara wahdi nethass rohi bien, j ai confiance en moi tjini fi rassi haja tdhahek nedhhek wahdi noormal ay haja
hayla hayla
choufi lehwayej lemleh ki tebçay wahdek f sahha par exemple tchoufihom yahedrou 3la ba"dhom w ydhalou m"a shab tchouf tekhmemhom kifeh sghir w limité tweli tethassi rohek khir menhom kamel
ai confiance en toi mahich 9raya li raha dhelek sa arrive l wahed maykounech mlih mais mich hakda kamel
je pense que c juste bditi tekebri fi mokhek et c une bonne chose prc entre nous tegssar w hkayet hadouk!! c n importe quoi
_ l wahed wahdou soltan
_doubliti prc ma9ritich tt simplement w khofti le jour j
_ bn courage
السلام عليكم
انت مديتي المشكل وميدتي الحل
اولا اللي راكي فيه عادي لانو مراهقة وعاودت العام وشتقت لصحاباتك وهذا عادي جدا انت كبرتيه وانغلقت على روحك وخيرت خانة لروحك وحطيتها فيها لالا لازم انت بروحك تبدلي
تبداي من البنات قلت ما نقسرش رجعي تحكي وبدلي المواضيع الللي كنت تحكي فيها وشوفي نقولك حاجة الناس ما تقيمكش لوما انت ما قيمتيش روحك شوفي انت واش وصفت روحك هاكا هوما يشوفو فيك خليهم يشوفو فيك جانب مليح لانو فيك مش معدوم والدليل كنت عادية
شوفي اختي راكي صغيرة ما تحمليش روحك تعب وعذاب اكبر من سنك الدنيا قصيرة وعيشي نهارك بسيط ما تعقديه ما والو اضحكي وقسري وشوفي صحابتك جدد اما الذل علاه يذلوك معاودة الباك حاجة عادية ياخي المش عادي نسبة النجاح الكبيرة معناها الباك مش سايب حتى يذلوك قادرة انت تجيبيه وهوما يعاودو هذي مسالة وقت وتبان
شدي الهمة واقراي ما بقاش بزاف وهناك تبرهينيلهم انو قرايتك اهم من كل هذا
موفقة يا رب
