وإنتًهــــى حلم آلمًآغيــــآج !!!

[بثيــــنة 19]

وش أحـــوآلكم نآس آللمة إن شآءالله تكونــــوآ بخير !

توحشتكـــم وتوحشت نخربش هنآ

قولولي تعرفوآ جمآعة
وإنتهى حلم آلمآغيآج ولا مآتعرفوهمش

؟

هآ سيدي هآذو وحد آلكآئنآت الفضائية عندهم مرض
الحب آلخيآلي

نبدآو بآلمخلوقـة لي منين تشوف مسلسل ولآ فيلم تربي الكبدة على البطل تآعوآ

تولي تشوفوآ في لمنآم وتهدر عليه ليل مع نهآر

تمشي وتغني حبيتوآ والحب هلكني

ونهآر يتزوج السي البطل لمخلوقة دير حدآد وتشبع نديب

وتقرر تنتقم منوآ و تحب بطل تآع مسلسل وحد آخر

ورآحت حيآتهآ الآنسة بين حب الأبطآل

ونروحوآ بكل هدوء للنوع آلثآني

آلبوكيمونة لي تحب آللآعبين

يآآو تربي عليهم الهيكل العظمي ومشتقآتوآ مش غير لكبدة

هآذوآ تصآور وهآذي أشعآر

ولي فشلتني عآطفيآ منين تلقآ طفلة تحب نفس اللآعب

تهجم عليهآ هآآآو هآذي غيرة وهمية ولآ كيفآش

ولي قآتلهم أسكتوآ كي تبدآ ترسم في حيآتهآ المستقبلية

الجميلة والمليئة بالحب والسعآدة مع السي جوآر

يآآآو أسمآء ولآدهم المستقبليين وتوجدهم

ورآهي حآيرة وين يسكنوآ ! زعمآ يديهآ معآه للخآرج

ونهآر تسمع بلي السيد تزوج ولآ خطب تبدآ عملية الندب المبرح
7 أيآم و7 ليآلي

وتطلق لعيطة هآآآو انتهى حلم المآغيآج ويآنآآآآآ

وهنآ تقرر تنتقم عن طريق عملية تقطيع التصآور

وإتهآم الطرف الآخر لي مش سآمع بيهآ أصلآ بآلخيآنة

وتبدل اسمهآ في لفيسبوك من عآشقة فلآآآن إلى عآشقة صآحب فلآن

هآ جمآعة البوكيمونة قررت تحب جوآر وآحد آخر من نفس الفريق

ويتعآود نفس السينآريو وتستمر آلحكآية إلى أجل غير مسمى

ولمخلوقة لي تحب أستآذ متزوج وتغيـــر عليه من مرتوآ

فهموني بركـ وش حكآيتهآ

هآآ مآخلآو وآلـــوآ

حبـــوآ الأساتذة ولي جوآر و الممثلين بأنوآعهم وأشكآلهم...إلخ

زعمآ مش وآعيين هآذوآ ؟؟
ولآ مآ عندهمش عقل ؟؟

على حسآب آلشوفة عندهم قلب في بلآصة عقلهم

ربي يهدينآ ويهديهم

دمتم في رعآية الله وحفظه

أختكم : بثينـــة19

​

 

[لؤلؤة قسنطينة]

رد: وإنتًهــــى حلم آلمًآغيــــآج !!!

السلام عليكم بوفينة هههه واش راكي لاباس؟؟
والله قتلتيني ضحك يا مصيبة ههههههههه، وتوحشنا صراحة مواضيعك
والموضوع تاع اليوم وحدو ويهبل ههه، اي والله البنات هبلو تاع الصح
المشكل لكبير ماش كي يعجبها ممثل ولا جوآآر المشكل انها تتاهمو بالخيانة نهار يتزوج ههههه
وزيد كن تلقى وحدة خلاف معجبة بيه دير معاها الحرب، بنات مهبولات من قلبهم ماش من مخهم هههه
وصدقيني آخر مرة شفت حصة على التلفاز تحكي عن مشاكل المجتمع ، وشفت فيها شاب يحوس على يماه
صدقيني بكا الشعب ومقدمة الحصة والامام والطبيب النفسي وحتى انا، هيا مالا ورا الحصة بيومين دخلت للموقع تاعهم على
الفايس بوك قلت نشوف وين وصلت اخبار الشاب هادا لأنو أثر في نفسي صراحة بسبب البكاء تاعو بالطريقة هاديك،
مالا مع دخلت للصفحة لقيت حاطين صورة الامام والطبيب النفسي كي بكاو مع الشاب، ونلقى في البنات من تحت في الردود
تعيط لصاحبتها وتقولها شوفي الطبيب النفسي كي بكا جا زينون، لا حول ولا قوة إلا بالله -_- امشي روحي يعطيك ضربة، ماتقوليليش زادت ربات الكبدة على الطبيب النفسي؟؟ ،يعني الشاب طول وعرض يبكي كي الطفل الصغير ماغاضهاش ولاتية تعس في الطبيب النفسي كي يبكي،
يعني واحد البنات بانيين زواجهم على ابطال المسلسلات والفنانين واللاعبين ومقدمي البرامج التلفزيونية وعلى جيرانهم وعلى
الخضار والاستاذ وحتى الميت لي تحت القبر وفيه امل ههههه، يعني نقولو ربي يهديهم برك
شكرا حبوبتي على الموضوع الشباب ، ننتظر باقي ابداعاتك
تحياتي
​

 

[¬Đỉaмơŋđ ✿]

رد: وإنتًهــــى حلم آلمًآغيــــآج !!!

وعليكم السلام ورحمة الله تعالى وبركاته
رآنا بخير الله يهنّيك.
أهلا بيكِ بثينة ي أختي تغيبي تغيبي ومبعد تخرجيلنا بموضوع يفشل الركايب من الضحك هههههه
ما أكثرهم هاد النوع من البنآت،بإختصآر عآيشين أحلآم اليقضة ! اللي سببها الفراغ.
وحدة تخدم معايا ماكانش مسلسل ولافيلم ولا برنامج تاع الشطيح والرديح ماتعرفوش من ساسو لرآسو،كل خطرة تعشق في واحد منهم والمشكل كي نكونو فالطريق وتبدا تحكيلي تصرعني بالهدرة نولي نقول ياربي وكتاش تسكت هاذي تقول بالعة كآسيت
وحدة صغيرة فالسن نقدرو نقولو لآدوليصونس أثرت عليها بصح وحدة 28 سنة هكذا حق ربي غير c grave !
واش نقولو ربي يثبت علينا العقل.
صحيتِ أختي على السوجي
​

 

[الزهرة الحمراء]

رد: وإنتًهــــى حلم آلمًآغيــــآج !!!

السلام عليكم حبيبة
حنا بخير والحمد لله السوال عليك
وزيد حنا تاني توحشناك وتوحشنا تجي تزهينا بمواضيعك
نبدا نحكي ولا مازال هههه على خاطر لوكان نبدا مانسكتش الموضوع لي يغليلي دمي غليان
انا كي نشوف طفلة هكا وفالتخمام هذا تجيني حاجة وحدة برك في بالي طفلة مخبوطة في راسها وعندها عقد نفسية
تلقايني مراات نقعد وحدي ونخمم نقول زعما هاذ البنات ومع الأحلام التافهة تاعهم هاذي راهم عارفين بلي هوما في جيهة ولي زعما يحبوهم في جيهة وماهمش سامعين كامل بيهم
هاااا أختي حبيتي تحبي حبي حباتك وعضاتك كلبة مكلوبة الله يسهل عليك مبصح كي تحبي أعرفي شكون تحبي
ماشي أنت فالدزاير وتعشقيلي في مهند لي فالترك بعيد عليك بعد القمر على الأرض وزيد فوق الشيء هذا كامل ماعلابالوش بيك أصلا إذا تgزيستي ولا راكي منقرضة مع الديناصورات
وزيد هي كل فئة وشكون تحب كيما قلتي أنت ولكن كلهم يشتركوا في حاجة وحدة ولي هي يغيروا على حبيبهم الوهمي الله يعطيكم النوى
تلقى مثلا الممثل ولا الجوار لي تحبو متصور مع الزوجة تاعو تحكم هاديك لافوطو وتبدا تفصل وتميز فالزوجة من الفوق للتحت وتطلق العبارة المشهورة هه مافهمتش واش عجبو فيها لا زين ولا طاي أنا خير منها ماشي لوكان زوجني أنا خير ?what ..what من نيتك صديقتي يخلي الفهامة والظرافة ويجي لوحدة تعشق في راجل وهمي .هو أصلا مزوجكش على جال الحبة تع الحمص لي عندك في راسك وخلاتك تخمي هذاك التخمم
وحنا نقولوا علاه كثرة نسبة الطلاق ..كثرة بسبب التخمام الجايح تع هاد البنات تلقايها نهار كامل وهي تقابل فيه فالتلفزيون مبعدة نهار تزوج تلقى راجلها مايشبه للحب الوهمي الأول ولا يعاملها كيما كان الحب الوهمي الأول يعامل البطلة
تبا إرحلي أيتها الأرواح الشريرة
حبوبة يعطيك الصحة على الموضوع فرغت قلبي فيه خخخ
ربي يحفظك ويهنيك

​

 

[Skor m@k]

رد: وإنتًهــــى حلم آلمًآغيــــآج !!!

السلام عليكم
راكي تزورينا مرة ف الشهر كي شغل الشتا هههه
هذا كي تشوفو فالفيلم ولا الماتش
لوكان تشوفو قدامها طيح تنصرع ولا تبدى تتخبط فالأرض م الفرحة
عايشين غير بالأحلام والأماني
ربي يهدينا الى طريق المستقيم
يعطيك الصحة ختي​

 

[Hakan]

رد: وإنتًهــــى حلم آلمًآغيــــآج !!!

هاذو هوما الاطفال الصغار وحلم الزواج السعيد عند بالهم كاين حاجة اسمها عشق وورومنسية في الجزاائر
باسكو لوكان يعرفو انو الحياة هذي صعيبة بزااف ومبنية على اسس صحيحة رايحين يفهمو انو الحكايات هاذو يتعبو النفس
ممكن وااحد يحب ويعشق لكن تعشق الانسان اللي تقدر توصلو وتعترفلو ماشي وااحد في التيليفزيون جامي سمع بيهم ربي يهدي ما خلق ..​

 

[Mr Brahim]

رد: وإنتًهــــى حلم آلمًآغيــــآج !!!

مصيبة يا بثينة هههههههههههههههههههههه
افضل عدم التعليق حاس روحي راح نتحول تبا

 

[Samia khalaoui]

رد: وإنتًهــــى حلم آلمًآغيــــآج !!!

ههههههه ههههههه ههههههه
عندك حق اختي بثينة مي يجي نهار ويفيقو من الاحلام هذه

 

[آمِيْرَتُه]

رد: وإنتًهــــى حلم آلمًآغيــــآج !!!

السلام عليك
مرحبا بيك مرة اخرى
ضربتها بعشقة سموها لاصقة هههه
هذوك مهبولات مريضات عقليا نفسيا جسديا و حتى اجتماعيا هههه
الفيد قاتلهم و ناقصات حنانة ربي يهديهم برك
فكرتيني بوحد الباجة في الفايس بوك
يحطو تصاور وحد المخلوق نظن يمثل رافد قيتارة يا ياكل يا يشرب و هما يتمعشقو فيه وحد تمنت تكون حبة حلوة وحدة الماء و مرة حاطين صورة حاشكم كلبة رافدها قالت وحدة ياليتني ديك الكنيشة الله يجيبلك غمة انت مش كنيشة انت ديناصورة هاربة من جمهورية اثيوبيا الشقيقة هههههه

 

[Sẻl Mā]

رد: وإنتًهــــى حلم آلمًآغيــــآج !!!

فكرتيني في الطفلة لي
قالت ماشكيتش بابا يمدني لرونالدو باسكو ماهوش مسلم خخخ
يفقعولي مرارتي أنا نقعد نخمم منهم صح
المهم الله يهديهم
​

 

[Telemly]

رد: وإنتًهــــى حلم آلمًآغيــــآج !!!

أنا نعرف وحدة كانت تخدم معايا ضربت عشقة في إسم un pseudo ولله un pseudo sur Facebook

سيّد عشقت فيه غير ف Facebook

ما تعرفو ما شافتو ما والو

باش لخصلكم طفلة قريب دارت dépression

نهار قال لها بلي هو طفلة ماشي راجل و هي collègue لي تخدم معاها كانت تتمسخر بيها

l'histoire a duré + de 6 mois

 

[*أوراق أمل *]

رد: وإنتًهــــى حلم آلمًآغيــــآج !!!

هههههههههه روحي بالسلامه يا بلادي
انا يحيروني هاد المخلوقات ، ما فهمتش اللاعب ماشي سامع بيها اصلا و هي تحبوا ؟
حتى ماشي جارها و لا تعرفه اساسا تلقايها تدافع عليه و ما علاباليش و ايلا شافت وحدة كيما هي تحبو تديرلها مصيبة قد راسها تخليها عليها هههه
و الله يا الممثلين التركيين ، شهيد كابور و مهند و خليها لربي برك
الله يهديهم ، ههه زعما معولين يبنوا الدار ؟؟؟؟
تبقا حاير

 

[NASRO DZ]

رد: وإنتًهــــى حلم آلمًآغيــــآج !!!

صح عجيب في وقتنا هدا تلحق المشاعر حتى باش يحبو لاعبين وفنانين يعني انهم يعيشو في اوهام
واش نقول ربي يعين كل فتاة تفكر هاك هههه
خلوها تعيش واش بيكم خخخ

 

[yassmino]

رد: وإنتًهــــى حلم آلمًآغيــــآج !!!

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه انا اختي منين تتفرج مسلسل رومنسي تبدا تندب معاااااااااه انا نقلها هوما يدو الشكارة و نتي سيقي الارض بدموعك قيييييييييييييييييييييييو

 

[آل مطر]

رد: وإنتًهــــى حلم آلمًآغيــــآج !!!

رغم ان النص في قالب فكاهي
الا انا الذي فيه مصيبة صبايا والله




ياك الدنيا مازالها بخير وعلى واش الخيال الفرعوني هذا من قالب لمقلوب ’’​

 

[saho souhila]

رد: وإنتًهــــى حلم آلمًآغيــــآج !!!

هه وي عندك الصح ختو بثينة






ماداروا فيهم المسلسلات و الافلام ،،،،،،،،،

ربي يحفظنا برك




تسلمي حبيبتي

 

[iman-dz4ever]

رد: وإنتًهــــى حلم آلمًآغيــــآج !!!

هههههههههههههههههههههههه
انا نعرف كذا وحدة من هذا النوع
​

 

[zagane]

رد: وإنتًهــــى حلم آلمًآغيــــآج !!!

وش أحـــوآلكم نآس آللمة إن شآءالله تكونــــوآ بخير !

توحشتكـــم وتوحشت نخربش هنآ

قولولي تعرفوآ جمآعة
وإنتهى حلم آلمآغيآج ولا مآتعرفوهمش

؟

هآ سيدي هآذو وحد آلكآئنآت الفضائية عندهم مرض
الحب آلخيآلي

نبدآو بآلمخلوقـة لي منين تشوف مسلسل ولآ فيلم تربي الكبدة على البطل تآعوآ

تولي تشوفوآ في لمنآم وتهدر عليه ليل مع نهآر

تمشي وتغني حبيتوآ والحب هلكني

ونهآر يتزوج السي البطل لمخلوقة دير حدآد وتشبع نديب

وتقرر تنتقم منوآ و تحب بطل تآع مسلسل وحد آخر

ورآحت حيآتهآ الآنسة بين حب الأبطآل

ونروحوآ بكل هدوء للنوع آلثآني

آلبوكيمونة لي تحب آللآعبين

يآآو تربي عليهم الهيكل العظمي ومشتقآتوآ مش غير لكبدة

هآذوآ تصآور وهآذي أشعآر

ولي فشلتني عآطفيآ منين تلقآ طفلة تحب نفس اللآعب

تهجم عليهآ هآآآو هآذي غيرة وهمية ولآ كيفآش

ولي قآتلهم أسكتوآ كي تبدآ ترسم في حيآتهآ المستقبلية

الجميلة والمليئة بالحب والسعآدة مع السي جوآر

يآآآو أسمآء ولآدهم المستقبليين وتوجدهم

ورآهي حآيرة وين يسكنوآ ! زعمآ يديهآ معآه للخآرج

ونهآر تسمع بلي السيد تزوج ولآ خطب تبدآ عملية الندب المبرح
7 أيآم و7 ليآلي

وتطلق لعيطة هآآآو انتهى حلم المآغيآج ويآنآآآآآ

وهنآ تقرر تنتقم عن طريق عملية تقطيع التصآور

وإتهآم الطرف الآخر لي مش سآمع بيهآ أصلآ بآلخيآنة

وتبدل اسمهآ في لفيسبوك من عآشقة فلآآآن إلى عآشقة صآحب فلآن

هآ جمآعة البوكيمونة قررت تحب جوآر وآحد آخر من نفس الفريق

ويتعآود نفس السينآريو وتستمر آلحكآية إلى أجل غير مسمى

ولمخلوقة لي تحب أستآذ متزوج وتغيـــر عليه من مرتوآ

فهموني بركـ وش حكآيتهآ

هآآ مآخلآو وآلـــوآ

حبـــوآ الأساتذة ولي جوآر و الممثلين بأنوآعهم وأشكآلهم...إلخ

زعمآ مش وآعيين هآذوآ ؟؟
ولآ مآ عندهمش عقل ؟؟

على حسآب آلشوفة عندهم قلب في بلآصة عقلهم

ربي يهدينآ ويهديهم

دمتم في رعآية الله وحفظه

أختكم : بثينـــة19

​

السلام عليكم
ليس كل ما يتمناه المرء يدركه