مليونية

[Mr Brahim]

السلام عليكم و رحمة الله


اللهم صل و سلم و بارك على سيدنا محمد

ان شاء الله اخواني و اخواتي كامل هانيين
المهم ما نطولش عليكم كيما راكم تعرفوا بلادنا ماشية غير على الهف و الفوضى و بدينا العام الجديد بالزيادات في كل شيء بداية من الخبزة و لا واحد تكلم و اليوم نضرب طلة الفايسبوك نلقى الناس كامل مهولة و حابة تدير مليونية باه تقاطع زعما شكون قالك موبيليس - جازي - اوريدو راهم زادو فلينيتي و راهم يسرقوا فالشعب :s
ايا وين رانا رايحين بهذي العقلية ؟؟؟

المهم نخليلكم الكلمة تفضلوا :regards01:
​

 

[Princesse Diyor]

رد: مليونية

ديما يتمسخروا بالناس برك
و هاذم حكايات فارغة
الله غالب عقلية جزائرية لن تتغير

 

[Mr Brahim]

رد: مليونية

ديما يتمسخروا بالناس برك
و هاذم حكايات فارغة
الله غالب عقلية جزائرية لن تتغير

مع الاسف شعب تاع هدرة برك :very_mad:
يعطيك الصحة اختي :regards01:
​

 

[السلطانة]

رد: مليونية

وعليكم السلام

الشعب تاعنا نفسو لي يقول غلاو علينا المعيشة تلقاه ماش مفرط في البورتابل والحكايات الخرطي
والنت تاني يخلص ونورمال

شعب متناقض ملقينا منقولو

ام درك يديرو المليونية

وهاذوك لي يباتو يحاجيو مع البنات والبنات لي يباتو يحاجيو مع هاذم بعد وين يروحو مايقاطعو ماوالو

تاع هدرة برك

شكرا اخي

 

[Nilüfer]

رد: مليونية

السلام عليكم

للأسف المشكلة انو الشعب نتاعنا يهدر بالكلام وباش يتفاهم على كلمة وحدة مستحيل

رغم انو هاد الشي من حقو طبعا باش يهدر على حقو ولا يقاطع مش امور اخرى تع تخريب

وهاد الكلام اللي راه يدور فالفيسبوك اللي قال يقاطعو فكرة مليحة بصح قولي شكون يقدر يديرها

لوكان جاو يتفاهمو غير نهار واحد يكون فيه تغيير

وللأسف هاد العقلية تع الشعب عارف كل شي وساكت راها داية البلاد للهلاك والشعب هو اللي مطفرة فيه

الله يجيب الخير والسلام
​

 

[Hamasaki]

رد: مليونية

ربي يبارك فيك موضوع هايل بصح حابه نعمل على الفكرة هدي انا وعايلتي باذن الله بصح هل الشعب مصمم هدا مستحيل هدرة بلا فعل للاسف يسموها نفخة كدابه هههههه
مع تحياتي برهوم

 

[بنت الـ25]

رد: مليونية

السلام عليكم
ممكن وحدة كيما انا عندي هاتف غبي كي نطفيه 5 سوايع ولا 5 سنين كيف كيف مرانيش نستعمل فيه بزاف :-h
والشخص الوحيد لي نحكي معاه بزاااااف نحكي معاه باااطل :d
مي اللي راهم يهدرو على حكاية المليونية هادي هم مدمنو مواقع التواصل الاجتماعي ، فالسؤال المطروح: هل يا ترى يقدرو يقعدو 5 سوايع بلا انترنت وفيسبوك
خصوصا لي معندهمش لي بي سي ولا لي تابلات ما شكيتش يتحملو عدم الكوناكتاج :p
ورغم هذا ما فهمتش علاش ما داروش مثلا إضراب على الطعام كي زادولهم في السلع الاستهلاكية ولا اضراب على السياقة كي زادولهم فالغازوال؟
علاش ما طفاوش كروشهم اللي في اعتباري أهم من الهدرة فالتلفون؟
شعب يموت على الهدرة صح كتر من كرشو هههههههه
ولكن من جهة خلاف ما حقش عليها شركات الاتصال ترفع التسعيرة بنسة 100% ، المواطن البسيط ما لقاش روحو والشهرية هي هي متزيدش
اني قتلهم الزيادات تع الاساتذة وراسكم يخرجوهملنا طول وعرض خخخخخخخخخخ
​

 

[Ī Ðøñt Çârê]

رد: مليونية

اللهم اضرب الظالمين بالظالمين وأخرجنا من بين أيديهم سالمين..

 

[خفيفة الروح]

رد: مليونية

بارك ا لله فيك

 

[Samia khalaoui]

رد: مليونية

ربي يجيب الخير ان شاء الله

 

[Hakan]

رد: مليونية

والله ياخويا ابراهيم راهم زادو في كل شيء يعني الشعب نتاعنا كي شاف بلي الشركات الاتصال مادير والو معاهم قالك نقاطعوهم
مي لوكان تقلهم قاطعو استهلالك الوقود ليوم واحد وروح امشي على رجليك يقلك لالا
انا من رايي الشخصي نقاطعو الانفس نتاعنا باسكو راهي تعيي بزااف .سلام.​

 

[الزهرة الحمراء]

رد: مليونية

السلام عليكم اخي
بارك الله فيك على الموضوع
صراحة شعبنا قاعد غير للهدرة الحكومة زادت في ليصونص والمازوت قعدنا ساكتين زادت فالسكر والزيت والحوايج لوخرين قعدنا ساكتين مبصح كي زادتنا فالهدرة والجياحة حابين ينوضوا ويديروا مليونية ياخي حالة
وكأنوا رانا عايشين غير بجيزي ولا موبيليس ولا اوريدو
كل شيء زاد غير الانسان وين يروح وين القيمة تاعو تنقص
ربي يهدينا ويصلح احوالنا واحوال بلادنا
دمت اخي في رعاية الله وحفظه​

 

[saho souhila]

رد: مليونية

وي كلشي زادو فيه ياخي هادي حالة بفف


،
،
،

يسلمو ع الموضوع و لي عودة فيه نشاالله

 

[imem weld tebéssa]

رد: مليونية

شعب تع تمسخير واش راح ديري

 

[FiFi faiza]

رد: مليونية

والله غير تمسخير دايمن تحصل غي في الشعب دايمن الشعب هو الي يخلص

 

[Mr Brahim]

رد: مليونية

والله غير تمسخير دايمن تحصل غي في الشعب دايمن الشعب هو الي يخلص

لكن في هذه الحالات على الشعب ان يتحمل مسؤولياته :regards01:​

 

[Mr Brahim]

رد: مليونية

والله ياخويا ابراهيم راهم زادو في كل شيء يعني الشعب نتاعنا كي شاف بلي الشركات الاتصال مادير والو معاهم قالك نقاطعوهم
مي لوكان تقلهم قاطعو استهلالك الوقود ليوم واحد وروح امشي على رجليك يقلك لالا
انا من رايي الشخصي نقاطعو الانفس نتاعنا باسكو راهي تعيي بزااف .سلام.​

مرحبا بيك خويا حكيم . . نعم على الشعب تحمل المسؤولية هو ايضا نحن كشعب لا نملك ثقافة الاستهلاك ​

 

[Mr Brahim]

رد: مليونية

السلام عليكم اخي
بارك الله فيك على الموضوع
صراحة شعبنا قاعد غير للهدرة الحكومة زادت في ليصونص والمازوت قعدنا ساكتين زادت فالسكر والزيت والحوايج لوخرين قعدنا ساكتين مبصح كي زادتنا فالهدرة والجياحة حابين ينوضوا ويديروا مليونية ياخي حالة
وكأنوا رانا عايشين غير بجيزي ولا موبيليس ولا اوريدو
كل شيء زاد غير الانسان وين يروح وين القيمة تاعو تنقص
ربي يهدينا ويصلح احوالنا واحوال بلادنا
دمت اخي في رعاية الله وحفظه​

لطالما رددتها نحن بحاجة لثورة فكرية لتتغير الكثير من المفاهيم و الذهنيات الصدئة​

 

[zagane]

رد: مليونية

السلام عليكم و رحمة الله


اللهم صل و سلم و بارك على سيدنا محمد

ان شاء الله اخواني و اخواتي كامل هانيين
المهم ما نطولش عليكم كيما راكم تعرفوا بلادنا ماشية غير على الهف و الفوضى و بدينا العام الجديد بالزيادات في كل شيء بداية من الخبزة و لا واحد تكلم و اليوم نضرب طلة الفايسبوك نلقى الناس كامل مهولة و حابة تدير مليونية باه تقاطع زعما شكون قالك موبيليس - جازي - اوريدو راهم زادو فلينيتي و راهم يسرقوا فالشعب :s
ايا وين رانا رايحين بهذي العقلية ؟؟؟

المهم نخليلكم الكلمة تفضلوا :regards01:
​

السلام عيكم
انا نوكيا 1100 ونبيبي برك قاطعت من بكري حتى التلفونات الدكية هههههه

وراهم يقولو العمال يقومون باضرابات باش زيادت الاجر ومن تم زيادة في السعر ههههههههه

 

[iman-dz4ever]

رد: مليونية

المهم كي مايزدولناش في الهواء تولي النفس بالدراهم
وحنا شعب يتاقلم باي وضع دايما يقلولنا زادو في كذا وكذا
و مانديرو والو ونرجعو نوالفو بالوضع مفيش فايدة
​