انصحوني واش ندير

[halagh]

انا عندي عام و نص مزوجة ملي زوجت راجلي ما جابليش كادو حتى في المناسبات
شحال من مرة نتقابضو غير على هاذ الشيء اقولي لحاجة لتخص نشريهالك
و حنا طبيعتنا النسا نحبو الهدايا و المفاجئات باالرغم اني ديم
ا نتفكرو لاشتا حاجة صغيرة,واش ندير معاه

 

[iman-dz4ever]

رد: انصحوني واش ندير

اختي ربي يهدي سركم ويسخرلك راجلك
اما هذي طبيعتو وماكلاه تزعفي منو على هادا ماكان كاين نساء متزوجين برجال الله يستر برك
يديرو فيهم المنكر وصابرين احمدي ربي كل وقت
وكثري من الدعاء انو ربي يسخرولك
و دعاء ربي لا تذرني فردا وانت خير الوارثين
وثيقي في ربي
​

 

[دعاء الجنات]

رد: انصحوني واش ندير

اسمحيلي اختي نقولك... علاه تحدثتي على سلبيات زوجك وبالاك عندو ايجابيات كثيرة ماذكرتيهاش وروحتي تحوسي غير على الخلل.... يا اختي ماكانش راجل كامل .... انت ايضا فيك سلبيات مع زوجك ......
لوكان تبقاي تفتشي على نقائص زوجك ماتقدريش تعيشي معاه لأن هذا أنا. مانشوفوش مشكل ابداااا
شحال من وحدة تتمنا يرزقها ربي براجل واولاد؟ اتفكري هاذي برك تنساي كل شي
وربي في العون

 

[السلطانة]

رد: انصحوني واش ندير

حاولي اختي انك تتعاملي مع زوجك بالعقل

ماش تقوليلو نحب كادو وتتعاركي معاه

شوفي جربي انتي ابداي بالمبادرة ديريلو كادو وديري سهرات في غرفتكم بدلي الجو
ديري شوي رومانسية
وراح تولهيه بالشوي يعود يفهم ويجيبلك هدايا

المبادرة ابدايها انتي

ان شاءلله ربي يسقم الاحوال

 

[اريج المحبة]

رد: انصحوني واش ندير

شوفي يا حنونة
ما تعصبي ما تزعفي روحك
من امور كيما هادي
صحيح انه هدية لها دور كبير
تهادوا تحابوا
وزوجك مثل ما ذكرتي ما ماجابلك ولا هدية
وين راه مشكل
يا اختي والله راك في نعمة يا حنونة كاين زوجات ازواجهم مكرهينلهم حياتهم
وانتي جات برك في هدية
طولي بالك عليه
ومن احسن انك انتي تبادري بشراء هدية ليه وتهديهالوا
او انك لما تطلعي معاه للتسوق مثلا
اذا شفتي كاش حاجة عجباتك
اعمدي انك تلمحي انها عجباتك وراكي حابتها
هو يبادر يشتريها لك
ومعوقت ربمايكون هو يتمشى ويشوف حاجة تعجبه
يتفكرك ويشتريهالك من باب مفاجاة
وصدقيني يا حنونة موضوع ما يستاهل
انك تتقابضو عليه
واذا ما نفع معاه اي شيء
حاولي انك ما تجبديله هاد موضوع حتى ولو كان يغيضك بزاف
وشوفي امور ايجابية اخرى في علاقتكم زوجية واعملي على تعزيزها
وانجاح زواجك
وخصوصا انه في سنوات اولى
ربي يهنيكم ببعض
​

 

[خفيفة الروح]

رد: انصحوني واش ندير

نشاله تلقاي الاجابة