يا الوالدين واش الدور تاعكم غير الماكلا

[Skor m@k]

بسم الله الرحمن الرحيم
السلام عليكم

واش راكم ان شاء الله تكونو ملاح مع هذا التقشف

على كل حال حنا من بكري متقشفين سافيك ملبكري ملاح هههه

نولو للموضوع واسمحولي يا الوالدين على هذا العنوان
خاطر زعفتوني

والدور تاعكم فهذا المجتمع مبقاش يسربي كامل
كاين ولا مكاش كيف كيف الا ما رحم ربي

شفت وحد لعفايس تاع الوالدين تحير

علاه راهم موجودين وليمن يسربيو

مرة وحد حبس بالطونوبيل قدام الجامع دخل يصلي
ووليدو في عمرو وحد 15 سنة بقا يسنى فيه برا
بلاحشمة بلا والو مقدرش يدخلو بسيف للجامع ويطيه شويا زهاطي يرجعو يصلي
يبقا موراه يجري

على الصلاة وين يروح للجامع يديه معاه
حتى يوالف ميقدرش يبطلها
مي كي تقولو يقولك مزالو صغير

هههه بركانا م التمسخير والزعاقا 15 صغير

نقوللكم الصح انا يما ضربتني اوو حتى خالتي نشفا ضربتني

على الصلاة حتى مزدش بطلتها

تانيت مرة راكب فالكار
وحد الطفل صغير مع يماه معلبليش واش قالتلو
اوو ينطلg بالسبان بربي ولهدور لي ميتهدروش اوو هو في عمرو وحد 10 سنين
قاعدا تقولو بلحنانة

أسكت أوليدي كي شغل راهي ترgد فيه

أنا النار شعلت فيا كنت راح نوض تعطيلو بوحد زوج كفوفة النجوم يشوفهم بين عنيه

خصارا مجاش وليدي آه يا الزهط لي ياخذ

كنت راح نقوللها خليه هكذا كي يكبر تلقاي روحك مذبوحة بلموس ولا بالرصاص

التربية وين وصلت

اوو مرة صاحبي روسوفور ركبت مرا مع وليدها صغير
قاعد قدام التاقة ومخرج راسو لبرا
قالو يا ولد

دخل راسك تجي كاش طونوبيل طيرك راسك
نطقت يماه بدات تعيط

مع الرسوفور قالتلو متعيطش مع وليدي يدير واش يحب

حبس الشوفور قاللها هنا في وسط الطريق تهبطي اوو خليه يدير واش يحب
كي هبطت فوسط الطريق قاللها قولي لوليدك ضرك يدير واش يحب
لوكان ضرباتو طونوبيل ماشي تبدا تعيط وتجري لابوليس تشتكي

اوو كاين اوو كاين والدين مخدومين غير للماكلا اوو للحوايج والمصروف صباح ربي

الله المستعان

مرانيش نقول كامل الوالدين هكذا متنساوش تعودو تزعفو مني
ان شاء الله من كونش طولت عليكم راني اختصرت بزاااااااف
بقاو على خير

سلام​

 

[الحلم الوردي]

رد: يا الوالدين واش الدور تاعكم غير الماكلا

اهلا خويا مالك
ان شاء الله راك مليح
بون هدي هي صح والو الوالدين مايقدروش يحكمو في اولادهم
مع الوقت يولو لولاد يحكمو في والديهم
يا حصرا عليك يا زمان
نشفى كي ندور كاش عفسة تنوض يما تزقي نبقاو ساكتين
مي نتاع دوركابا تلقاهم كل شيء يجيبوهولهم
مي مكاش قد ما يكونو الوالدين يعلمو ولادهم حوايج ملاح
صح تلقا الولد كيفاش يدير ليماه قدام اناس ويبدى يطيح في الهدرة
وتقولك نوغمال مازالو صغير
مي عند الناس يقولو ولد فلان
صح ماشي غي الماكلة وخلاص
ربي يجيب الخير
يعطيك الصحة
​

 

[Skor m@k]

رد: يا الوالدين واش الدور تاعكم غير الماكلا

اهلا خويا مالك
ان شاء الله راك مليح
بون هدي هي صح والو الوالدين مايقدروش يحكمو في اولادهم
مع الوقت يولو لولاد يحكمو في والديهم
يا حصرا عليك يا زمان
نشفى كي ندور كاش عفسة تنوض يما تزقي نبقاو ساكتين
مي نتاع دوركابا تلقاهم كل شيء يجيبوهولهم
مي مكاش قد ما يكونو الوالدين يعلمو ولادهم حوايج ملاح
صح تلقا الولد كيفاش يدير ليماه قدام اناس ويبدى يطيح في الهدرة
وتقولك نوغمال مازالو صغير
مي عند الناس يقولو ولد فلان
صح ماشي غي الماكلة وخلاص
ربي يجيب الخير
يعطيك الصحة
​

السلام عليكم
أهلا بيك ختي
آه لوكان تشوفي الزهط لي ديت من عند يما
كي ندير كاش زبلة خلي كي يجي كاش واحد يشكي
سور منرقدش مليح ههههه
مي ضرك كاين بزاف يقولك الضرب مايفيدش
لا لا يفيد هوما يخلوه حتى يكبر على هذوك الطوايش ممبعد يقولك ميفيدش الضرب
لازم التربية م الصغر
ربي يهنيك ختي​

 

[•الحآئرة•]

رد: يا الوالدين واش الدور تاعكم غير الماكلا

هههههه اخي. وفقت في. الموضوع
راك صحيح واش قلت
كاين بعض العباد تقوشي نتا جايين من عالم المثل
حتى الطريقة السليمة لي يربوا علاها والادهم مفاهاش خلاص فيهم
ان شاء الله حنا تربيو ولادنا على البنية الصحيحة لا حب ربي فاها خير ان شاء الله

 

[الزهرة الحمراء]

رد: يا الوالدين واش الدور تاعكم غير الماكلا

السلام عليكم خويا مالك
يعطيك الصحة على الموضوع المهم
صراحة كاين شي والدين تالمون يقلشو ولادهم حتى يلحقوا لمرحلة مايقدروش يسيطروا عليهم تلقى ام ولا اب مثلا لوكان مايديرش لوليدو هاديك العفسة الطفل ينوض يبكي والاب او الام مايلقى غير انو يمشي على راي وليدو باه مايبكيش وهاذي كامل تربية غالطة لوكان انا عندي والله يبكي على روحو ومانديرلوش حاجة ماهيش قدقد
الله غالب تربية هاد الوقت لازم الطفل من نهار يحل عينيه كل شيء كيما يحبو
ومن بعدة كي يكبرو ويعودوا شبابا ولا شابات نشوفوهم نورمال يسبوا الاهل وحتى تلحق يضربوهم حسبي الله ونعم الوكيل
ربي يهدينا ويصلح احوالنا
يعطيك الصحة على الموضوع
دمت في رعاية الله وحفظه​

 

[Skor m@k]

رد: يا الوالدين واش الدور تاعكم غير الماكلا

هههههه اخي. وفقت في. الموضوع
راك صحيح واش قلت
كاين بعض العباد تقوشي نتا جايين من عالم المثل
حتى الطريقة السليمة لي يربوا علاها والادهم مفاهاش خلاص فيهم
ان شاء الله حنا تربيو ولادنا على البنية الصحيحة لا حب ربي فاها خير ان شاء الله

السلام عليكم
هذا الدراري مكاش معاهم طريقة سلمية كاين العنف برك
لي مربي مربي من صغرو ماشي حتى يكبر
الوالدين تاع بكري رباو بصح تاع ضرك وكلوهم برك ههه
شكرا ليك ختي​

 

[Skor m@k]

رد: يا الوالدين واش الدور تاعكم غير الماكلا

السلام عليكم خويا مالك
يعطيك الصحة على الموضوع المهم
صراحة كاين شي والدين تالمون يقلشو ولادهم حتى يلحقوا لمرحلة مايقدروش يسيطروا عليهم تلقى ام ولا اب مثلا لوكان مايديرش لوليدو هاديك العفسة الطفل ينوض يبكي والاب او الام مايلقى غير انو يمشي على راي وليدو باه مايبكيش وهاذي كامل تربية غالطة لوكان انا عندي والله يبكي على روحو ومانديرلوش حاجة ماهيش قدقد
الله غالب تربية هاد الوقت لازم الطفل من نهار يحل عينيه كل شيء كيما يحبو
ومن بعدة كي يكبرو ويعودوا شبابا ولا شابات نشوفوهم نورمال يسبوا الاهل وحتى تلحق يضربوهم حسبي الله ونعم الوكيل
ربي يهدينا ويصلح احوالنا
يعطيك الصحة على الموضوع
دمت في رعاية الله وحفظه​

السلام عليكم
صح لفشوش والتقلاش هوما لي يخلو الطفل يجياح اوو يطلg هبالو عليهم
لوكان هنا تسرفقو بزوج كفوفة هناك يولي لطريق
مي حنا تقولك مزال صغير كي يكبر يتعقل
كاين بزاف لي مزال شاد فهاذي الكلمة
حتى يلقى روحو مضروب اوو مرمي فدار العجازا
ربي يجيب الخير
ربي يهنيك ختي ​

 

[بنفسج]

رد: يا الوالدين واش الدور تاعكم غير الماكلا

السلام عليكم
يعطيك الصحة خويا مالك موضوع توب كالعادة
مم والله غير عندك الحق ولينا نشوفو الوالدين يخافو من ولادتهم عجب
صح يصمطوها الوالدين بالدلال الزايد حتى يجياح بنهم
يخلوه يدير رايو ومبعد يقلك علاه
ربي يهدي واش نقولو
تحياتي لك
سلام​

 

[Skor m@k]

رد: يا الوالدين واش الدور تاعكم غير الماكلا

السلام عليكم
يعطيك الصحة خويا مالك موضوع توب كالعادة
مم والله غير عندك الحق ولينا نشوفو الوالدين يخافو من ولادتهم عجب
صح يصمطوها الوالدين بالدلال الزايد حتى يجياح بنهم
يخلوه يدير رايو ومبعد يقلك علاه
ربي يهدي واش نقولو
تحياتي لك
سلام​

السلام عليكم
أهلا بيك ختي كارليتا
الوالدين ضركم يهمهم برك الى كلاو ولادهم ولا مكلاوش
واش مالفايدا كي يكون شبعان والعقلية والظرافة زيرو
نقتلو اوو نرميه للكلاب يكلوه خير هههه
ربي يجيب الخير برك
يعطيك الصحة ختي​

 

[saho souhila]

رد: يا الوالدين واش الدور تاعكم غير الماكلا

وي كاينة بزاف و عندك الحق فيها
لكن الا من رحم ربك

و الله يخلي للجميع والديهم

و يعطيك الصحة خويا مالك

 

[Skor m@k]

رد: يا الوالدين واش الدور تاعكم غير الماكلا

وي كاينة بزاف و عندك الحق فيها
لكن الا من رحم ربك

و الله يخلي للجميع والديهم

و يعطيك الصحة خويا مالك

السلام عليكم
ماشي كامل بصح كاين بزاف لي معلبلهمش بولادهم
التربية جي م الصغر
شكرا ليك ختي​