بابيشا ولا مريولة سي كيف كيف ...

[Hakan]

السلاام عليكم ناس اللمة واش احوالكم ان شااء الله بخير

الناس كامل عندها فايسبوك الناس كامل تعرف المنتديات الرجال يكتبو والنساء يكتبو وكل واحد يعبر على المشاعر نتاعو
لكن نهار تلحقلك للقلب وتقيسلك الشرايين هنا لازم تفرغ واليوم حبيت نحكي معاكم على ظاهرة
المريولة .البابيشة .. الانوش .. الانوشة .. والمريول طبعا

في حياتي الاجتماعية نحب كامل الناس تعيطلي باسمي اذا ماعرفش يعيطلي بلقبي لكن في 2015-2016 خرجت عقلية جديدة
عقلية نقول عليها عقلية نااس ماش متربيين وجامي عرفو معنى الكلام المليح
نهار تصيب طفلة يعيطولها البابيشة والطفل يعيطولو المريول واللي فسدت الحالة هي انو يجي السي خونا والمادموزال ختنا تكتب اسمها بالخط العريض في الفايسبوك
جميلة البابيشة
والسي خونا حميد المريول
الناس كامل ما تعرفش واش معناها هاذي الاسماء مام انا ما نعرفش هاذي الاسماء والمعاني نتاعها لكن نعرف انو ماهيش مليحة وعيب كبير تقولها قدام واحد كبير
ياناس يالي راكم مسميين رواحكم بالبابيش والمريولين والانانيش هاذي هي الالقاب اللي يطلقوها ناس الدعارة وناس الملاهي على هاذوك المخنثين
عيب كبير نهار تكتب طفلة بنت فاميلية في الفايسبوك نتاعها انا المريولة او البابيشة وتكون هي وبنت الملاهيي في صف وااحد مالغري تبات هي تصلي والاخرى تبات ماكان لاه نكمل
المهم الموضوع ومافيه النااس اللي كاتبين هاذي الاسماء غير روحو بدلوها باسكو راهي عيب :

انوش تعني رجل يشبه للطفلة مخنث بصفة اخرى
مريولة تعني بنت ملاهي
بابيشا تعني بنت متبرجة كاسية عارية

والاسماء كثيرة وكل عام يختارعو اسم جديد باش هاذو المراهقن اللي قتلهم وازاة التربية بالانحراف يفتاخرو بهاذي الاسماء ويفرحو بيها

سلام واللي راهو مسمي روحو في هاذ المنتدى بهاذي الاسماء غير بدلو مادام الادارة راهي في المراقبة والخدمة ..​

 

[Skor m@k]

رد: بابيشا ولا مريولة سي كيف كيف ...

السلام عليكم
أهلا بيك خويا حكيم
في هذا الزمان مع كثر لي يشاركو فالفايسبوك ولات الناس تسمي برك
تكتب أي إسم فالفايسبوك يخرجلك مسمي بيه
حتى إسم حيوان اوو مخلاوهش
الناس ضرك ولات تبدع فالأسموات والألقاب كل واحد شوفوني باش معروف
كاين لي يسمي بإسم بالفرونسي اوو هو معلبلوش واش معناه
يقدر يكون كفر بالله اوو هو مجايب خبر
هذو الأسموات لي قلت عليهم بكري كنا كينسمعوهم جيك وحد الحشمة راسك مترفدوش
واللي يهدرهم غير كاش واحد مزطول ولا تاع ملاهي كيما قلت
ضرك ربي يستر برك طفلة تاع 10 سنين مسمية كيما قلت أنت
خلي اوو خلي البير بغطاه
​

 

[سيد الرجولة]

رد: بابيشا ولا مريولة سي كيف كيف ...

كيف كيف

 

[Malika Tlm]

رد: بابيشا ولا مريولة سي كيف كيف ...

السيلام عليكم
يا خويا رانا في مجتمع ميشرفش ماشي غي بالاسماء بصوالح بزاف
بابيشا مريولة واش هدا حتي تجي تنطقهم تعيفهم يا لطيف
المخ حابس يا خويا
ربي يهدينا لطريق الخير
تحياتي​

 

[الزهرة الحمراء]

رد: بابيشا ولا مريولة سي كيف كيف ...

السلام عليكم
يعطيك الصحة على الموضوع لي جا في وقتو مع واش رانا نشوفوا
صراحة انا نظن الأسماء هاذي انتشرت من الأغاني لي متشبهش تع الوقت هذا تلقاهم يسمعوا اغنية مثلا لي يغني يحكي على طفلة ويستعمل المصطلحات هاذو ايا تلقى نص البنات يروحو يسميو رواحهم هكاك على اساس زعما اسم مليح
وهي الواحد لوكان يخمم فيها برك شوية باين لي يغني منين راهو جاي من بلايص ماينذكروش وباين لي راهو يغني عليهم شافهم فهادوك لبلايص يعني من المغني وروح كل شيء عيان
ياحسراه كي كان الفن فن ماشي درك عاد عفن
وبيناتنا كنت نعرف برك انوش وبابيشة واش معناها
واليوم عرفت منك كلمة مريولة واش تعني
ربي يهدينا ويصلح احوالنا ويثبت علينا العقل والدين
مرة اخرى يعطيك الصحة
ورد الجوري لقلبك الطيب​

 

[zagane]

رد: بابيشا ولا مريولة سي كيف كيف ...

السلام عليكم
وشكون قال ليك بلي لي يحطو اسمائهم بهدا النوع بلي متربيين راهم عارفين واش راهم عارفين واش راهم يديرو

 

[بنت الـ25]

رد: بابيشا ولا مريولة سي كيف كيف ...

السلام عليكم

حالياً الأعضاء النشيطين الذين يشاهدون هذا الموضوع: 24 (1 عضو و 23 ضيف) بنت الـ25

ما شاء الله المراييل والبابيشات عندهم شعبية خخخخخخخخ

اولا حبيت نوضح حاجة
المريول : هي كلمة خليجية أو شرق أوسطية تعني المئزر لي نقولولها احنا الطابلية :d
يعني والله منعرف وش معناها مريولة وبابيشة وانوش ومنين جابوه ووش هو أصل التسمية؟:down:
قبل قليل وانا احكي مع ماما قلتلها والله ولدك الصغير (على أخي ) لقيت عندو Une amie مسمية روحها (الكشرودة المسوفجة):-o
مفهمتش علاه وحدة تحب تطلق على روحها اللقب البشع هدا:s
ناس ولات متخممش يا اخي ، يعاندو برك: ناس تهدر بلا ماعلابالها وش راهي تقول
مثلا عندي بنت عمتي صغيرة وحد نهار انا وهي نحكيو قالتلي كلمة بالانجليزية شوكاتني قتلها ايييييييي عيب:-o قاتلي منعرف سمعتهم يقولوها قلتها وفرحاااانة:thumb_up02:

والله انا ساعات نبقى حايرة :s
برحمة الوالدين قولولي وش معنتها كي يقولك واحد : علاه تكسر علينا فاللوز؟ راني ما فهمتهاش:smile02:
ولا يقولك : موه بقرة :s
ولا : كوليني بقلاوة:d
حابة نعرف المضرب تع هاد العبارات ؟:sport01:
​

 

[ام أمينة]

رد: بابيشا ولا مريولة سي كيف كيف ...

السلام عليكم
يعطيك الصحة اخي موضوع في غاية الاهمية
صح الواحد يقول و يتسائل وش هاد الاسامي ؟؟

ولينا نسمعو هاد الالقاب في كل مكان
انا بالنسبة لي يسمي روحو مريول/ة انوش/ة بابيش/ة باش يلف الانتباه و الله أعلم أو يمكن ما يكونوش يعرفو وش معناها

تحياتي
​

 

[الخليـل]

رد: بابيشا ولا مريولة سي كيف كيف ...

جزاك الله خيرا ونفع بك .... أثلجت صدري

 

[أم منيــــــر]

رد: بابيشا ولا مريولة سي كيف كيف ...

السلام عليكم
اسامي تدل على الانحطاط و التعفن لي راهم عايشين فيه
و كما قال زاقان شكون يقول بلي هادو متربيين و ولاد فاميليا
اصلا لمتربي دايمن يعطي صورة نقية ليه حتى في العالم الافتراضي لاخاطر الناس من خلال اسمو يحكمو عليه
​

الله يسترنا من هاد الوقت

 

[iman-dz4ever]

رد: بابيشا ولا مريولة سي كيف كيف ...

يعطيك الصحة خويا حكيم موضوع هايل
والله غير تحير انا لحد الساعة مش فاهمة واش معنى هذو الاسماء
والكبيرة قاع تلقى راجل متزوج ويقول لمرتو حلالو يا زلة نتاعي
خخخخخخخخخخ
ياك زلة بالعربي هي الغلطة
وتلقاها تفرح الجايحة
ربي يهدي ماخلق
​

 

[sosobibicha]

رد: بابيشا ولا مريولة سي كيف كيف ...

شكرا على الموضوع
انا اسمي هنا sosobibicha
بيبيشة هل هي بابيشة ​

 

[السلطانة]

رد: بابيشا ولا مريولة سي كيف كيف ...

وعليكم السلام

داتهم في الvيد المخلوقة لي غنات مريولي مريولي :d
الناس هاذو بنات ولاشباب وسورتو البنات لي يسميو بهاذ الاسامي ويحطو تصاور غير لائقة انا نقول عليهم ناقصين اخلاق وووعي :down:
الريح مديها وهي تقول محلى برودو
وكاين مجموعة هك منهم تجينا للمنتدى وتحب تمشي بهاذ العقلية نقصولهم جنحيهم يرجعو منين جاو :thumb_up02:
المنتدى ماشو الفايس بووك
وكيما حبة مشماش دايرة لي ماش :s
وكيما شيطانة مهبولة
:down::down::down:

كيما يقولو تفاهة الاسم تكفي من انك تزيد تغوص في هاد العقليات

يعطيك الصحة حكيم
​

 

[آمِيْرَتُه]

رد: بابيشا ولا مريولة سي كيف كيف ...

السلام عليك
جبتها لحتى لتم
المريول أو المريولة كلمة تركية تعني زير النساء آو الفاجر ( سامحوني على هذي الكلمة لكن غير باه نوضح برك ) و تاني معنها ينطبق على المرأة و هي مشتقة من الايطالية mariolo بمعنى محتال أو خدّاع
بصح في لهجتنا معنى نتاعها الشاب المتحرر أو البنت المتحررة الزهاوني و الزهوانية بصح لي يسهرو في الآماكن الغير مح**** هههه
و البابيشة هي الشيرة الصغيرة لي تبغي تعيش و تزهى و منعرف المهم عيش تشوف خويا

 

[دعاء الجنات]

رد: بابيشا ولا مريولة سي كيف كيف ...

شكرا خويا حكيم... موضوع في الصميم
المشكلة هي °°الصاحب----------ساحب
هذا يتبع هذا
الحمد لله ماعنديش فايس بوك وحلفت مانديروش والله راني راظية على روحي كي مادرتوش لأني نشوفو عديم الفائدة وباب سريع للفساد حاشا لي يعرف يتحكم فيه ؛ وشكراااا

 

[@R@ZIK]

رد: بابيشا ولا مريولة سي كيف كيف ...

السلام عليكم
يعطيك الصحة خويا حكيم على الموضوع القيم
المشكل انهم ما يفهموش معنى الكلام وتصيبهم يفتخرو بيه
البارح في البيس سمعت واحد الكلمة يقولوها كي رحت للدار قلت لخويا يرحم باباك واش معناها قالي ما تزيديش تعاوديها قلت ربي يهدي المشكل سمعتها من بنات 13 14 سنة بقى مخي حابس
ربي يهدي
يعطيك الصحة على الموضوع الهادف
تحياتي​

 

[الـساحر]

رد: بابيشا ولا مريولة سي كيف كيف ...

صحيييت
:-r:-r

 

[مهدي الثعالبي]

رد: بابيشا ولا مريولة سي كيف كيف ...

الطيور على اشكالها تقع

 

[Hakan]

رد: بابيشا ولا مريولة سي كيف كيف ...

السلام عليك
جبتها لحتى لتم
المريول أو المريولة كلمة تركية تعني زير النساء آو الفاجر ( سامحوني على هذي الكلمة لكن غير باه نوضح برك ) و تاني معنها ينطبق على المرأة و هي مشتقة من الايطالية mariolo بمعنى محتال أو خدّاع
بصح في لهجتنا معنى نتاعها الشاب المتحرر أو البنت المتحررة الزهاوني و الزهوانية بصح لي يسهرو في الآماكن الغير مح**** هههه
و البابيشة هي الشيرة الصغيرة لي تبغي تعيش و تزهى و منعرف المهم عيش تشوف خويا

وعليكم السلاام :

يااختي اميرته اولا شكرا لانك جبتيلنا الرسمي لانو الشرح نتاعي لهاذيك الاسماوات كان شرح من خلال
المواقع التي خرجت منها وشكون اللي يقولها والحمد لله وافقت الشرح اللي جبتيه انت بارك الله فيك
وبارك الله في الجميع موفقون ان شااء الله .​

 

[{مُدَلَّلَتُهُ}]

رد: بابيشا ولا مريولة سي كيف كيف ...

السلام عليكم و رحمة الله و بركاته

كي شفت موضوعك تفكرت وحدين . . وحدة مسميتلي روحها نملة دايرة ليماش و لُخرى حبة زيتون. . . و القائمة طوييلة

تع الصح أسماء تافهة إذا دلت على شيء فإنما هي تدل على انحطاط المستوى

كاش واحد مثقف و واعي يحط هاد الإسماوات يرحم باباك ؟ ! ها باينة نيـvـو ماكان ماكان يآ إما فاهم معناتهم و حاطهم باه يبان يآ إما جابهم من كاش بلاصة ما فهم شا معناتها ما والو دارها باه يعاند برك !

الله يهدينا
​