- إنضم
- 2 أكتوبر 2007
- المشاركات
- 6,767
- نقاط التفاعل
- 8,893
- النقاط
- 351
مساء الخير أخواتي اللماويات
ان شاء الله كامل راكم ملاح
اليوم درت تارت بالكرام باتيسري وشكلتها بالموز والفراولة
روكا ما نسيتكش راني حطيت الموضوع هههه
المقادير
العجينة استعملت بات صابلي
500 فرينة
250 غ زبدة انا استعملت فلوريال تكوني خرجتيها من قبل من الثلاجة مقطعة قطع صغار
فاني
2 مغارف كبار سكر ناعم
بيضتين
أترككم مع الصور
نحطو الفرينة والزبدة المقطعة وبأطراف الاصابع فقط تحاولي تدخلي الزبدة في الفرينة حتى تدخل في بعضاها
ثم تضيفي السكر الناعم وتخلطي
من بعد تضيفي البيضتين الواحدة تلو الاخرى حتى تتلم العجينة
وكي تتلم ديرها في بابي سيلوفان وديرها في الثلاجة ترتاح على الأقل ربع ساعة
ومن بعد خرجيها وديرها في السنيوة وديرها فيها ثقب بالشوكة ولا في ليكسات تاع التارت كيما في الصور
وقبل ما تدخليها الفرن لازم تكوني شعلتيه 10د من قبل وديري بابي المينوم وحطي من الفوق حمص ولا اي حبوب يابسة
نسيت ماصورتش باش ما تطلعش
جبتلكم صورة من النت
وديريها في الفرن حتى تطيب مليخ وتخرجيها
وهذا شكلها بعد ما طابت
تحضير الكرام باتيسري
نصف لتر حليب
3 مغارف سكر + 3 مغارف مايزينة نخلط بارد في بارد وندير الخليط على النار حتى يثقال
وكاين لي يدير البيض ديري حبة انا نحبها بلا بيض
من بعد فرغيها في صحن آخر ورشي فوقها شوي سكر وغطيها بالبابي سيلوفان باش ما تبيسش كيما في الصورة
وكي تبرد ضعي فوق التارت وزينيها كيما تحبي انت والذوق نتاعك
انا زينتها بالفراولة والموز ودهنت الفواكه بلاجولي باش تبرق وما تفسدش ورشيت عليها شوية لوز مرحي
وهذا شكلها النهائي
تفضلوا صحة وهنا
ان شاء الله نكون وفقت في التقديم وتعجبكم
تحياتي للجميع
آخر تعديل بواسطة المشرف:
