السلام عليكم
يد في الدنيا واليد الاخرى في الاخرة
هاد الظاهرة نلاحظوها بزاف في الجنايز والمأتم
في وحد الجنازة وضعو الميت في التابوت في القيطون قبل ما يدفنوه بعد منتصف النهار اي بعد ما يفطرو الحضور طبعا الطعام الكسكسي
كاين وحد المجموعة وقت الفطور كانو قدام التابوت جالسيين وراكزين على تابوت الميت بيد وياكلو في طعامو باليد الاخرى
والضحك والقهقهة دايرا حالا .
يد في الدنيا ويد في الاخرة
عندما يدفنو الميت يتعاونو المشيعون باش يدو الاجر يتعاونو في ردم الجثة في القبر
لكن وحدين شفنا يد تتكلم بالبورتابل في لي زافار ويد رافدا البالا وتردم في الميت
يد في الدنيا ويد في الاخرة
وحد المرضى عندهم عمليات جراحية في المستشفيات ولا الدور اي لاشان عند الاختصاصيين
تلقاهم يدفعو في رشاوي باش يديرو ليهم العملية او باش يدو دور نتاع مريض اخر ويفوتو قبلو
بغاو يسبقو عزرائيل بالرشوة
يد في الدنيا ويد في الاخرة
وكاين لي راوحو رايحا تخرج وشخص جاي يطلب منو السماح او ناس قالو لو اسمح لفلان حتى وان كان اخوه
وهو يقول ليهم والله ما نسمح لو لو كان تطلع روحي الان
يد في الدنيا ويد في الاخرة
الغسالين لي يغسلو الموتى بعضهم تلقاهم يغسلو في الميت
والضحك والتمنشير دايريين حالة والميت ملقى على ظهره والماء يصب عليه
يد في الدنيا ويد في الاخرة
كي يغسلو الميت يجو مشعودين او مشعودات يجمعو ماء الميت المغسول بالتخبيا
ويدو هداك الماء من تحت الميت مباشرة وربما يبيعوه باثمان للسحور والطلاسم
يد في الدنيا ويد في الاخرة
كل يوم نسمعو السحارات نبش القبور باش يجبدو ويقطعو يد الميت وربما تباع باثمان
باش يفتلو بيها طعام المسحور ويوكلوه النساء للرجال لحاجة من الشعودة .
ويصبح هداك الميت
يد في الدنيا ويد في الاخرة
واحد جا يعزي واحد امو توفات عوض باش يقول ليه اعظم الله اجركم
قال ليه عيدك مبروك قلبو ما كانش في الجنازة .
ادن
يد في الدنيا ويد في الاخرة.
واحد قطع يد صبع ابوه بعدما مات واكتب كامل الميراث ليه
واكتب وصية ليه من ابوه وامضى ثم بصم بصمة بالاصبع نتاع يد ابوه لي قطعها
وحب يستولي على الميراث كلو ولكن ربي كشفو .
يد في الدنيا ويد في الاخرة.
علاش تحجرت القلوب كيما هاك ولاو ما يخافوش الموت ولا الموتى ولا حتى العبرة
كاين انسان ما لقاش احترام مين كان حي ومالقاش الاحترام بعدما مات .
الميت جسد بلا روح ولكن هداك الجسد مازال يستحق منا التقدير والاحترام والاكرام حتى بعد الدفن.
يد في الدنيا واليد الاخرى في الاخرة
هاد الظاهرة نلاحظوها بزاف في الجنايز والمأتم
في وحد الجنازة وضعو الميت في التابوت في القيطون قبل ما يدفنوه بعد منتصف النهار اي بعد ما يفطرو الحضور طبعا الطعام الكسكسي
كاين وحد المجموعة وقت الفطور كانو قدام التابوت جالسيين وراكزين على تابوت الميت بيد وياكلو في طعامو باليد الاخرى
والضحك والقهقهة دايرا حالا .
يد في الدنيا ويد في الاخرة
عندما يدفنو الميت يتعاونو المشيعون باش يدو الاجر يتعاونو في ردم الجثة في القبر
لكن وحدين شفنا يد تتكلم بالبورتابل في لي زافار ويد رافدا البالا وتردم في الميت
يد في الدنيا ويد في الاخرة
وحد المرضى عندهم عمليات جراحية في المستشفيات ولا الدور اي لاشان عند الاختصاصيين
تلقاهم يدفعو في رشاوي باش يديرو ليهم العملية او باش يدو دور نتاع مريض اخر ويفوتو قبلو
بغاو يسبقو عزرائيل بالرشوة
يد في الدنيا ويد في الاخرة
وكاين لي راوحو رايحا تخرج وشخص جاي يطلب منو السماح او ناس قالو لو اسمح لفلان حتى وان كان اخوه
وهو يقول ليهم والله ما نسمح لو لو كان تطلع روحي الان
يد في الدنيا ويد في الاخرة
الغسالين لي يغسلو الموتى بعضهم تلقاهم يغسلو في الميت
والضحك والتمنشير دايريين حالة والميت ملقى على ظهره والماء يصب عليه
يد في الدنيا ويد في الاخرة
كي يغسلو الميت يجو مشعودين او مشعودات يجمعو ماء الميت المغسول بالتخبيا
ويدو هداك الماء من تحت الميت مباشرة وربما يبيعوه باثمان للسحور والطلاسم
يد في الدنيا ويد في الاخرة
كل يوم نسمعو السحارات نبش القبور باش يجبدو ويقطعو يد الميت وربما تباع باثمان
باش يفتلو بيها طعام المسحور ويوكلوه النساء للرجال لحاجة من الشعودة .
ويصبح هداك الميت
يد في الدنيا ويد في الاخرة
واحد جا يعزي واحد امو توفات عوض باش يقول ليه اعظم الله اجركم
قال ليه عيدك مبروك قلبو ما كانش في الجنازة .
ادن
يد في الدنيا ويد في الاخرة.
واحد قطع يد صبع ابوه بعدما مات واكتب كامل الميراث ليه
واكتب وصية ليه من ابوه وامضى ثم بصم بصمة بالاصبع نتاع يد ابوه لي قطعها
وحب يستولي على الميراث كلو ولكن ربي كشفو .
يد في الدنيا ويد في الاخرة.
علاش تحجرت القلوب كيما هاك ولاو ما يخافوش الموت ولا الموتى ولا حتى العبرة
كاين انسان ما لقاش احترام مين كان حي ومالقاش الاحترام بعدما مات .
الميت جسد بلا روح ولكن هداك الجسد مازال يستحق منا التقدير والاحترام والاكرام حتى بعد الدفن.
آخر تعديل بواسطة المشرف:
