منع تساقط الشعر + تعطير الشعر - من اعدادي -

[آمِيْرَتُه]

السلام عليكم ورحمة الله تعالى و بركاته

مرحبا حبيباتي :love01:

اليوم جبت موضوع عن : منع تساقط الشعر + تعطيره

الموضوع من مجهودي و تجربتي الخاصة


الكثير من الأخوات يعانو من تساقط الشعر و أنا وحدة منهن جربت كل الطرق و لكن فادتني طريقة سهلة و في متناول كل الأخوات

التجربة مكونة من زيت زيتون + الثوم

نجيبو حبة ثوم نحرقوها في النار و بعدها نحكموها نكرفصوها ' ههه مش عارفة بلهجتكم كيفاش ' و بعدها نجيبو قارورة صغيرة نديرو زيت الزيتون و نضيفو الثوم المكرفص و نخلوها لمدة 15 يوم
و منبعد نولو نديروه كحمام زيتي للشعر في نهاية الأسبوع و لا قبل متغسلي شعرك قبل 4 ساعات و قبل وضعه سخنيه غير شوية و حطي في فروة الشعر و باقي الشعر مع التدليك
و فوائده مليحة بزاف فالثوم مواده تعمل على تغزية الشعر وتعزيز كثافتة ونموه تغذية جذور الشعر بحيث لا يتعرض إى السقوط .

تعطير الشعر​

أكيد كي نديرو زيت الثوم راح تولي فيه ريحة وراكم تعرفو ريحة الثوم و حتى نتجنب الرائحة نحكمو أي عطر مفضل لينا

و نرشو شوية فالمنشفة و نمسحو شعرنا بيها و لي حابة تخلي المنشفة تخليها مدة 10 د فوق راسها و هكا تتخلصي من رائحة و كاين طريقة آخرى كي تغسلي شعرك و تكملي ديري قطرات
من خل التفاح في الماء و شلي شعرك مليح بيه

إن شاء الله الموضوع يفيد الآخوات





​

 

[الحلم الوردي]

رد: منع تساقط الشعر + تعطير الشعر - من اعدادي -

يعطيك الصحة اختي آمنة
انا تانيك كي ندير زيت الثوم لشعري
موالفة ندير قطرات من خل التفاح في الماء
جزاكي الله كل خير
​

 

[أم منيــــــر]

رد: منع تساقط الشعر + تعطير الشعر - من اعدادي -

بارك الله فيك انا دايمن نعاني من هاد المشكل
نجربها ان شاء الله و ندعيلك بالخير
​

 

[iman-dz4ever]

رد: منع تساقط الشعر + تعطير الشعر - من اعدادي -

مشكورة حنونة على الموضوع
راه رايح للتجربة
وهذا الزيت يوقف التساقط برك
ولا يطووووووول الشعر
​

 

[لؤلؤة قسنطينة]

رد: منع تساقط الشعر + تعطير الشعر - من اعدادي -

السلام عليكم
بارك الله فيكِ أختي وسمعت بيها من قبل تاع الثوم وزيت الزيتون
ودرك شفتها بالتفصيل من عندك، جزاك الله خيراً
بصح تخافي لا يولي راسنا طبخة هههه مع زيت الزيتون والثوم نزيدولهم شوي ملح وفلفل لكحل
وهي كملت الطبخة ههههه، غير نضحك ^^
ربي يوفقك اختي
تقبلي مروري
​

 

[اكارينا]

رد: منع تساقط الشعر + تعطير الشعر - من اعدادي -

صحيتي أختي والله رانا نعانو من هذي المشكلة الله يحفظك

 

[الہٰوردة الہٰسہٰوداء]

رد: منع تساقط الشعر + تعطير الشعر - من اعدادي -

بارك الله فيك​

 

[آمِيْرَتُه]

رد: منع تساقط الشعر + تعطير الشعر - من اعدادي -

شكرا على المرور حبيباتي
ههه شخشوخة خخخخ شعرنا يولي
مدام راح يغذي جذور أكيد راح يزيد في طوله
أنا شعري طويل حتى لتحت و تبان ليا زاد في طوله لأن راني غير كي قصيت من تحت شوية و رجع طوال من جديد

 

[خفيفة الروح]

رد: منع تساقط الشعر + تعطير الشعر - من اعدادي -

مشكوووورة

 

[آمِيْرَتُه]

رد: منع تساقط الشعر + تعطير الشعر - من اعدادي -

العفو شكرا على المرور

 

[{مُدَلَّلَتُهُ}]

رد: منع تساقط الشعر + تعطير الشعر - من اعدادي -

السلام عليكم و رحمة الله و بركاته

امم وصفة ساهلة ان شا الله نجربها . . و كي جربت هاذيك الوصفة تع الفازلين الي مع الماجيك و نفعتني أكيد هاذي تاني رح تنفعني ههه !

رح نحاول ان شا الله نديرها و تجيب معايا نتيجة ♥ يعطيك الصحة منمن
​

 

[السلطانة]

رد: منع تساقط الشعر + تعطير الشعر - من اعدادي -

وعليكم السلام يعطيك الصحة لمشاركتنا هذه التجربة الحصرية المفيدة

 

[Nilüfer]

رد: منع تساقط الشعر + تعطير الشعر - من اعدادي -

السلام عليكم

بارك الله فيكي على الإفادة
​

 

[khadoudj nr]

رد: منع تساقط الشعر + تعطير الشعر - من اعدادي -

شكرااااااااااااااااا

 

[نبض الحياة]

رد: منع تساقط الشعر + تعطير الشعر - من اعدادي -

و عليكم السلام و رحمة الله و بركاته
يعطيك الصحة منمن
طريقة رااااااائعة
شكرا حبيبتي

 

[ازهار الربيع]

رد: منع تساقط الشعر + تعطير الشعر - من اعدادي -

مشكوووووووووورة عزيزتي
للاضافة نقدرو نرشو لا بروس لي نمشطو بيها السعر بالبارفان اللي تحبي وتمشطي شعرك

 

[koukou04]

رد: منع تساقط الشعر + تعطير الشعر - من اعدادي -

انا دائما نديرها روعة و عاونتني بزاف ..
يعطيك الصحة حنونة ♥​

 

[آمِيْرَتُه]

رد: منع تساقط الشعر + تعطير الشعر - من اعدادي -

شكرا على المرور حبيباتي

 

[سكون الفجر]

رد: منع تساقط الشعر + تعطير الشعر - من اعدادي -

والله يا آميرته قتلني تساقط الشعر ومشكلة عندي هي الشعر الخفيف في مقدمة الرأس
لدرجة اني ارى جلد رأسي بوضوح
وهذه المشكلة عملتلي عدم الثقة بنفسي، وحاولت بالجرجير وبالثوم وزيت الزيتون ولم ينجح الامر
كان شعري يصل الى اسفل من خصري ولكنني قصصته حتى شحنة اذني
والآن زاد طوله ووصل الى رقبتي ولكني لازلت اعاني من ذاك الشعر الخفيف الذي بمقدمة رأسي
زرت طبيبة وقالت لي انها حالة نفسية!! ولكني لا اظن انها حالة نفسية
اعذريني على الثرثرة التي ربما هي خارج الموضوع عزيزتي
ولكن سأجرب هذه الخلطة وإن شاء الله أستفيد منها
بوركتِ عزيزتي

 

[آمِيْرَتُه]

رد: منع تساقط الشعر + تعطير الشعر - من اعدادي -

اهلا اختي جربي الوصفة
انا كذلك اعاني من مقدمة الرأس بسبب السحر ربي يهديهم
لكن كنت دائما اضع القليل من زيت زيتون في يدي و اقوم بحك المكان حتى بدا الشعر ينبت لكن ينبت يسقط مجددا لأن مفعول السحر مازال
ربي يهدي برك و ربي يشفينا حبيبتي جربي لربما نفعتك