الجرح يبرى وكلام العار ما يبراش

[مسك وعنبر]

الجرح يبرى وكلام العار ما يبراش
السلام عليكم ورحمة الله تعالى وبركاته
واش راكم يا ناس اللمة الكرام إن شاء الله تكونو بخير وعافية

اليوم المشاركة ديالي رايحا تكون على الهدرة بين الناس وراكم أكيد لاحضتو بلي كاين بالزاف عباد مايردوش بالهم لكلامهم ويجرحو الناس بهدرتهم وهاد الشىء من خلال مواقف كتيرة في حياتنا كاين حتى اللي

باش يبان ويخطف الأنظار تصيبو يقلل من قيمة الإنسان اللي راه يتحاور معاه ويبدى يعلق على طريقة الحديث ديالو وكاين حتى اللي تعداو هاد المرحلة وولاو يتقصدو الإهانة في الوجه أنا من خلال هاد الموضوع حبيت نقول لهاد الناس مادا بيكم تخمو شوية وتحطو النقاط على الحروف قبل ما تهدرو برك بلا تفكير في كلامكم على خاطر راه الكلام مسؤولية حاولو تطلعو المستوى شوية وروضو نفوسكم على القول الحسن على الأقل كي تروحو من هاد الدنيا يتفكروكم الناس بالحاجة لمليحة وكيما يقولو جدودنا بكري الجرح يبرى وكلام العار مايبراش

ودمتم سالمين :regards01:
​

 

[لؤلؤة قسنطينة]

رد: الجرح يبرى وكلام العار ما يبراش

السلام عليكم أختي الغالية
دائما مواضيعك قيمة وهادفة بارك الله فيك وربي يجازيك كل الخير
اما فيما يخص موضوعك والله يا أختي هاد الامر راني عايشتو كل يوم
يعني باه تشوفي انسان يعمل المستحيل باه يقولك هاداك الكلام السيء ويتفاخر بروحو
في نظري انسان مريض، خاطر غير لي عندو عقدة نفسية هو لي يحب يثبت وجودو بهاداك الكلام
ويبين قوتو على غيرو، خاطر القوي تاع الصح لي يثبت وجودو بظرافتو وبكلامو النظيف
ويحترم غيرو ، نقولو ربي يهديهم برك يا اختي، لي ماترباش في صغرو ماش رايحين نعاودولو التربية في كبرو
ربي يهدينا ان شاء الله
تقبلي مروري المتواضع
​

 

[ثَسْكُورْثْ نَثْدُوكْلِي]

رد: الجرح يبرى وكلام العار ما يبراش

سلام عليكم ختيتو

مشكورة ع الموضوع القيم صح وش قلتي للاسف هذا حال مجتمعنا وحتى وحد مايحس بالاخر كل وحد يحب يبرهن روحو حتى على حساب كلام جريح

ربي يهدي مالخلق هذا مكان

موفقة
​

 

[zagane]

رد: الجرح يبرى وكلام العار ما يبراش

الجرح يبرى وكلام العار ما يبراش
السلام عليكم ورحمة الله تعالى وبركاته
واش راكم يا ناس اللمة الكرام إن شاء الله تكونو بخير وعافية

اليوم المشاركة ديالي رايحا تكون على الهدرة بين الناس وراكم أكيد لاحضتو بلي كاين بالزاف عباد مايردوش بالهم لكلامهم ويجرحو الناس بهدرتهم وهاد الشىء من خلال مواقف كتيرة في حياتنا كاين حتى اللي

باش يبان ويخطف الأنظار تصيبو يقلل من قيمة الإنسان اللي راه يتحاور معاه ويبدى يعلق على طريقة الحديث ديالو وكاين حتى اللي تعداو هاد المرحلة وولاو يتقصدو الإهانة في الوجه أنا من خلال هاد الموضوع حبيت نقول لهاد الناس مادا بيكم تخمو شوية وتحطو النقاط على الحروف قبل ما تهدرو برك بلا تفكير في كلامكم على خاطر راه الكلام مسؤولية حاولو تطلعو المستوى شوية وروضو نفوسكم على القول الحسن على الأقل كي تروحو من هاد الدنيا يتفكروكم الناس بالحاجة لمليحة وكيما يقولو جدودنا بكري الجرح يبرى وكلام العار مايبراش

ودمتم سالمين :regards01:
​

السلام عليكم
يوجد في النهر مالا يوجد في البحر
والانسن لازم يقيم كل واقف اماموا
بارك الله فيك

 

[مسك وعنبر]

رد: الجرح يبرى وكلام العار ما يبراش

صباحكم سعيد يا أهل اللمة الطيببن وأسعد الله نهاركم بكل خير وبركة ألف شكر ليكم على التفاعل الجميل وربي إن شاء الله يثبتنا ديما على القول الحسن والأخلاق الرفيعة ودمتم سالمين :regards01:​

 

[خفيفة الروح]

رد: الجرح يبرى وكلام العار ما يبراش

مشكوووورة موضوع في القمة

 

[{مُدَلَّلَتُهُ}]

رد: الجرح يبرى وكلام العار ما يبراش

السلام عليكم و رحمة الله و بركاته

بارك الله فيك على الموضوع أختي . . . !

شخصيا نشوف هاذوك الناس الي ما يوزنوش هدرتهم و يضلوآ يجرحوا في الغاشي بكلامهم "شخصيات مريضة" !

× قُل خَيرآ أو اصمت × ! هاذي وصية حبيبنا صلى الله عليه و سلم ان شا الله يطبقوها و كل واحد يقيس الكلام قبل لا يهدر !

السلآم عليكم
​

 

[Salah eddin]

رد: الجرح يبرى وكلام العار ما يبراش

كاينة ...........

 

[ام أمينة]

رد: الجرح يبرى وكلام العار ما يبراش

السلام عليكم
كاين ناس لي بطبعهم يهدرو هكاك و يجرحوك دون قصد
و كاين لي يديرو زكارة و يبهدلوكو يجرحوك في وسط الجماعة
ربي يهديهم
مشكورة على الموضوع
تحياتي

​

 

[safouane batna]

رد: الجرح يبرى وكلام العار ما يبراش

ربي يهدينا ان شاء الله لافرق بيننا إلا بالتقوى فقط كلنا عيوب ونتكلم عن عيوب الأخرين كيما الجمل يضحك على حدبة صاحبو وماشافش حدبتو

 

[Mr Brahim]

رد: الجرح يبرى وكلام العار ما يبراش

عن عبد الله بن عمرو ـ رضي الله عنهما ـ عن النبي صلى الله عليه وسلم قال: المسلم من سلم المسلمون من لسانه ويده، والمهاجر من هجر ما نهى الله عنه.
صحيح البخاري

 

[hadjer 23]

رد: الجرح يبرى وكلام العار ما يبراش

السلام عليكم يا جماعة الخير
ان شاء الله تكونو بخير
والله يا اختي موضوعك هذا يستحق النقاش المطول لانو اصبح الطريقة الغالبةللحوار في مجتمعنا
لكني رايحة نختصر في انو الشيئ هذا سببه التربية الاسرية الي ولات مع الاسف ما تهتمش لاسلوب كلام اولادهم و معاملتهم مع الغير بالعكس حتى كون احد الوالدين ينتبه الآخر يردها ضحكة وافتخار بأنو الجيل تغير وتطور و مايتقيدش بطريقتنا في الكلام
عالعموم مشكورين على هاذ الموضوع والخاوة شاركو بما فيه الكفاية
(هذا رايي ان شاء الله تتقبلوه ^^)

 

[اميرة اللطيفة]

رد: الجرح يبرى وكلام العار ما يبراش

ربي يهدينا ان شاء الله لافرق بيننا إلا بالتقوى فقط كلنا عيوب ونتكلم عن عيوب الأخرين كيما الجمل يضحك على حدبة صاحبو وماشافش حدبتو

 

[الامين محمد]

رد: الجرح يبرى وكلام العار ما يبراش

للأسف جرح لسان اكبر و أخطر
و أكثر ايلامنا من جرح السيف و السكين
و للأسف يوجد الكثيرين المحترفين في لغة الجرح
بألسنة حدااد أحد من الموس

متناسين أن الله يكب الناس على وجوههم يوم القيامة بسبب السنتهم
و متناسين ان الكمة يقولها
العبد لا يلقي لها بال
قد تلقي بصاحبها في قاااع جهنم سبعين خريفا

شكرا موضوع في الصميييم​

 

[youcef.as.dz]

رد: الجرح يبرى وكلام العار ما يبراش

اكثر اهل النار دخلو بسبب لسانهم
ربي يهدينا