أرواحو أدخلو .. كاين الجديد

[Skor m@k]

بسم الله الرحمن الرحيم
السلام عليكم


هاذي في خاطر الناس لي عاينونا :pاوو قالو مراكمش تكتبو:yahoo01: هههه

تاع كاش جديد دايرا رايها فالدزاير بصح جامي يقولك الجديد واشنو هو ؟؟؟؟
مي حنا فالحومة عندنا ناس سبيسيال عندهم لجديد
نقدر نقوللكم عمي غوغل راهو كاري في راسهم
الحاجا لي تسقسيهم عليها يعرفوها

بصح ماشي الحاجا لمليحة
غير هاو هذاك شرا هاو باع هاو خطب هاو زيدت هاو طلقت
والمشكلة يعرفو الفاميليا تاعك كثر منك هههه

ولمليحة يجي يقولك بلا حشمة
سورتو الى غابتلو هذيك العفسة تلقاه مقلق تقول صراتلو ليه
أنت تقول مسكين راهو يخمم عليا هههه

أنا لي يحيرني حتى فالفايسبوك يسقسيك على لي زامي
أسمع شكون هذيك لي ماجوتيها عندك
نتبسم اوو نضحك الضحكة الصفرة مي الله غالب
الكلمة لحلوة معادش تبغي تخرج من فمي نقولهالو ههههه

كاين عيباد تريح معاهم كبار فالعمر يقولك منشوفش مليح النواضر مجبتهومش
مي كي يجوز كاش عبد ملبعيد هو اللول لي يشوفو
ويزيد يقولك هذاك ماشي فلان راهو بالقضيان
علاه عندو زردة ههههه
ماشي ختو دارت لانيفارسار تاعها

ولي حبسلي راسي كامل
كنت نمشي جا ليا واحد قالي بنت عمتك زيدت
قلتلو ريح متتمسخر البارح كنت عندهم كرشها مكانتش كبيرة
عيت لوليد عمتي قالي صح كاين منها زيدت

اوو هذاك السيد ماجارنا ميكولنا مايسكن قدام عمتي
هكذاك اوو عرف واش معرفت

هكذا يقرعجو

مي أنا هذو العيباد نبغيهم الحاجا لي تبغي تعرفها قوللهم برك هاهاهاه

منطولش عليكم ياك راكم ملاح شويا
أبقاو على خير​

 

[اكارينا]

رد: أرواحو أدخلو .. كاين الجديد

سلام cv هههههههههههه

 

[ندى الشاوية]

رد: أرواحو أدخلو .. كاين الجديد

اهلا
اه والله صح حتى ساعات كي يجي عاقب عليك واحد تحب تسقسيه كاش جديد عليا
كاش اخبار تخصني
هههههه
موضوع رائع وطرح اروع
تقبل مروري
​

 

[لؤلؤة قسنطينة]

رد: أرواحو أدخلو .. كاين الجديد

السلام عليكم
هههههههه زعما شكون الناس هادو لي عاينوك ؟ ربي يحفظهم لي خلاونا نشوفو موضوع كيما هادا :d
والله نحيتلي على بالي خويا مالك، مواضيعك دايما وحدهم، خاصة تاع بنت عمتك زيدت ههههههه والله وحدك
ربي يهديهم هاد الناس ان شاء الله، يخدمو كتر من الرادار، تشري قش جديد يفيقولك، تزوج يفيقولك، تطلق يفيقولك،
تزور وليد عم خالة أب جد يماك يفيقولك ههههههه، هادي هي خدمتهم غير يتوقبو على لعباد
كن تشري صباط جديد حاشاك يقولولك آآو وكتاه شريتو ياك البارح نهار كامل ونتا في الدار ههههه
ربي يهدينا ويهديهم برك، جيت ندير رد لقيتك ماخليتليش الفرصة هدرت على كلشي
ربي يوفقك خويا مالك
تقبل مروري المتواضع
​

 

[Skor m@k]

رد: أرواحو أدخلو .. كاين الجديد

سلام cv هههههههههههه

سلام راكم ملاح
حنا رنا ملاح والنباتات والخضروات كامل ملاح هههه
شكرا ليك ختي​

 

[Skor m@k]

رد: أرواحو أدخلو .. كاين الجديد

اهلا
اه والله صح حتى ساعات كي يجي عاقب عليك واحد تحب تسقسيه كاش جديد عليا
كاش اخبار تخصني
هههههه
موضوع رائع وطرح اروع
تقبل مروري
​

السلام عليكم
ههه كاين منها لازم نسقسيه على روحي كاش ما خصني وانا معرفتش هههه
نعود نغبن روحي وانا لا خبر
يعطيك الصحة​

 

[Skor m@k]

رد: أرواحو أدخلو .. كاين الجديد

السلام عليكم
هههههههه زعما شكون الناس هادو لي عاينوك ؟ ربي يحفظهم لي خلاونا نشوفو موضوع كيما هادا :d
والله نحيتلي على بالي خويا مالك، مواضيعك دايما وحدهم، خاصة تاع بنت عمتك زيدت ههههههه والله وحدك
ربي يهديهم هاد الناس ان شاء الله، يخدمو كتر من الرادار، تشري قش جديد يفيقولك، تزوج يفيقولك، تطلق يفيقولك،
تزور وليد عم خالة أب جد يماك يفيقولك ههههههه، هادي هي خدمتهم غير يتوقبو على لعباد
كن تشري صباط جديد حاشاك يقولولك آآو وكتاه شريتو ياك البارح نهار كامل ونتا في الدار ههههه
ربي يهدينا ويهديهم برك، جيت ندير رد لقيتك ماخليتليش الفرصة هدرت على كلشي
ربي يوفقك خويا مالك
تقبل مروري المتواضع
​

السلام عليكم

( خويا مالك راني ضربتو بعين ماعادش يكتب مواضيع :d )

هههههه ربي يحفظهم ههههههه هاذو لي عاينوني هدروها بفمهم :p:tongue02:
خممت باش نديرلهم موقع سبيسيال ليهم للتقرعيج هههههه
والمشكلة يسقسوك على أبسط الأشياء لي متتوقعهاش كامل
عندهم مرض تاع التقرعيج
كي شغل حنا لازم نشربو الما هوما لازم يقرعجو
بصح أنا نبغيهم كيما قلت يعجبوني الله غالب ههههه
ربي يحفظك ختي مريم وينجحك ​

 

[اكارينا]

رد: أرواحو أدخلو .. كاين الجديد

سلام راكم ملاح
حنا رنا ملاح والنباتات والخضروات كامل ملاح هههه
شكرا ليك ختي​

أيا مليح ربي يدومها

 

[Hakan]

رد: أرواحو أدخلو .. كاين الجديد

هههه كاين عباد نورمال تفوت عليهم وتقلهم كااش جديد عليا كاشما درت في هاذو الساعات
يقلك ايه كاين الجديد حقا راك خرجت روشارش في الخدمة الوطنية الله يعطيكم رعدة ان شااء الله
عباد خلق ليقرعج خلق للجديد مي مانجمنالهمش ياخويا وكيما قلت مام تقلهم الكلام اللي ماشي مليح غدوا تكون اخر الاخبار نتاعك
حكيم سمعناه قال كلام ماش مليح وتا تا اتتا ربي يهدي ان شااء الله والله رانا بخير الحمد لله ههه​

 

[Skor m@k]

رد: أرواحو أدخلو .. كاين الجديد

هههه كاين عباد نورمال تفوت عليهم وتقلهم كااش جديد عليا كاشما درت في هاذو الساعات
يقلك ايه كاين الجديد حقا راك خرجت روشارش في الخدمة الوطنية الله يعطيكم رعدة ان شااء الله
عباد خلق ليقرعج خلق للجديد مي مانجمنالهمش ياخويا وكيما قلت مام تقلهم الكلام اللي ماشي مليح غدوا تكون اخر الاخبار نتاعك
حكيم سمعناه قال كلام ماش مليح وتا تا اتتا ربي يهدي ان شااء الله والله رانا بخير الحمد لله ههه​

السلام عليكم
آه يا خويا حكيم
والمشكلة نهار تحتاجهم فكاش شغل يقولك معنديش الوقت هههه
تقول عندهم لوزينات تاع الفرماج يخافو يخسر هههه
نهار كامل اوو هوما يعسو فالناس ​

 

[اكارينا]

رد: أرواحو أدخلو .. كاين الجديد

ربي يهديهم

 

[ثَسْكُورْثْ نَثْدُوكْلِي]

رد: أرواحو أدخلو .. كاين الجديد

هههههه تحير تع الصح وعليكم السلام

جيت نجري قلت نروح نشوف لجديد تع خونا مالك خخخخخ حتى طارتلي العربية ومالقيتش كيفاه نعبر :d


نولي للسوجي والله صح وش حكيت وتحير تع الصح من هذو لعباد والمشكل فهاذوك لمايجيبوش لخبر الصحيح ويطبطب من ريسانهم

فكرتني المرة اللي فاتت تلاقيت مع وحدة كانت تقرا ف الليسي تعنا

شافت فيا وقالتلي اوووو خلاك راجلك تكملي قرايتك :s

او شكون هذا زوجتوني وماعلباليش خلعتني تع الصح قلتلها راكي غالطة ختيتو قالتلي يك انت فلانة قلتلها ايه انا:-r

قالتلي او سبحان الله ماتخبيش راني علبالي بلي تزوجتي هذاك الاستاذ لكان يقريكم :s:-o

بعدها شفت فيها :s وقلتلها او منك صح مانعرف بلاك غير انا لمعلباليش :down:
اسناي نسقسيك نبروفيطي

قالتلي وي تفضلي : قلتلها شحال عندي دراري وكيفاه سميتهم وتعيشي قوليلي كيفاه مواسي داري نسكن وحدي ول مع عجوزتي خخخخخ تباااا

:down::down::down: يعيوووو تع الصح

خخخخخ ووحدة تلاقيت معاها ف العرس قالتلي راكي هنا قلتلها لاه وين رحت تاني قالتلي يك راكي ف فرنسا :-o

ييييي بعثولي لفرنسا وانا ماعرفتش يعععع حسدوني هههه

وبزاااف عفسات مادور هك حتى تلقى روحك وليت شخصية كبييرة ...


كاين ليعس ف العباد ويجبد كل صغيرة وكبيرة حتى اذا بلعت اللعاب (ههه ماعرفتش كيفاه يقولوه بالدرجة ) يقولولك
وكاين ليزيد يرقع ف قصص ويزيد يسقمها ع لا قوسطوه :down:




__________


هههه عجبتني عفسة تع بنت عمك كي زيدت خخخخخ بالبركة

________


ايا رانا الحمد لله ان شاء الله انت تكون بخير

وربي يهدي ماخلق هذا مكان
عيش تشوف :down:
_______

بالتوفيق وشكرااا ع الموضوع



​

 

[الزهرة الحمراء]

رد: أرواحو أدخلو .. كاين الجديد

السلام عليكم خويا مالك يعطيك الصحة على الموضوع
ايوااااااا راك حكيت على الناس لي كاين منهم بزاااف في حومتي ياسبحان الله يحبسولي مخي يعرفوا كل صغيرة وكبيرة لي تصرا معاك حتى تولي تشك في روحك وفيهم وتقول هاذو واقيلا يضربوا خيط الرمل
مرااات يقولولك عفايس على روحك انت ماتعرفهمش وهاذي راني متأكدة منها انو في كل حومة جزائرية تلقى واحد بالمواصفات هادو يعرف كل شيء وحتى ناس الحومة كاش مايحبوا يعرفو يروحو طول ليهم
بيناتنا هادوك الناس قالك النهار والشروق راهي كاريتهم وتخلصهم باه يجيبولها الاخبار
ربي يهدينا ويصلح احوالنا
وربي يوفقك خويا​

 

[Skor m@k]

رد: أرواحو أدخلو .. كاين الجديد

هههههه تحير تع الصح وعليكم السلام

جيت نجري قلت نروح نشوف لجديد تع خونا مالك خخخخخ حتى طارتلي العربية ومالقيتش كيفاه نعبر :d


نولي للسوجي والله صح وش حكيت وتحير تع الصح من هذو لعباد والمشكل فهاذوك لمايجيبوش لخبر الصحيح ويطبطب من ريسانهم

فكرتني المرة اللي فاتت تلاقيت مع وحدة كانت تقرا ف الليسي تعنا

شافت فيا وقالتلي اوووو خلاك راجلك تكملي قرايتك :s

او شكون هذا زوجتوني وماعلباليش خلعتني تع الصح قلتلها راكي غالطة ختيتو قالتلي يك انت فلانة قلتلها ايه انا:-r

قالتلي او سبحان الله ماتخبيش راني علبالي بلي تزوجتي هذاك الاستاذ لكان يقريكم :s:-o

بعدها شفت فيها :s وقلتلها او منك صح مانعرف بلاك غير انا لمعلباليش :down:
اسناي نسقسيك نبروفيطي

قالتلي وي تفضلي : قلتلها شحال عندي دراري وكيفاه سميتهم وتعيشي قوليلي كيفاه مواسي داري نسكن وحدي ول مع عجوزتي خخخخخ تباااا

:down::down::down: يعيوووو تع الصح

خخخخخ ووحدة تلاقيت معاها ف العرس قالتلي راكي هنا قلتلها لاه وين رحت تاني قالتلي يك راكي ف فرنسا :-o

ييييي بعثولي لفرنسا وانا ماعرفتش يعععع حسدوني هههه

وبزاااف عفسات مادور هك حتى تلقى روحك وليت شخصية كبييرة ...


كاين ليعس ف العباد ويجبد كل صغيرة وكبيرة حتى اذا بلعت اللعاب (ههه ماعرفتش كيفاه يقولوه بالدرجة ) يقولولك
وكاين ليزيد يرقع ف قصص ويزيد يسقمها ع لا قوسطوه :down:




__________


هههه عجبتني عفسة تع بنت عمك كي زيدت خخخخخ بالبركة

________


ايا رانا الحمد لله ان شاء الله انت تكون بخير

وربي يهدي ماخلق هذا مكان
عيش تشوف :down:
_______

بالتوفيق وشكرااا ع الموضوع



​

السلام عليكم
مليحة هذي تاع زوجوك علاه مقلتيلهاش مرضونيش للعرس ههههه
كاين ناس يعيو هذي بلاك جديدة فالتقرعيج
ساعفيها برك ههههههههههههه
هذيك لي داتك لفرانسا عملت مليح ههههه لوخرين يعرفو عير الزواج ههههه
يعطيك الصحة ختي سارا ربي ينجحك​

 

[Skor m@k]

رد: أرواحو أدخلو .. كاين الجديد

السلام عليكم خويا مالك يعطيك الصحة على الموضوع
ايوااااااا راك حكيت على الناس لي كاين منهم بزاااف في حومتي ياسبحان الله يحبسولي مخي يعرفوا كل صغيرة وكبيرة لي تصرا معاك حتى تولي تشك في روحك وفيهم وتقول هاذو واقيلا يضربوا خيط الرمل
مرااات يقولولك عفايس على روحك انت ماتعرفهمش وهاذي راني متأكدة منها انو في كل حومة جزائرية تلقى واحد بالمواصفات هادو يعرف كل شيء وحتى ناس الحومة كاش مايحبوا يعرفو يروحو طول ليهم
بيناتنا هادوك الناس قالك النهار والشروق راهي كاريتهم وتخلصهم باه يجيبولها الاخبار
ربي يهدينا ويصلح احوالنا
وربي يوفقك خويا​

السلام عليكم
يضربو خيط الرمل فكرة مليحة
الى تعرفيها علميهانا هههههه
أنا نعرف خيط تاع لخياطا ولا تاع الصباط ههههه :p
مديريش عليهم يكون يخدمو مع داعش خخخخ
ربي يهنيك ختي مجاجو​

 

[zagane]

رد: أرواحو أدخلو .. كاين الجديد

السلام عليكم
شعر بكري
وترى الناس الى من ليس عنده المال عنه قد مالو ومن عنده الدهب اليه قد دهبو
شعر اليوم
وترى الناس الى من ليس عنده خبر عاجل قد مالو ومن عنده الخبر الجديد يجو عندو من بعيد
ههههه

احنا غير الصابح ونسيرجوه ونحكو فيه ههههههه

 

[بنفسج]

رد: أرواحو أدخلو .. كاين الجديد

السلام عليكم
هادي مدة مدرتلناش موضوع خويا مالك والفناهم مواضيعك
امم هادو لعباد يالطيف ،قالك رغم التطو والتكنولوجيا مزال كاين بعض الناس هم اسرع وسيلة لنقل الاخبا ر بفف
عباد فارغة شغل خدمتها 24ساعة مخابرات على العباد ،هداك تزوج لاخر طلق ...الخ
فكرتني سارة بخطرة جاتني وحدة قاتلي تخطبتي ومقلتيلناش
قلتلها لا قاتلي بالسيف تخطبتي ،زعما يعرفو عليا كثر من نعرف انا على روحي بففف
هه حوار داخلي مع نفسك ويعرفوه ههه
امم انا الحمد لله ،
شكرا على الموضوع
تحياتي
سلام
​

 

[{مُدَلَّلَتُهُ}]

رد: أرواحو أدخلو .. كاين الجديد

السلام عليكم و رحمة الله وبركاته

يعطيك الصحة على الموضوع خويا مالك

نعرف وحدة الله يبارك الدوصيات كامل عندها تقول البلدية . . لدرجة كي تعيط لدارهم تسقسيهم على الجديد قبل لا تسقسي عليهم ! و كي تحتاج معلومة ولا دوصي روحلها برك و خطاك

و فكرتني تاني في جيراننا الله يهديهم مرة ماما رايحة لوهران على 3 تع الصباح هابطة هي و بابا للوطو و يلقاو جارنا حل الباب قاله واش الحاج ياك ماكان والو قاله بابا لا رانا مسهلين ادعيلنا برك قاله اييه لوهران المادام عندها كنطرول ياك خخخ الله يبارك خلق ليقرعج

عندي بزاف حكايات بصح خفت لا ندي عليك الأضواء و يولو يقراو ردي و ما يقراوش موضوعك

:p

سلآم
​

 

[zagane]

رد: أرواحو أدخلو .. كاين الجديد

السلام عليكم
شعر بكري
وترى الناس الى من ليس عنده المال عنه قد مالو ومن عنده الدهب اليه قد دهبو
شعر اليوم
وترى الناس الى من ليس عنده خبر عاجل قد مالو ومن عنده الخبر الجديد يجو عندو من بعيد
ههههه

احنا غير الصابح ونسيرجوه ونحكو فيه ههههههه

 

[أم منيــــــر]

رد: أرواحو أدخلو .. كاين الجديد

كالعادة تغيب و تجيبلنا حاجة فوووووووووووووووور:bravo01:
هاد الصنف من العباد يعييو نتع الصح فارغين شغل مالقاوش خدمة راهم يفوتو الوقت بالتقرعيج بين ما لقاو خدمة خير
بصح كل شي في جهة و هادا لي قالك بين عمتك زيدت في جهة وحدو آبن عمي واش هادا :s
النسا مشنوعين بلي دعوتهم تقرعيج على الناس بصح راني نشوف بلي كاين شي رجال فاتوهم و داو بلاصتهم
بصح بزااااا ف
ايه ما قراو ما خدمو لازم يلقاو حاجة باش بثبتو وجودهم في المجتمع :p
يعطيك الصحة مالك و الله يكون في عونك مع هاد الناس​