علاش غير اطفالنا

[بنفسج]

واش راكم ناس اللمة ان شاء الله تكونو بخير

وليت نلاحظ كل يوم في الطريق اطفال صغار بين 4 الى 6 سنوات يديرو في عمايل الكبار
هادا يقول في الكلام الفاحش لاخر يتكيف ويلاوح في الي رايح والي جاي

طبعا هادي غير فئة
نبقى نقول علاش غير اطفالنا هاك

متشردين في الشوارع تقول يتامى ولاو حتى يديرو عصابات

علاش الوالدين يجيبو ويرمو ولادهم في الشوارع و اكيد حاشا البعض
مي هادي الضاهرة منتشرة بزاف

والدليل اختطاف الاطفال اللي ولينا كل يوم نعيشو هاد الخبر
يهينو اطفالهم ويقلك علاش
اليوم واحد كبير يعود في العشرينات جا سمي اللسي ومعاه خوه صغير
قلبو مكولي ياحفيظ الكحل والسنسلة والجال وزيد يعلم فيه في التصرفات القبيحة والكلام اللي ميتهدرش
وكي يقول واش قالو يفرح ويفتخر هه زعما حاجة مليحة هادي والله غير يغيظو

والسبب الاول ولاخير دور الوالدين وين راهم

واش رايكم ناس اللمة في هاد الظاهرة
اترك لكم الخط

تحياتي​

 

[YARA 26]

رد: علاش غير اطفالنا

شكرا على الموضوع اختي
والله غير كارثة صراتي بزاف انا مشي في الطريق وهما يسبوا ويلاوحو بالحجر يضربوك قدام الناس
والله غير موت بالحشمة
ربي يهديم ان شاء الله ​

 

[sosobibicha]

رد: علاش غير اطفالنا

سلام
كلامك كلو صح في صح كل ما نخرجوا نلقاو وحد الاطفال ذرة البرائة مكانش فيهم يعني نقدرو نحذفو اسم طفل و نبدلوه بكلمة متشرد عادي :s و هذا الكل من الوالدين رانا نشوفو كل عايلة عندها 3 ولا 4 ذراري علاش ما يجيبوش طفل واحد و يربوه و يقولك انو هذا هو الجيل الذهبي و الله تبقاي حايرة :s و المهم ربي يهدينا و ربي يجيب الخير
شكرا على الموضوع الرائع
تقبلوا مروري ​

 

[لؤلؤة قسنطينة]

رد: علاش غير اطفالنا

السلام عليكم حبوبتي كارلا
موضوع مميز وعجبني صراحة خاطر البارح برك وانا نهدر عليه مع عايلتي
يا عجابة ولاد عمرهم عامين و3 سنين يرميوهم هكاك
تلقاييهم يقطعو الطريق يجريو والله مايبانو قدام السيارات
يروحو يدخلو للحوانت يشريو ماكلة لا علابالهم اذا نظيفة ولالا
اصلا البارحة سمعنا بلي في قسنطينة ماتو 3 اولاد صغار خاطر كلاو بيتزا ماش نظيفة
درك ولاد صغار ماش ياكلو في دارهم خير؟ بصح والديهم الله يهديهم
يعطيوهم الدراهم ويبعتوهم يقولك غير يخطيوني، واصلا هاد الاختطافات لي صايرة في لولاد
نصها نرجعو الذنب تاعها للوالدين، خاطر لما تشوف في وقت الدنيا خالية والشمس تحرق
وتشوف طفل صغير يلعب وحدو ويماه راقدة تتفرج في مسلسل تما تعرف علاه ولادنا
يخطفو فيهم، يعني لازم الوالدين يتحملو مسؤولية هاد الملايكة
باه اولا مايترباوش على لغة وتصرفات الشوارع وثانيا باه يحميوهم من الشياطين لي راهم يدورو
والطفل لي يلقاوه يهزوه ما يزيدش يبان
نقولو ربي يهديهم ويهدينا برك
شكرا غاليتي على موضوعك القيم
تقبلي مروري
​

 

[Mr Brahim]

رد: علاش غير اطفالنا

سأختصر كل يمكن ان يقال في كلمات : المادة - تفكك الاسرة - المستوى الاخلاقي و العلمي للوالدين - انعكسات المجتمع و المحيط - و الاهم الدين و لكم ان تبحروا مع كل مصطلح في كل الاتجاهات
​

 

[zagane]

رد: علاش غير اطفالنا

واش راكم ناس اللمة ان شاء الله تكونو بخير

وليت نلاحظ كل يوم في الطريق اطفال صغار بين 4 الى 6 سنوات يديرو في عمايل الكبار
هادا يقول في الكلام الفاحش لاخر يتكيف ويلاوح في الي رايح والي جاي

طبعا هادي غير فئة
نبقى نقول علاش غير اطفالنا هاك

متشردين في الشوارع تقول يتامى ولاو حتى يديرو عصابات

علاش الوالدين يجيبو ويرمو ولادهم في الشوارع و اكيد حاشا البعض
مي هادي الضاهرة منتشرة بزاف

والدليل اختطاف الاطفال اللي ولينا كل يوم نعيشو هاد الخبر
يهينو اطفالهم ويقلك علاش
اليوم واحد كبير يعود في العشرينات جا سمي اللسي ومعاه خوه صغير
قلبو مكولي ياحفيظ الكحل والسنسلة والجال وزيد يعلم فيه في التصرفات القبيحة والكلام اللي ميتهدرش
وكي يقول واش قالو يفرح ويفتخر هه زعما حاجة مليحة هادي والله غير يغيظو

والسبب الاول ولاخير دور الوالدين وين راهم

واش رايكم ناس اللمة في هاد الظاهرة
اترك لكم الخط

تحياتي​

السلام عليكم
ضاعو الاطفال وصط دوامة الكبار

 

[خفيفة الروح]

رد: علاش غير اطفالنا

والله عندك الحق ختيتة

 

[فيتامين سي]

رد: علاش غير اطفالنا

عندك الحق في كل كلمة قلتيها
نعرف اطفال صغار غير من جيهتنا نخافهم منكدبش عليك غير الكلام الكبار و ميقولوهش هما عندهم عادي
نزيدك على 2 ناس في ديارها و هما برا وحدهم طريق خاويا كما قالي بابا هذوك السراق يخاف منهم
ديفوا يكونو هما بين 5 سنين 8 سنين و يخلو معاهم بيبي تاع عامين وحدهم برا تخيلي
و ماماهم تطل كل زوج سوايع و ادا ماشي كتر غير ادا مهاهم بيبي دقيقة و تروح باسكو عندها حاجات اهم مسلسلات و حكايات خليهم لشارع يربيهم حاسبين شارع يربيهم نسا و رجال هذيك بكري كان الامان و التربية ماشي درك
حاجة لي نقولوها ربي يستر و ربي يحفضلنا خواتنا و ولادنا

 

[بنفسج]

رد: علاش غير اطفالنا

شكرا على الموضوع اختي
والله غير كارثة صراتي بزاف انا مشي في الطريق وهما يسبوا ويلاوحو بالحجر يضربوك قدام الناس
والله غير موت بالحشمة
ربي يهديم ان شاء الله ​

اهلا بيارا
ايه شفتي اختي والله غير نتمنى الارض تنشق وتبلعني
من هكدا مواقف
ربي يهدي واش نقولو
شكرا لمرورك العطر
تحياتي لك :regards01:
​

 

[بنفسج]

رد: علاش غير اطفالنا

سلام
كلامك كلو صح في صح كل ما نخرجوا نلقاو وحد الاطفال ذرة البرائة مكانش فيهم يعني نقدرو نحذفو اسم طفل و نبدلوه بكلمة متشرد عادي :s و هذا الكل من الوالدين رانا نشوفو كل عايلة عندها 3 ولا 4 ذراري علاش ما يجيبوش طفل واحد و يربوه و يقولك انو هذا هو الجيل الذهبي و الله تبقاي حايرة :s و المهم ربي يهدينا و ربي يجيب الخير
شكرا على الموضوع الرائع
تقبلوا مروري ​

اهلا بك غاليتي سوسو
ايه السباب هما الوالدين ربي يهديهم
وكيما قلتي ماهمش قادرين على الصغار ومسؤوليتهم علاش يجيبو فيهم
امين حنونة
شكرا لمرورك العطر
تحياتي لك :regards01:​

 

[YARA 26]

رد: علاش غير اطفالنا

اهلا بيارا
ايه شفتي اختي والله غير نتمنى الارض تنشق وتبلعني
من هكدا مواقف
ربي يهدي واش نقولو
شكرا لمرورك العطر
تحياتي لك :regards01:
​

العفو
شكرا لكي على هذا الموضوع صح صار ظاهرة
ربي يهديهم ويهدينا​

 

[بنفسج]

رد: علاش غير اطفالنا

السلام عليكم حبوبتي كارلا
موضوع مميز وعجبني صراحة خاطر البارح برك وانا نهدر عليه مع عايلتي
يا عجابة ولاد عمرهم عامين و3 سنين يرميوهم هكاك
تلقاييهم يقطعو الطريق يجريو والله مايبانو قدام السيارات
يروحو يدخلو للحوانت يشريو ماكلة لا علابالهم اذا نظيفة ولالا
اصلا البارحة سمعنا بلي في قسنطينة ماتو 3 اولاد صغار خاطر كلاو بيتزا ماش نظيفة
درك ولاد صغار ماش ياكلو في دارهم خير؟ بصح والديهم الله يهديهم
يعطيوهم الدراهم ويبعتوهم يقولك غير يخطيوني، واصلا هاد الاختطافات لي صايرة في لولاد
نصها نرجعو الذنب تاعها للوالدين، خاطر لما تشوف في وقت الدنيا خالية والشمس تحرق
وتشوف طفل صغير يلعب وحدو ويماه راقدة تتفرج في مسلسل تما تعرف علاه ولادنا
يخطفو فيهم، يعني لازم الوالدين يتحملو مسؤولية هاد الملايكة
باه اولا مايترباوش على لغة وتصرفات الشوارع وثانيا باه يحميوهم من الشياطين لي راهم يدورو
والطفل لي يلقاوه يهزوه ما يزيدش يبان
نقولو ربي يهديهم ويهدينا برك
شكرا غاليتي على موضوعك القيم
تقبلي مروري
​

وعليكم السلام
اهلا بك غاليتي مريم
ايه اهمال الوالدين هو السباب في هاد الكوارث اللي رانا نسمعو فيهم على الاطفال
المهم يخطو روسهم معلبالهم لوش ياكلو ولا معمن راهم
وكيما قلتي اغلب الاختطافات دنبها الوالدين
ربي يهدي
انرت حنونة الموضوع
تحياتي لك :regards01:​

 

[بنفسج]

رد: علاش غير اطفالنا

السلام عليكم
ضاعو الاطفال وصط دوامة الكبار

اهلا بك اخي
راك جبت المختصر
والله غير عندك الحق
ربي يهديهم ويهدينا
شكرا لمرورك العطر
تحياتي لك :regards01:​

 

[بنفسج]

رد: علاش غير اطفالنا

سأختصر كل يمكن ان يقال في كلمات : المادة - تفكك الاسرة - المستوى الاخلاقي و العلمي للوالدين - انعكسات المجتمع و المحيط - و الاهم الدين و لكم ان تبحروا مع كل مصطلح في كل الاتجاهات
​

اهلا بك اخي ابراهيم
وما قلته حقا يختصر كل مايمكن ان يقل
هادو اللي دكرتهم قاع الاسباب الرئيسية اللي تنخر في مجتمعنا
وتشرد في اطفالنا
ربي يجيب الخير
شكرا لمشاركتك القيمة ومرورك العطر
تحياتي لك :regards01:​

 

[بنفسج]

رد: علاش غير اطفالنا

والله عندك الحق ختيتة

شكرا لمرورك خفيفة الروح
تحياتي لك :regards01:​

 

[بنفسج]

رد: علاش غير اطفالنا

عندك الحق في كل كلمة قلتيها
نعرف اطفال صغار غير من جيهتنا نخافهم منكدبش عليك غير الكلام الكبار و ميقولوهش هما عندهم عادي
نزيدك على 2 ناس في ديارها و هما برا وحدهم طريق خاويا كما قالي بابا هذوك السراق يخاف منهم
ديفوا يكونو هما بين 5 سنين 8 سنين و يخلو معاهم بيبي تاع عامين وحدهم برا تخيلي
و ماماهم تطل كل زوج سوايع و ادا ماشي كتر غير ادا مهاهم بيبي دقيقة و تروح باسكو عندها حاجات اهم مسلسلات و حكايات خليهم لشارع يربيهم حاسبين شارع يربيهم نسا و رجال هذيك بكري كان الامان و التربية ماشي درك
حاجة لي نقولوها ربي يستر و ربي يحفضلنا خواتنا و ولادنا

اهلا بهبة
ربي يستر والله غير ولينا نشوفو العجب
صغار مي كيما قلتي كلامهم وعمايلهم كبر من سنهم
وهادا قاع بسباب الوالدين
بفف توصل وين تخلي بيبي في الشارع على جال المسلسلات
ولات عادي يجيبو ويرمو للشارع يربي
ربي يهدي وامين حنونة
شكرا لمرورك العطر :regards01:
تحياتي​

 

[فيتامين سي]

رد: علاش غير اطفالنا

تفكرت مرة كنا رايحين عند عمتي و قريب نوصلو كان كاين صغار تاع 7 سنين 9 صغار رافدين لوحات هههههههه و حنا نتمشوتخيلي ماما ختي كبيرة يعني كبار نورمالمو يحتارمونا هنا غير شافونا قاله حكمهم (اكشن) قاله اليوم نكملو عليهم و جاو جايينا باللوحات و يعايرونا انا نتم مت بالخلعة قلت خلاص هذي نهايتنا قعد مشوكيا و يهدونا تحسب مافيا ماشي صغار و كي جينا راجعين كان معانا بابا بقيت نشوف فيهم بنظرة منخافش منكن ههههه

 

[الامين محمد]

رد: علاش غير اطفالنا

تذكرت واحد النهار امامي وقع حادث سير
الكارثة ان الحادث وقع هكذا
سيارة طاكسي تسير بسرعة و امامنا أم مع ولدها عمره شي عامين او ثلاث سنين
الطفل حاب يقطع الطريق فات امام الطاكسي بسنتمتر واحد المهم الطفل طاح و الناس جرات ليه
الشي الغريب أم الطفل كانت مشغولة بالهاتف و الله حسيت انها كانت سكرانة
و الله ما تحرك منها ساكن

لكن واحد العجوز سمعتها كلام كبير
و بالرغم من كل هذا واصلت حديثها بالهاتف و كأن شيئا لم يحدث


شي غريب والله​

 

[فيتامين سي]

رد: علاش غير اطفالنا

تذكرت واحد النهار امامي وقع حادث سير
الكارثة ان الحادث وقع هكذا
سيارة طاكسي تسير بسرعة و امامنا أم مع ولدها عمره شي عامين او ثلاث سنين
الطفل حاب يقطع الطريق فات امام الطاكسي بسنتمتر واحد المهم الطفل طاح و الناس جرات ليه
الشي الغريب أم الطفل كانت مشغولة بالهاتف و الله حسيت انها كانت سكرانة
و الله ما تحرك منها ساكن

لكن واحد العجوز سمعتها كلام كبير
و بالرغم من كل هذا واصلت حديثها بالهاتف و كأن شيئا لم يحدث


شي غريب والله​

باسكو ببساطة الامر الهام لي تحكي عليه في الهاتف اهم من حياة ولدها .... ام بدون ذرة امومة
مرة موقف هكدا مرا مخرجا ولدها معاستهش كامل يروح يخرج من الحانوت يدخل ( هذي في السوق ) على غفلة مكانش كان رايح و منع من لوطو واش دير خالتنا الام ناضت تسب في ولدها (قلنا معليناش من خلعة) مي دعات عليه بالموت وي دعات عليه و هدرة هدرة نحشم نقولها بين روحي لولدها و هو اصلا صغير ممكن موصلش 6 سنين تغيض هكدا يقولك شباب المستقبل اي مستقبل و هما عاشو الحرمان!!!!

 

[مسك وعنبر]

رد: علاش غير اطفالنا

السلام عليكم يعطيك الصحة أختي كارلا على الموضوع القيم والله غير هاد الحالة اللي وصلو ليها الدراري الصغار ماتعجبش كامل واللوم ماشي عليهم خاطر من المعروف باللي الطفل الصغير كي يزيد ويجي للدنيا هادي يكون عبارة عن صفحة بيضاء والمحيط ديالو هو اللي يطبع فيه كل واش راهو حاب بطريقة إيرادية ولا إرادية بالصح مع الأسف الشديد كاين ناس بالزاف مايردوش بالو ويديرو تصرفات والله الإنسان يبقى منها حاير ويسمحو للنفوسهم يهدرو كل عجب من بعد يقولو علاش ولادنا خرجو واعرين ومايسمعوش الكلمة الإنسان قبل ما يبدى يحلل في الطفل الصغير مادابيه كأب أو أم يراجع نفسو ويتصرف بخلق حسن ويحاول يتحكم في روحو تحت ضغوطات الحياة لأن التربية رحلة طويلة وبنيان يطلع درجة درجة وهي رسالة عظيمة لازم الوالدين والأهل والمجتمع بصفة عامة يرد بالو منها وإن شاء الله ربي يهدي الجميع تقبلي مروري أختي في الله مع تحياتي :regards01:​