- إنضم
- 2 أكتوبر 2007
- المشاركات
- 6,767
- نقاط التفاعل
- 8,893
- النقاط
- 351
هذا قاطو جربته عجبني الشكل وهي وصفة للأخت أم أماني ربي يعطيها واش تتمنى
هذي صورة لشكل القاطو على طريقة أم أماني
ما خرجليش 100 /100 الديكور ههه مي الذوق رووعة
مريم غاليتي هذي هي الوصفة
المقادير:
500غ مرقرين
كاس سكر رطب
7 صفار بيض
كاس كاوكاو محمص ومرحي خشين
نص كاس جلجلان
نصف كاس نواد كوكو
2 م ك كا كاو وهذا اختياري ممكن نترك العجينة بيضا (انا شخصيا خليتها بيضا)
1 خميرة
فرينة
نحتاج ايضا شكولة
طلية
معجون
كاوكاو
الطريقة:
نخلط السكر مع المرقرين بالباتور جيدا ثم نضيف الصفارونستمر في الخلط ثم الكاوكاو والجلجلان والنواد كوكو والخميرة ونلم بالفرينة حتى نتحصل على عجينة مثل عجينة الصابلي مالازمش تكون يابسة باه نقدر نشكلها
نشكل كويرات بحجم 28غ
ونضغط شوية بالكف او اصابع اليد حتى نتحصل على شكل يشبه نوعا في حبة الفرولة او بيضة صغيرة
ندخلها للفرن تطيب على 180درجة راح يزيد حجمها وراح نلاحظ انها تشققت نوعا ما نوغمال لان فيها جلجلان حب وكاوكاومدشش مع الخميرة تتشقق شوية نخليه تبرد تماما
هذا شكلها بعد ماطابت شكلها اصبح يشبه نوعا ما البيضة
الان نقوم بتحضير الطلية
ناخذ بياض نخفق شوية بالشوكة ونضيف الفاني والسكر الرطب لي كنا غربلناه قبل وشوية ملون ابيض حتى نتحصل على طلية نزين بها الحلوى نحطها في لابوش ادوي
من جهة نذوب الشكولة على حمام مائي ونضيفلها شوية حليب ونحرك نغطس حبة الحلوى في الشكولة مانغطسهاش كامل حوالي ثلاثة ارباع من طول الحبة وقبل ماتجف الشكولة نشكل خطوط بالطلية لي حضرناها
بواسطة كوردون نعطيها شكل مثل الميلفاي*
نكمل باقي الحلوى ونخليها تجف من بعد بالبانسو ندهن الجزء المتبقى بالمعجون مالازمش نخفف المعجون بماء الزهر نخلوه ثقيل لان العجينة مافيهاش بزاف السكر
بعد ماندهن بالمعجون ونزين بالكاوكاو نقدم في ليكيسات
تفضلوا
ان شاء الله يعجبكم
تحياتي للجميع
:regards01::regards01:
آخر تعديل بواسطة المشرف:
