ممكن يغفرلي ربي ؟؟؟

[Mr Brahim]

السلام عليكم و رحمة الله

ان شاء الله خاوتي و خوتاتي راهم بخير و عافية

اليوم و كيما كل يوم بعدما تكمل الصلاة نقعد مع صديقي الامام ندردشو سوية المهم اليوم بعد صلاة العشاء و حنا قاعدين جا واحد الجان في مقتبل العمر كيما نقولوا و بعد السلام يسقسي الشيخ علي ممكن ربي يغفرلي :s تشوكينا و بصراحة في نفسي قلت يا السيد دار جرم خطير يا كبيرة من الكبائر مع انو ملامحو توحي بالعكس تماما المهم بدا يحكي قالوا انا من الفلاحة ما نزيدش و ما نعرف نقرا و لا نكتب .. حافظ غير الحمد لله و قل هو الله احد و راني حاب نحفظ القرآن ما نكذبش عليكم لو كان ما شديتش كنت راح نبدا النواح ثما ماشي على هذا الانسان لي عرف طريق ربي ياو عليا انا العبد الغافل الضايع و تهت و انا نخمم فالصلوات لي ضيعتها و لي اجلتها و تهاونت فيها و تقصيري فديني و مع ربي مع اني الحمد لله قاري و عندي اطلاع لباس بيه في الدين .. .. و الله المشهد كان مؤثر جدا :cray02: ربي يهدينا و يوفقنا لطريق الحق

دمتم بود
​

 

[لؤلؤة قسنطينة]

رد: ممكن يغفرلي ربي ؟؟؟

السلام عليكم
بارك الله فيك خويا ابراهيم على الموضوع، أولا في موضوعك نوصلو لنقطتين
النقطة الأولى بلي مازال كاين ولاد وشباب خير لي حابين يتبعو طريق ربي سبحانو ، ربما صح نشوفو شبابنا فاسد
وبعيد على طريق ربي سبحانو لكن في زاوية ما من زوايا بلادنا كاين ناس لي يترفع بيهم الراس
والدليل هاد الشاب لي حاب يتعلم دينو ويحفظ كتاب ربي ونتمناولو التوفيق ان شاء الله
اما النقطة الثانية فهي لي توصلتلها نتا وهي نبكيو على رواحنا لي قاريين وفاهمين وكتاب الله مهجور
وقريب دير فوقو الرتيلة، واحيانا لما نشوف نساء كبار في السن تجاوز سنهم الخمسين يروحو لديار محو الأمية
غير باه يتعلمو الألف والباء ويقراو كتاب الله ، وحنا لا خبر الدمعة تجيك
ربي يغفرلنا ان شاء الله، ربي حنين وكريم وقادر على كل شيء، وقادر بفعل صغير يكتبلنا اجر عظيم
بارك الله فيك خويا على الموضوع
تقبل مروري
​

 

[Mr Brahim]

رد: ممكن يغفرلي ربي ؟؟؟

السلام عليكم
بارك الله فيك خويا ابراهيم على الموضوع، أولا في موضوعك نوصلو لنقطتين
النقطة الأولى بلي مازال كاين ولاد وشباب خير لي حابين يتبعو طريق ربي سبحانو ، ربما صح نشوفو شبابنا فاسد
وبعيد على طريق ربي سبحانو لكن في زاوية ما من زوايا بلادنا كاين ناس لي يترفع بيهم الراس
والدليل هاد الشاب لي حاب يتعلم دينو ويحفظ كتاب ربي ونتمناولو التوفيق ان شاء الله
اما النقطة الثانية فهي لي توصلتلها نتا وهي نبكيو على رواحنا لي قاريين وفاهمين وكتاب الله مهجور
وقريب دير فوقو الرتيلة، واحيانا لما نشوف نساء كبار في السن تجاوز سنهم الخمسين يروحو لديار محو الأمية
غير باه يتعلمو الألف والباء ويقراو كتاب الله ، وحنا لا خبر الدمعة تجيك
ربي يغفرلنا ان شاء الله، ربي حنين وكريم وقادر على كل شيء، وقادر بفعل صغير يكتبلنا اجر عظيم
بارك الله فيك خويا على الموضوع
تقبل مروري
​

و فيك بارك الله
الجزائر العميقة بها من الخير الكثير و الحمد لله ربي العالمين
بخصوص الغفلة و التقصير باذن الله راح نخصصلها موضوع لانو فيها بعض النقاط المهمة و شخصيا نشوفها من اسباب انهيار الامة على الاقل اخلاقيا و اجتماعيا
​

 

[الہٰوردة الہٰسہٰوداء]

رد: ممكن يغفرلي ربي ؟؟؟

ربي يهدينا و يوفقنا لطريق الحق امين يا رب ونشاء الله كامل نرجعو لطريق ربي لخاطر مكانش لي رح ينجينا بخلافو
و شكرا على الموضوع راه قمة شكرا​

 

[sosobibicha]

رد: ممكن يغفرلي ربي ؟؟؟

سلام عليكم
موضوعك في قمة الابداع و كلامك كلو صح شي مرات تلقا واحد مسكين ماهوش قاري لا حول و لا قوة له لكن يقولك ربي كي ينحي للعبد حاجة يعوضو باخرى .(و الفاهم يفهم)
و مرات تلقا واحد قاري و فاهم و لكن ما يطبقش في الواقع و ما روحوش بعيد كون نبحثو في انفسنا مليح نلقاو انو رانا مقصرين بزااااف في العبادات .:cray02:و الله عجزت يدي عن الكتابة ما لقيت واش نرد :-o:s
ربي يهدينا و يثبتنا على الدين ان شاء الله
تقبلوا مروري و تحياتي ​

 

[Telemly]

رد: ممكن يغفرلي ربي ؟؟؟


سبحان الله ، ناس خايفة بلا ما دارت والو
شوف شحال يخافوا ربي سبحانه
و حنا لي نقولوا إن الله غفور رحيم ولآّ مقولة غير هاذ المرّة و نتوب
وين رانا ، ربي يثبتنا
أنا لوكان نهدر على روحي نقول جهنّم آم كومنغ
ربي يثبتنا و يهدينا أجمعين
شكرا خويا لعزيز ولله كلآمك حطلي رجليّيا في الأرض

 

[بنفسج]

رد: ممكن يغفرلي ربي ؟؟؟

السلام عليكم
مزال الخير ببلادي والحمد لله مالقري اللي رانا نشوفو فيه من شبابنا وانحلالهم
لكن تبقى هاد الفئة ترجع الامل وتبشر بالي مزال الدنيا بخير كيما قالت مريم
والله غير مواقف كيما هادي تاثر بزاف ربي يهدينا

تخليك تعيد تحاساباتك ،فكرتني بواحد اعمى في اليوتيوب وحافظ كتاب ربي قاع
بينما تلقى واحد ربي عاطيلو كلش لكن مش حامدو نادرا ميتفكر داك المصحف
والله غير مرات نستخزى روحي كي نشوف طفل صغير وحافظ القران
او واحد باليه ربي بمرض لكن رغم هادا متمسك بدينو وخاتم المصحف

ربي يهدينا ويقدرنا على طاعتو
موضوع في القمة اخ ابراهيم ،يعطيك الصحة
تحياتي لك
سلام
​

 

[فيتامين سي]

رد: ممكن يغفرلي ربي ؟؟؟

ملقيتش واش نجاوب نعرف نقرا و نعرف الدين و نضل نتهاون
ربي يهدينا كلشي قلته كاين منه حنا لي نعرفو مطبقناش ربي يهدينا

 

[Salah eddin]

رد: ممكن يغفرلي ربي ؟؟؟

شباب قنع لاخير فيهم ...............و بورك في الشباب الطامحينا ............بارك الله فيك اخي

 

[Mr Brahim]

رد: ممكن يغفرلي ربي ؟؟؟

و الله يا اخواني ترددت قبل ما نطرح هذه الواقعة و لكن عمق تأثيرها الايجابي في نفسي قلت ممكن شي واحد تأثر فيه حتى هو و يرجع لربي سبحانو
اللهم ردنا اليك ردا جميلا
​

 

[ام أمينة]

رد: ممكن يغفرلي ربي ؟؟؟

ربي يهدينا ويقدرنا على طاعتو
مشكور على الموضوع
تحياتي
​

 

[Mr Brahim]

رد: ممكن يغفرلي ربي ؟؟؟

ربي يهدينا ويقدرنا على طاعتو
مشكور على الموضوع
تحياتي
​

اللهم آمين
:regards01:
​

 

[اميرة اللطيفة]

رد: ممكن يغفرلي ربي ؟؟؟

ملقيتش واش نجاوب نعرف نقرا و نعرف الدين و نضل نتهاون
ربي يهدينا كلشي قلته كاين منه حنا لي نعرفو مطبقناش ربي يهدينا

 

[انوشة صغيرة]

رد: ممكن يغفرلي ربي ؟؟؟

امييييييييين يارب يهديك ويهدينا معاك ربي يفرج عليك

 

[hadjer 23]

رد: ممكن يغفرلي ربي ؟؟؟

والله يا خويا غير ربي يغفر برك
أغلبنا قاريين و فاهمين مي
متهاونين و ماناش عاطيين لدييننا
الاهمية الي أوجبها ربي علينا
صح ربي غفور رحيم لكن شديد العقاب تاني
ان شاءالله ربي يثبتنا و يهدينا
مشكور خويا على موضوعك راه جد توعوي

 

[Djaouida]

رد: ممكن يغفرلي ربي ؟؟؟

أمين يارب ما عرفتش شانGول نعرف نقري ونعرف نكتب مي محفتش قرأن الله يهدينا برك

 

[الامين محمد]

رد: ممكن يغفرلي ربي ؟؟؟

خويا ابراهيييم عندك مليار حق
كلام السيد و الله يبكي
و قصدي يبكينا على رواحنا

خويا ابراهيم الله يهدينا رانا مقصرين​

 

[youcef.as.dz]

رد: ممكن يغفرلي ربي ؟؟؟

نعرف نقرا ونعرف الدين وملتزم و الحمد لله
لكن كارثة اللهم اهدنا

 

[Hamasaki]

رد: ممكن يغفرلي ربي ؟؟؟

الله يرضى عليك وينورلك طريقك ويفتحها في وجهك ان شاء الله
جزاك الله كل خير الموضوع كتير مخزي لينا حنا لقاريين ربي يهدينا