السلام عليكم اخوتي
فيما يخص بيت العائلة والبيت المنفرد شفتو في استطلاع الرأي لكن حبيت نشارككم مخاوفي
ونتمنى تعاونوني بآرائكم
انا ان شاء الله عرسي في هاد الصيف و رايحة نسكن في بيت العايلة لعدة اسباب أولها ان زوجي
الابن الاصغر و الاخير الي راح يتزوج ماهوشح اب يخلي والديه وحدهم لانو خاوتو الكل متزوجين
في بيوت منفردة و السبب الثاني انو زوجي مزال ما عندوش باه يدير دارو وحدو (ماديا)
وانا من اجل هذين السببين قبلت العيش في دار اهلو باه ما نحصلوش في الكراء تاني
لكن يا خاوتي راني جدددد خايفة من هاذ الموضوع لاني نشوف في خاوتو مع انهم بديارهم
يوميااا في بيت الاهل البنات و الاولاد (الي يخدمو قريب من بيت اهلهم والي ازواجهم يخدمو بعيد ..الخ)
و هوما من النوع الي ما عندهمش خصوصيااات كلش يدخلو فيه موعد عرسنا و مكانو و كلش تقريبا
يعني راني خااايفة من المعيشة معاهم و زادت عليا ماما تخوف فيا لانها عاشت تجربة سيئة في بيت العايلة
و راهي تعمرلي في راسي اني رايحة نسوفري من بيت العايلة من حيث الحرية و الخصوصية في اللباس و حتى في وقت النوم و الاستيقاض .... رجاااء ريحوني برايكم
