الأعراس و مشكل التصوير ....!!!!!

[توأم روحه]

السلام عليكم و رحمة الله تعالى و بركاته ..

كيما رانا نشوفو فهاد الوقت لا تكاد الأعراس تخلو من الكاميرات و الهواتف الذكية التي يعتمد أصحابها عليها في التقاط الصور للعروس أو أي وحدة عجبتها روبة ديالها ولا ماعلاباليش أناااا و المشكل هادوك لي صوروهم قادر يكونو محجبات و مام اذا ماشي محجبات بزاف لي يلبسو لباس فاضح خاطر نسا في نسا بصح الكااميييرا راهي تصوررر و الصور راهم دايرين حالة فالفايسسبوووك و اليوتيوب !!!!
و الله غير مشكل كبيير تصيب وحدة حاطة تصويرة و تقولك عجبتني لاغوب تاع هاد المراة واش رايكم نخيط كيما هي ........ ! و مولات التصويرة ماشي سامعة كامل مسكينة بلي الشعب راهو يشوف فيها و كاين لي زعما يناحو لوجه بصح الجسم مفضووووح ..
اووف و الله غير مشكل انا قريب عرسي ان شاء الله و راني حايرة و المشكل كاين ناس تقوللهم ما تصورووش و ما يفهمووش :s
وين راهي الحرمة :s:s:s:s:s:s:s:s:s

ربي يستر و خلاص سلااااام :surrender01:​

 

[لؤلؤة قسنطينة]

رد: الأعراس و مشكل التصوير ....!!!!!

السلام عليكم
بارك الله فيكِ اختي على الموضوع
صراحة أكتر المواضيع لي مرت في هاد القسم هي مواضيع لي تخص الاعراس
سواءاً من لبس فاضح ولا من تبذير ولا غيرها من الامور، والشي لي قلتيه صح
ماكانش درك لي ما عندوش هاتف ذكي وما يصورش، وكل واحد وأسبابو
كاين لي يصور على جال الفستان كيما قلتي، وكاينة لي تصور باه تفرج صديقاتها على تفاصيل العرس
وكاين لي عندها نوايا شيطانية ، ولكن هنا يا اختي سامحيني نغلط لي فاضحة روحها
لأنو انا عن نفسي كن مانكونش بين افراد عايلتي لقراب خلاااص ( اكيد نساء ) كن ما نحيش الخمار
اما تاع عرس بيناتنا ونساء وغيرها من الامور دايما الخمار على راسي،
لأنو الانسان لازم ياخد حذرو ، بصح درك قوليلي لي محجبة
وفي وسط الصالة لابسة لبس فاضح وماش محتارمة حجابها كيفاه يحتارموه غيرها؟
يعني حتى ولو نشرو صورها هي لي تتلام ماش هوما
ربي يهدينا برك وربي يبعد علينا ولاد الحرام
وربي يهنيك حبيبتي في زواجك ويسعدك دنيا وآخرة
تقبلي مروري
​

 

[توأم روحه]

رد: الأعراس و مشكل التصوير ....!!!!!

السلام عليكم
بارك الله فيكِ اختي على الموضوع
صراحة أكتر المواضيع لي مرت في هاد القسم هي مواضيع لي تخص الاعراس
سواءاً من لبس فاضح ولا من تبذير ولا غيرها من الامور، والشي لي قلتيه صح
ماكانش درك لي ما عندوش هاتف ذكي وما يصورش، وكل واحد وأسبابو
كاين لي يصور على جال الفستان كيما قلتي، وكاينة لي تصور باه تفرج صديقاتها على تفاصيل العرس
وكاين لي عندها نوايا شيطانية ، ولكن هنا يا اختي سامحيني نغلط لي فاضحة روحها
لأنو انا عن نفسي كن مانكونش بين افراد عايلتي لقراب خلاااص ( اكيد نساء ) كن ما نحيش الخمار
اما تاع عرس بيناتنا ونساء وغيرها من الامور دايما الخمار على راسي،
لأنو الانسان لازم ياخد حذرو ، بصح درك قوليلي لي محجبة
وفي وسط الصالة لابسة لبس فاضح وماش محتارمة حجابها كيفاه يحتارموه غيرها؟
يعني حتى ولو نشرو صورها هي لي تتلام ماش هوما
ربي يهدينا برك وربي يبعد علينا ولاد الحرام
وربي يهنيك حبيبتي في زواجك ويسعدك دنيا وآخرة
تقبلي مروري
​

معك حق أختي مام انا تصدقيني فعرس عمومي و الأقارب نبقى بحجابي ..
بصح المشكل كي يكون عرسك و رايخة تتصدري كيفاش تمنعيهم :s
و الباقي كيما قلتي لازم كل وحدة تاخد حذرها
شكراا لمرورك أختي لؤلؤة قسنطينة :up:​

 

[لؤلؤة قسنطينة]

رد: الأعراس و مشكل التصوير ....!!!!!

معك حق أختي مام انا تصدقيني فعرس عمومي و الأقارب نبقى بحجابي ..
بصح المشكل كي يكون عرسك و رايخة تتصدري كيفاش تمنعيهم :s
و الباقي كيما قلتي لازم كل وحدة تاخد حذرها
شكراا لمرورك أختي لؤلؤة قسنطينة :up:​

نقولك هادو لازم العبد يخرجهالهم طول ويقولهم ماتصوروش
مرة حكاتلي ماما على عرس راحتلو ، العروسة جابت مصورة ماخلات حتى وحدة تصور
قاتلهم لعروسة محجبة وماش حابة تصور مالا خبيو تيليفوناتكم، ووحدة ماقدرت تصور هههه
المشكل درك يا اختي لعروسة محجبة ولابسة لبسة الكفار ما يلبسوهاش، وزيد دير عرس ميكست
رجال ونساء والحالة مخلطة وزيد تجيب مصور ويكون راجل ، هادي هي لي حابة تتفضح صراحة
على كل حال ربي يستر على بناتنا ويحفظهم من كل سوء
تقبلي مروري للمرة الثانية ^^
​

 

[فيتامين سي]

رد: الأعراس و مشكل التصوير ....!!!!!

درك الاعراس ولاو من بداية يعلقو لافتات ممنوع تصوير و نتي لي تصورك قليلها تصورك وحدك متصورش معاك بنات و قولي لحباباتك يعسولك ادا راهم يصورو هكدا راهم يديرو من بديا قلولهم ممنوع او في بطاقة دعوة حطيلهن بلي ممنوع يعني بينيهالهم بلي كل واحد يخاف على روحه
ماشي هذي لي تضحك انا كل ما نروح لعرس بو ميصوروش يحطو عشا نبداو تجي خالتي الكامرا تصورلك اللقمة كي تفوت لفمك هههه نتم تولي تسمعي غير راهي جايا حبسو دورو وجوهم راحت جات راحت جات راحت (تفكرني بالسينيال ) المهم عليك و على حباباتك هما ينضمو الحالة
ربي يسخر ..كلشي مبروك

 

[توأم روحه]

رد: الأعراس و مشكل التصوير ....!!!!!

نقولك هادو لازم العبد يخرجهالهم طول ويقولهم ماتصوروش
مرة حكاتلي ماما على عرس راحتلو ، العروسة جابت مصورة ماخلات حتى وحدة تصور
قاتلهم لعروسة محجبة وماش حابة تصور مالا خبيو تيليفوناتكمن ووحدة ماقدرت تصور هههه
المشكل درك يا اختي لعروسة محجبة ولابسة لبسة الكفار ما يلبسوهاش، وزيد دير عرس ميكست
رجال ونساء والحالة مخلطة وزيد تجيب مصور ويكون راجل ، هادي هي لي حابة تتفضح صراحة
على كل حال ربي يستر على بناتنا ويحفظهم من كل سوء
تقبلي مروري للمرة الثانية ^^
​

صح الواحد يدير لي عليه و يوصي و يعاود و ربي يجيب الخير
و بالطبع اللي دايرة عرس ميكست هاديك حاجة وحدوخرى هي حبت و هوما حبو الفضائح يدبرو راسهم
راني نحكي على العائلات المحافظة و الأعراس الملتزمة و يروحو ضحية ..
شكررااااا مرة أخرى للمشاركة :love01:​

 

[توأم روحه]

رد: الأعراس و مشكل التصوير ....!!!!!

درك الاعراس ولاو من بداية يعلقو لافتات ممنوع تصوير و نتي لي تصورك قليلها تصورك وحدك متصورش معاك بنات و قولي لحباباتك يعسولك ادا راهم يصورو هكدا راهم يديرو من بديا قلولهم ممنوع او في بطاقة دعوة حطيلهن بلي ممنوع يعني بينيهالهم بلي كل واحد يخاف على روحه
ماشي هذي لي تضحك انا كل ما نروح لعرس بو ميصوروش يحطو عشا نبداو تجي خالتي الكامرا تصورلك اللقمة كي تفوت لفمك هههه نتم تولي تسمعي غير راهي جايا حبسو دورو وجوهم راحت جات راحت جات راحت (تفكرني بالسينيال ) المهم عليك و على حباباتك هما ينضمو الحالة
ربي يسخر ..كلشي مبروك

و الله غير صح لازم ما نحشموش فهاد الأشياء و كيما قلتي نعلقو ورقة مكتوب فيها ممنوع التصويير الا المكلفة بتصوير العروسة :up:
قتلتيني بالضحك تجي خالتي الكاميرا تصورلك الللقمة ههههههههههههه :thumb_up02:
شكراا ختيتي :love01:​

 

[فيتامين سي]

رد: الأعراس و مشكل التصوير ....!!!!!

تفككرت صحبتي مرة حضرت عرس كي جاو الناس مزال العروسة متدخلش المرة المتكلفة بالتنظيم (نضن هذيك لي كانت مسؤولة على الدف ) حكمت ميكرو و قالتلهم بأدب و بلي هدو بناتنا تخافو عليهم كامل و قالتلهم ممنوع اي وحدة تتصور من غير عروسة تتصور وحدها باينة او مع خواتاتها (هذا من حقنا نخافو على رواحنا )
ايه زعما نقول عندي عرس مناكلش :p باش ناكل في العرس ههههههه صحا والله تحسبي راكي تسرقي تنوي تحلي فمك تلقيها حداك مفهمتش علاش يديرو هكدا
سبحان الله خلوني ناكل :p
منكدبش عليك ماما مخوفتهم ب الاب تاعي كي تجي اي وحدة تقوللها الاب تاعهم ميحبش باسكو تخافي تلقي وجهك في كاش جروب مع شعبنا ميخافش ربي
نتخيل حاطيني في كاش جروب و يكتبو اللهم ارزقني بزوجة مثل هذه :p هههههههههههه

 

[Hakan]

رد: الأعراس و مشكل التصوير ....!!!!!

هاذو ماشي انت اللي تحكي معاهم كاين الرجال
مي نروح ونرجعو نلقاو بلي اذا غاب الحيااء راح كل شيء
الحاجة الوحيدة اللي لازم تفهمها المراة انو لازم تستر روحها في الاعراس
وخلاص وربي يستر على نساء المسلمين ..​

 

[{مُدَلَّلَتُهُ}]

رد: الأعراس و مشكل التصوير ....!!!!!

السلام عليكم و رحمة الله و بركاته !

مشكورة على الموضوع أختي . . .

لعراس ضوكا ولا الواحد يخاف يروحلهم . . خاطرش الغاشي ولاو ما يخافوش ربي . . كل وحدة و أسبابها علاه تصور أنا الي تجهلني كثر هي هاذيك المرا الي ترفد تيليفون تصور بنات الناس تقولك ولدي راه باغي يتزوج نوريله و يخير ويين بيها ؟ بنات الناس ولاو لعبة عندك انت صوري و ادي لولدك يشوف ؟ علاه تقبليها على بناتك ؟ !

أفضل حل كيما قالو الي قبلي العروسة تدي معاها جيش يعسو! الي ترفد تيليفون يقولولها ما تصوريش راهي كاينة الي متكلفة بالتصوير و خلاص

سلآم
​

 

[دمعة اشتياق]

رد: الأعراس و مشكل التصوير ....!!!!!

السلاآم عليكم


موضوع مليح للنقاش هادا مشكل كبير


انا نحذر اي بنت يصوروها في اي عرس حتى لو لافامي


بالنسبة ليا انا في عرسي وصيت لي تبرزني وحدة ما تصورش يعني لي بغى يزعف يزعف حفاظا على الصور


راكم عارفين المشاكل الكبيرة لي راها تصرا بسبب التصاور


حذاري ثم حذاري يا بنات



​

 

[فيتامين سي]

رد: الأعراس و مشكل التصوير ....!!!!!

...........
علاش بنات الناس بطاطة مثلا ؟ ادا هذي المرة متحشمش ولدها ماشي راجل ادا هي تمدله فديو نورمالمو هو يقوللها خافي ربي النضرة الشرعية و تكون متحجبة واش جاب عرس :-o
...................


]

بفففففف حسيت تكلي سلعة ويخير عجبتني معجبتنيش انا لي تصاوري منخليش خويا يشوفهم لابغا مستورة نجشم نتخيل يشوفهم وحداخر واااااااااااع
على هذي كرهت جد العراس والله
الحمد لله لي جيت نتحجب في العراس نلبس لبسة مح**** على الاقل ينقصلي الشوك واحد يشوف تصاويري
غير التخيل خنقني كفاش تكون حقيقة
واش نديرو حسييا الله ونعم الوكيل في ناس هكدا ميخافوش ربي

 

[{مُدَلَّلَتُهُ}]

رد: الأعراس و مشكل التصوير ....!!!!!

بفففففف حسيت تكلي سلعة ويخير عجبتني معجبتنيش انا لي تصاوري منخليش خويا يشوفهم لابغا مستورة نجشم نتخيل يشوفهم وحداخر وااااااه
على هذي كرهت جد العراس والله
الحمد لله لي جيت نتحجب في العراس نلبس لبسة مح**** على الاقل ينقصلي الشوك واحد يشوف تصاويري
غير التخيل خنقني كفاش تكون حقيقة
واش نديرو حسييا الله ونعم الوكيل في ناس هكدا ميخافوش ربي

و الله غير تع الصح ما يحشموش يا أختي . . . هاذي ما شفتهاش غير مرة ولا زوج و ساعات مام ما نكونوش في عرس نسمع كاش وحدة تهدر في هاد الهدرة قلبي يضرني . . !
هي و بالاك كبيرة و ما عرفتش ولا دارتها بحسن نية و ولدها ؟ يرحم باباك شكون في جيلنا ما قراش ولا ما يعرفش ؟ يعرفوآ يفتو غي في الفيس بوك و يبينو بلي الرجلة من عندهم و حبست بصح في الصح ؟ خلي البير بغطاه

أنا لآ أعمم كاين رجال الي الله يبارك ! الكبار يديروله حساب قبل الصغار
​

​

 

[توأم روحه]

رد: الأعراس و مشكل التصوير ....!!!!!

تفككرت صحبتي مرة حضرت عرس كي جاو الناس مزال العروسة متدخلش المرة المتكلفة بالتنظيم (نضن هذيك لي كانت مسؤولة على الدف ) حكمت ميكرو و قالتلهم بأدب و بلي هدو بناتنا تخافو عليهم كامل و قالتلهم ممنوع اي وحدة تتصور من غير عروسة تتصور وحدها باينة او مع خواتاتها (هذا من حقنا نخافو على رواحنا )
ايه زعما نقول عندي عرس مناكلش :p باش ناكل في العرس ههههههه صحا والله تحسبي راكي تسرقي تنوي تحلي فمك تلقيها حداك مفهمتش علاش يديرو هكدا
سبحان الله خلوني ناكل :p
منكدبش عليك ماما مخوفتهم ب الاب تاعي كي تجي اي وحدة تقوللها الاب تاعهم ميحبش باسكو تخافي تلقي وجهك في كاش جروب مع شعبنا ميخافش ربي
نتخيل حاطيني في كاش جروب و يكتبو اللهم ارزقني بزوجة مثل هذه :p هههههههههههه

هههههههههههههههه و الله غير صح :p:p:p المهم ربي يستر و خلاص :-r
​

هاذو ماشي انت اللي تحكي معاهم كاين الرجال
مي نروح ونرجعو نلقاو بلي اذا غاب الحيااء راح كل شيء
الحاجة الوحيدة اللي لازم تفهمها المراة انو لازم تستر روحها في الاعراس
وخلاص وربي يستر على نساء المسلمين ..​

الرجال صح يوصو نساهم خاطر هوما لي حا يكونو مع لعروسة بصح و الله غير كاين لي توصي ولا تريح و الله ما يفهمو لازم العروسة تدير كامل الاحتياطات و خلاص ..
​

السلام عليكم و رحمة الله و بركاته !

مشكورة على الموضوع أختي . . .

لعراس ضوكا ولا الواحد يخاف يروحلهم . . خاطرش الغاشي ولاو ما يخافوش ربي . . كل وحدة و أسبابها علاه تصور أنا الي تجهلني كثر هي هاذيك المرا الي ترفد تيليفون تصور بنات الناس تقولك ولدي راه باغي يتزوج نوريله و يخير ويين بيها ؟ بنات الناس ولاو لعبة عندك انت صوري و ادي لولدك يشوف ؟ علاه تقبليها على بناتك ؟ !

أفضل حل كيما قالو الي قبلي العروسة تدي معاها جيش يعسو! الي ترفد تيليفون يقولولها ما تصوريش راهي كاينة الي متكلفة بالتصوير و خلاص

سلآم
​

مممممم هادي ما سمعتش بيها تع تصورها باش توريها لوليدها عييييش تشوف :-o لازم الجيش و الله المستعان :/
​

السلاآم عليكم


موضوع مليح للنقاش هادا مشكل كبير


انا نحذر اي بنت يصوروها في اي عرس حتى لو لافامي


بالنسبة ليا انا في عرسي وصيت لي تبرزني وحدة ما تصورش يعني لي بغى يزعف يزعف حفاظا على الصور


راكم عارفين المشاكل الكبيرة لي راها تصرا بسبب التصاور


حذاري ثم حذاري يا بنات



​

آه وي لي حبت تزعف تزعف قراب ولا بعاد حنا نديرو لي علينا و ربي يبعد المشاكل ان شاء الله ​

 

[ام أمينة]

رد: الأعراس و مشكل التصوير ....!!!!!

رانا نشوفو لعجب فالاعراس
راح الحياء و السترة و الحشمة تع بكري ماشي غير الصغارات حتى لكبارات

ربي يسترنا و يستر ولادنا
ربي يسهلك عرسك و يجمعك انتي و زوجك في خير

مشكورة على الموضوع تحياتي
​

 

[Adel Adel1]

رد: الأعراس و مشكل التصوير ....!!!!!

انا فعرسي منعت الكاميرات تماما . جبدو البنات حبو يصورو خبيت مرتي و رايل و قلتلهم وحدة ماتصور و ليماعجبهاش تروح لدارهم . كيما كان الحال خباو بورطابلاتهم و ضربوها ضحكة هاديك تاع ماكان والو وتم العرس و الحمد لله .. نصيحة . التصوار فالعراس طلق بزاف ناس ردو بالكم . كاينة لي تغير و كاينة لي دير المكرة تصور لي عندها معاها مشكل و تبعت للفايسبوك . ردو بالكم

 

[¬Đỉaмơŋđ ✿]

رد: الأعراس و مشكل التصوير ....!!!!!

وعليكم السلام ورحمة الله تعالى وبركاته

شحال من بيوت عامرة إتخربت بسبب الصور ومقاطع الفيديو اللي وصلت وين نشروها على اليوتيوب وغيرهآ..
المشكل هذآ صاري بزاف تلحق وين لعروسة تتصدر والجماعة اللي واقفة وتصور فيهآ كارثة حتى نوليو العروسة مانشوفوهاش من الغاشي ..
درك شفتها في الكثير من صالات الأعراس دايرين ملصقات بالخط العريض "ممنوع التصوير بالهواتف النقالة"
- لآزم الوحدة ديما تكون مستورة حتى لوكان العرس مقتصر برك على العنصر النسوي وماننساوش أنو حتى بين النساء وكاين عورة .
ربي يسترها علينا أجمعين.

​

 

[youcef.as.dz]

رد: الأعراس و مشكل التصوير ....!!!!!

صح و الله كارثة كارثة كارثة مشكلة
لازم من البداية تكون صريحة لتصور تربح العيب ولحابة تصور متجيش للعرس ولمش عاجبها الحال تخبط راسها في الحيط

 

[خفيفة الروح]

رد: الأعراس و مشكل التصوير ....!!!!!

والله عندك الحق
انا وحة من الناس لي منتصورش في لعراس

 

[Princesse Diyor]

رد: الأعراس و مشكل التصوير ....!!!!!

السلام عليكم اختي

انا حبيت نقول انو لبنات لي يصورو ممكن يكونو بحسن نية أو العكس كما قالت الاخت الكريمة لؤلؤة قسنطينة
مي الغلطة الاولى و الاخيرة في لبنات لي يلبسوا لباس فاضح مش محترمين ني حجابهم ني رواحهم ني عائلاتهم و حنا الشعب نتاعنا الله بارك يتلقا بزاف يشوفو وحدة لابسة السيري و القصير الطفلة تقول لصاحبتها و هي تقول الامها و تزيد تقول لجارتها و من بعد توصل حتى لوالدها في الطريق و يعود الاب مسكين ميلقا واش يرد عليهم يهبط راسو و يمشي و خلاص
و انا على العموم منحبش لعراس و منروحش الا ادا كان قريب ياااااااسر و الله واش راح نقول ربي يهدي عبادو و يبعد علينا ولاد لحرام و يسترنا
و انتي اختي مبروك عليك مسبقا ربي يهنيك و يرزقك الدرية الصالحة آمييييين
تقبلي مروري
سلام :a
​