أول مرة تدخلي للكوزينة...وش طيبتي؟

[من الماضي]

السلام عليكم ورحمة الله تعالى و بركاته....
حبيت نقرعج عليكم شوية....أول مرة طيبي وش طيبتي؟ وهل نجحت و لا كيفي

أنا نشفا لروحي كنت نقرا سنة خامسة ابتدائي هاذيك اول مرة ندخل الكوزينة... زعما نشطار.قلتلهم اليوم نعجن... و و بمراقبة. و التدبار تاع ماما درت الخبزة أكبر من الطاجين بالمختصر خربتها....:-r
و مع ذلك ما حبوش يحشموني و كلاوه كامل..
أيا احكولنا وش درتوا فيها نتوما؟:sport02:

 

[Princesse Diyor]

رد: أول مرة تدخلي للكوزينة...وش طيبتي؟

انا كنت نقرا 4 ابتدائي طيبت معكرونة و جات بنينة ربي يبارك عليا ههههههههههه

و كلاوها و عجبتهوم


.
.
.
.
.
.
.
.
.
.
.
.
.















































































































راني نكذب ههههههههههههههه

 

[من الماضي]

رد: أول مرة تدخلي للكوزينة...وش طيبتي؟

و الله غير درتك تحكي صح....كنت رايحة نقولك خمسة و خموس........
ههههههههههههههههههههههههه

 

[jojo12]

رد: أول مرة تدخلي للكوزينة...وش طيبتي؟

اول مرة درت فريت هههههههه اصلن مطابش درت المقلى ونسيت مشعلتش عليها يخي دلت لفريت كي الشاطرة قعدت ساعة نستنى فيها باش تطيب هههههههه ديما كل ما نتفكرها نموت بضحك

 

[iman-dz4ever]

رد: أول مرة تدخلي للكوزينة...وش طيبتي؟

اول مرة طيبت فيها اييييييييييييييييييه من زمان
منشفالهاش بصح متفكرا ملي كنت صغيرة كنت ندير كل المقادير
في طباسا صغار و نتخيل روحي السيد رزقي في حصتها
ونعيش الدور و نتخيل الحيط كاميرا.....لازملنا شوية ثوم و حبة بطاطا متوسطة الحجم ووو
ههههههههههههههههه
والمخيرة قاع كي نقلهم فاصل و نعود
هههه
و المخيرة قاع كي نقله
​

 

[jojo12]

رد: أول مرة تدخلي للكوزينة...وش طيبتي؟

هههههههههه ضحكتيني ي
عمري كنتي صغيرة تخيلي في روحك سيدة رزقي ههههههه

 

[Djaouida]

رد: أول مرة تدخلي للكوزينة...وش طيبتي؟

ههه فكرتني أنا نهار لي تدخلت لكوزينة درت قاطو بصح لميته بماء ههه
درت بزاف عفايس هههه مي عقلت غير هاذي

 

[Tu lipe]

رد: أول مرة تدخلي للكوزينة...وش طيبتي؟

اول مرة نطيب كنت اولى متوسط وطيبت مقرونة ومنشفاش ع الذوق انتاعها كيفاه كانت مي متأكد انها كانت بنينة :p

 

[خديجة 24]

رد: أول مرة تدخلي للكوزينة...وش طيبتي؟

يااااااااه كنت صغيرة بزاف كان عمري 8سنين طيبت طياب لالات النسا ما دارتوش
ماشي زوخ بصح والله غير روعة كامل نخلعو و مامنوش
ماما كانت فالسبيطار زيدت اختي الوحيدة وكنا فرمضان وخاوتي ذكور كانو يقراو
جاب بابا سردين و قال لعمتي تسكن قدامنا طيبيه قاتلو نطيب ففطوري ونجي وانا علابالي بلي ماتحبناش و سمعتها تقول علاه جاب السردين ......:tongue02::tongue02::tongue02:
المهم ورالي بابا ربي يرحمو كيفاش نقيتو ودرتلو ملح و ثوم وفلفل اسد ودرتلو الفرينة وقليتو :up::up::up:
وبابا راح جاب ماما مور كي نقاه معايا:love01::love01::love01:
كي جات فرحت بيا وقاتلي ارواحي نوريلك كيفاش ديري شربة ودرتها كيما قاتلي وجات هايلة وعمتي مازال ماجاتش.......:tongue02::tongue02::tongue02::tongue02:
امبعد حبيت ندير فطير او كسرة ماما ما حبتش قاتلي عسي الشربة تاعك برك بديت نبكي باش نديرها ودرتها بتشجيعات بابا الله يرحمو:bravo01::bravo01::bravo01:
برك عوني باش قلبتها فالطاجين وجات عمتي ولقاتني ندير الفطير وجها اتقلب مازالني شافية عليها
برك السردين كي اذن كان بارد ههههههه وكلاوه وعجبهم وانا حسيت روحي فرحانة بزاف :yahoo01::yahoo01:
بصح اذا ربي رزقني بطفلة نقلشها و ماتدخلش الكوزينة بكري بزاف

 

[iman-dz4ever]

رد: أول مرة تدخلي للكوزينة...وش طيبتي؟

يااااااااه كنت صغيرة بزاف كان عمري 8سنين طيبت طياب لالات النسا ما دارتوش
ماشي زوخ بصح والله غير روعة كامل نخلعو و مامنوش
ماما كانت فالسبيطار زيدت اختي الوحيدة وكنا فرمضان وخاوتي ذكور كانو يقراو
جاب بابا سردين و قال لعمتي تسكن قدامنا طيبيه قاتلو نطيب ففطوري ونجي وانا علابالي بلي ماتحبناش و سمعتها تقول علاه جاب السردين ......:tongue02::tongue02::tongue02:
المهم ورالي بابا ربي يرحمو كيفاش نقيتو ودرتلو ملح و ثوم وفلفل اسد ودرتلو الفرينة وقليتو :up::up::up:
وبابا راح جاب ماما مور كي نقاه معايا:love01::love01::love01:
كي جات فرحت بيا وقاتلي ارواحي نوريلك كيفاش ديري شربة ودرتها كيما قاتلي وجات هايلة وعمتي مازال ماجاتش.......:tongue02::tongue02::tongue02::tongue02:
امبعد حبيت ندير فطير او كسرة ماما ما حبتش قاتلي عسي الشربة تاعك برك بديت نبكي باش نديرها ودرتها بتشجيعات بابا الله يرحمو:bravo01::bravo01::bravo01:
برك عوني باش قلبتها فالطاجين وجات عمتي ولقاتني ندير الفطير وجها اتقلب مازالني شافية عليها
برك السردين كي اذن كان بارد ههههههه وكلاوه وعجبهم وانا حسيت روحي فرحانة بزاف :yahoo01::yahoo01:
بصح اذا ربي رزقني بطفلة نقلشها و ماتدخلش الكوزينة بكري بزاف

شحال عجبتني حكايتك يا خديجة تليق قصة نتاع فيلم
و الله يرحمك باباك و يخليلك يماك يا رب

 

[GI Joe]

رد: أول مرة تدخلي للكوزينة...وش طيبتي؟

men bekri horet lehrayer hh, kont wahdi f dar na9ra 4 primaire, jebt dgig w ghrebel w ftelt keskess hhh
jaa mliih kaaml kifkif mais maghsseltech lehwayej w yedya jaa gris mich byadh
w awal haja mangable dert cake

 

[من الماضي]

رد: أول مرة تدخلي للكوزينة...وش طيبتي؟

ههههههههههههههههههههههههه

و الله غير ضحكتوني.....
بصح راكم ملاح... كي طيبتو و انتوما صغار كاين لي راهم نسا و ما يعرفوش يطيبو

 

[مريم.]

رد: أول مرة تدخلي للكوزينة...وش طيبتي؟

انا كنت نقرا السنة سادسة ابتدائي امي كاانت ممريضة ومسافررة نضت كي شاطررة درت شربة كي طاابت لقيتها نشفت ورجعت طارت هههههه لوكان قلبتها في طبسي ترجع طارطا ​

 

[Djaouida]

رد: أول مرة تدخلي للكوزينة...وش طيبتي؟

انا كنت نقرا السنة سادسة ابتدائي امي كاانت ممريضة ومسافررة نضت كي شاطررة درت شربة كي طاابت لقيتها نشفت ورجعت طارت هههههه لوكان قلبتها في طبسي ترجع طارطا ​

ههههههه ههههههه أه حسبت غير أنا لي درت كوارث طبيعية ساعة رانا كيف كيف ههههههه

 

[مريم.]

رد: أول مرة تدخلي للكوزينة...وش طيبتي؟

ههههههه ههههههه أه حسبت غير أنا لي درت كوارث طبيعية ساعة رانا كيف كيف ههههههه

ههههههه غير سكتي كوارت وكوارث هههههههه​

 

[من الماضي]

رد: أول مرة تدخلي للكوزينة...وش طيبتي؟

انا كنت نقرا السنة سادسة ابتدائي امي كاانت ممريضة ومسافررة نضت كي شاطررة درت شربة كي طاابت لقيتها نشفت ورجعت طارت هههههه لوكان قلبتها في طبسي ترجع طارطا ​

ههههههههههههههههههههههههه
ايا راكي مليحة كي خرجلتك طارط :bravo01:...
المهم حاجة تقدري تاكليها...خير من ماكانش

 

[اكارينا]

رد: أول مرة تدخلي للكوزينة...وش طيبتي؟

كنت نقرا 4 ابتدائي درت الخبز وما خرج ليش مدور قالت لي ماما هادي خريطة ولا خبزة

 

[من الماضي]

رد: أول مرة تدخلي للكوزينة...وش طيبتي؟

كنت نقرا 4 ابتدائي درت الخبز وما خرج ليش مدور قالت لي ماما هادي خريطة ولا خبزة

هههههههههههههههه
هايلة تاع خريطة :yahoo01:
لو كان قلتليلها هذا نوع جديد من العجين
خاص و حصري بيا وحدي:up::up:

 

[اكارينا]

رد: أول مرة تدخلي للكوزينة...وش طيبتي؟

هههههههههههههههه
هايلة تاع خريطة :yahoo01:
لو كان قلتليلها هذا نوع جديد من العجين
خاص و حصري بيا وحدي:up::up:

كون خدمت فيها كون قلتها

 

[خديجة 24]

رد: أول مرة تدخلي للكوزينة...وش طيبتي؟

شحال عجبتني حكايتك يا خديجة تليق قصة نتاع فيلم
و الله يرحمك باباك و يخليلك يماك يا رب

والله ياختي بصح تالمو بديت شغل الدار بكري بزاف نحس بلي ضيعت بزاف من الطفولة تاعي ك ي كانو يلعبو لبنات زعما يطيبو انا كنت نطيب صح و نشوف اللعب تاعهم جياح