كنت مغشش ماعمباليش وش راني نهدر

[hadjer 23]

السلام عليكم خاوتي
اليوم حبيت نشوف آرائكم حول موضوع "وقت الغش"
في مجتمعنا كاين الي يقولك الي يتغشش يخرج كامل الي في قلبو
وكاين الي يقولك ماديرش عليه أو يهدر برك...

وانتوما يا جماعة وش رايكم هل "وقت الغضب" يخلي الانسان
يخرج الحقيقة الي كان مخبيها ولا ما نهتموش لكلامو لانو مش متوله وش راه يهدر ؟؟؟؟

 

[Princesse Diyor]

رد: كنت مغشش ماعمباليش وش راني نهدر

انا حسب رايي انو الانسان المتقلق ساعات يحكي الحقيقة و ساعات يهدر برك

 

[Hakan]

رد: كنت مغشش ماعمباليش وش راني نهدر

اثناء الغضب تتحرك بسرعة الدورة الدموية وكيما نعرفو الشيطان يسري فيي ادم مسرى الدم في العروق
نهار يزعف الانسان مايكونش في الوعي نتاعو
لكن كاين حلول للغضب وماش اي حاجة يزعف عليها الواحد
ربي يبعد علينا الغضب ان شااء الله
الغضب يدل على شخصية الانسان لانو اغلب اللي يتقلقو بسرعة ضعاء شخصية وما يقدروش يناقشو الا بالغضب
ربي يهنيك ..​

 

[توأم روحه]

رد: كنت مغشش ماعمباليش وش راني نهدر

أنا نقول بلي لي يهدر كي يكون مقلق باين اذا صح وش قال ولا لالا هي صح وقت الغضب الواحد يدير قرارات و يقول حاجات قادر يندم عليهم بصح فنفس الوقت ممكن يكون يخرج واش فقلبو بالاك يبالغ فردة فعلو بصح من رايي مكاش منها يقول واش قال كامل بمجرد أنو فقد السيطرة على النفس و هذا مجرد رأيي تقبلوا مروري سلام ​

 

[Salah eddin]

رد: كنت مغشش ماعمباليش وش راني نهدر

ليس مقياسا ...........كل حسب حالته
​

 

[hadjer 23]

رد: كنت مغشش ماعمباليش وش راني نهدر

مشكوريييين خاوتي ^^
مروركم اسعدني

 

[zohor kfz]

رد: كنت مغشش ماعمباليش وش راني نهدر

حنا عندنامثل يقلك
الصح ينقال في وقت الزعاقة
ان نضن انو وقت الزعاف تصيطر عليك المشاعر السلبية و تنسى كامل صولح لملاح على بيها مستحيل تكون تقول 100/100 الحقيقة

 

[همس الوُرود]

رد: كنت مغشش ماعمباليش وش راني نهدر

السلام عليكم

لا يعلم ما بالنفوس الا الله سبحانه

 

[السلطانة]

رد: كنت مغشش ماعمباليش وش راني نهدر

وعليكم السلام كاين بعض الناس اثناء الغضب يفقدو السيطرة ويعودو ميعرفوش يهدرو واغلب الناس هكا وكاين لي يلتزم الصمت باه ميقيسش غيرو
هاذي طباع الناس ولازم نعذروهم
كي تعرف طبع الشخص متديرش عليه لكن اذا كان الهدف تاعو حاجة خلاف وانو يجرحك فتم كاين حلول خلاف حسب الموضوع دركا

شكرا.
​

 

[ام أمينة]

رد: كنت مغشش ماعمباليش وش راني نهدر

كل مرة و كيفاش مرات الواحد مليح يهدر و مرات الواحد يسكت خير و مرات الهدرة تخرج بلا ما يفيق العبد يا تخلي العبد لي تغششت عليه يفهم روحو وش دار أو يزعف لان الواحد كي يزعف مرات يهدر و خلاص

مشكورة على الموضوع
تحياتي
​

 

[iman-dz4ever]

رد: كنت مغشش ماعمباليش وش راني نهدر

كاين وين مرات وقت الغضب صح تحكي واش في قلبك
وكاين وين تقول هدرة تندم عليها و كاين وين تقول حقيقة مرة
كان من المفروض انها تحكي
ربي يكفينا شر ساعة الغضب
​

 

[Adel Adel1]

رد: كنت مغشش ماعمباليش وش راني نهدر

عند الغضب الشديد يصدق السان مايقوله القلب ... لكن في وقتنا هدا ماكان ﻻقلق ﻻوالو . تلناس كاملة وﻻت تلعبها مغششين

 

[omar wahid]

رد: كنت مغشش ماعمباليش وش راني نهدر

يقولون الغضب قاتل صاحبه
ومن وصايا سيدنا محمد صلی الله عليه وسلم لنا ان نتوظأ ونجلس حين نغضب لان الغضب من الشيطان
في حالة الغضب الشديد يفقد الانسان عقله ويصبح مثل المجنون لايشعر بما يفعل لذالك كل قول او فعل يصدر من انسان غاضب فهو غير مدرك له

 

[youcef.as.dz]

رد: كنت مغشش ماعمباليش وش راني نهدر

وقت التغشاش يبان الصح

 

[خفيفة الروح]

رد: كنت مغشش ماعمباليش وش راني نهدر

صح انا تسرالي نهار نتغشش نخرج كامل واش في قلبي