مشكلتي مع ام زوجي

[ملاك ملوكتي]

السلام عليكم و رحمة الله انا عندي مشكل بسيط مع عجوزتي انا نحبها و نعاملها مثل امي بصح هي تهدر فيا بزاف عند سلافتي و فاميلتها ما فهمتش انا نعاملها باحترام و مقادرتها وهي تطعني ف الظهر راني حابة تنصحوني شكرا

 

[بنت الـ25]

رد: مشكلتي مع ام زوجي

السلام اختي
هكدا دايما العجوز والكنة العلاقة بيناتهم مهما كانت مليحة كاين طرف ساعات يخسرها
انتي ابقاي اتعاملي معاها كيما راكي تقولي مثل امك وأعز
وهي مهما تهدر فيك ، سلافاتك ولا فاميلتها كي يجو عندكم يشوفو بعينيهم وتما يقرروا اسكو يصدقو عينيهم ولا يصدقو وش راهي تقول عليك
انتي اتلهاي براجلك وما تعمريش راسك بزاف بحكايات النساوين هادو والله تتعبي على والو
مهما كان هادي ام زوجك اللي رباتو وتعبت عليه ورجعتو راجل مش سهل تتقبل انو تجي وحدة وتديهولها
ري يهنيك اختي ممكن المتزوجات يقدرو ينصحوك خير عليا
​

 

[iman-dz4ever]

رد: مشكلتي مع ام زوجي

اولا السلام عليكم ومرحبا بيك في المنتدى ان شاء الله تلقاي راحتك هنا
.......
و ثانيا هذو هم العجايز دائما عندها احساس ان الكنة داتلها ابنها منها
وانت اصبري عليها و احتسبي الاجر و مهما يكون راهي مرا كبيرة
واحذري انك تشكيها لراجلك باش تتفاداي المشاكل
واتكلي على ربي و راح تفرج خت ملاك متخافيش
​

 

[laid_dial]

رد: مشكلتي مع ام زوجي

سمعتيها بودنيك ولا قالولك برك لربما حبوا يديروا بينك وبينها وحتى كي تسمعيها تهدر ياك محفرتلكش قبر بهدرتها عامليها معاملة مليحة واحتسبي الاجر

 

[أم لينة]

رد: مشكلتي مع ام زوجي

السلام عليكم .

أولا شكون لي راه يوصلك في الهدرة ؟؟هذا النمام من المفروض تبعدي عليه احسن ليك , ما أدراكي انو كلامو صحيح ؟؟ربما غرضو يفسد العلاقة بيناتكم .
و في حالة اذا صح تاكدتي انها تتكلم عليك بسوء ماعندك ماديري حنونة خليها بينها بين مولاها انت تعاملك الطيب معاها راجع لشخصيتك لي تربيتي عليها مش راح تتحولي فجأة و تنقلبي عليها راح تتضري و تفسدي العلاقة بينك و بين اهل زوجك و اولهم زوجك فحبه لكي يزداد اذا حبيتي امه .
اذا قعدنا نعسو في لي يهدر فينا في ظهرنا متفراش نعيشو حياتنا غير نعسو .
خليها على ربي و تعاملي كيما متعودة و كأنك مسمعتيش حاجة .​

 

[ام أمينة]

رد: مشكلتي مع ام زوجي

......................
​

 

[ملاك ملوكتي]

رد: مشكلتي مع ام زوجي

شكرا اخواتي انا سلفتي ساكنا معايا هي لي تقولي قاااع واش تقولها عجوزتي اتفه الاشياء و انا كرهت و الله ما قدرت حسيت روحي مخنوقة في هاديك الدار وpourtan حنا ساكنين في دار كبيرة مايقدرش يخرج يكري l problèmeراني غي انا و سلفتي عايشين معاها و حاجا مانيش فاهمتها سلفتي متحبش عجوزتي بصح هي تبغيها و تحوس عليه‍

 

[أم لينة]

رد: مشكلتي مع ام زوجي

غير نقصي الدصارة مع سلفتك هاذي و كثرة التجماع و الكلام الطالع و الهابط حطي حدود للقصرة بيناتكم و متهتميش كيفاش تتعامل عجوزتك معاها لوكان جات فحلة متوصلكش الهدرة .
قومي بواجباتك في الدار و الكوزينة عادي و حتى في معاملتك مع عجوزتك اكسبيها خير ليك تربحي في دنيتك وآخرتك .
و نسيت نقلك أوزني كلامك مع سلفتك ربما واش راكم تهدرو تاني تزيد فيه و توصلو لعجوزتكم.

 

[ملاك ملوكتي]

رد: مشكلتي مع ام زوجي

الله يهدينا نشالله و يهديها هي تاني pars que راني في عام زواج شفت عجوزتي تهدر بزاف فالناس و دير نميمة بزاف فتنة هي و بنتها فارغين شغل انا جامي شفت نميمة كيما لي ديرها عجوزتي و خطرا قالتلنا انا نشعل النار بين الكناين باش مايتفاهموش على راسي هههه عجب والله و جايب عمرا حقها ماديرش هاكدا

 

[hadjer 23]

رد: مشكلتي مع ام زوجي

شكرا اخواتي انا سلفتي ساكنا معايا هي لي تقولي قاااع واش تقولها عجوزتي اتفه الاشياء و انا كرهت و الله ما قدرت حسيت روحي مخنوقة في هاديك الدار وpourtan حنا ساكنين في دار كبيرة مايقدرش يخرج يكري l problèmeراني غي انا و سلفتي عايشين معاها و حاجا مانيش فاهمتها سلفتي متحبش عجوزتي بصح هي تبغيها و تحوس عليه‍

اهلا بيك حبيبتي
اول حااجة( القط يحب خناڨووو)
و هادي رانا عايشينها والناس الكل يديرو حساب للي مايحبهمش
و مايعاملهمش مليح اكثر ملي يحبهم و يحوس عليهم
قادر يكون هاد الشي راجع للخوف منهم وقادر يكون راجع لتفادي
المشاكل من الشخص هداك
لكن والاهم انك تخدمي ليك مش ليهم و ديري الخير لوجه ربي
مش باه يحبسو الهدرة عليك و ماتنسايش بلي بنادم نكار هادي غريزة
الور يا ختي ماتعمريش راسك و عامليها مليح مهما تعاملك مش مليح
درك تشوفي انت ترتاااحي و مش بعيد هي ترجع معاك مليحة
تقبلي رايي يا ختي و ربي يهنيك و يعينك ^^

 

[iman-dz4ever]

رد: مشكلتي مع ام زوجي

و الله غير عندك الحق يا ام لينة في كلامك
ان شاء الله الاخت ملاك تتبع نصيحتك
​

 

[ملاك ملوكتي]

رد: مشكلتي مع ام زوجي

شكراا الله يخليكم نشالله مانقدر نحكي حتى لواحد غيركم