حكايتي...كيف طردنا أبي من المنزل

[دعاء الجنات]

ماجانيش النوم...
حبيت نحكيلكوم على حكاية صرات في حياتي
بطلها...أبي والضحية أمي وأنا وأخي وأختي.....؟؟؟؟؟؟
بابا طردنا من البيت أخرج أمي واولاده....
تخيلو خرجنا من الدار وهو مورانا مالقينا وين نروحو ودار عمي مقابلين لينا بصح سكرو الباب في وجهنا
....لمذا طردنا؟؟؟؟ مسحور والله أعلم أمي ذاقت اشد العذاب وصبرت لكن بعدما طردنا من البيت وخسرنا... ندم ومرض ولايزال لحد الآن مريض...
والله ذاك المشهد يوم ان اخرجنا من البيت لايزال بين عيني كان عمري اربع سنين كان يظرب امي كل يوم وفي ذاك اليوم .مول الحانوت قال لو بناتك (انا واختي) راهوم كرداو عليا الصابون وحنا والله ماكردينا وكلنا عليه ربي الكذاب وبابا دارها سبة لأمي وظربها وقال لها قلت لك ماتزيديش تكردي على الحانوت..هاذاك اليوم عمري ماننساه
الآن بابا راه يدي في عقابو راه مريض بصح حنا سامحناه امي تطلقت بصح دايما توصينا عليه وتوصينا باه نروحو لعندو ونعطوه دراهم كيما يحتاج وتقوللنا راهو باباكم خاصة انا يحبني بزاف ويدعيلي ويقول لي ؛تدخلي الجنة ان شااء الله
هاذي جزء صغير عن حياتي
شكرا لاهتمامكم:thumb_up02:​

 

[خفيفة الروح]

رد: حكايتي...كيف طردنا أبي من المنزل

والله قصة تبكي نشاله يارب يشافيه

 

[ام أمينة]

رد: حكايتي...كيف طردنا أبي من المنزل

المسامح كريم و هذاك باباك و بطاعتو تدخلي الجنة
ربي يشافيه و يرجعو ليكم
​

 

[iman-dz4ever]

رد: حكايتي...كيف طردنا أبي من المنزل

الله يبارك على ام عندك جوهرة ربي يخليهالك
شوفي قاع واش صرا فيها ومازالت توصيكم خيرا في باباك
ربي يكملها بعقلها و يرزقها بركم و يفرحها بيكم
و ربي يشفي و يهدي ويصلح حال ابيك

​

 

[zohor kfz]

رد: حكايتي...كيف طردنا أبي من المنزل

rabi m3aki w nchallah yabra babaki w mamaki ta3 alssa7 mra w nos makhalatkom ta7o9do 3lih

 

[فيتامين سي]

رد: حكايتي...كيف طردنا أبي من المنزل

ربي معاك اختي .....................السحر دمر حياتنا ..حسبنا الله و نعم الوكيل

 

[لؤلؤة قسنطينة]

رد: حكايتي...كيف طردنا أبي من المنزل

السلام عليكم
واسعد الله اوقاتكِ أختي، درك راكي وليتي وحدة منا ماشاء الله ^^ نسمعو لحكاياتك وتسمعي لحكاياتنا
ونعاونو بعضانا ولو بالقليل، وصراحة الشي لي يعجبني في هاد القسم هو اي هم مقلقك ارميه هنا
وعيش مرتاح، على كل حال ربي يفرج حبيبتي ، هي صح الحكاية عداو عليها بزاف سنوات بصح
تبقى في القلب وعمرها لا تغيب، واذا باباك غلط معاكم ورماكم في الشارع نتوما ماتكونوش كيفو
نتوما ديرو كيما قاتلكم يماكم روحو زوروه اتهلاو فيه واذا محتاج حاجة وفروهالو، لأنو حتى ولو كانت
فيه العيوب السبعة يبقى باباكم، حتى ولو ماتحملش مسؤوليتو كأب يبقى باباكم ومن واجبكم تحتارموه،
وهادي هي الدنيا فيها الحلو والمر، المهم انكم وليتو درك كبار وواعيين والحمد لله خرج قلبكم صافي
ومايحقدش على الغير، بالاك قساوة الايام خلاتكم تخرجو نساء فحلات
على كل حال ربي يهنيك ختي وربي يثبتك على الطريق المستقيم وشكرا لي حكيتيلنا جزء من حياتك
ربي يوفقك ان شاء الله
تحياتي
​

 

[Hakan]

رد: حكايتي...كيف طردنا أبي من المنزل

الله يكون في العون قصة في الحقيقة مؤلمة بكل تفاصيلها
ربي يؤجركم في مصيبتكم لانو الطلاق مصيبة

وفقدان الاب مصيبة مهما كان شخصيتو
المهم قال الله تعالى // وصاحبهما في الدنيا معروفا //
هذي على الابوين المشركين فما بالك على الاب نتاعك لازم تكوني معاه وما تقوليش راهو ينال العقاب نتاعو لانو اولا
قلتي كان مسحور بالتوفيق ..​

 

[jojo12]

رد: حكايتي...كيف طردنا أبي من المنزل

ربي يكون معاك بصح واش يصرا يبقى الاب نتاعك متقدريش ديري فيه الحاجةالشينة

 

[الحلم الوردي]

رد: حكايتي...كيف طردنا أبي من المنزل

اكيد اختي حكايتك مؤلمة
ربي يحفظلك يماك
اكيد مهما كان الاب تانيك عندو حقوق عليك
ربي يشافيه ويصلح حالو ان شاء الله

​

 

[ƛ ƧMƛƦƬ ƓƖƦԼ]

رد: حكايتي...كيف طردنا أبي من المنزل

ربي معاك اختي .....

 

[مريم.]

رد: حكايتي...كيف طردنا أبي من المنزل

هدا امتحاان في االدنيا والطلاق والله مشكل لكن واش نقولك ربي يجازي ميمتك وييحفظها وربي يبارك فيكم وحمد لله كي سامحتوه​

 

[أم منيــــــر]

رد: حكايتي...كيف طردنا أبي من المنزل

و الله مرات الواحد راسو يحبس و يعجز عن التفكير
المهم حبيت نعرف برك وين رحتو مين طردكم باباك
القصة نتاعك فيها الم كبير و لله الحمد انكم صفيتو خاطركم على باباكم و ما قطعتوش بيه و ربي يخليلكم هاد الام الكريمة الطيبة و يجازيها الله خير الجزاء على صبرها على لابتلاء و على وصيتها ليكم بباباكم رغم الشي لي دارو فيها
هدا بيتك و احنا اهلك فرغي همك و ريحي خاطرك ربي يحفظك

 

[Malika Tlm]

رد: حكايتي...كيف طردنا أبي من المنزل

السلام عليكم
قصتك مؤلمة بزاف اختي
شفتي الدنيا صعيبة ولي دار حاجة ماشي مليحة يدي الجزاء ديالو
ربي يخليلك ميمتك ويبارك في عمرها لانها نعم المراة الصالحة
وباباك ربي يغفروا والحمد لله لي صفيتو قلبكم وراكم تروحوا لعندو
هدوا والدين منقدروش نحاسبوهم ولا نقاطعوهم
ربي يهنيك اختي
وربي يهدينا لطريق الخير يارب
تحياتي​

 

[السلطانة]

رد: حكايتي...كيف طردنا أبي من المنزل

ربي معاكم اخيتي

قصة مؤلمة لكن قدر الله وماشاء فعل

 

[Salah eddin]

رد: حكايتي...كيف طردنا أبي من المنزل

الله يجمع بينكم
و ان شاء الله تصفى الامور بينكم

انا نظن مادام ابوك مريض و راكي قلتي بلي راه نادم

انا نظن بلي لازم ترجعو ليه و تنساو كلش
على خاطر التائب من الذنب كمن لا ذنب له
و السلام عليكم
مجرد اقتراح
تقبلو مروري

​

 

[Skor m@k]

رد: حكايتي...كيف طردنا أبي من المنزل

السلام عليكم
واقع مؤلم كي تتفكري تلك الأيام
ربي يكون فالعون ختي
إن شاء الله يهدينا ويبعدنا على المشاكل​

 

[Djaouida]

رد: حكايتي...كيف طردنا أبي من المنزل

ربي يكون معاك أختي...والله يماك نعمة نساء ربي يخليها لكم ومام عندها حق مهما يدير هو بوك ربي يشفيه ويخليه تاج فوق رسانكم ....وننصحك أختي متبعديش علي بوك بغسكو كاين لي راهم
مشتاقين باه يشوفو بوهم .... سلام

 

[دعاء الجنات]

رد: حكايتي...كيف طردنا أبي من المنزل

و الله مرات الواحد راسو يحبس و يعجز عن التفكير
المهم حبيت نعرف برك وين رحتو مين طردكم باباك
القصة نتاعك فيها الم كبير و لله الحمد انكم صفيتو خاطركم على باباكم و ما قطعتوش بيه و ربي يخليلكم هاد الام الكريمة الطيبة و يجازيها الله خير الجزاء على صبرها على لابتلاء و على وصيتها ليكم بباباكم رغم الشي لي دارو فيها
هدا بيتك و احنا اهلك فرغي همك و ريحي خاطرك ربي يحفظك

إجابة على سؤالك ام منير ؛ في هاذيك الليلة بتنا عند وحد الجيران مازلت نتفكرهوم وماننساوش خيرهم ولحق معانا جدي الله يرحمو ابو ابي كان واقف معانا ضد وليدو ؛ ومن ذاك اليوم بدات مرحلة الرحلات كل لافامي بقينا عندهوم شهرين أو ثلاثة اشهر حتى استقرينا في السكن لي رانا فيه والحمد لله
هي أيام مؤلمة لكن درك كي نتفكرها نقول الحمد لله الذي ابتلانا وصبرنا ثم جزانا الإحسان بالإحسان ...الحمد لله.

 

[MOHAMED LAMINE7]

رد: حكايتي...كيف طردنا أبي من المنزل

بالشفاء للوالد وانتم ربي يصبركم ويحفظكم وربي يخليلكم للميمة
وحذاري انكم تقطعو الوالد
واسوتنا هو رسول الله وكتاب الله ( وصاحبهما فى الدنيا معروفاً )