افاعي من النوع البشري

[فيتامين سي]

السلام عليكم و رحمة الله و بركاته
واع كرهت كرهت كرهت مام نفرغ واش كاين في قلبي بصح بزاف واش نفرغ واش نخلي
مرات نقنط مرات نبكي مرات نحب نروح لجبل عالي و نبقا نتوغ و نبكي وحدي بلاك نريح من لي راني فيه و مشكيتش
ناس غاسلة وجها ميحشمو ميخافو ربي معرفتش كفاش نتعامل معاهم
تخيلو ناس تضرك ادا مجاتك في النهار تجيك في الليل في المنام دجا تنوض قنطان باش في نهار تتفكر و تزيد تقنط
حسبيا الله و نعم الوكيل
ناس حاسبة كي تحترمها معناها خفتها لالا كنت نتجنب المشاكل على جال والديا و نعمر في قلبي بصح غلطت واش فايدة درك
حبيت نولو قبل 3 سنين برك بزاف حاجات نبدلهم نمحي بزاف عباد من حياتي و حياة خاوتي
بزاف عباد
يحسدوك على ضحكة على ابتسامة على فرح و حتى الحزن
نهار ميلقاوش واش يهدرو يبدو يهدرو على أخلاقي و حجابي ايه واش بيه و زيد و زيد و زيد
تغيض تعيش بين مصاصي دماء و تسكت ناس يقولو صغير بصح كلشي عاقلاته مليح متفكرة كلش ظلم إهانة كلش كلش
و هكدا جامي عاملناهم بالمثل احتراما لوالديا فقط اما الباقي منتشرفش بمعرفتهم ابدا ابدا
علاش جاو هكدا علاش ديفوا نقول وقيلة حيوانات يا ريت بلاك كون جا عندهم فايدة
ههههههههههههههههههههههههههههههههههههههههههه زعما يحكو بالدين و الإسلام و هما لاعلاقة مع الإسلام لا علاقة اه يا دنيا
نتفكر نهار ضحكو علينا نهار قالولنا نحشمو بيكم باسكو بابا كان يخدم خدمة شريفة نهار هانونا في دارنا و للأسف ولاو اه راهم غالطين
واحد النهار جاو ناس زعما ينصحو والديا قولو لفلانة دير هدي و هدي و انا عارفة بلي يكرهوني للأسف هما مكانش عارفين حتى فات الوقت و ضيعوني و درك حبو يضيعو ختي والله الى مليحة ....فيا بلاك تجربة بصح لي يقرب لاختي يندم
نتفكر بزاف واش دارولنا و مزال يديرو بصح انا تبدلت درك قلبي تعمر و مرضت بسبابكم بزاف درك تبدلت منتمناش نلقاكم ادا لقيتكم يا ويلكم مني خلاص تبدلت فهمتز ههههههههههه زعما نحكي معاهم اع متكبرين يحتقرو الفقير زعما هما بطاطة كبيرة منتوج روسي وقيلة :smile02::smile02: هديك لي تضحكو عليها و على خاوتها و تضلموهم تبدلو مكناش نخافو مي الاحترام برك مكناش حابين العايلة تفترق بصح نتوما حبيتو نتوما قطعتو صلة الرحم حسبيا الله و نعم الوكيل
يا ويلكم من ربي يا ويلكم
من دعوة المظلوم





اه شحال راني نهدر دوك نلقى اسمي رمادي عمو المشرف عمتو المشرفة انا عاقلة غير نحب نحكي باش مننفجرش نخلي الانفجار لوقته

 

[السلطانة]

رد: افاعي من النوع البشري

وعليكم السلام عبري كيما تحبي اختي فرغ قلبك خصص لهذا الغرض ^^
الناس هاذو في حياة كل واحد منا
واش راح نعملو العبد يتعامل معاهم بحذر وخلاص وميعمرش قلبو لأنو راح ينضر منهم وهوما ميتبدلوش

ربي يهديهم برك

 

[فيتامين سي]

رد: افاعي من النوع البشري

وعليكم السلام عبري كيما تحبي اختي فرغ قلبك خصص لهذا الغرض ^^
الناس هاذو في حياة كل واحد منا
واش راح نعملو العبد يتعامل معاهم بحذر وخلاص وميعمرش قلبو لأنو راح ينضر منهم وهوما ميتبدلوش

ربي يهديهم برك

شكرا اختي ..نحب نحكي هنا على الأقل نحس روحي ريحت من ضغط كبير بزاف
مي انا شفت من هدو العباد بزاف أصلا راهم غير منهم تقريبا ناس يبيعو الاهل علاجال دينار
صح درك لازم الحدر اه القلب تعمر و درك لازم يتصفى هدا هو الحل
امين يا رب
اسعدني ردك ..ربي يحفظكم هكدا شويا نريح كي نحكي صح قسم شباب هدا

 

[iman-dz4ever]

رد: افاعي من النوع البشري

مكش وحدة ختي في حياة كل واحد فينا افاعي بشرية
و المصيبة انهم عقارب بشرية .......قصدي اقارب
ربي خير منهم و عمرو لا يخلي المظلوم
ربي يهنيك منهم و يعميهم على طريقك انت و خاوتك
​

 

[فيتامين سي]

رد: افاعي من النوع البشري

مكش وحدة ختي في حياة كل واحد فينا افاعي بشرية
و المصيبة انهم عقارب بشرية .......قصدي اقارب
ربي خير منهم و عمرو لا يخلي المظلوم
ربي يهنيك منهم و يعميهم على طريقك انت و خاوتك
​

صح اعقارب باسكو العقرب غدار لازم يقرص بصح اكتشفت بلي هدو نوع جديد من الافاعي فيه 10 ريسان صعيب تعسي روحك منهم نوكل عليهم ربي و ادا تكتبت و تلاقيتهم منخليش في خاطري و ادا متلاقيتهمش احسن ربي يتولاهم اكيد
ربي وكيلهم

 

[Djaouida]

رد: افاعي من النوع البشري

سلام
أنا فاني راني حابة ندير كيفك نروح كاش جبل ونتوغ ونبكي ههه أختي gاع رانا هاك هدوك مين ماصبو مايدرو راهم يهدروا فينا هاك ...ألله يهديهم ويبعدهم علينا

 

[rycerz]

رد: افاعي من النوع البشري

سلام
أنا فاني راني حابة ندير كيفك نروح كاش جبل ونتوغ ونبكي ......

هاذي ساهلا يا جويد .. ديري راسك في بيدون نيلو .. و توغي و أبكي و عيطي على طولك .. و حد ما رايح يسمع .. جربي و ردّيلي لخبر

:d
​

 

[Djaouida]

رد: افاعي من النوع البشري

هاذي ساهلا يا جويد .. ديري راسك في بيدون نيلو .. و توغي و أبكي و عيطي على طولك .. و حد ما رايح يسمع .. جربي و ردّيلي لخبر

:d
​

هههههه إيه نجربها هههه:regards01::love01::smile02:

 

[ام أمينة]

رد: افاعي من النوع البشري

الواحد يمشي بحذر و يعرف وش يهدر و الباقي يخليه على رب العالمين
ماشي غير انتي يا اختي كامل الناس عندهم هاد المشكل

مشكورة على الموضوع
تحياتي
​

 

[فيتامين سي]

رد: افاعي من النوع البشري

سلام
أنا فاني راني حابة ندير كيفك نروح كاش جبل ونتوغ ونبكي ههه أختي gاع رانا هاك هدوك مين ماصبو مايدرو راهم يهدروا فينا هاك ...ألله يهديهم ويبعدهم علينا

هذي هي لقيتيها ...بروبلام كتر من هدرة يتبعوك في كلش و يضروك

هاذي ساهلا يا جويد .. ديري راسك في بيدون نيلو .. و توغي و أبكي و عيطي على طولك .. و حد ما رايح يسمع .. جربي و ردّيلي لخبر

:d
​

اكتشاف عضو ذكي في اللمة هههههه....نجربها هذي :p

هههههه إيه نجربها
هههه:regards01::love01::smile02:

نجربوها مع بعض هههه

الواحد يمشي بحذر و يعرف وش يهدر و الباقي يخليه على رب العالمين
ماشي غير انتي يا اختي كامل الناس عندهم هاد المشكل

مشكورة على الموضوع
تحياتي
​

مراهش في الحدر باسكو يشدوك من اليد لي توجع ...و ماشي في واش نحكو حتى و متحكيش اصلا شحال محكيناش بصح افاعي من بعيد يطلقوسمهم كدب خداع ظلم كلش يغرقو يديروه نساو ربي سبحانه

 

[Hakan]

رد: افاعي من النوع البشري

ياحافيظ اذا كان هذا وانت مازالك ماانفجرتيش خخخخ
واش نقول ليك اختي يابن عمي نقصي على روحك شويا من الشحن السالبة لانو مضرة بالصحة العقلية والقلبية
انت خلقتي لعبادة الله وعباد كيما هاذو يشغلوك على عبادة الله
ربي يوفقك ختي ..​

 

[زهرة اللمة]

رد: افاعي من النوع البشري

ربي يكون معاك و يفرج عليك

 

[فيتامين سي]

رد: افاعي من النوع البشري

ربي يكون معاك و يفرج عليك

امين يا رب اختي ....بارك الله فيك

ياحافيظ اذا كان هذا وانت مازالك ماانفجرتيش خخخخ
واش نقول ليك اختي يابن عمي نقصي على روحك شويا من الشحن السالبة لانو مضرة بالصحة العقلية والقلبية
انت خلقتي لعبادة الله وعباد كيما هاذو يشغلوك على عبادة الله
ربي يوفقك ختي ..​

اللهم امين
عندك الحق ...بصح تشوف ناس يدمرو حياتك حياة اهلك تشوف ناس تفرق بين الاحباب بالضحك...تشوف ناس تحب تفرق بين الام و ولدها واش يبقا
ولا عندنا خوف من ضيف ايه نخاف نشوف الاشرار كل ما نسمع الدق في الباب ندعي ربي يكون واحد غالط و ماشي هما....
تشوف ناس كما مصاصي الدماء نعطيك مثال قادرة تضيعلك سمعتك عادي مهمهاش ربي قادرة تفرق بينك بين اهلك ..و تمرضلك والديك بالضحك ...تخيل الاب يدخل مستشفى يجو يستشفاو فينا تخيل ...يديرو اي حاجة باش يشوفوك تحت اه منحكيش على الظلم و الحقرة باسكو كنا نخافو من والدبنا يزعفو مي درك عندنا الضوء الاخضر ....تخيل منحكيش على الحاجات الاكبر
بصح ربي كبير غير نحب نحكي مي نقنط صح ماشي مليح نبقا نشكي مي ديفوا تحس تسكت تنفجر و كما قلت نخلي الانفجار لوقته ...اه واش موجدة قنابل باذن الله مع المساعدين كما يقولك مدام هكدا خاربينها خاربينها باش نصفو القلوب هههههههه و نريح من عذا الهم
استغفر الله و اتوب اليه
حسبيا الله و نعم الوكيل

 

[rycerz]

رد: افاعي من النوع البشري

و الله أحببت أن أذكّر نفسي و أذكركم بهذه المواعظ و هي دواء لهذا الداء :


من أقوال الإمام إبن القيّم رحمه الله : لن يقاسمك الوجع صديق ، ولن يتحمل عنك اﻷلم حبيب ، ولن يسهر بدﻻ منك قريب ، اعتن بنفسك ، واحمها ، ودللها وﻻتعطي اﻷحداث فوق ما تستحق . تأكد حين تنكسر لن يرممك سوى نفسك ، وحين تنهزم لن ينصرك سوى إرادتك ، فقدرتك على الوقوف مرة أخرى لا يملكها سواك ، لا تبحث عن قيمتك في أعين الناس .. ابحث عنها في ضميرك فإذا ارتاح الضمير ارتفع المقام .. وإذا عرفت نفسك فلا يضرك ما قيل فيك !. لا تحمل هم الدنيا فإنها لله ، ولا تحمل همَّ الرزق فإنه من الله ، ولا تحمل هم المستقبل فإنه بيد الله .
فقط احمل همًا واحدًا كيف ترضي الله .. لأنك لو أرضيت الله رضي عنك وأرضاك وكفاك وأغناك .
ﻻ‌ ﺗﻴﺄﺱ ﻣﻦ ﺣﻴﺎﺓ ﺃﺑﻜﺖ ﻗﻠﺒﻚ .. ﻭﻗﻞ ﻳﺎ ﺍﻟﻠﻪ ﻋﻮﺿﻨﻲ ﺧﻴﺮًﺍ ﻓﻲ ﺍﻟﺪﻧﻴﺎ ﻭﺍلآ‌ﺧﺮﺓ .. ﻓﺎﻟﺤﺰﻥ ﻳﺮﺣﻞ ﺑﺴﺠﺪﺓ .. ﻭﺍﻟﻔﺮﺡ ﻳﺄﺗﻲ ﺑﺪﻋﻮﺓ .. لن ينسَ الله خيراً قدمته ، وهمًا فرّجته ، وعينًا كادت أن تبكي فأسعدتها !
عش حياتك على مبدأ :
كن مُحسنًا حتى وإن لم تلق إحسانًا ، ليس لأجلهم بل لأن الله يحب المُحسن .. ارخي يدك بالصدقة تُرخى حبال المصائب من على عاتقك ..
واعلم أن حاجتك إلى الصدقة أشد من حاجة من تتصدق عليه (أي حاجتك لفعل الخير و للحسنات) ...

 

[rycerz]

رد: افاعي من النوع البشري

و لكن أعود و أقول بكل صراحة أنني أنا شخصيا لمّا فاض الكأس تحوّلت إلى شخص آخر .. حتى أنني شاجرت و قمت بطرد البعض من العائلة ، لأنهم لا يحترمون و ليس لهم هم إلا أن يعرفوا جديدك و أن ينقلوا أخبارك و أن يشعلوا نار الفتن ، إلى جانب أنهم غير مأموني الجانب حيث أن فيهم من يستعمل السحر بغيا منهم و حسدا ... و في عموم المجتمع فهو لا يخلو من أشخاص كالشياطين فهم لا يتوانون عن دفنك و أنت حي إن وجدوا لذلك سبيلا .. و ليس أهلك للفرد مثل كثرة المخالطة .. و الواقع أن في بعض الأحيان تظطر لإستعمال العنف مع بعض البهائم البشرية التي لا تعرف حدودا و لا توقفا.
​

 

[youcef.as.dz]

رد: افاعي من النوع البشري

ربي يفرج عليك خيتي