ام سراج وملاك
:: عضو مُشارك ::
- إنضم
- 26 ديسمبر 2012
- المشاركات
- 243
- نقاط التفاعل
- 542
- النقاط
- 21
اهلا بيكم جميعا دائما نفس ملاحظاتي الصور فيها اسم اولادي
يسعدني ان اقدم لكم وصفة جديدة وهيا قاطو المندرين اتمنى ان تنال اعجابكم منطولش عليكم ونخليكم مع المقادير
هذا القاطو يطيب على مرحلتين
المرحلة الاولة المقادير مع طريقة التحضير
250غ زبدة اي نوع+ 4 حبات بيض + نصف كاس نشاء + منكه غذائي اللوز لحلو ملعقة صغيرة arôme alimentaire + باكي خميرة نتاع القاطو + فرينة نلمو بيها لعجين العجين تكون طرية نقرصو لعجين في صينية فرن ونحطوها تطيب كي تطيب نخليوها تبرد ونسكرفجوها في سكرفاج او في ربو نرحيوها نخليكم مع الصور
هنا قرصتها في صينية
هنا العجين سكرفجتها بعد ماطابت
نجيو للمرحلة الثانية تحضير قاطو المندرين
اول حاجة نكيلو العجين بباط مارغرين فارغ زوج كيلات عجين مسكرفجة بكيلة سكر ارطب و كاس كاوكاو مرحي او لوز مرحي ونزيدو مغرف صغيرة منكه غذائي لوز حلو arôme alimentaire وماء الزهر مخلط فيه ملون غذائي لون برتقالي وزبدة ذائبة وباردة 250 غ
نخلط العجين والسكر والكاوكاو المرحي او لوز مرحي مع الزبدة ذائبة ونلمو بالماء الزهر مخلط مع ملون الغذائي ونخلي لعجين تريح شوي مبعد نشد نشكل دوائر ونمررها في سكر الاحرش ونشد الموس وندير براج حبات المندرين ونحط حبة سمسم من فوق والصور توضح اكثر
هنا نشكل دائرة ونمررها في سكر عادي
هنا نشكل بالموس مقدرتش نوريلكم كيفاه خطراه نصوروحدي وفي نفس الوقت نوريلكم
وهنا راهي وجدت المندرين
جربوه اكيد يعجبكم ذوقو رائع
ملاحظة بالنسبة للعجين اذا جاتكم كمية كبيرة ابقاو كيلو دايما زوج كيلات بكيلة سكر ارطب وكاس كاوكاو مرحي اولوز مرحي يعني ضاعفو الكمية
تحياتي للجميع
ام سراج وملاك
آخر تعديل:
