ام سراج وملاك
:: عضو مُشارك ::
- إنضم
- 26 ديسمبر 2012
- المشاركات
- 243
- نقاط التفاعل
- 542
- النقاط
- 21
اليوم حبيت نوريلكم طريقة جديدة في الارز صراحة ذوقو رائع وجميع لي ذاقوه عندي طلبو وصفة نتاعو وحبوه نخليكم مع المقادير وطريقة التحضير
لحم او دجاج حسب افراد العائلة او الاثنين معا + حبة بصل + 4 سنات ثوم + نصف حبة طماطم حب + مغرف كبيرة طماطم الباط + نصف مغرف راس الحانوت + نصف مغرف كبيرة فلفل احمر حلو او حار حسب الرغبة + شوية ملح وشوي زيت هاذي بالنسبة للمرق تقليهم على نارهادئة وتمرقيهم كي يطيب اللحم او دجاج لوحي ورقات رند وراس حار وكي تخثار لصوص طفي عليها
بالنسبة لللارز انا استعملت الارز لمفور لي في صورة غليتو عاذي في الماء وشوي ملح وكي طاب صفيتو وزدتلو شوي زبدة
الحشو لي يجي في الوسط درت بطاطا مقلية دوائر وزيتون مقطع دوائر وحبات بيض مشرشم مقطعين دوائر وفرماج حب مقطع مكعبات اذا استعملتي في المرق لحم ودجاج الدجاج فتيه بيدك وحطيه مع الحشو
طريقة التحضير
بالنسبة للمرق واضح تكوني وجدتيه والحشو ثاني باين واش يجي فيه في صينية فرن حطي ارز طايب طبقة اولى وزيدي حطي فوقو بطاطا مقلية دوائر وفوقها زيتون مقطع دوائر وفوقها بيض مشرشم مقطع دوائر كمية البيض نتم واش حبيتو وفرماج ودجاج مفتت اذا طيبتيه مع لحم ومبعد تجي طبقة ارز هيا الاخيرة ومن فوق صبي لصوص المرق الاحمر الخاثرة ومن فوق حطي طراف اللحم وحطيهم في الفرن حتان ينشف الارز من لصوص ومن فوق زيني حسب الرغبة فرماج رابي اوبيض مشرشم مسكرفج
ملاحظة : اذا استعملتو الدجاج وحدو وكانت كمية قليلة تقدرو تفتوه وتحطوه داخل الحشو في الوسط ومن فوق زينو بالفرماج رابي او بيض مشرشم مسكرفج او تقدرو تستعملو غير اللحم وحدو من فوق او تفتوه وتحطوه في الوسط
نخليكم مع الصور
هنا صورة المرق هنا درت كمية كبيرة بعثت منها ذواقة عليها المرق كاين بزاف لازم يكون خاثر
الحشو مدرتش الدجاج مفتت خطراه انا في الوصفة هاذي استعملتها خاطي باللحم مزدتش الدجاج معاه بالنسبة لللارز استعملتالارز لي في صورة
هذا الارز في الصينية طبقة اولى
هنا حطيت الحشو فوق الارز وزدت غطيتو بالارز
هنا حطيت لاصوص ولحم من فوق ودخلتهم الى الفرن
وهنا كي طابو وحطيتهم في طبق التقديم
نتمنى انكم تجربوه لانو فعلا رائع ويستحق التجربة اي سؤال انا في الخدمة
تحياتي للجميع ام سراج وملاك
آخر تعديل بواسطة المشرف:
